އަލީ ވަހީދު، ޝަރީއަތަށް ރާއްޖެ އަންނަން ސުޕްރީމް ކޯޓުން އަންގައިފި

ކުރީގެ ޓޫރިޒަމް މިނިސްޓަރު އަލީ ވަހީދު: ސުޕްރީމް ކޯޓުން ވަނީ އަޑުއެހުމަށް ހާޒިރުވާން އޭނާއަށް އަންގައިފައި -- ފޮޓޯ: ހުސެއިން ވަހީދު/މިހާރު

ނަޖާހް މަސްއޫދު، މިހާރު

15 ޖުލައި 2021 - 15:56

23 comments

ޖިންސީ ގޯނާ އާއި ރޭޕްގެ ދައުވާތަކެއް ކޮށްފައިވާ ކުރީގެ ޓޫރިޒަމް މިނިސްޓަރު އަލީ ވަހީދުގެ ޝަރީއަތް އޮންލައިންކޮށް ބާއްވާ މައްސަލައިގެ އަޑުއެހުމުގައި ބައިވެރިވާން އޭނާ ސުޕްރީމް ކޯޓަށް ހާޒިރުވާން އަންގައި، އެ ކޯޓުން ޗިޓު ފޮނުވައިފި އެވެ.

އިނގިރޭސި ވިލާތުގައި ހުންނަވައިގެން ޝަރީއަތުގައި ބައިވެރިވެވޭ ގޮތް އަލީ ވަހީދަށް ހަމަޖައްސައިދޭން ކްރިމިނަލް ކޯޓުގެ ގާޒީ ހަސަން ސައީދު ނިންމެވި ނިންމެވުމުން ދައުލަތުން ހައި ކޯޓުގައި އިސްތިއުނާފު ކުރުމުން، އެ ކޯޓުން ވަނީ އެ މައްސަލަ ބެލޭނެ ގާނޫނީ ހަމައެއް ނެތް ކަމަށް ބުނެ މައްސަލަ ކޯޓުން ބޭރުކޮށްލައިފަ އެވެ.

ހައި ކޯޓުގެ ނިންމުން ދައުލަތުން މިހާރު ސުޕްރީމް ކޯޓުގައި އިސްތިއުނާފު ކޮށްފައިވާއިރު، ސުޕްރީމް ކޯޓުން ވަނީ މައްސަލައިގެ އަޑުއެހުމުގައި ބައިވެރިވާން އަލީ ވަހީދަށް ޗިޓު ހަވާލުކޮށްފަ އެވެ.

ސުޕްރީމް ކޯޓުގެ އޮފިޝަލަކު "މިހާރު" އަށް ވިދާޅުވީ، އަޑުއެހުމުގައި ބައިރިވެރިވާން އެ ކޯޓަށް ހާޒިރުވާން އަލީ ވަހީދަށް އެންގީ އަންނަ މަހުގެ ދެ ވަނަ ދުވަހުގެ މެންދުރު 1:00 އަށް ކަމަށެވެ.

އަލީ ވަހީދުގެ ޝަރީއަތް އޮންލަައިންކޮށް ބޭއްވުމާ ދައުލަތުން ދެކޮޅު ހަދަނީ އޭނާ އިނގިރޭސި ވިލާތުގައި ހުންނެވުމުން އޭނާގެ މައްޗަށް ރާއްޖޭގެ ގާނޫނުތައް ނުހިނގާނެތީ އެވެ.

އޭނާ ޕާސްޕޯޓު ހަތަރު މަހަށް ދޫކޮށްލަން ނިންމި ނިންމުމުގެ މައްސަލަ ހައި ކޯޓާއި ސުޕްރީމް ކޯޓުގައި ނުގެންދެވުނީ ކޯޓަށް ހާޒިރުވުމުގެ ޗިޓު ނުފޮނުވިގެންނެވެ. އެ ދެ ކޯޓުން ވެސް ނިންމީ، އަލީ ވަހީދުގެ ޣައިރު ހާޒިރުގައި އަޑުއެހުން ނުބޭއްވޭނެ ކަމަށެވެ.

ނަމަވެސް، އޮންލައިންކޮށް ޝަރީއަތުގައި ބައިވެރިވެވޭނެ ގޮތް ހަމަޖައްސަން ކްރިމިނަލް ކޯޓުގައި އެދުނު އިރު އަލީ ވަހީދު ވަނީ އޭނާ ދިރިއުޅޭ އެޑްރެހާއި ފޯނު ނަމްބަރުތައް ކްރިމިނަލް ކޯޓާ ހިއްސާ ކޮށްފަ އެވެ.

މި މައްސަލަ ސުޕްރީމް ކޯޓުގައި އިސްތިއުނާފުކޮށްފައިވާއިރު، މި ހަފުތާގައި ވެސް އޮންލައިންކޮށް އަލީ ވަހީދުގެ ޝަރީއަތުގެ އަޑުއެހުމެއް ބޭއްވި އެވެ.

ކްރިމިނަލް ކޯޓުން ކުރިން ބުނެފައިވާ ގޮތުގައި އޮންލިންކޮށް ޝަރީއަތް ބާއްވަން ގާޒީ ހަސަން ސައީދު ނިންމެވީ ސުޕްރީމް ކޯޓުން އެކުލަވާލާފައިވާ ވީޑިއޯ އަދި އޯޑިއޯ ކޮންފަރެންސް މެދުވެރިކޮށް ޝަރީއަތް ކުރުމާ ބެހޭ ގަވައިދުގެ ދަށުންނެވެ. ނަމަވެސް، ދައުލަތުން ބުނެފައި ވަނީ އެ ގަވައިދުގެ ދަށުން ވެސް ޝަރީއަތެއް ނުބޭއްވޭނެ ކަމަށެވެ.

