ރާއްޖޭގައި ކޮވިޑް ވެކްސިން ޖަހަނީ. ރާއްޖެއިން ކޮވިޑް ވެކްސިނަށް 69 މިލިއަން ރުފިޔާ ހަރަދުކުރަން ވަނީ އެއްބަސްވެފައި--ފޮޓޯ:މިހާރު
08 ޖުލައި 2021 - 11:13
16 comments
ކޮވިޑް ވެކްސިންގެ ނުވަ ލައްކަ ޑޯޒަށް ދައުލަތުން 69 މިިލިއަން ރުފިޔާ (4.5 މިލިއަން ޑޮލަރު) ހަރަދުވާނެ ކަމަށް ފިނޭންސް މިނިސްޓަރު އިބްރާހިމް އަމީރު އިއްޔެ ވިދާޅުވެއްޖެ އެވެ.
"މިހާރު" އަށް ދެއްވި އިންޓަވިއުއެއްގައި އޭނާ ވިދާޅުވީ، ކޮވިޑް ވެކްސިންގެ ނުވަ ލައްކަ ޑޯޒް ހޯދަން ބޭރުގެ އެކި ފަރާތްތަކާއެކު ސޮއިކުރި ނަމަވެސް ހިލޭ އެހީގެ ގޮތުގައި ވެސް ވެކްސިން ލިބިފައިވާ ކަމަށެވެ.
ސަރުކާރުން ހޯދަން އެއްބަސްވެފައިވާ އަދަދުގެ ތެރެއިން މިހާތަނަށް 40 މިލިއަން ރުފިޔާ (2.6 މިލިއަން ޑޮލަރު) ދައުލަތުން ވެކްސިނަށް ހޭދަކޮށްފައިވެ އެވެ.
"އަޅުގަނޑުމެންގެ ކޮންޓްރެކްޓް ވެލިއު އަކީ ގާތްގަނޑަކަށް 4.5 މިލިއަން ޑޮލަރު،" މިނިސްޓަރު ވިދާޅުވި އެވެ.
މާލީ ވަޒީރު އަމީރު "މިހާރު" އާ އިއްޔެ ވާހަކަ ދައްކަވަނީ.---ފޮޓޯ: އަހުމަދު އަވްޝަން/ މިހާރު
ކޮވިޑް ވެކްސިން ހޯދަން ރާއްޖެ އިން އެންމެ ފުރަތަމަ ސޮއިކުރީ ސިންގަޕޫރުގެ އެސްޓްރަޒެނެކާ ކުންފުންޏާ އެކުގަ އެވެ. މި އަހަރުގެ ކުރީކޮޅު ހެދި އެއްބަސްވުމުގެ ދަށުން ހަތް ލައްކަ ޑޯޒް ގަންނާނެ އެވެ. އެ ވެކްސިންގެ ތެރެއިން ފަސް ލައްކަ ޑޯޒް މި މަހު ލިބޭނެ ކަމަށް ސަރުކާރުން ބުނެފައިވެ އެވެ.
މީގެ އިތުރުން "ފައިޒާ" އާއި ޗައިނާގެ "ސިނޮފޯމް" ވެކްސިން ވެސް ރާއްޖޭގައި ބޭނުން ކުރި އެވެ. އަދި ރަޝިއާގެ "ސްޕަޓްނިކް ވީ" ވެކްސިން ވެސް ރާއްޖެއަށް ގެންނާނެ ކަމަށް ހެލްތް މިނިސްޓްރީން ބުންޏެވެ.
ރާއްޖޭގައި ވެކްސިންގެ ދެ ޑޯޒް ފުރިހަމަ ކޮށްފައިވާ ދެ ލައްކަ މީހުން ތިބި އިރު ވެކްސިންގެ ފުރަތަމަ ޑޯޒް ފުރިހަމަކުރީ ތިން ލައްކަ މީހުންނެވެ. ރާއްޖޭގައި ވެކްސިން ޖަހަން ޖެހޭ އާބާދީގެ 44 ޕަސެންޓް މީހުން ދެ ޑޯޒް ފުރިހަމަކޮށްފައިވެ އެވެ.
