ސެކިއުރިޓީ ދިނުމާއި ޖާސޫސީ މައުލޫމާތު އެއްކުރުމާއި އެ މައުލޫމާތު ބޭނުންކުރާ ގޮތް ފަދަ އެތައް މައުލޫމާތެއް ވަނީ ހާމަވެފައި
މަޖިލީހުގެ 241 ކޮމިޓީން ބޭއްވި ނޫސްވެރިންގެ ބައްދަލުވުމެއްގެ ތެރެއިން: ނަޝީދުގެ ސެކިއުރިޓީ ބްރީޗްވި ގޮތް ބަލަން ހެދި އިންކުއަރީ ރިޕޯޓްގައި ހުރި ސިއްރު މައުލޫމާތުތައް ވަނީ އާންމުވެފައި--
09 ޖުލައި 2021 - 12:34
30 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ހަމަލާގައި، އެ މަނިކުފާނުގެ ސެކިއުރިޓީ ބްރީޗުވި ގޮތް ދެނެގަތުމަށް ރައްޔިތުންގެ މަޖިލީހުގެ ގައުމީ ސަލާމަތާ ބެހޭ ކޮމިޓީ (241 ކޮމިޓި) އިން ހެދި އިންކުއަރީ އަށް ފަހު އާންމުކުރި އިންކުއަރީ ރިޕޯޓްގައި ހުރި ސިއްރު މައުލޫމާތުތައް އާންމުވެއްޖެ އެވެ.
މަޖިލީހުގެ އިދާރާ އިން އެ ރިޕޯޓް އާންމުކުރީ އޭގައި ހުރި ގައުމީ ސަލާމަތާ ގުޅުން ހުރި މައުލޫމާތުތައް ސިއްރުކޮށްފަ އެވެ. ރިޕޯޓްގައި ހުރި ސިއްރު މައުލޫމާތުގައި ކުލަ ޖައްސައި ފޮރުވާފައި ހުއްޓަސް އެކަން ކޮށްފައިވާ ގޮތުން މައުލޫމާތުތައް ހުރީ ބެލޭ ގޮތަށެވެ. އެކަން އެނގުމާ އެކު މަޖިލީހުން ވަނީ ވެބްސައިޓުން ރިޕޯޓް ނަގައި ބަދަލުކޮށްފަ އެވެ.
ސިއްރުކޮށްފައި ހުރި މައުލޫމާތުގައި ނަޝީދަށް ސެކިއުރިޓީ ދިނުމާ ގުޅުން ހުރި އެތައް މައުލޫމާތަކާއި ހައި ސެކިއުރިޓީ މީހުންނަށް ސެކިއުރިޓީ ދިނުމާއި ޖާސޫސީ މައުލޫމާތު އެއްކުރުމާއި އެ މައުލޫމާތު ބޭނުންކުރާ ގޮތް ފަދަ އެތައް މައުލޫމާތެއް ހިމެނެ އެވެ.
މޭ ހަ ވަނަ ދުވަހުގެ ރޭ ނަޝީދު އަވަހާރަކޮށްލަން އައިޑީއެއް ގޮއްވާލީ އެފަދަ ހަމަލާއެއް ދޭން އުޅޭ ކަމުގެ މައުލޫމާތު ލިބި އަދި އޭގެ ކުރިން ވެސް ނަޝީދަށް އެފަދަ އެތައް އިންޒާރެއް އައުމަށް ފަހުގައި ކަމަށް އިންކުއަރީ ރިޕޯޓްގައި ބުނެފައިވެ އެވެ. އަދި ހަމަލާ ދިނުމަށް މެދުވެރިވި ސަބަބުތަކުގައި އެކި ފަރާތްތަކުގެ އިހުމާލު އޮތްކަން ވެސް ރިޕޯޓްގައި ވަނީ ހާމަކޮށްފަ އެވެ.
ހަމަލާ ދިނުމަށް މެދުވެރިވި ސަބަބުތަކާ ގުޅިގެން ޑިފެންސް މިނިސްޓަރު މާރިޔާ އަހުމަދު ދީދީ އަށް ވަނީ ވަރަށް ބޮޑަށް ފާޑުކިޔުން އަމާޒުވެފަ އެވެ. އެއީ ހަމަލާއާ ގުޅޭ މުހިންމު މައުލޫމާތެއް މަޖިލިސް މެންބަރަކު މާރިޔާ އަށް ދެއްވުމަށް ފަހު ވެސް އެ މައުލުމާތު އެއްވެސް ފަރާތަކާ ހިއްސާ ނުކުރި މައްސަލައިގަ އެވެ.
