"ހަބޭސް" ޖަލްސާއަށް ދާން އަންގާތީ ޕީއެސްއެމްގެ ބަައެއް މުވަައްޒަފުން ހިތްހަމަނުޖެހިއްޖެ

ދައުލަތުގެ މީޑިއާ ކުންފުނި، ޕީއެސްއެމް ހިންގާ އިމާރާތް: އެމްޑީ ހަލީލް ވިދާޅުވަނީ މުވައްޒަފުންނަށް މަޖުބޫރުނުކުރައްވާ ކަމަށް

އާމިނަތު ޝިފްލީން، މިހާރު

27 ނޮވެމްބަރ 2016 - 16:02

79 comments

ސަރުކާރަށް ތިން އަހަރު ފުރުން ފާހަގަ ކުރަން މާދަމާ ރޭ ބާއްވާ "ހަބޭސް" ޖަލްސާއަށް، ޓީވީއެމާއި ދިވެހި ރާއްޖޭގެ އަޑުގެ މުވައްޒަފުން ދިއުމަށް އަންގާތީ ބައެއް މުވައްޒަފުން މިއަދު ހިތްހަމަނުޖެހުން ފާޅުކޮށްފި އެވެ.

ނޫހުގައި ނަން ނުޖެހުމަށް އެދި ވާހަކަ ދެއްކި ޕީއެސްއެމްގެ މުވައްޒަފަކު ބުނީ އެތަނުގެ މެނޭޖިން ޑިރެކްޓަރުގެ ބިއުރޯއިން ކަމަށް ބުނެ، ބައެއް މުވައްޒަފުންނަށް ފޯނުން ގުޅައި، ޖަލްސާއަށް ދިއުމަށް އަންގަމުން ދާ ކަމަށެވެ. އަދި ޑިއުޓީގައި ނެތް ހުރިހާ މުވައްޒަފުން ވެސް ޖަލްސާއަށް ހާޒިރުވާން ޖެހޭނެ ކަމަށް އަންގާ ކަމަށް ވެސް އޭނާ ބުންޏެވެ.

"އެމްޑީގެ އޮފީހުން އަންގަނީ މިއީ ސަރުކާރުގެ ޖަލްސާއެއް ވީމާ ހުރިހާ އެންމެން ވެސް ބައިވެރިވާން ޖެހޭނެ ކަމަށް. މާދަމާ ރޭގެ ޑިއުޓީގައި ތިބި މުވައްޒަފުން ވެސް ޑިއުޓީގައި ތިބިކަން އަންގަންޖެހޭ،" އެ މުވައްޒަފު ބުންޏެވެ.

އޭނާ ބުނި ގޮތުގައި އެގޮތަށް އަންގާތީ ބައެއް މުވައްޒަފުން ތިބީ ވަރަށް ހިތްހަމަނުޖެހިފަ އެވެ.

އެކަމަކު އެކަން ޕީއެސްއެމްގެ މެނޭޖްމެންޓުން ދޮގުކުރެ އެވެ.

މެނޭޖިން ޑިރެކްޓަރު އިބްރާހިމް ހަލީލު ވިދާޅުވީ ސަރުކާރުން ބާއްވާ ޖަލްސާއަށް ދާން އެދި އެއްވެސް މުވައްޒަފަކަށް މަޖުބޫރު ނުކުރާ ކަމަށެވެ. ނަމަވެސް އެއީ ސިވިލް ސާވިސްގެ މުވައްޒަފުންނަށް ވެސް ބައިވެރިވެވޭ ޖަލްސާއަކަށް ވާތީ، ޖަލްސާ އަށް ދާން ފުރުސަތު އޮންނާނެ ކަމަށް އޭނާ ވިދާޅުވި އެވެ.

"ޖަލްސާއަށް ދިޔުމަށް މަޖުބޫރެއް ނުކުރަން. އެކަމަކު އެ ޖަލްސާގައި ބައިވެރިވުމުގެ ފުރުސަތު ކޮންމެ މުވައްޒަަފަކަށް ވެސް އޮންނާނެ،" ހަލީލު ވިދާޅުވި އެވެ.

ޕީއެސްއެމްގެ ގާނޫނު ބުނާ ގޮތުން ނުފޫޒުން އެއްކިބާވެފައިވާ، އެޑިޓޯރިއަލް މިނިވަންކަން ފުރިހަމައަށް ލިބިފައިވާ މުއައްސަސާއެއްގެ ގޮތުގައި ބާއްވަން މަސައްކަތް ކުރަން ޖެހޭނެ އެވެ. އަދި ސިޔާސީ، މާލީ، އިދާރީ ނުވަތަ އެނޫން ވެސް ގޮތަކުން ބާރެއް ލިބިފައިވާ ފަރާތަކުން، ޕީއެސްއެމްގެ މައްޗަށް ސީދާކޮށް އަދި ނުސީދާކޮށް ވެސް ނުފޫޒު ފޯރުވައިގެން ނުވާނެ ކަމަށް ގާނޫނުގައިވެ އެވެ.

