ފުލުހުން ބުނީ އާންމުންގެ ގެތަކުގައި ޓޫރިސްޓުން ބައިތިއްބާ ކަމުގެ ޝަކުވާ ލިބޭ ކަމަށާއި އެގޮތަށް އަމަލުކުރާ ނަމަ ފިޔަވަޅު އަޅާނެ ކަމަށް
15 އޯގަސްޓް 2021 - 15:43
52 comments
އިންޑިއާއިން ރާއްޖެ އަންނަ ޓޫރިސްޓުން ރަށްރަށުގެ އާއްމުންގެ ގެތަކުގައި ތިބޭ ކަމުގެ ޝަކުވާތައް ގިނަވެއްޖެ އެވެ.
އެނގިފައިވާ ގޮތުގައި އިންޑިއާ ޓޫރިސްޓުން އާއްމުންގެ ގެތަކުގައި ބައިތިއްބަނީ ގެސްޓު ހައުސްތައް ފުރުމުންނެވެ. މިފަދަ ޝަކުވާތައް ފުލުހުންނަށް ވެސް ލިބިފައިވާ ކަމަށް ޓޫރިސްޓު ފުލުހުން ވަނީ ބުނެފަ އެވެ.
ޕީއެސްއެމްގެ ޕްރޮގެރާމެއްގައި ޗީފް އިންސްޕެކްޓާ އޮފް ޕޮލިސް ހުސެއިން އަޒްހަމް ވިދާޅުވީ ޓޫރިސްޓުން އަންނަ މިންވަރު އިތުރުވެފައިވާއިރު އާއްމުންގެ ގެތަކުގައި ޓޫރިސްޓުން ބައިތިއްބާ މައްސަލަ ފާހަގަކުރެވިފައިވާ ކަމަށެވެ. އަދި މިގޮތަށް ތިބޭ ޓޫރިސްޓުން ގެސްޓު ހައުސްތަކަށް ބަދަލުކުރާނެ ކަމަށް އޭނާ ވިދާޅުވި އެވެ.
"ޓޫރިސްޓުން ބޭތިއްބޭނީ މިނިސްޓްރީން ހުއްދަ ދޭ ފަރާތްތަކަށް އެކަނި. އެހެން ނޫން ކަމަށްވާ ނަމަ ހާއްސަކޮށް ކޮވިޑްގެ މިދަނޑިވަޅުގައި އެއީ އެންމެންގެ ސަލާމަތަށް ނުރައްކާތެރިވެދާނެ ކަމެއް. މިގޮތަށް މިކަން ކުރާތީ އަޅުގަނޑުމެންގެ އަތޮޅުތެރޭގެ ޕޮލިސް ސްޓޭޝަންތަކުން މިހާރު ވެސް މަސައްކަތަކެއް އެބަ ކުރޭ، އެގޮތަށް ތިބި ފަތުރުވެރިން ބުކިން ހަދާފައި ގެސްޓް ހައުސްތަކަށް ބަދަލު ކުރަން. ގްރޭޓާ މާލޭ އޭރިއާގައި ވެސް އެގޮތަށް ދިމާވާ ކޭސްތަކުގައި ޓޫރިސްޓުން ގެސްޓު ހައުސްއަށް ބަދަލު ކުރުމުގެ މަސައްކަތް ކުރަމުން މިދަނީ،" ހުސައިން އަޒްހަމް ވިދާޅުވި އެވެ.
"މިހާރު" އަށް ވާހަކަދެއްކި މީހަކު ބުނީ އިންޑިއާ ޓޫރިސްޓުން އާއްމުންގެ ގެތަކުގައި ބައިތިއްބަނީ ގެސްޓުު ހައުސްތަކުގެ ނަމުގައި ބުކިންތައް ހައްދައިގެން ކަމަށެވެ.
"މިހާރު ގެސްޓު ހައުސްތަކަށް އިންޑިއާ ޓޫރިސްޓުންގެ ބުކިން ވަރަށް ގިނައިން ލިބޭ. އެހެންވެ، ފުލްކޮށް އުޅޭ ތަންތަނުން ވެސް ބުކިން ނަގައިގެން އެމީހުން ގެނެސް މީހުން އުޅޭ ގެތަކުގެ ކޮޓަރިތަކާއި ހުސްކޮށް ހުންނަ ގެތަކުގައި ބައިތިއްބަނީ،" ނަން ހާމަ ނުކުރުމަށް އެދި ވާހަަކަދެއްކި މީހާ ބުންޏެވެ.
