ކުޑަ ކުއްޖާ މަރާލާފައި އޮއްވައި ފެނުނު ސަރަހައްދުގައި ފުލުހުން ހަރަކާތްތެރިވަނީ.-- ފޮޓޯ: އަހުމަދު އަވްޝަން/މިހާރު
04 ޖުލައި 2021 - 21:22
5 comments
ރަހީނުކޮށް މަރާލުމަށް ފަހު ހުޅުމާލޭ މޫދަށް އެއްލާލާފައި އޮއްވައި ފެނުނު 13 އަހަރުގެ ފިރިހެން ކުއްޖާގެ ހަށިގަނޑު ޕޯސްޓްމޯޓަމް ހެދުމަށް މާދަމާ އިންޑިއާ އަށް ފޮނުވަން ނިންމައިފި އެވެ.
ފުލުހުންގެ މީޑިއާ އޮފިޝަލަކު މިރޭ ވިދާޅުވީ ޕޯސްޓްމޯޓަމް ހަދަން އެ ކުއްޖާގެ ހަށިގަނޑު މާދަމާ އިންޑިއާ އަށް ފޮނުވަން ހަމަޖައްސާފައިވާ ކަމަށެވެ. ނަމަވެސް އޭގެ އިތުރު ތަފްސީލެއް އަދި ނުލިބެ އެވެ.
މިދިޔަ މަހުގެ 22 ވަނަ ދުވަހުގެ ރޭ ދަންވަރު ހުޅުމާލެ ދެ ވަނަ ފިޔަވަހީގެ މޫދުން ފެނުނު އެ ކުއްޖާގެ ހަށިގަނޑު ޕޯސްޓްމޯޓަމް ހެދުމަށް ބޭރަށް ފޮނުވުމަށް މިދިޔަ ހަފުތާގައި ވެސް ފުލުހުން އުޅުނެވެ. އެކަމަކު ބައެއް ކަންކަން ފުރިހަމަ ކުރުމަށް ވަގުތު ބޭނުންވާތީ އެ މަސައްކަތް ލަސްވެގެން ދިޔައީ އެވެ.
ކުއްޖާ މަރުވި ސަބަބު ދެނެގަތުމަށް ޕޯސްޓްމޯޓަމް ހަދަނީ އެ ކުއްޖާގެ އާއިލާގެ ވެސް ރުހުމާ އެކު އެވެ. އެކަމަކު ޖިނާއީ އިޖުރާއަތުގެ ގާނޫނަށް މި ފަހުން ގެނައި އިސްލާހުގައިވާ ގޮތުން އާއިލާގެ ރުހުމާ ނުލައި ވެސް ޕޯސްޓްމޯޓަމް ހެދުމުގެ ބާރު ފުލުހުންނަށް ލިބެ އެވެ.
ފޮއްޓަކަށް ލައި، މޫދަށް އެއްލާލާފައި އޮއްވައި، ފުލުހުން އެ ކުއްޖާގެ ހަށިގަނޑު ހޯދީ އޭނާ ރަހީނުކުރި ކަމުގެ ރިޕޯޓް އާއިލާ އިން ކުރުމުން ފުލުހުން އެ މައްސަލަ ބެލުމުގެ ތެރެއިންނެވެ. ކުއްޖާ މަރާލި މައްސަލައިގައި މިހާތަނަށް ދެ މީހަކު ހައްޔަރުކޮށްފައިވެ އެވެ. އެއީ އިބްރާހިމް ޒިހާން، 27 އާއި 17 އަހަރުގެ ފިރިހެން ކުއްޖެކެވެ.
އެނގިފައިވާ ގޮތުގައި އެ ކުއްޖާ މަރައިލީ އޭނާ އަށް ޖިންސީ ގޯނާކުރި ކަމުގެ މައުލޫމާތު، އެހެން ބައެއްގެ ގާތުގައި ދެއްކުމުން، އެކަމާ ރުޅި އައިސްގެން ކުއްޖާ ރަހީނުކޮށްގެން އުޅުމަށް ފަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހީހީހީ
05 July 2021
ބަހަނާ! ހައްތަހާވެސް ބަހަނާ! ކޮންމެކަމެއް އިބިލީހު ކައިވެންޏަށް!
ސަރަނގު
05 July 2021
އީވާ ގެ ހިންގުންތެރިކަން ނިކަންދައްކާބަލަ.ބޭބެގެ ސަރީއަތް ހިންގާގޮތާށް އެހެންމީހުންގެ ސަރީއަތްވެސް ހިންގާބަލަ. ދައުލަތުން ލައްކައިން މުސާރަ ނަގައިގެން ގެން ތިހިރީ.
ހަނޑުލުގުޅަ
05 July 2021
އީވާ އަކީ ދެފައި ޖެހި ފުލުހުންގެ މުއައްސަސާއެއްވިޔަ އުތަ؟
މުފުތީއަލީ
05 July 2021
އޮޓޮޕްސީހެދޭނެގޮތް ހަމަޖެއްސުން، ކަނޑުފަޅަށްދަންދެން ވަށައިގެން ސީސީ ހަރުކުރުން، ޒަމާނީފޮރެންސިކް ލެބްތައް ހެދުން، ތަހުގީގުތަކަށް އެފްބީއައި.ސީއައިޑީ، ސްކޮޓިޝްޕޮލިސް މުމްބާއީ ޕޮލިސް މާހިރުން ގެނައުން، ރަސްމީމަރުކަޒުތަކާ ގޭގޭގައި ދަނގަނޑުދޮރާށިލައި ބޮޑުތަޅުލުން، ކުދިދަރިން ބޭރަށް ނުކުންނައިރު ކޮންމެވެސްކަހަލަ ޓްރެކިން ޑިވައިސެއް ހަރުކުރުން........ ކުށުގެވެށި އޮތްގޮތުން ހަމައަކަށް އެޅުވިދާނެ ހެއްޔެވެ؟ އެހެން ކޮންމެވެސް ކަމެއްކުރަން މަޖުބޫރެވެ.
ނޯ ޖަސްޓިސް ފޯ ޕުއަރ..
04 July 2021
ގާތިލުން މެރިކަމަށް ހުކުމް ކޮށް މަރުގެ އަދަބު ދޭނެ ކަމަށް. ތަހުގީގު ނިމިފަ އޮންނަންޖެހެނީ. ޢެހެރީ ސީސީޓީވީ ފުޓޭޖް، ހެކި، ހެކިވެރިން....ހުކުމް އަވަސްކޮއްދީ މުސްލިމް ދިވެހި ދަރިން އިބްރަތަކަށާ އެފަގީރު އާއިލާގެ ހިތް ހަމަޖެހުމަށް. މަރުގެ އަދަބު 5ގާތިލުންނަށްދީ.ވެރިއެއް މަރާލީމަތަ ރާއްޖޭގަ ގާތިލުންނަށް މަރުގެ އަދަބު ދޭނޫ 24ގަޑީގަ މޖުލިސް ހުޅުވައިގެނތިބެ ބިލް ފާސްކޮއްގެން..މިހާރުނޫހުން ކޮމެންޓް ޖަހއިދޭނެބާ؟ https://www.dawn.com/news/1439587