ރާއްޖޭގެ ގެސްޓް ހައުސްތައް އިޝްތިހާރު ކުރަން އިންޑިއާގެ ސަފީރާއެކު މަޝްވަރާ ކޮށްފި

ގޭމްގެ އިސް ބޭފުޅުން އިންޑިއާގެ ސަފީރު ސަންޖޭ ސުދީރު (ވ4) އާއެކު ފޮޓޯއަކަށް ހުއްޓިލައިގެން-- ފޮޓޯ: ގޭމް

އިދުހާމް ނައީމް، މިހާރު

13 ސެޕްޓެމްބަރ 2021 - 12:45

އިންޑިއާގައި ރާއްޖޭގެ ގެސްޓް ހައުސްތައް އިޝްތިހާރު ކުރުމަށް، ރާއްޖޭގައި ހުންނަވާ އިންޑިއާގެ ސަފީރު ސަންޖޭ ސުދީރުއާ އެކު ގެސްޓް ހައުސް އެސޯސިއޭޝަން އޮފް މޯލްޑިވްސް (ގޭމް) އިން މަޝްވަރާ ކޮށްފި އެވެ.

އިންޑިއާގެ އެމްބަސީގައި މިދިޔަ ހޮނިހިރު ދުވަހު ބޭއްވި މި ބައްދަލުވުމުގައި، ގެސްޓް ހައުސްތައް ކުރިއަރުވަން ގޭމުން ކުރާ މަސައްކަތުގައި އެހީތެރިކަން ފޯރުކޮށްދެއްވާނެ ކަމަށް ސަފީރު ވިދާޅުވި ކަމަށް އެ ޖަމިއްޔާ އިން ބުންޏެވެ. އެގޮތުން، އިންޑިއާގެ އެޖެންޓުންނާއި ގެސްޓް ހައުސްތަކުގެ ވެރިންނާ ބައްދަލުކޮށް، ގޭމްގެ ބްރޭންޑިންގައި އެހީވާނެ ކަމަށް ވެސް އެ ޖަމިއްޔާ އިން ބުނެ އެވެ.

ގޭމްގެ ސެކްރެޓަރީ ޖެނެރަލް ސައުދުﷲ އަހުމަދު "މިހާރު" އަށް ވިދާޅުވީ ރާއްޖޭގެ ލޯކަލް ޓޫރިޒަމްގައި އެންމެ މުހިންމު އެއް މާކެޓަކީ އިންޑިއާކަން މިދިޔަ މަހު އެނގުނު ކަމަށެވެ. އިންޑިއާގެ ސަފީރާ ގޭމުން ބައްދަލުކުރީ އެ މާކެޓުގައި ރާއްޖޭގެ ގެސްޓް ހައުސްތައް އިތުރަށް އިޝްތިހާރުކޮށް، އޭގެ ފައިދާ ރަށްރަށަށް ފޯރުކޮށްދިނުމަށް ކަމަށް އޭނާ ވިދާޅުވި އެވެ.

ސަފީރާ ހަވާލާ ދެއްވައި ސައުދު ވިދާޅުވިގޮތުގައި، އިންޑިއާގެ އެޖެންޓުންނާއި ޓޫރިޒަމް މިނިސްޓްރީ އަދި ގޭމާއި އެމްއެމްޕީއާރުސީ އާއި މަޓީގެ ބޭފުޅުން ގުޅިގެން މި މަހުގެ ފަހުކޮޅު ބައްދަލުވުންތަކެއް ބާއްވާނެ އެވެ.

"މިދިޔަ މަހު ވެސް އެ ގައުމުގެ ޓޫރިސްޓުންގެ ސަބަބުން ގެސްޓް ހައުސްތަކަށް ވަރަށް ފައިދާވި. އެހެންކަމުން އެކަން ހުއްޓުނަ ނުދީ އެ ގައުމުން ގެސްޓް ހައުސްތަކަށް އަންނަ ޓޫރިސްޓުން އިތުރު ކުރުމާ މެދު މަޝްވަރާ ކުރެވުނީ. އަޅުގަނޑުމެންނަށް މި ކަންކަމުގައި އެހީވާނެ ކަމަށް ސަފީރު ވިދާޅުވި،" ސައުދު ވިދާޅުވި އެވެ.

#GAM meet @sunjaysudhir, High Commissioner of India to Maldives @HCIMaldives on discussing key ideas to improve #indian market in #maldives specially for guesthouse sector and skill development assistance programs and more exposure to indian travel market pic.twitter.com/yf7yrlOQKJ
— Guesthouse Association of Maldives (@gammaldives) September 11, 2021

ގޭމްގެ އިސްވެރިން އިންޑިއާގެ ސަފީރާ ބަްދަލު ކުރެއްވުމަށްފަހު ކުރި ޓްވީޓެއް--

ގޭމްގެ ބްރޭންޑިންގެ ތެރޭގައި އެ ޖަމިއްޔާގެ ވެބްސައިޓާއި މެގެޒިން ހެދުމުގެ އިތުރުން އެކްސްޕޯތަކާއި އެވޯޑް ނައިޓް ބޭއްވުން ހިމެނެ އެވެ. މީގެ ތެރެއިން އެކްސްޕޯތަކުގައި އިންޑިއާގެ ހައި ކޮމިޝަނުގެ އެއްބާރުލުން ދޭނެ ކަމަށް ސަފީރު ވިދާޅުވި ކަމަށް ސައުދު ވިދާޅުވި އެވެ.

