ފްލެޓް ލިބުނު މީހުންތަކެއް ފްލެޓް އެއްބަސްވުމުގައި ސޮއިކުރަނީ-- ފޮޓޯ: ނިޝާން އަލީ
12 އޯގަސްޓް 2021 - 16:21
76 comments
ކުރީގެ ރައީސް އަބްދުﷲ ޔާމީންގެ ސަރުކާރުން ފެށި ހިޔާ މަޝްރޫއުގެ ދަށުން ހުޅުމާލޭ ދެވަނަ ފިޔަވަހީގައި އިމާރާތްކުރި 6،720 ފްލެޓް ލިބުނު މީހުންގެ ކަންބޮޑުވުންތަކާ އެކު "ފުރަތަމަ ނުކުތުން" ގެ ނަމުގައި މާދަމާ މަގުމައްޗަށް ނުކުންނަން ތައްޔާރުވާން ފަށައިފި އެވެ.
ފްލެޓް ލިބުނު މީހުންގެ އެދުމަށް ހިޔާ ޔޫނިއަނުން ބާއްވާ މި ހަރަކާތް އޮންނާނީ މާދަމާ މެންދުރު 2:30 އިން ހަވީރު 5:00 އަށެވެ. އެ މީހުން އެއްވާނީ ހުޅުމާލޭ ފޭސް ދޭއްގެ އެޗް8 އާއި އެޗް12 އާ ދެމެދުގެ މަގަށެވެ.
މި ހަރަކާތުގެ ކުލައެއްގެ ގޮތުގައި ކަނޑައަޅާފައި ވަނީ ހުދު އަދި ފެހި ކުލަ އެވެ.
ފްލެޓް ލިބުނު މީހުންނާ އެކު، މިދިޔަ މަހުގެ 14 ގައި އެއްބަސްވުމުގައި ސޮއިކުރަން ފެށުމުގެ ކުރިން ވެސް އެ މީހުން ވަނީ "ފަހު އާދޭސް" ގެ ނަމުގައި ސަރުކާރަށް ކަންތައްތަކެއް ހުށަހަޅައިފަ އެވެ.
އެކަމަކު "ހިޔާ ޔޫނިއަން" ގެ ވައިބާ ގްރޫޕަށް ފޮނުވި ޕޯސްޓަރެއްގައި ލިޔެ، ހިއްސާކުރުމުން އެ ޔޫނިއަނުން ސޯޝަލް މީޑިއާގެ އެކި ޕްލެޓްފޯމުތަކުގައި އެ ޕޯސްޓަރުތައް އާންމުކުރި ނަމަވެސް ފްލެޓް ލިބުނު މީހުންގެ އާދޭސްތަކަށް ހައްލެއް ނުލިބުނެވެ.
ފްލެޓް ލިބުނު މީހުންގެ މައިގަނޑު ކަންބޮޑުވުމަކީ ދެ ކޮޓަރީގެ މި ފްލެޓްތަކަށް މަހަކު 7،500ރ. އަދި ސާވިސް ފީއަށް 1،000ރ. ނަގަން ނިންމުމެވެ. މީގެ ކުރިން ހިންގި ސޯޝަލް ހައުސިން ސްކީމެއްގެ ދަށުން އެޅި ފްލެޓްތަކަކަށް ވެސް މިހާ ބޮޑު ކުއްޔެއް ނުނަގަ އެވެ. އަދި ފިނިޝިން މަސައްކަތް ވެސް ފްލެޓް ލިބޭ މީހާގެ އަމިއްލަ ހަރަދުގައި ކުރިއަށް ގެންދަން ޖެހޭތީ އެއީ ބޮޑު އަގެއް ކަމަށް ގިނަ ބަޔަކު ދެކެ އެވެ. އެ މީހުން އެދެނީ މަހު ކުލި 5،600ރ. އަށް ކުޑަކޮށްދިނުމެވެ.
އެކަމަކު ކުލި ކުޑަކުރުމަށް މަޝްވަރާކުރާ ކަމަށް ސަރުކާރުން ބުންޏަސް މިހާތަނަށް ކުލީގެ ގޮތުގައި ކަނޑައެޅި އަދަދަށް ބަދަލެއް ގެނެސްފައެއް ނުވެ އެވެ.
ފްލެޓް ލިބުނު މީހުންގެ ކަންބޮޑުވުންތަކާ އެކު މަގުމަތީގައި ޝުއޫރުފާޅުކުރަން ނުކުތުމަށް ތައްޔާރުވަމުން މި އަންނަނީ ގިނަ ބައެއްގެ ސޮޔާ އެކު ރައީސް އޮފީހަށް ޕެޓިޝަނެއް ހުށަހަޅައިގެން އެކަމަށް ވެސް ހައްލެއް ނުލިބިގެން ކަންބޮޑުވުން ފާޅުކޮށްފައިވާ ދަނޑިވަޅެއްގަ އެވެ.
