މާލެ ސަރަހައްދުން ކޮވިޑަށް ޕޮޒިޓިވްވީ އެންމެ 15 މީހުން، އެކްޓިވް ކޭސްތައް 3،200 އިން ދަށަށް

ސާމްޕަލް ނެގުމަށް ޕީޕީއީ ލައިގެން މާލޭގެ މަގުމަތީގައި ހަރަކާތްތެރިވަނީ.-- ފޮޓޯ: އަހުމަދު އަވްޝަން/މިހާރު

މާއިދާ މުހައްމަދު ރަޝާދު، މިހާރު

05 ޖުލައި 2021 - 22:47

ފާއިތުވި 24 ގަޑިއިރު ނެގި 4،913 ކޮވިޑް ސަމްޕަލުގެ ތެރެއިން މާލޭ ސަރަހައްދުން އެ ބައްޔަށް ޕޮޒިޓިވްވީ އެންމެ 15 މީހަކު ކަމަށް އެޗްޕީއޭގެ މިރޭގެ ތަފާސްހިސާބުތަކުން ދައްކައިފި އެވެ.

އެ އިދާރާ އިން އާންމުކުރި މައުލޫމާތުތަކުގައިވާ ގޮތުން މާލެ އާއި ވިލިމާލެ އާއި ހުޅުމާލެ އިން ކޮވިޑަށް ޕޮޒިޓިވްވި 15 މީހުންނާ އެކު، އިއްޔެ ހަވީރު 6 އިން މިއަދުގެ ހަވީރު 6 އަށް މުޅި ރާއްޖެ އިން ޖުމުލަ 129 މީހަކު އެ ބައްޔަށް ޕޮޒިޓިވްވި އެވެ. އެއީ ރަށްރަށުން 111 މީހުންނާއި ރިސޯޓުތަކުން ދޭއް އަދި ސަފާރީއަކުން އެކެކެވެ.

މިއާ އެކު ރާއްޖެ އިން ކޮވިޑަށް ޕޮޒިޓިވްވި މީހުންގެ ޖުމުލަ އަދަދު 74،480 އަށް އެރީ އެވެ.

ކޮވިޑް ޖެހުނު މީހުންގެ ތެރެއިން 71،029 މީހަކު އެ ބަލިން ރަނގަޅުވެފައިވާތީ އެކްޓިވް ކޭސްތަކުގެ އަދަދު ވެސް 3،226 އަށް މިހާރު ވަނީ ދަށަށް ގޮސްފަ އެވެ.

ހޮސްޕިޓަލުގައި ފަރުވާދެމުންދާ މީހުންގެ އަދަދު ވެސް ވަނީ ވަރަށް ބޮޑަށް ދަށަށް ގޮސްފަ އެވެ. މިހާރު ކޮވިޑް ޖެހިގެން ރާއްޖޭގެ އެކި ފެސިލިޓީތައް ހިމެނޭ ގޮތަށް ހޮސްޕިޓަލުގައި ފަރުވާދެނީ އެންމެ 25 މީހަކަށެވެ. އެ ބަލީގައި 213 މީހަކު މިހާތަނަށް މަރުވެފައިވެ އެވެ.

ހެލްތު ޕްރޮޓެކްޝަން އެޖެންސީ ސިއްހަތު ބަލިތައް މާލެ

5 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފައިމަގު

06 July 2021

މާބޮޑަށް ދޫދީފިނަމަ އިހުނަށްވުރެ ގޯސްވެދާނެ. ބޭރުމީހުންތައް "މަގުހުރަސް ކުރަން" އެތިބެނީ މިހާރު މަޖީދީމަގުގައި އެތުރިލައިގެން. ގައިދުރުކުރުމެއް، ރަނގަޅަށް މާސްކު އެޅުމެއް ނޯވޭ. ނުވިތާކަށް ހިނގާބިނގާވެ އުޅޭ މީހުންނަށް ބެލުމެއްވެސް ނޯވޭ. ސާމްޕަލް ނަގާބަޔަކު ފެނިއްޖެނަމަ ޖެހިގެން އޮންނަ ގޯޅިތަކައް ވަންނަނީ. މިގޮތަށް ކަންތައް ވާން ދޫނުކޮށްލައި ކަމާއިބެހޭ އިދާރާތަކުން މިކަމަށް ހައްލެއް ގެންނަން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

06 July 2021

ދެން އަނެއްކާ ދޫކޮށްލާ އޭރުން އަނެއްކާ އިތުރުވެގެން ގޮސް ނުހިފެހެއްޓޭވަރުވާނެ. މޫ މިނެއްގެ ގަޔަށް އެއް ހޮރަކުން ދެފަހަރު ކަށި ނަހަރާނެ ކަ މަށްވަނީ. އެހެންވީ މާ ހޮރު ނައްތާ ނުލެވޭހާ ހިނދަކު އެޔާ މެދު ވިސްނައިގެން އުޅުން ބުއްދިވެރި.