ރައީސް އިބްރާހިމް މުހައްމަދު ސޯލިހު: އީދުގައި ގުޅުންތައް ބަދަހިކުރަން މަސައްކަތް ކުރަން އެމަނިކުފާނު ވަނީ ގޮވާލައްވާފައި --- ފޮޓޯ/ރައީސް އޮފީސް
19 ޖުލައި 2021 - 20:09
22 comments
ކޮވިޑް-19 ގެ ހާލަތު ކުރިމަތިވެފައި އޮތަސް، ގުޅުންތައް ބަދަހި ކުރުމަށް ރައީސް އިބްރާހިމް މުހައްމަދު ސޯލިހް މިއަދު އިލްތިމާސް ކުރައްވައިފި އެވެ.
މާދަމާ ފާހަގަކުރާ މި އަހަރުގެ އަޟްހާ އީދުގެ މުނާސަބަތުގައި އެ މަނިކުފާނު ފޮނުއްވި ހިތާބުގައި ވިދާޅުވީ، ކޮވިޑް-19 ގެ ސަބަބުން އީދުގެ އުފާ ފުރިހަމަ ގޮތުގައި ފާޅުކުރަން ހުރަސް އެޅިފައި ވިޔަސް، ދޭދޭ ގުޅުންތައް ބަދަހިކޮށް، އުފާ ފާޅުކުރުމުގައި ދެމި ތިބުމުގެ ފުރުސަތު ތަނަވަސްވެފައިވާ ކަމަށެވެ. އަދި ކޮވިޑް-19 ގެ ސަބަބުން ދިރިއުޅުމުގެ އެތައް ކަންތައްތަކެއް ބަދަލުވެފައިވާއިރު، އާއިލީ އަދި ރަހުމަތްތެރިކަމުގެ ގުޅުންތައް ބަދަހި ކުރަން އިސްކަން ދޭންޖެހޭ ކަމަށް ރައީސް ވިދާޅުވި އެވެ.
އިސްލާމްދީނުގައި ކަނޑައަޅާފައިވާ ދެ އީދަކީ ވެސް އެކުވެރިކަމާއި ގުޅުން ބަދަހި ކުރުމުގެ ދެ މުނާސަބަތު ކަން ފާހަގަ ކުރައްވައި، އެ މަނިކުފާނު ވިދާޅުވިގޮތުގައި، މި އީދުގައި އެންމެން ވެސް އިސްކަން ދޭންވީ އީދުގެ ހެޔޮ އެދުންތައް ފޮނުވުމާ އެކު އާއިލީ ގުޅުންތައް ބަދަހި ކުރުމާއި މައިންބަފައިންނާއި އުމުރުން ދުވަސްވީ މީހުންނާ އެކު ވަގުތު ހޭދަ ކުރުމުގަ އެވެ. އެފަދަ ކޮންމެ ކަމަކުން ވެެސް ރަމްޒު ކޮށްދޭނީ މީހުންގެ މެދުގައި އޮންނަ އެއްބައިވަންތަ ކަން ކަމަށް ވެސް ރައީސްގެ ހިތާބުގައިވެ އެވެ.
ރައީސްގެ ހިތާބުގައިވަނީ ކޮވިޑް-19 ގެ ހާލަތުން އަރައިގަތުމުގައި ވެސް އެންމެ ބޮޑު ބާރެއް ލިބިގެންދަނީ މީހުންގެ މެދުގައި އޮންނަ އެއްބައިވަންތަ ކަމުން ކަމަށެވެ. އަދި ބައިބައިވުމާއި ދެކޮޅުވެެރި ވިސްނުންތައް އެއްފަރާތް ކުރުމަށް ފަހު އެންމެން ގުޅިގެން މަސައްކަތް ކުރުމަށް ވެސް ރައީސް ގޮވައިލެއްވި އެވެ.
އެ މަނިކުފާނު ވަނީ ގައުމައިގެން ކުރިއަށް ދިއުމަށްޓަކައި އެންމެން އެކުގައި މަސައްކަތް ކުރުމަށް ވެސް ގޮވާލައްވައިފަ އެވެ..
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައުހަ
20 July 2021
ތެދެއް އެމަނިކުފާނު އިންޑިޔާއާއި ގުޅުން ބަދަހިކުރާގޮތް ދިވެހި ރައްޔިތުން ނަމޫނާއަކަށްބައްލަވައިގެން އެގޮތަށް ކުރިއަށް ވަޑައިގަންނަވަންވީ..