ޕްރޮސެކިއުޓާ ޖެނެރަލް ސުޕްރީމް ކޯޓް އަލީ ވަހީދު، ކުރީގެ ޓޫރިޒަމް މިނިސްޓަރު އަލީ ވަހީދު ފުރުވާލުން ޖިންސީ އަނިޔާ ޖިންސީ ގޯނާކުރުން ޓޫރިޒަމް މިނިސްޓްރީ

23 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޗަބީ

15 July 2021

އޯކޭ! މިދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަހަރުލާދާ

15 July 2021

ތިޝަމީމަކީ އޭނާ ނޫން މީހަކަށް ޤާނޫނުލްޢުޤޫބާތާ ޖިނާޢީ އިޖުރާޢާތުގެ ޤާނޫނު ނޭނގޭނެ ކަމަށް ހީވެގެން އުޅޭ ފައްކާ ރޯނުއެދުރެއް. އެކަމަކު އޭނާގެ މޮޅުކަނުން މުޅިން މި ޖަހަނީ ބައިކޮޅަށް ގޯލު. މިކަމުގަވެސް ހަދާނެނަހަދާނެ ގޮތެއްނޭނގިގެން ވަހުތާނެއްހެން އެއް ކޯޓުން އަނެއް ކޯޓަށް އިސްތިއުނާފު ކުރުން ނޫން ކަމެއް މީނައަކަށް ނުކުރެވުނު. މިއީ މިކަމުގަ މީނަގެ ޤާބިލުކަމެއް ނެތީމަތޯ ނޫނީ "ދައުލަތުގެ ޢިއްޒަތްތެރިއެއް" ވީމާ ކަންތައް ކުރާ ގޮތްތޯ މިހާރު ސުވާލު އުފެދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮހޮރުބަޗޯރު

16 July 2021

17 އަންހެނެއްގެ ޢިއްފަތްތެރިކަމާ ގުޅުންހުރި މައްސަލަ އޮއްބާލަން ކުރާ މަސައްކަތާ ދެކޮޅަށް ޝަމީމު ހިތްވަރާއެކީ އެކުރާ މަސައްކަތަށް އައްސަރިބަހާއި ސާބަސް. މިޤައުމުގަ ސިޔާސީ މީހަކަށް މޮޅު ގޮތް ހޯދާދޭންވެގެން، ހިތުހުރި ގޮތެއް ހަދާލިޔަ ދެވިގެން ނުވާނެ އާދައިގެ ރައްޔިތުންނަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުނިމޫނު

15 July 2021

ދެންވެސް މޫނުކުނި ކޮށްގެން ނުހުރެ އަންނަން ނުޅެންވީނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމްޕަތު

15 July 2021

ފޮށި ތަންމަތި ރެޑީ ކުރޭ އެބަ... ރައްޔިތުން ތިބޭ ދެން މިވާހަކަތައް ޤަބޫލުކޮށްގެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްރަފް

15 July 2021

ދެރަދުންވެގެން މިކުޅޭ ޑްރާމާ ރައްޔިތުންނަށް މިހާރު އިނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަދީދައްތަގެ މުނީރާ

15 July 2021

ރަދީފް. ހިނގާބަލަ އަހަރެމެން އެންމެންވެގެން ވަރުގަދަ ކެންޕޭނެއްކުރަމާ. ދިވެހިސަރުކާރަކަށް މިކަމެއް ނުވާނެ. އަހަރެމެން ޓެގުކުރަންޖެހޭނެ އިނގިރޭސި ރާނީއާ އިނގިރޭސި ވަލީއަހުދާ އިނގިރޭސި ބޮޑުވަޒީރާ އަދި މިގައުމުގެ ބޮޑުވަޒީރުވެސް. އެއީ ދިވެހި ތޮށިގަނޑެއްތެރެއަށް ވަދެއޮތް ފައްކާ އިނގިރޭސިއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

15 July 2021

އެއްކޮޅުގަ ސޯލިހް އެވެ. ދެން އަންނި އެވެ. މެދުގަ އަލީވަހީދު އެވެ. ވަކި ކޮޅަކަށް ނުނިންމިގެން އުޅެނީ އެހެންވެއެވެ. ދެކޮޅަށްދަމަނީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

555ދދދސދ

15 July 2021

މާދަމާ އެންގުން ބާތިލު ކުރާނެ. ހަހަ. #މޯޑިސް_ޕޮލިޓިކްސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމަހަމަހަމަހަމަ

15 July 2021

ސުޕްރީމް އޯ!! އެބޭފުޅާއައް ކަހަރުވަކޭ ހީނުވާނެ. އަދި ކީއް. އިނގިރޭސި ވިލާތް ޗޮކެއް ކަނޑާލިޔަސް އެއީ ބޮޑުވަރު! އަދި ޑީލް ގެ ދަށުން ސުޕް ބަދަލު ކޮއްފަ މިރަށައް އެބޭފުޅާ ދުރުވާނީވެސް.