ނަޝީދުގެ ސެކިއުރިޓީ ބްރީޗްވި އިރު އެކަމުގައި އިހުމާލުވެފައިވާ ފަރާތްތަކަށް ފިޔަވަޅު އަޅަން 241 ކޮމިޓީގެ ރިޕޯޓްގައި ލަފާ ދީފައިވެ އެވެ. އެ ރިޕޯޓް ރޭ ދަންވަރު މަޖިލީހުން ވަނީ ފާސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަކަރު ސޮރު
10 July 2021
މަޖިލިހަކީ ގާނޫނުހަދަން އޮތްތަނެއް، މެންޑެޓުން ބޭރު ކަންކަން ކުރަން ތެޅިބާލަންޏާ ވާނީ ތިހެން، މިހާރު ތިބި މަޖިލިސް މެމްބަރުންނާހެދި (ވަކިޕާޓީ އެއް އިސްތިސްނާނުކޮށް) މުޅި ގައުގެ ރައްޔިތުން ގެ ސަލާމަތަށް މިހާރު ނުރައްކާވެއްޖެ.
ކުރުކޮށް
09 July 2021
ލީކުވަނީ ހަލަންޏެއް ކަހަލަ ގައުމަކަށް ވީމަ
ލޯޔަރު
09 July 2021
241 ކޮމިޓީ ގައި ތިބި މީހުންނަށް ޤާނޫނު ގައި ދިވެހި ބަހުން ލިޔެފައިވަނީ ކީކޭކަން ނޭނގުނީމާ ދެން ހަދާނީ ކިހިނެއްހެއްޔެވެ؟ ބަލަ އިލްޔާސް އަށް ޚަބަރު ދިންމީހާއާއި އިލްޔާސާއި ނަޝީދު ވެސް ފުލުހުންނަށް ރިޕޯރޓް ރިޕޯރޓް ކުރަންޖެހޭނެއެވެ. އެ ގޮތަށް ފުލުހުންނަށް ރިޕޯރޓް ނުކުރާނަމަ އެތިންމީހުންވެސް އެކުރީ ޤާނޫނީ ބޮޑު ކުށެކެވެ. މާރިޔާއޭ ފަޅޮލޭ ކިޔަކަސް ނުފުދޭނެއެވެ.
ހެޔޮ ނިޔަތުގައި
09 July 2021
ކަނޑު ކޮހުން ގެ މަޖުލިސް
ތަކުރު
09 July 2021
އަސްލަމައް ސަލާމްކަހަރުވަކާ ލަނބުތޮއްޓާ ގާަނަބަލަ އެއިރުންތިޔަކަހަލަ އިންކުއަރީގެ ދިޔަފެލޭނެެ. ދެންއިލްޔާސްލަބީބުކައިރީ އަހާބަލަ މަޖިލިހުގަމިހާދުވަހު އިންއިރު ޤާނޫނުއަސާސީ ދުވަހަކުވެސްބަލާލިންތޯ? ކަމެއްވާއިރައް މިނިސްޓަރު ފެންވަރަންހުއްޓަ އެވާހަކަދަންނަވަން ފުޅައްމަތިންފުންމާލާކައްނުޖެހޭ!އެމްޑީޕީ މީހަކުކޮއްފިނަމަކޮންމެކަމެއްވެސް ކޮންމެދިމާލަކުންވެސްބަލަނީއޮއްބާަލެވޭތޯ!އެކަމަކު މިޢީ ޢަދުލުވެރިޕާޓީއެކޯ!ވަރައްސަލާމް އަދިވެސް ތަނެއްގަ ބަޔަކު އިންކުއަރީއެއްހަދަންނާ ތިބޭފުޅުންގެނަންހުށަހަޅާނަން!!