މިއަދު
20 July 2021
އިސްކަންދޭންވީ ޙައްޤު ޤާއިމްކުރަން ތިމާވެފަހުރި ވަޢުދުތައް ފުއްދަން
ޭއެމޭޒަން
20 July 2021
އައިލަވް ކޮމެންޓު ސެކުސަން، ހެޑިންކިޔާލާފަ ކޮމެންޓުތައް ކިޔަނީ، ބުނަންނޭގޭ ހިތްހަމަޖެހުމެއް ލިބެނީ، ރައްޔިތުންގެ ރޯ ހިޔާލުތައް “މިހާރު” ނޫހުން ސެންސަރު ނުކޮށް ގެނެސްދޭނެ ކަމަށް އުންމީދުކުރަން، ބައެއް ކޮމެންޓު ކިޔާލާއިރު ހިނިގަނޑު ފަޅައިގެންދޭ، އަނެއްބައި ކޮމެންޓު ކިޔާލާފައި ބުނެވޭ ތީ އަހަރެންވެސް ބުނަންއޮތް ވާހަކައޭ، މީ ވަރައް ސްޓުރެސް ފުރީ ވާކަމެއްމީ މިކަހަލަ ކޮމެންޓު ކިޔާލަން ލިބުމަކީ
ހަނިމާދޫ ސޮރު
20 July 2021
ގުޅުން ބަދަހިކުރަން ބޭނުންވޭ. އެކަމަކު ގެއަކަށް އާއިލާއަކަށް ޒިޔާރަތްކުރަން ބޭނުންވިޔަސް ހިފައިގެން ގޮސް ދޭނެ ހަދިޔާ އެއް ނޯވޭ. ރަށައް ދާމީހުން އަތުން ގެ ފޮނުވާނެ ހަދިޔާއެއް ނުވަތަ ހިނިތުންވެފއި ދެވޭނެ އެއްޗެއް ނޯވޭ. މިއީ މިގައުމުގެ ގިނަމީހުންގެ ހާލަތަކީ. އެއްބަޔަކު މުއްސަންދީ އިންތިހާއަށް.
ކޮވިޑް ފެސިލިޓީން
20 July 2021
ހައް. ގުޅުން ރަނގަޅުކު ރާށޭ !. ރައީސް ވިދާޅުވިޔަސް ތި މިހާ ރު ވަރަރރރރރރރރރރރރރރރރރރރ ރައް ކު ރާހިތްނުވާކަމެއް ކު ރރރ ރަން ބޭނުންވިޔަސް. އެހެން ވާންޖެހުނީ ކީއްވެ؟ ހަމައެކަނި މި ކޮމެންޓު ލިޔުނުމީހާ ކުރ ރިކަމަކުންތަ އެހެންވާންޖެހުނީ؟ އާއިލާވިޔަސް ދައްނަ ދެކިފަ ރިތަމީހުން ވިޔަސް ބަޔަކުމީހުން ގުޅުންބާއްވަން ބޭނުންހާ ގޮތަކައް ގުޅުންބާއްވަން ޖެހޭނެތަ؟. އެހެން ބުނާއި ރައް ބުނާނެ ދީނޭ. ދީނުގެ ވާހަކަ ދެއްކެން އެބައޮތްތަ އަހަރ ރުމެނައް؟.
އެމްސް
20 July 2021
އިސްކަން ދޭންވީ ރަޢިއްޔަތުން ފުދުންތެރި ކުރަން! ސިވިލް ސާވިސް މީހުނާއި ކުލީގެ އަހުލުވެރިން ނޫނަސް ދެންވެސް ތިބީ ހަމަ ދެވެހީން! ނުޤަވާޢިދުން އުޅޭ ބިދޭސީންގެ ޙައްޤުވެސް ރާއްޖޭގަ މާބޮޑު ކަމަށް ފެނޭ!
ބަޣީޗާ
20 July 2021
ގުޅުން ބަދަހި ކުރުން ފެށޭނީ ގޭތެރެއިން. އާއިލާ އޮތީ ބައިބައިވެފަ ތިމާގެ ސަބަބުން. އެކަން ރަގަޅު ކުރޭއިހައް މޮޅު ވާހަކަ ނުދައްކާ.
މުފައްކިރު
20 July 2021
ގުޅުން ބަދަހި ކުރުމަށް ވަޢުދު ފުއްދަވާ. ރައީސް ޔާމީން ޖަލުން ނެރުއްވާ.
ނަށީދު
20 July 2021
އިސްކަން ދޭންވީ އިސްތިއުފާ ދޭން!
އިސްމާޢިލް
19 July 2021
ގުޅުން ބަދަހިވާނީ، ރައްޔިތުންގެ އިޙްސާސްތައް ދަނެގެން، އެކަންކަން ވީހާވެސް ރަގަނޅަށް ކޮށްދީގެން. ހިޔާފުލެޓްގެ ކުލި 5600 ރުފިޔާއަށް ކުޑަކޮށްދީ. ޕްލީސް. ޢީދު ހަދިޔާއެއްގެ ގޮތުގައި ނަމަވެސް ދެއްވާ!