އިންޑިއާގެ ގިނަ ޓޫރިސްޓުން މި ދުވަސްވަރު ރާއްޖެ އަންނަނީ އެ ގައުމުން އެހެން ގައުމުތަކަށް ދާން ޓްރާންސިޓް މަންޒިލެއްގެ ގޮތުގަ އެވެ. އެއީ އިންޑިއާ މަގުން ދަތުރުކުރެވޭ ގައުމުތައް މަދުކަމުންނެވެ.
އެޗްޕީއޭއިން ނެރެފައިވާ ގަވާއިދުގައި ބުނެފައިވާ ގޮތުގައި ރާއްޖެއަށް އަންނަ ޓޫރިސްޓުންގެ ތެރެއިން މީހުން ދިރިއުޅޭ ރަށްރަށުގެ ގެސްޓު ހައުސްތަކުގައި ތިބެވޭނީ ކޮވިޑް-19ގެ ވެކްސިން ފުރިހަމަ ކޮށްފައިވާ ޓޫރިސްޓުންނަށެވެ. ވެކްސިން ފުރިހަމަ ނުކުރާ ޓޫރިސްޓުންނަށް ޗެކިން ކުރެވޭނީ އާބާދީގެ 60 ޕަސެންޓު ވެކްސިން ފުރިހަމަ ކޮށްފައިވާ ރަށްތަކުގެ ގެސްޓު ހައުސްތަކަށް އެކަންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައިފް
17 August 2021
އިންޑިއާ ވޭރިއަންޓް ކިޔާތީ އިންޑިއާ މީހުން ހިތްހަލާކުވީ. އެކަމު އެމީހުންގެ ގައުމުން ނިކުތް ޑެލްޓާ ވޭރިއަންޓަކީ ވެކްސިން ޖަހައިގެން ހުއްޓަސް ބަލި ޖެހުން ގިނަކުރުވަމުން އަންނަ އެއްޗެއް ކަމަށް މިހާރު ދައްކަމުން އެ ދައްކަނީ. މިގައުމަށް ގިނައިން އިންޑިއާ މީހުން އެރުވީމަ އަލުން އެ ފެތުރުމުގެ ޗާންސް ކިހާ ބޮޑުވާނެ.
އޮނަރަބްލް އަފީފު ދީދީ.
16 August 2021
ސިއްޙީ އިދާރާތަކުން ލަފާކުރަނީ 2022 ގެ މެދަކާއިހަމައަށް އިންޑިޔާއިން ގިނަ ޤައުމުތަކަށްދަތުރުކުރުން ހުއްޓޭނެކަމަށް. # އެހެންކަމުން މާލެސަރަޙައްދަކީ އިންޑިޔާމީހުނަށް އެފޯޑް ކުރެވޭވަރަށްވުރެން އަގުބޮޑުތަނަކަށްވާތީ، ބަންދުކޮށްފައިވާ އައްޑޫ ޝަންގްރިލާޒް އާއި ހެރެތެރެ ކޮރަންޓީނު ފެސިލިޓީޒްއެއްގެ ގޮތުގައި ދައުލަތަށްނަގާ މިގޮތަށްއަންނަ ފަތުރުވެރިންގެ ކޮރަންޓީނު ފެސިލިޓީއަކަށްހަދާ ގޭން އާއި ޑްބާއީއާއި ދެމެދު އިންޑިގޯ ޝެޑިއުލް ދަތުރުފެއްޓޭތޯ ބައްލަވާ.
ޓިނު ރާ
16 August 2021
ނުކުރާނެ މިއީ ކަމެއްވާ ބައެއްނޫން
ޕިޔާ
16 August 2021
އިންޑިޔާ ޓޫރިސްޓުންނޭ! އޭ ހުސް ކަރަންޓީންވާން އަންނަ މީހުން! ޕިސް ޕިސް
އުސްމާނުބެ
16 August 2021
ދެން ރަގަޅުވާނެ ، މިހާރު ސައުދީއައް ދެވެޔޭ އެހެން ބައުމެއްގައި 14 ދުވަަސް ކަރަންޓީނުނުވެ.. އެހެން ވީމާ ދެން ހީވަނީ ތައްކޮޅެއް ރަގަޅުވާނެހެން މިކަން....
