އިންޑިއާ ޓޫރިސްޓުންތަކެއް ހުޅުމާލެ ބީޗް ސަރަހައްދުގައި މަޑުކޮށްލައިގެން: ފޭކް ބުކިންތަކުގެ މައްސަލަތައް ވަނީ އިތުރުވެފައި-- ފޮޓޯ: އަހުމަދު އަވްޝަން އިލްޔާސް /މިހާރު
22 އޯގަސްޓް 2021 - 10:36
3 comments
ރާއްޖެއަށް ޓޫރިސްޓުން ގެނައުމުގައި އޮޅުވާލައިގެން ބުކިން ހައްދާ މައްސަލަތަކެއް ފުލުހުން ބަލަން ފަށައިފި އެވެ.
މައްސަލަ ތަހުގީގުުކުރަމުން އަންނަ ކަމަށް ބުނުން ފިޔަވައި އިތުރު މައުލޫމާތެއް ފުލުހުން އަދި ހާމައެއް ނުކުރެ އެވެ.
އޮޅުވާލައިގެން ޓޫރިސްޓުން ގެންނަ ކަމުގެ ޝަކުވާތައް ފަހަކަށް އައިސް ވަނީ ވަރަށް ބޮޑަށް އިތުރުވެފަ އެވެ. މި ގޮތަށް ފޭކް ބުކިންތަކުގައި ގިނައިން ގެންނަނީ އިންޑިއާ ޓޫރިސްޓުންނެވެ.
މި މަހުގެ ކުރީ ކޮޅު އިންޑިއާ އިން ޓޫރިސްޓުންތަކެއް ގެނެސް މަގުމަތިކޮށްލި މައްސަލައެއް ވެސް ފުލުހުން އަންނަނީ ބަލަމުންނެވެ. މި ޓޫރިސްޓުން ރާއްޖެއަށް ގެނައީ ފައިވް ސްޓާ ހޮޓަލެއްގައި ބައިތިއްބާނެ ކަމަށް ބުނެ އޮޅުވާލައިގެންނެވެ.
"މިހާރު" އަށް އެނގިފައިވާ ގޮތުގައި ބައެއް ރަށްތަކުގައި މިހާރު ވެސް ފޭކް ބުކިންތަކުގައި ޓޫރިސްޓުން ގެނެސް ފަޅު ގެތަކުގައި ބައިތިއްބަ އެވެ. މިހެން ހަދަނީ ކައުންސިލްތަކާއި ބައެއް ގެސްޓު ހައުސްތައް ވެސް ގުޅިގެން ކަމަށް ބައެއް މީހުން ބުނެ އެވެ.
ބައެއް ގެސްޓު ހައުސްތަކުން އެއް ކޮޓަރިއަކަށް ގިނަ ބުކިންތަކެއް ހައްދައިގެން ވެސް ޓޫރިސްޓުން ގެނެ އެވެ. މިފަދަ ބައެއް މައްސަލަތައް އިމިގްރޭޝަނަށް ފާހަގަ ކުރެވި ގިނަ އަދަދެއްގެ ޓޫރިސްޓުންތަކެއް އަނބުރާ ގައުމަށް ވެސް ފޮނުވާލި އެވެ.
ފޭކް ބުކިންތަކުގެ މައްސަލަތަކެއް ގެސްޓު ހައުސް އެސޯސިއޭޝަން އޮފް މޯލްޑިވްސް (ގޭމް)އަށް ވެސް ވަނީ ހުށަހަޅައިފަ އެވެ. މި މައްސަލަތައް ބަލައި ދިނުމަށް ޓޫރިޒަމް މިނިސްޓްރީގައި އެ ޖަމިއްޔާއިން ވަނީ އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިހާދެރަކަމެއް.
22 August 2021
ކ.އަތޮޅު މާލޭގައި ގެސްޓުން ގުދަންތަކުގައި ގެންގުޅުނު ކަމުގައިވިޔަސް އޯކޭ. އެކަމަކު އެހެން ރަށެއްގައި ގެންގުޅޭނަމަ ވަރަށް ބޮޑު ކުށެއް. މިއީ އަޖައިބެއްނު. ފުލުހުންވެސް ހީކުރަނީ ތިޔަ މާލެ އަކީ ޤާނޫނު ނުހިގާ ތަނެއްކަމަށްދޯ.
ައއައަލީ
22 August 2021
ޕޮލިހުން ތިކަން ބަލާދީފިއއްޔާ ރަގަޅު. ޢާންމުކޮން ސިޔާސީ ބޮޑު މީހެއްގެ ކަމެއްނޫނިޔާ ނުބެލޭނެ.
އިންސާފް
22 August 2021
މުޅިންވެސް ބަލަނީ... ނިމޭނެ ދުވަހެއް އެއީ ނެތް ދުވަހެއް. ކަނޑިންމަ މޯލްޑިވްސްގައި މަސައްކަތް ކުރަމުންދަނިކޮށް ނިޔާވުމުން ކޮވިޑަށް ޓެސްޓް ކުރުމުން ކޮވިޑަށް ޕޮޒިޓިވް އަލްމަރްހޫމް ދ.މާއެނބޫދޫ އާދަމް ނަޞީރު މައްސަލަވެސް އަދިވެސް ފުލުހުން ބަލަނީ . . . މައްޔިތާގެ ހަށިގަނޑުގައި ހިޔެއްނުވޭ މަސްކޮޅެއްވެސް ހުންނާނެ ހެންނެއް. އެކަމަކު އަދިވެސް މައްސަލަ ބަލަނީ... ޑޮލަރު ކުރިމަތީގައި އިންސާފް ވަނީ އިސްދަށަށް ޖަހާފައި. ޑޮލަރުގެ އަގު މާބޮޑު، ފުރާނައަކަށްވުރެއް.