ރާއްޖޭގައި އެންމެ ގިނަ ބަޔަކު ޖަހާފައިވަނީ ކޮވިޝީލްޑް ވެކްސިން އެވެ. މިދިޔަ މެއި މަހު ކޮވިޝީލްޑް ވެކްސިން ހުސްވުމުން އެ ވެކްސިން ޖެހުން ހުއްޓައިލުމަށް ފަހު، އަނެއްކާ ވެސް ވަނީ ވެކްސިން ޖަހަަން ފަށައިފަ އެވެ. އަލުން ވެކްސިން ޖަހަން ފެށީ އަމިއްލަ ފަރާތަކުން ހަދިޔާކުރި 60،000 ޑޯޒް ލިބުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުވަސް
09 July 2021
އޮޅުވާލުމެއް މިހާތަނަށް ރާއްޖެ އެތެ ރެ ކުރި ވެކްސިންތަކަކީ ހިލޭ އެހީގެ ގޮތުގަ ލިބިފަހުރި ވެކްސިން. ރައްޔިތުންގެ ފައިސާއިން ގަނެގެން ގެންނަ ވެކްސިނުން ނުޖެހޭނެ ބަންގާޅު މީހުން ގަޔަށް ޖަހާކަށް ބަންގާޅުން ވެސް ބަންގާޅު މީހުންނަށް ވެކްސިން ފޮނުވަދޭންވީނު.
ކިނބޫ
08 July 2021
ކަލޯ ކާލާފި. އެމްއެމްޕީ އާރުޗީ ނުވޭ އެކައްޗަކަށްވެސް
ކޮރަލް
08 July 2021
ދިވެހީންނަށް ވުރެ ރާއްޖޭގަ ގަވާއިދާ ހިލާފައް އުޅޭ މީހުންގެ ހައްގު ތައް ގިނަ އެވެ. އެންމެނައް ވެސް އެނގެ އެވެ. އެކަމު އެކަކުވެސް އަޅާ ނުލަ އެވެ.
ގުޑުގުޑާ
08 July 2021
މިޔައްކިޔާނީ ރައްޔެތުއްފައިސާފޭރިގަތުއް
ނުވަންނަ
08 July 2021
ތިޔަ ޖަހާ ނަންބަރުތައް ގާބޫލެއް ނުކުރަން!
ޒިންދަގީ
08 July 2021
މިރާއްޖޭގަ މިހާތަނަކަށް އެއްވެސް އަގެއްދީގެން ގަނެފަހުރި ވެކްސިނެއް ޖެހިކަމެއް އެނގިފައެއްނެތް.. ފައިސާތަކެއް ޚަރަދުކޮއްފި ވެކްސިންށޭ ވެންޓިލޭޓަރަށޭކިޔައިގެން.. އެކައްޗެއްވެސް ނުލިބޭ.
މަ ސާހިބު
08 July 2021
ޤައުމުތަކުން ހިލޭ ވެކްސިން ލިބުނު އިރު ތިހާ ބޮޑު އަދަދެއް ޚަރަދުވީ ކޮން ގޮތަކަށް؟
1828
08 July 2021
1 ބިލިއަން ޑޮލަރު ޚަރަދުކޮށްގެންވެސް ތިގެނެސް ބަލަ. އޯކޭއޭ އަމިއްލަ އެކައުންޓަށް ބައެއް އަޅާފައި ނަމަވެސް. ނުގެނެވިގެން ތިއުޅެނީ ކިހިނެއްވެގެން ތަ؟ އަބަދުވެސް ކޮންޓެރެކް ހަދަނީ ވެކްސިންގެންނަން. ގެނެވޭތަނެއް ނާދޭ. އަމިއްލަ ފަރާތަކަށް ވެކްސިން ލިބޭއިރު، މިި ނިކަމެތި ސަރުކާރުން މިއުޅެނީ ވެކްސިން ގަންނަންވެސް ނުލިބިގެން. މިވަރުގެ މިކަމެތި ސަރުކާރެއް އަދި ނުދެކެން؛
ބުރުގާ
08 July 2021
ތީ އެމްޑީޕީ ސަރުކާރުން އިންޑިޔާއައް ތަބަކަކައް ލާފަދޭ ހަދިޔާއެއް. "ކޮވިޑް ޝީލްޑް" އޭކިޔާ ބާރުދެރަ އިނޑިޔާގެ ވެކްސިނުން ލިބުނު މަންފާއެއް. ދިވެހި ރާއްޖެއަކީ ފާއިޒާ ނޫނީ އަސްޓްރާ ޒެނެކާ ވެކްސިން ނުގަނެވޭހާ ބިކާރީ ގައުމެއް ނޫން.
ބައިރޯ
08 July 2021
ތިހާވަރަށް ޙަރަދު ބޮޑުވަނީ ވިސާ ނުދައްކާ މިތާތިބި ބޭރު ބަޔަކަށް ތިޑޯޒް ދޭތީ ނޫން