ހރއނނނދ
16 August 2021
ރައްޔިތު މީހާއަށް ރުފިޔާއެއް ލިބިދާނެތީ ބިރުގަތީ ދޯ
ވިސްނުންކޮބާ
16 August 2021
ރައްޔިތު މީހާއަށް 50 ޑޮލަރ ދީފަ މުޅި ރަށަށް ޑެލްޓާ ވޭރިއަންޓް ފަތުރާފަ ދިޔައިމަ އެއީ ވަރަށް ރަނގަޅު ޑީލެއް
އޮރެންޖްބެރީ
16 August 2021
ކުރީގައި ގޭގައި ޓޫރިސްޓުން ތިބެވޭ. 2008ގެ އެމްޑީޕީ ސަރުކާރުގެ ކުރިން ގެސްޓުން ގޭގޭގައި ތިބޭ. ގެސްޓް ހައުސް ވިޔަފާރިއޭ ކިޔާފަ އެމްޑީޕީން 2008ގެ ފަހުން، ގޭގޭގައި ތިބުން މަނާކުރީ. ދެން ރަށްރަށުގައި ގެސްޓްހައުސް ހަދަން ފައިސާ ހުރި ރަށުފެންވަރުގެ މަހުޖަނުންގެ ވިޔަފާރިއަކަށް ލޯކަލް ޓޫރިޒަމް ބަދަލުވީ. އެމީހުންވީ ސިޔާސީ މީހުންނަށްވެސް. ދުނިޔޭގެ މުއްސަދި ގައުމުތަކުގަވެސް އެންމެ އާދައިގެ ގެތަކުގަވެސް ޓޫރިސްޓުންނަށް ތިބެވޭ.
މަހޫ
16 August 2021
ދިވެސް ސަކައް ނުދެވޭ އިންޑިޔާ އަކައް. ވިސާ ހުސްވެފަ ހުރީ.
ކޮބާޑެކުން
16 August 2021
މާބޮޑުކަމެއްނުކުރެވުނަސް ކަނޑުކޮސްވާހަކަތައް ދައްކާ އަޗާތަޅާ މަބޮޑޭވާން ޕޮލިހުންއުޅެނީ، ކޮންފިޔަވަޅެއްތޯ އެޅެނީ؟ ކޮންތަހުގީގެއްތޯނިމެނީ؟
އޮނަރަބްލް އަފީފު ދީދީ.
15 August 2021
ސައުދިއަރަބިއާ، UAE އޮމާން، ކުވައިތު، Qatar ބަހުރައިން، ޔަމަން، މިސްރު، Jordan، އިރާގު ފަދަ ޤައުމުތަކާއި Japan ، ކޮރެއާ އަދި America އާއި އިޤިރޭސިވިލާތަށް ދިއުމަށް އިނޑިޔާގެ އެތައްލައްކަ ކިޔަވާކުދިންނާއި ވަޒީފާގައިތިބިމީހުން އެބުރިދިއުމަށް ފަށައިފި. # އިންޑިޔާމީހުން "މިދަތުރަށް ބޭނުންކުރާނެ މަންޒިލަކީ އައްޑޫސިޓީ ކަމުގައިހެދުމަށްޓަކާ" ގޭންއެއަރޕޯޓާއި ކައުންސިލް ގުޅިގެން އިންޑިޔާ އެމްބަސީއާއި ވާހަކަދައްކައި IndiGo ގެ ޝެޑިއުލް ދަތުރު ފެއްޓޭތޯ ބަލާ.
ހަސަންކަލޯ ހިތަދޫއަވަށް.
15 August 2021
ބައްލަވާ ނިޒާރު އިންޑިޔާ ކޮންސިއުލޭޓު ހުޅުވޭނީވެސް މިސިޓީއަށް ދަތުރު ކުރާ އިންޑިޔާ މީހުންގެ އަދަދު އިތުރުކޮށްގެން. އިންޑިޔާ ހައިކޮމިޝަން އާއި ވާހަކަ ދައްކައިގެން ގްލުގެ ޤައުމުތަކަށް އަދި އެމަރިކާ އާއި ޖަޕާން ކޮރެއާ އަށް ދާ އިންޑިޔާ މީހުން ކޮރަންޓީނު ވާނެ އަދި އެމީހުން އެ ޤައުމުތަކަށް ދަތުރު ކުރާނެ ތަނަކަށް އައްޑޫ ހަދަން އިންޑިގޯގެ ދަތުރު ފެއްޓޭތޯ އިންޑިޔާ އެމްބަސީ އާއި ވާހަކަ ދައްކަންވީނު .
މުޙައްމަދު / އައްޑޫސިޓީ.
15 August 2021
ކޮބާތޯ އަޑުހަރުކޮށް އައްޑޫގެ ތަރައްޤީގެ ވާހަކަ ދައްކާ މޭޔަރު ؟ ކީއްވެ އިންޑިޔާގެ ފަތުރުވެރިން އައްޑުއަށް ގެނައުމަށް އިންޑިޔާ އާއި ވާހަކަ ނުދައްކަނީ ؟