ގަވާއިދާ ޚިލާފަށް ޕާކް ކުރުމުން ލައިސަންސުން ޕޮއިންޓް އުނިކޮށް، ލައިސަންސް ބާތިލްކުރެވޭ ގޮތް ހަދައިފި
ފުލުހުން ވެހިކަލްތަކެއްގައި ސްޓިކާ ޖަހަނީ: ގަވާއިދާ ޚިލާފަށް ޕާކް ކުރުމުން ލައިސަންސުން ޕޮއިންޓް އުނިކޮށް އަދި ލައިސަންސް ބާތިލް ކުރެވޭ ގޮތަށް ވަނީ ހަމަޖައްސާފައި --- ފޮޓޯ/މިހާރު
15 ޖުލައި 2021 - 22:56
83 comments
ގަވާއިދާ ޚިލާފަށް ޕާކުކުރާ ނަމަ ލައިސަންސުން ޕޮއިންޓް އުނިކޮށް އަދި ލައިސަންސް ބާތިލް ކުރެވޭ ގޮތަށް މިއަދު ހަމަޖައްސައިފި އެވެ.
ކުރިން އޮންނަ ގޮތުން ގަވާއިދާ ޚިލާފަށް ޕާކް ކުރުމުން، ކުރަނީ ހަމައެކަނި ޖޫރިމަނާ އެކެވެ. ކުރިން ލައިސަންސް ހިފެހެއްޓުމާއި ބާތިލް ކުރުން ފަދަ ފިޔަވަޅުތައް އެޅެނީ ނުރައްކާތެރިކޮށް ދުއްވުން ފަދަ ހާލަތްތަކުގައި އެކަންޏެވެ.
ޓްރާންސްޕޯޓް އޮތޯރިޓީން މިއަދު އާންމުކޮށް އަމަލު ކުރަން ފެށި އެއްގަމު އުޅަނދު ދުއްވުމުގެ ލައިސަންސް ދޫކުރުމުގެ އާ ގަވާއިދު ބުނާގޮތުން ކޮންމެ ލައިސަންސެއްގައި 100 ޕޮއިންޓް ހިމެނޭނެ އެވެ. ގަވާއިދާ ޚިލާފްވާ ކޮންމެ ފަހަރަކު ލައިސަންސުން ޕޮއިންޓް އުނި ކުރެވޭނެ ކަމަށާއި އެގޮތުން ގަވާއިދާ ޚިލާފަށް ޕާކްކޮށްގެން ޖޫރިމަނާ ކުރާ ކޮންމެ ފަހަރަކު ފަސް ޕޮއިންޓް އުނި ކުރެވޭނެ ކަމަށް އެ ގަވާއިދުގައިވެ އެވެ.
އެއްކޮޅަށް ދުއްވަން ކަނޑައަޅާފައިވާ މަގުތަކުގައި އިދިކޮޅަށް ދުއްވުމާއި ޓްރެފިކް ލައިޓާ ޚިލާފަށް ދެ ފަހަރަށް ވުރެ އިތުރަށް ދުއްވައިފި ނަމަ، ކޮންމެ ފަހަރަކު 10 ޕޮއިންޓް އުނި ކުރެވޭނެ ކަމަށް އެ ގަވާއިދުގައިވެ އެވެ. އެ ނޫން ކަންކަމުގައި ވެސް، ދެ ފަހަރަށް ވުރެ އިތުރަށް އެކަން ތަކުރާރު ކޮށްފި ނަމަ 10 ޕޮއިންޓް އުނި ކުރާނެ އެވެ.
އާ ގަވާއިދުގައިވާ ގޮތުން ލައިސަންސުން ޕޮއިންޓް ހުސްވުމުން އެ ލައިސަންސެއް އޮޓަމެޓިކުން ބާތިލްވާނެ އެވެ. އެގޮތަށް ލައިސަންސް ބާތިލްވެއްޖެ ނަމަ، އެ މީހަކަށް އާ ލައިސަންސެއް ލިބޭނީ 180 ދުވަސް ފަހުން ކަމަށާއި އާ ލައިސަންސް ލިބޭނީ އަލަށް ލައިސަންސް ނަގާ އުސޫލުން އިމްތިހާންތައް ފުރިހަމަ ކުރުމުން ކަމަށް ވެސް ގަވާއިދުގައިވެ އެވެ.