ޕީއެސްއެމް އަކީ ދައުލަތުގެ މިނިވަން މީޑިއާއެއްގެ ގޮތުގައި ގާނޫނުގައި އޮތަސް އެތަން ހިންގަނީ ސަރުކާރުން 100 ޕަސެންޓް ކޮންޓްރޯލްކޮށްގެން ކަމަށް އިދިކޮޅު ފަރާތްތަކުން ބުނެ އެވެ. އަދި ސަރުކާރާ ހިޔާލު ތަފާތު އެއްވެސް ބަޔަކަށް ޕީއެސްއެމް އިން ފުރުސަތު ނުދޭ ކަމުގެ ޝަކުވާ ވެސް ބޮޑެވެ.

ދިވެހި ސަރުކާރު އިބްރާހިމް ހަލީލް (ސްޓްރެޓީޖިކް ކޮމިއުނިކޭޝަންސް) ޕީއެސްއެމް

79 ކޮމެންޓް, 266 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފުނަމާ

29 November 2016

ޚަލީލްއަކީ އިޙްތިރާމް ކުރާ ރަޙްމަތްތެރިއެއް ކަމުގައި ވާތީވެ މިއަދު ރައްޔިތުންގެ ނުރުހުން ޚަލީލުއަށް ލިބޭތީވެ ދެރަވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނޮނީމާ

29 November 2016

ކަލޯ ޖަލްސާގަ ނެތް އެއްވެސް ކަހަލަ ރޫހެއް ދިރުމެއް. އެއްވެސްމީހަކު ހިނިތުންވެގެނެއް އުލުނުތަނެއް ނުފެނޭ މަށަކަށް. ދެން ބިރު ހީވެގެން ދިޔައީމަ ވާނީވެސް އެހްނތާދޯ. ބޯހަލާކޫ.. އޭ އެއްވެސްމީހަކަށް އެނގޭތަ ރޭ އެތާގަ ހުރި ފެން ވިއްކާތަނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑަކުޓަރު

28 November 2016

ރަގަޅު. ހިތުން ރުހުމުން ނުދަމެންނު . ވޯޓެއްވެސް ނުދުވޭނެ . ކޮބާމައްސަލައަކީ. ތިނޫންގޮތަކަށް ތިޖަލްސާ ގޮނޑިތަކެއް ނުފުރޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

28 November 2016

އަސަރެއްކުރާނީ. އެތަށް ހާސްބަޔަކު ދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެހެ

29 November 2016

ގޮސްފި އެއްްނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަންކަމަނަ

28 November 2016

ހަމަ އަންގާ އޮފީސް ތަކަށް ބައިވެރިވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނދުވާ

28 November 2016

ޕީއެސްއެމްއިން އެންގެވިކަމަށް "މުޙައްމަދު އާދަމް" ނަމުގައި ތިޔަވިދާޅުވަނީ ކަނޑައެޅިގެން ދޮގެއް. ބައެއް މުވައްޒަފުން ޖަލްސާޔަށްދިއުމުން "ވަޒީފާޔާބެހޭ ޤާނޫނާ ފުށުއަރާނެތޯ؟" ސުވާލުތަކަށް "ފުށުނާރާނެކަމުގައި ބައެއްވެރިން" ވިދާޅުވިކަމަށްވޭ. އެއީ ޕީއެސްއެމްގެ ޓޮޕް މެނޭޖްމަންޓްގެބަހެއްނޫން. ޕީއެސްއެމް އަކުން މަޖުބޫރެއް ނުކުރޭ. މިއީ ކަށަވަރުކަމެއް. ބައެއް މުވައްޒަފުން އަމިއްލައަމިއްލަޔަށް ސުވާލު އުފައްދައިގެން އަމިއްލަޚިޔާލަށް ދައްކާވާހަކަޔަކީ، މެނޭޖްމަންޓާބެހޭކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާޒް

28 November 2016

މަޖުބޫރެއް ނުކުރޭ..... އެކަމަކު ބިރުގަންނަވާލީމަ ދެން މިޖެހެނީ ދާން.... މިނޫން ގޮތެއް ނެއްވިއްޔާ، ﷲ އިރާދަފުޅުން 2018ގަ މިކަލޭގެ ސައިޒަށް ތިރިވާނެ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮކިފަތި 3 އަހަރު

28 November 2016

އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަނަމަ

28 November 2016

އަހަރެން ތިޔަ ޖަލްސާއަށް ދާން މަޖްބޫރުކުރުވައިފިނަމަ ދާނީ ރީނދޫކުލައިގެ ހެދުމެއް ލައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނި

29 November 2016

ސާބަހޭ....!! :) :-)

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންކޮއި

28 November 2016

ސަރުކާާރު އަކީ ރައީސް މީހާ އާއި އޭނަގެ ކެބިނެޓް. ނޫންނަމަ ސިޔާސީ މަގާމްތައް. ދިވެހިންނަކީ ގަމާރު ބަޔަކައް ހަދަން ނޫޅެބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެނޮނީމާ

28 November 2016

އޭ މަވެސް ދެން މިހާރު މިވިސްނަނީ އެތަނަށްދާން. މިހާރު އަންގައިފި ދާށޯ. ދެންޖެހޭނީ ދާންތާ ދޯ ނުދިޔައީޔާ ވަޒީފާއަށް ނޭގެވާނެގޮތެއް. އެހެންވެ. މިކަމާ ތިބޭފުޅުން ކީކޭތޯ ބުނާނީ ހިތާ ދެކޮޅަށްވިޔަސް ދާންވީތޯ ނޫނީ ފުއްޕާފަ ނުދާންވިތޯ. އަޅެ ބުނެބަލަ .