މަގުމަތީ ހަރަކާތަށް ނުކުތުމަށް ތައްޔާރުވަނީ ކޮވިޑުން ރައްކާތެރިވުމަށް އަޅާފައިވާ ފިޔަވަޅުތަކަށް އަމަލުކުރާ ގޮތަށެވެ. އެގޮތުން ތިން ފޫޓުގެ ދުރުމިނެއްގައި ތިބުމަށާއި މާސްކް އެޅުމަށް ފްލެޓް ލިބުނު މީހުންނަށް ޔޫނިއަނުން އަންގަ އެވެ. އަދި މި ހަރަކާތުގައި ކުޑަކުދިން ބައިވެރި ނުކުރުމަށް ވެސް އެދެ އެވެ.
ހިޔާ މަޝްރޫއުގެ ދަށުން އަޅާފައިވާ 25 ބުރީގެ 16 ޓަވަރުގައި 30،000 އަށް ވުރެ ގިނަ މީހުން އުޅޭނެ ކަމަށް ބެލެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑަމް
14 August 2021
ދިވެއްސެއްތަ? ކަމުދާއެއްގޮތެއްނޯންނާނެ,އެންމެރަގަޅު ހައްލަކީ މީހެއްގެ ޖާނައް މާލައް ހަށިގަޑައް ޖިސްމާނީ އަނިޔާއެއް ނުލިބޭކަނކަމުގާއަޅާނުލާ ބީރުކަންފަތެއްދިނުން އުދުހިފަދިޔަސްދިވެއްސެއްވިއްޔާ, ބިންމަތީ ނޫދުހެވިފަހުރިމީހާބުނާނެ އައްޗީ އެއްއަތައް އަރިއޭ އެއީދިވެހިންގެއާދަ ދުވަހަކުވެސް ރަގަޅުގޮތެއްނޯންނާނެ!!
ޙިމާރުލްޤަެއުމު
13 August 2021
ހިތާމައަކީ ކިތަންމެނުރަގަޅު ކަމަކައްވިއަސްސަރުކާރުންކޮއްފައޮންނަކަމަކައް މީހަކުކިޔާފާޑަކައް މީީޑިއަކުންވެސްސަމާލުކަމެއްނުދޭނެ,އެވަރިހަމަ އެކަމަކާހަވާލުވެގެންހުރީ ސިޔާސީ ގަމާރަކައްވިއަސް, މިކަހަލަކަންތަކުގެތެރެއިން އެއްކަމެއް/ ހުޅުމާލެ/ ހުޅުމާލެފޭސް,2ގެ މަގުތައް,އެއްވެސްބޭފުޅަކުބެއްލެވިތޯ?މީހެއްގެތަރިކައެއްހެންހަދަމުން އެގެންދަނި ބޭނުންގޮތަކައްހެދެންއޮތްހުސްބިމެއްގަ އެކަމަކުޕުލޭންކޮއްގެންހަދާރަށުގެ ގޯޅިއެއްގަ,އެއްފަރާތުގަ ސައިކަލެއްބަހައްޓާފަ ހުރެއްޖެނަމަ އެމަގުންދެނެއްއެހެންވެހިކަލަކައްނުދެވޭ އެހާހަނިގޯޅިތަ ކެއް,ފީކަޅާމީބޭނުންގޮތަކައްޕުލޭންކުރެވެންއޮތްހުސްބިމެއްްެ!!