ނުރައްކާތެރިކޮށް ދުއްވާ ހާލަތްތަކުގައި ވެސް ލައިސަންސުން ޕޮއިންޓް އުނި ކުރެވޭ ގޮތަށް އެ ގަވާއިދުގައި ހިމަނާފައިވެ އެވެ. އަދި ސްޕީޑް ލިމިޓަށް ވުރެ ބާރަށް ދުއްވުމުގެ ކުށް ދެ ފަހަރު ތަކުރާރުކޮށްފި ނަމަ، 48 ގަޑިއިރަށް ލައިސަންސް ހިފެހެއްޓޭ ގޮތަށް ވެސް އެ ގަވާއިދުގައިވެ އެވެ. އެކްސިޑެންޓްގެ މައްސަލަތަކުގައި ތަހުގީގުގެ ބޭނުމަށް ހަތް ދުވަހަށް ލައިސަންސް ހިފެހެއްޓޭނެ އެވެ.
ލައިސަންސް ހިފަހައްޓާފައި ވަނިކޮށް، ދުއްވާ މީހުންނާއި އެ އުޅަނދެއްގެ ވެރިފަރާތް ވެސް ޖޫރިމަނާ ކުރުމަށް ގަވައިދުގައި ވަނީ ހިމަނައިފަ އެވެ. އަދި ލައިސަންސް ނެތި ދުއްވާ އުޅަނދުތައް ވެސް 15 ދުވަހަށް ހިފެހެއްޓޭނެ ކަމަށް އެ ގަވާއިދުގައިވެ އެވެ.
ބޭރު ގައުމުތަކުން ދޫކުރާ ލައިސަންސް ބޭނުން ކޮށްގެން ވަގުުތީ ގޮތުން ރާއްޖޭގައި ދުއްވުމުގެ ހުއްދަ ލިބޭ ގޮތަށް ވެސް ގަވާއިދުގައި ހިމަނާފައިވެ އެވެ. އެގޮތުން ޓްރާންސްޕޯޓް އޮތޯރިޓީން ގަބޫލުކުރާ ގައުމުތަކުން ދޫކުރާ ލައިސަންސެއް އޮވެއްޖެ ނަމަ، 90 ދުވަސް ވަންދެން ރާއްޖޭގައި އެފަދަ ލައިސަންސެއް ބޭނުންކޮށްގެން ދުއްވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްތަފާ އިބުރާހިމް
17 July 2021
މިހާރު ދެން މާ ބޮޑަށް ތިޔަ އުދަގޫ ބޮޑުވަނީ
އަލީ ރަމީޒު
17 July 2021
މި ރާއްޖޭގަ ގަވައިދާ ހިލާފަށް ލައިސަންސް ނެތި ވެހިކަލް އެންމެ ގިނައިން ދުއްވަނީ ބަންގާޅިން، ވަގަށް ނަގައިގެން އެމީހުން މޯބައިލް ފޯނު ބޭމުން ކުރާ ފަދައިން ބަންގާޅިން ދުއްވާ ގިނަ ސައިލަުތަކަކީވެސް ވަގަށް ނަގައިގެން ދުއްވާ ސައިލަލް، ކީއްވެތޯ މި މީހުން ގަވައިދުން ބޭރުގަ އުޅޭއިރު ހަމަ އެކަނީ ދިވެހިންނަށް އުދަގޫ ތިޔަ ކުރަނީ ޚިއްވެތޯ.. މީ ބަންގާޅިންގެ ގައުމަކީތޯ
