އޮސްޓްރޭލިއާ ސަރުކާރުން ރާއްޖެ އަށް ދެމުން އަންނަ ސްކޮލަޝިޕްގެ ތެރެއިން މިއަހަރު އެ ފުރުސަތު ލިބުނު ދަރިވަރުންނާއެކު އެޑިއުކޭޝަން މިނިސްޓަރު ޑރ. އާއިޝަތު ޝިހާމް އަދި އޮސްޓްރޭލިއާއިން ރާއްޖެ ކަނޑައަޅުއްވާފައި ހުންނަވާ ސަފީރު ހުޗެސަން ފޮޓޯއަކަށް ހުއްޓިލައިގެން.-- ފޮޓޯ: ނިޝާން އަލީީ/ މިހާރު
24 ނޮވެމްބަރ 2016 - 12:02
3 comments
އޮސްޓްރޭލިއާ ސަރުކާރުން ރާއްޖެ އަށް މި އަހަރު ދިން ސްކޮލަޝިޕަށް ހޮވުނު 16 ދަރިވަރުންނަށް އެކަމުގެ ލިޔުން ހަވާލުކޮށްފި އެވެ.
މި އަހަރުގެ ސްކޮލަޝިޕަށް ހޮވުނު ދަރިވަރުންނަށް އެކަމުގެ ލިޔުން ހަވާލުކުރުމަށް ހޮޓެލް ޖެންގައި ރޭ ބޭއްވި ރަސްމިއްޔާތުގައި، އެ ލިޔުން ދަރިވަރުންނާ ހަވާލު ކޮށްދެއްވީ އޮސްޓްރޭލިއާ އިން ރާއްޖެ ކަނޑައަޅުއްވާފައި ހުންނަވާ ސަފީރު ބްރައިސް ހުޗެސަން އާއި ރާއްޖޭގެ އެޑިއުކޭޝަން މިނިސްޓަރު ޑރ. އާއިޝަތު ޝިހާމެވެ.
އޮސްޓްރޭލިއާ ސަރުކާރުން މި އަހަރު ރާއްޖެ އަށް ދިން ސްކޮލަޝިޕްތަކުގެ ތެރެއިން އެ ފުރުސަތަށް ހޮވުނު ދަރިވަރަކަށް ލިޔުން ހަވާލުކޮށްދެއްވަނީ.-- ފޮޓޯ: ނިޝާން އަލީ/ މިހާރު
މި ރަސްމިއްޔާތުގައި ވާހަކަދައްކަވަމުން ބްރައިސް ވިދާޅުވީ މިފަދަ ސްކޮލަޝިޕްތައް ދިނުުމުގެ މަގުސަދަކީ މުސްގަތުބަލުގެ ލީޑަރުން ތަމްރީނު ކުރުން ކަމަށެވެ. އެގޮތުން މިހާރު ވެސް އޮސްޓްރޭލިއާގައި 200 އަށް ވުރެ ގިނަ ދިވެހި ދަރިވަރުން ތައުލީމް ހާސިލް ކުރަމުން އަންނަކަން އޭނާ ފާހަގަ ކުރެއްވި އެވެ.
އޮސްޓްރޭލިއާ އިން ސްކޮލަޝިޕް ދިނުމުގައި އިސްކަންދެނީ މައިގަނޑު ހަތަރު ދާއިރާއަކަށް ކަމަށް އޭނާ ވިދާޅުވި އެވެ. އެއީ އިގުތިސާދާއި ތިމާވެއްޓާއި ތައުލީމް އަދި ގުޑް ގަވަނެންސްގެ ދާއިރާ އެވެ. މިއީ މާސްޓާސް ފެންވަރަށް ކިޔެވުމަށް ދިން ސްކޮލަޝިޕްތަކެކެވެ.
އޮސްޓްރޭލިއާ ސަރުކާރުން މިއަހަރު ރާއްޖެއަށް ދިން ސްކޮލަޝިޕްތަކުގެ ތެރެއިން އެ ފުރުސަތަށް ހޮވުނު ދަރިވަރަކަށް ލިޔުން ހަވާލުކޮށްދެއްވަނީ.-- ފޮޓޯ: ނިޝާން އަލީ/ މިހާރު
މި ރަސްމިއްޔާތުގައި ވާހަކަދައްކަވަމުން އެޑިއުކޭޝަން މިނިސްޓަރު ޑރ. އާއިޝަތު ޝިހާމް ވިދާޅުވީ ރާއްޖެ އާއި އޮސްޓްރޭލިއާ ސަރުކާރާ ގުޅުން ވަރަށް ރަނގަޅު ކަމަށެވެ. އެ ގައުމުން އަބަދު ވެސް ރާއްޖެ އަށް އެހީތެރިކަން ދެމުން އަންނަ ކަމަށާއި ހާއްސަކޮށް ތައުލީމީ ދާއިރާ ހަރުދަނާ ކުރަން އެހީތެރިކަން ފޯރުކޮށްދެމުން އަންނަކަން މިނިސްޓަރު ފާހަގަ ކުރެއްވި އެވެ.
މިނިސްޓަރު ވަނީ އޮސްޓްރޭލިއާ ސަރުކާރުގެ ސްކޮލަޝިޕްގެ ދަށުން ތައުލީމް ހާސިލްކުރި މީހުންނަކީ ސަރުކާރާއި އަމިއްލަ ކުންފުނިތަކުގެ އިސް މަގާމުތަކުގައި މިހާރު ތިބި މީހުންކަން ވެސް ފާހަގަ ކުރައްވައިފަ އެވެ.
އޮސްޓްރޭލިއާ އިން މިދިޔަ އަހަރު ދީފައިވަނީ 10 ސްކޮލަޝިޕެވެ. މި އަހަރު އެ އަދަދު 16 އަށް އިތުރު ކޮށްފައިވާ އިރު އެ ފުރުސަތަށް 100 އަށް ވުރެ ގިނަ ދަރިވަރުން ކުރިމަތިލި ކަމަށް އޮސްޓްރޭލިއާ އެމްބަސީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންބެ
24 November 2016
ސައުދީ އިން ލިބޭ. ވެދުން
ރަދީފް
24 November 2016
މަރުހަބާ ހުރިހާ ބޭފުޅުން.ކިޔަވައިގެން ގައުމަށް ހިދްމަތްކުރުމުގަ ދެމިތިބޭނެކަމަށް އުއްމީދުކުރަން.އަބަދުވެސް ކާމިޔާބީއަށް އެދެން.ދެން ސަރުކާރަށް ބުނެލަންއޮތީ މިބާވަތުގެ ސްކޮލަޝިޕްކޮޅެއް ޗައިނާ އަދި ސައުދީން ލިބޭނެތޯ. ވ.ވެދުން
މާސިން
24 November 2016
ހުރިހާ ކުދިންނަށް މަރުހަބާ! އިސްލާމްދީނަށް އަބަދުވެސް ހުރުމަތްތެރިކޮށްހިތާ އަދި އިސްލާމީ އުސޫލުތައް ގެއްލުވައިނުލާތި. އެއީ، ކިޔެވުމަށް ބާރުލިބޭ ކަމެއް.