މިނިމަލް
13 August 2021
" 25 ބުރީގެ 16 ޓަވަރުގައި 30،000 އަށް ވުރެ ގިނަ މީހުން އުޅޭނެ ކަމަށް ބެލެވެ އެވެ. " މި ޖުމްލަ ކިޔާފަވެސް މަގޭ ބޮލުގަ ރިއްސާ އެބަ، ރާއްޖޭގެ ބޮޑު ރަށެއްގަ ވެސް ތިވަރު ބޮޑު އާބާދީއެއް ނޯވޭ، ދެން މިއުޅެނީ ކުޑަ ސަރަހައްދަކަށް 30ކޭ މީހުން ވަޒަން ވެރި ކުރުވަން، މި ނޫން ސިޔާސަތެއް ނެތީތަ މި މާލެއަށް، މީ ވިސްނާ ފިކުރު ކުރަން ޖެހޭނެ މައްސަލަ އެކޭ، ވަﷲ ޢަޢުލަމް
ދަންޑްހެލު
13 August 2021
ހާދަހީވެޔޭ މާލޭގެ ކުލި ވެއްޓިދާނެތީ ބަޔަކު ހިތްފަޅައިގެންދާން އުޅޭހެން. ފައިސާއާހެދި އުޅުނަސް ބޮޑުވަރު
ޓްރުތް
13 August 2021
އަމިއްލަ އެދުމުން ފޯވެފަތިބި މަދުބަޔަކު މިކަމާ ދެކޮޅަށް ކިތަންމެ ކޮމެންޓެއްކުރިޔަސް މީހަކަށް ދެއްވާފައިވާ ނިޢުމަތަކަށް ބާރުފޯރުވޭނެ ހަމަ އެއްވެސް މަޚުލޫޤެއް މިދުނިޔޭގައި ނެތް.
ކެތްތެރި
13 August 2021
ފްލެޓް ނުލިބުނު މީހުން ތިވަރަށް ނުތެޅިބަލަ. މިއީ އެހެންބަޔަކު ކުރާކަމެއް. ތި ކުދިންނަށް ކޮންކަމެއް. ތިކުދިން އަތުން އެއްޗެއް މަދުވަނީބާ؟
ީދިހައްކަ
13 August 2021
ކަލޭމެން ތެޅެވައްތަރުން ދައުލަތުގެ ބަޖެޓުން ހަމައެކަނި ކަލޭމެްނަށްތަ ހަރަދުކުރަންވީ؟ ބަލަ 3 ބުރިއަށްހަދާފަހުރި އިމާރާތްތަކެއްގަހުރި ފްލެޓްތަކެއް އަގުހެޔޮކަމަށްގޮވައިރު ނޭނގެތަ ތިތަނަކީ 25 ބްރިއަށްނަގާފަ ބޮދެތިހަރަދުތަކެއް ކޮށްގެންހަދާފަހުރިތަންތަންކަެއް. ޕޮރޮޖެކްޓްގެ އަގުބޮދުވިވަރަކަށް ދައްކަްޖެހޭވަރުވެސް ބޮޑުވާނެ. އެފޯޑުނުވަންޔާ ތިވަރަށްނުތެޅި ތިތަންތަންދުކޮށްލަބަލަ. އުޅޭވައްތަރުން ބޮލަށްތުރާވޭ
ދެބޯ
13 August 2021
ސޯޝަލް ހައުސިންގއޭ ކިޔައިގެން ލަގްޒަރީތަންތަން ވިއްކަންބާ އެޗްޑީސީން އުޅެނީ.
ދަރިޔާ
13 August 2021
މިތާ ކޮމެންޓްތައް ކިޔާލުމުން ފްލެޓް ނުލިބުނު މީހުން ހާދަ މޭ ކަރައިގެން ތި އުޅެނީ. އަހަރުމެންނަށް އެނގޭ މާލޭގެ އެޕާރޓްމަންޓްތަކުގެ ކުލި ވެއްޓޭނެތީ ބަޔަކު ލޮލަށް ނިދިނައިސް އުޅޭކަން. އެކަމަކު ވާންހުރިކަމެއްވާނެ ބަޔަކު ކިތަންމެ ހަޅޭއްލެވިޔަސް.
ބުޅާގޯނި
13 August 2021
ނެގެޓިވް ކޮމެންޓްތަކަށް ބަލާލުމުން އެނގިގެންދަނީ އެންމެ ދެތިން މީހެއްގެ ކޮމެންޓްތަކެއްކަން،. ގިނަ ކޮމެންޓްތަކެއް ކުރިޔަސް އެއީ ހަމަ ދެތިންމީހުން. ކޮމެންޓްތަކުގެ އިބާރާތް ހަމަ އެއްގޮތެއް. ދެން ފްލެޓް ނުލިބުނަސް ތީ ބޮޑުވަރުދޯ. ދެންވެސް ޝުކުރުކޮށްލައިގެން ހުރެބަލަ ފްލެޓެއް ލިބޭތޯ. އެހެން މީހުން ކުރާކަންކަމަށް އަނގަބާނަން ތީ ކޮންބައެއް
ޝަރުތު
13 August 2021
މިހާ އަގުބޮޑު ސޯޝަލް ހައުސިންގ ސްކީމްއެއް ދުނިޔޭގެ އެއްވެސް ތަނަކުން ނުދެކެން. މިއީ އަމިއްލަ ކުންފުންޏަކުން ވިއްކާ އެޕާރޓްމަންޓްތަކެއްބާ؟