ސަރުދާރުު
17 July 2021
ތިބޭފުޅުން ކިހިނެއްތޯ ބޭރު ލައިސެންސް ތަކުން ޕޮއިންޓް އުނިކޮށް ހަދަނީ؟ ވަގަށް ނަގާފަ ފޭކު ނަންބަރ ޖަހާފަ ޕާކު ކޮއްފަ ހުންނަ ވެހިކަލްތަކުން މީހުންގެ ލައިސެންސުން ޕޮއިންޓު ކެނޑުމުގެ ޗާންސް އެބައޮތްތޯ؟ ޒޯނުގައި ޕާކު ކޮއްފަ ހުއްޓާ އެހެން ވެހިކަލް އެއްބާއްވަން ޖާގަ ހަދަން ނަގާފަ ޒޯން އިންބޭރުގައި ބަހައްޓާ ހާލަތުގައި ކިހިނެއްތޯވާނީ؟ ފުރަތަމަ ކަމަކަށް ތިޔަ މިނިސްޓްރީ އިންދޭ ހިދުމަތް ރަނގަޅު ކޮއްބަލަ. ހޮޓްލައިން އެކޭ ކިޔާފައި ދީފައި ހިންނަ ނަންބަރ
ހަސަނު1
16 July 2021
ވަރަށް ބަރާބަރު ނިންމުމެއް. ބައެއް މީހުން އުޅެނީ ހަމަ ހިތުހުރިގޮތަކަށް. ރަނގަޅަށް އުޅޭ މީހަކަށް އެއްވެސް އިންސެންޓިވްއެއް ނެތް. 5 ޕޮއިންޓް ކެނޑުމަކީ 20 ފަހަރު ކުއްކުރުން. އެއީ އޮޅިގެން ވާނެ ކަމެއް ނޫން. އެންމެންނަކަށް ބޭނުންވާތަނުގެ ދޮރުމަތީގައި ޕާކްކުރާނެ ގޮތެއް ހަދައެއް ނުދެވޭނެ. ތަން ހޯދައިގެން ޕާކްކުރާމީހުން އަބަދުވެސް ޕާކްކުރޭ.
އޮނަރަބްލް އަފީފު ދީދީ
16 July 2021
ދުއްވާ މީހުންގެ އިތުރަށް ގިނަ ޓްރެފިކް ޕޮލިހުންނަށްވެސް ރަނގަޅަށް ޤަވާއިދު ނޭގޭތީ ނޫންތޯ މަގުމަތީގެ ހާލަތު މިވަރަށް ގޯސްވެފައިވަނީ. # މާލޭގައި 4 ފޮރުޅުލީ ވެހިކަލް ހިތުހުރި ތަނަކުން ޔޫޓަރން ނަގާއިރު ދުވަހަކު ފުލުހުން އެކަން ހުއްޓުވާފައި ނުވޭ. އަދި ޕާކް ކޮށްފައި ނުވަތަ މީހަކު އަރުވަންވެސް ވެހިކަލް މަގުގެ ނުބައި ފަރާތަށް މަޑު ކުރިކަމުގައިވިޔަސް އެއީ ޓްރެފިކް އުސޫލު ތަކާއި ޙިލާފު ކަމެއްކަން އިގޭ ފުލުހަކު ނުހުރޭ. ފުރަތަމަ މިކަންކަން ދަސްކޮށްދީ.