ބޮޑުމީހާ
09 July 2021
މާރިޔާގެ އިސްތިއުފާއަށް ގޮވަން ނުކެރޭނެ، މާރިޔާގެ އިތުބާރުނެތްކަމަށް ވޯޓެއްވެސް ނުނަގާނެ
ރަނާ
09 July 2021
އިހުމާލު އެންމެ ބޮޑީ ލަބީބް ދެން އަންނި , ލަބީބު ފުރަތަމަ ބުނީ އަންނި ކައިރީގަ , ދެމީހުންކުރެ މީހަކު ފުލުހަކަށް ނާންގާ . މާރިޔާ އެއީ ތިންވަނަ މީހާ މާރިޔާ ނޭން ގީމަ ކީއްވެ މައްސަލައަކަށް ވާންނީ ދެން ތިބި ދެމީހުން އަޅާނުލީމަ މައްސަލައަކަށް ނުވެފަ . އެކަކީ ރައްޔިތުންގެ މަޖްލުސްގެ ރައީސްމީހާ ހަމަލާ ދޭން އުޅުނީ އެމީހާއަށްދެންހުރީ މަޖްލިސްގެ މެމްބަރެއް ޒިންމާދާރު ދެމީހުން .އމީހުނާ ސުވާލުކޮށްބަލަ ކީއްވެތޯ ފުލުހަށް ނޭންގީ. އެންކްއަރީ ގެ އަސްލަމް ރުހޭ ބައެއްވީމަ އެމީހުންގެ ވާހަކައެއް ނުދެއްކޭ ނަގަނަގާފަ މާރިޔާގެ ވާހަކަ.
މެޖެންޑާ 19
09 July 2021
އެޖެންޑާ 19 ތަފާތުވާނެއޭ ނުބުނޭތަ!މަޖިލިސް ތަފާތުވާނެއޭ ނުބުނޭތަ. މެޖޯރިއޮތީމާ ތަފާތުވާނެއޭ ނުބުނޭތަ! އެބުނި ހުރިހާ ތަފާތު ފެނި ދައުލަތް މިދަނީ އޮރިޔާންވަމުން. މާދަމާ ދައުލަތުގެ ވަތުބަތާނަވެސް އޮންނާނީ ސޯޝަލް މީޑިއާގައި. އަދި ސިފައިންގޭގެ ހަތިޔާރު ލިސްޓު ފެނިދާނެ. ޓްރޭނިންގ މެނުއަލްތައްވެސް ފެނިދާނެ. ކޮމްޕިއުޓަރުތަކުގައި ހުންނަ ސިއްރު ކޯޑުތަކާއި ސިއްރު ތަންތަނުގެ މެޕްވެސް ލިބިދާނެ. ތަފާތުވުމަކީ މިއީ ކަމަށްވަންޏާ އެތަފާތު މިފަހަރު ފެންނާނެ.
ނުކުތާ
09 July 2021
މަޖިލީހުން ސިއްރު ހާމަނުވާ އެއްވެސް ކަމެއް ނުހިނގާ. އެކަމަކު ފުލުހުންނާ ސިފައިންގެ ކަންކަމުގެ ތެރެޔަށް އަބަދު އަތް ބާނަން އުޅޭނެ. އެންމެފަހުން ކޮމިޝަނުގެ ރިޕޯރޓްވެސް ލީކުވީ މަޖިލީހުން
އެޑަމް
09 July 2021
ނަސީދު މައްސަލާގަ ބޮންގޮވުމުގެ 3 ދުވަސްކުރިން މަޢުލޫމާތުލިބި ޤާނޫނައް އިހުމާލުވުމުގެކުށުގަ ތަރުތީބުން ފިޔަވަޅުއަޅާނަމަ އެންމެފުރަތަމަ ފިޔަވަޅުއަޅަންޖެހޭނީ އިލްޔާސްލަބީިބަށެވެ. ނަމަވެސް އެމްޑީޕީ މީހަކައްވާތީއުޅެނީ އެވާހަނުދައްކަންވެގެންނެވެ އިލްޔާސްްމިވަރުގެކަމެއްގަ މާރިޔާނިދަންއޮއްވަ ގުޅައިގެންމާފޮޅުވަންނޫލެ ޑިފެންސްމިނިސްޓުރީއައްރިޕޯޓުނުކުރީކީއްވެބާ?ގާނޫނަކުނޯވޭ މިކަހަލަކަންތައްއަންގަންޖެހޭނީމިނިސްޓަރައްކަމަކައް!މިނިސްޓަރުގައުމުގަނެއްނަމަ އަޅާނުލާހުންނަންވީތޯ?ޣާނޫނުގައޮތީއެގޮތައްތޯ??????