ކަރަމް
16 July 2021
އެހެންނަމަވެސް މިއީ އެންމެ އެކަށޭނަ ގޮތްތޯ ކަންކުރެވެން އޮތް. އަނެއް ކަމަކީ ލައިސަންސް އަލުން ނަގަން މިއުޅެނީ ދުއްވަން ނޭގިގެންތޯ. ތެދެއް ފިޔަވަޅު ބޮޑުވާންވާނެ ނަމަވެސް މިއީ ހަމަ އެންމެރަގަޅު ފިޔަވަޅުތޯ. ގަވާއިދާޚިލާފަށް ޕާކްކުރުން އިސްލާޙް ނުވެއޭ ބުނެ ފިޔަވަޅު އެޅިޔަކަސް ނުވާނެ. އެކަށޭނަ ފިޔަވަޅު އަޅުއްވާ. މިކަމުން ރައްޔިތުން ރުޅިގަދަވާނީ އަދި މިއީ ވޯކްކުރާނެވެސް ކަމެއްވެސް ނޫން. އިހުގެ ގުބޯލުން ބާ
ކަރަމް
16 July 2021
މީ ދިރާސާކޮށް އެހެންނަމަވެސް ތާކުން ތާކު ނުޖެހޭ ބައެއް ކަންތައް ހުރި ނިންމުމެއް. މިސާލަކަށް މާލޭގަ އެކަށޭނަ ޕާކިން ޖާގަނެތް. އަނެއްކަމަކީ އެއްވެސް މީހަކުން ޕޮއިންޓް ހުސްވެ ލައިސަންސް ކެންސަލްވިއޭ ކިޔާފަ 180 ދުވަސް ވަންދެން ސައިކަލް ނުދުއްވާ ނުހުންނާނެ. މާނަ އަކީ ޖޫރިމަނާ ގިނަވާނޭ. ތެދެއް ޖޫރިމަނާގެ ގޮތުގައި ލިބޭ ފައިސާ އިތުރުވާނެ
އަލީ1
16 July 2021
ސައިކަލު ޒޯން ހިސާރުކުރާ ކާރުތަކަށް އޮތީ ކޮން ފިޔަވަޅެއް؟ އަދި ހުއްދައެއްނެތި ޕާކިންޒޯން ގަ ލަކުޑީބުރި ބާއްވާ ބަންދުކުރާ ފަރާތްތަކަށް އޮތީ ކޮން ފިޔަވަޅެއްތޯ ސާފްކޮށްލަންބޭނުން.
އަރުތަ
16 July 2021
ލަކުޑިބުރި ބާއްވާ ޕާކިންޒޯނު ބަންދުކޮށް ހިސޯރުކުރާ ފަރާތްތަކުގެ ކަންތައް ހައްލުކުރަން އެހުންނެވީ މޭޔަރު މުއިއްޒު، އެކަމަކު މުއިއްޒު މޭޔަރުކަމާ ހަވާލުވީއްސުރެ އުޅެނީ މުޅިން އެހެން ކަމަކާ.....
ދަންޑަހެލުު
17 July 2021
ނިކަން ހިތްވަރެއް ހުރީޔާ ތިއޮއް އެލްޓީ ސަރަހައްދުގައި އެމީހުން ސްޕޯޓްސް ކާރުތަށް ބާއްވަން މަގުމަތިން ހިފައިގެން އުޅޭ ތަންތަން ނަގާބަލަ. ހުދު ޕޮލިހުންނަށްވެސް ނުކެރޭ އެމީހުންގެ ކަންކަމަށް ފިޔަވަޅު އަޅަން، ކާފިއު ދުވަސްވަރުވެސް އެތާތިބީ ގުރޫޕް ހަދާފަ މަގުމަތީ މާސްކު ނާޅާ، ނުކެރުން ޕޮލިހުންނަކަށް ފިޔަވަޅު އަޅާކަށް
ނާމްދި ކާނޫ
16 July 2021
ޕާކް ކުރާނޭ އިތުރު ޖާގަ ހަދާފަ ތިކަންތައް ކުރަން މާ ރަންގަޅުވާނެ! އެހެން ނޫނަސް މިހާރު މާ ރަންގަޅުވާނެ ފޯން އޮޕަރޭޓްކުރަމުން/ ފޯންކޯލް ގަ ހުރެ ސައިކަލު ދުއްވާމީހުންނާ ލޮލަށް ކެތްނުވާވަރުގެ ލެޑު ލައިޓު ވެހިކަލްގެ ހެޑްލައިޓްގަ ހަރުކޮށްގެން ދުއްވާމީހުން ހުއްޓުވިއްޔާ! މިހާރު މިކަންތައްތައް އާމުކަމަކަށް ވެއްޖެ އަދި މަގުމަތީގެ އާއްމު ރައްކާތެރިކަން މިކަންތައްތަކާ ހެދި ކުޑަވެއްޖެ!
ދީމާހު
16 July 2021
ނާގާބިލު މީހުން ވަޒީރުންނަށް ލީމާ ކުރަން އެނގޭނީ ދުއްތުރާ. ގަވައިދެއް ހަދާފައި ދޫކޮށްލާއިރު މިކުރެވެނީ ކިހާވަރެއްގެ ކަމެއްކަން ވިސްނައިގަތުމުގެ ގާބިލުކަންވެސް ނުހުންނާނެ