މިދިޔަ މަހު ރާއްޖެ އަށް ގިނަ އަދަދެއްގެ އިންޑިއާ ޓޫރިސްޓުން އައިސްފައިވާއިރު، މީގެ ތެރެއިން ގިނަ ޓޫރިސްޓުން ގެސްޓުްހައުސްތަކުގައި މަޑުކުރި އެވެ. އޭގެ ނަތީޖާއަކީ ހުރިހާ ގެސްޓް ހައުސްއެއްގެ އޮކިއުޕެންސީ ފުލްވުމެވެ.

އިންޑިއާގެ ގިނަ ޓޫރިސްޓުން ރާއްޖެ އައީ އެހެން ބައެއް ގައުމުތަކަށް ދިއުމަށް ރާއްޖޭގައި ކަރަންޓީނުގެ މުއްދަތު ފުރިހަމަ ކުރުމުގެ މަގްސަދުގަ އެވެ. އެހެންކަމުން އިންޑިއާގެ ކޮވިޑް-19ގެ ހާލަތު ރަނގަޅުވުމާއެކު އެ ގައުމުން އަންނަ ޓޫރިސްޓުންގެ އަދަދު މަދުވާނެ ކަމަށް ވަނީ ލަފާކޮށްފަ އެވެ.

އިންޑިއާ ޓޫރިސްޓުން ޓޫރިޒަމް ރާއްޖެ-އިންޑިއާ ގެސްޓް ހައުސް ސަންޖޭ ސުދިރް (އިންޑިއާގެ ސަފީރު)

7 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

14 September 2021

ޑަރބަން، Ivato ، ކިގާލީ، Mogadishu، އަބްޙާ، Salalah، ބަޙްރައިން، ޤަތަރުއިން އޭޝިޔާގެ ހުޅަގުބިތަށާއި އޯޝޭނިއާ އަދި އިންޑިޔާގެ ސްޓޭޓްތަކަށާއި، Perth، ޖަކަޓާ، Kuala Lumpur ، ހޮ ޗިމިން، Kaohsiung އާއި Fukuoka އަދި ކޮރެއާގެ Busan ގުޅާލަދޭނެ އެންމެ ރައްކާތެރި ފަސޭހަ ހިތްގައިމު އެއަރޕޯޓަކީ ނުވަތަ ޓްރާންސިޓް ހަބަކީ "ގޭން އިންޓަރނޭޝަނަލް އެއަރޕޯޓް ކަމަށް ހެދުމަށް" އައްޑޫ ކައުންސިލާއި ސަރަޙައްދުގެ ލޯކޮސްޓް އެއަރލައިން IndiGo ގުޅިގެން މަސައްކަތް ކުރާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިމިހާގެމީހާ

13 September 2021

އިންޑިއާ އައުޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝައްކު

13 September 2021

ގޭމްގެ އިސްނެގުމެއްތަ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 September 2021

ގޭމް ގެ ތިޔަ އިސްނެންގެވުމަށް މަރުޙަބާކިޔަން. ޓްއަރިޒަމްގެ ޙަޤީގީފައިދާ ރައްޔިތުމީހާއަށްލިބޭނީ އޭނާގެއަތަށްވެސް ޑޮލަރެއް އަރާގޮތަށް ބިނާކޮށްފައިވާ ފަތުރުވެރިކަމެއްއޮވެގެން. # އިންޑިޔާމާކެޓަކީ އައްޑުއާއި ހަނިމާދޫފަދަ ބިންބޮޑުރަށްރަށުގައި ފުޅާދާއިރާއެއްގައި ކުރިއެރުވޭނެ ވިޔަފާރިއަކަށްވާތީ މިފަދަބައްދަލުވުމަކަށް އައްޑޫގެ ސިޓީހޮޓާހިންގާފަރާތްތަކާއި ކައުންސިލް ގުޅިގެން އެމްބެސެޑަރާއި ބައްދަލުކޮށްގެން އައްޑުއަށް ފަތުރުވެރިންގެންނާން މަޝްވަރާކުރާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

13 September 2021

ގޭންއެއަރޕޯޓް ޑިވޮލޯޕްކޮށް ފުލްފުލޭޖްގައި އޮޕަރޭޝަނަށްގެނައުމަށް މަސައްކަތްކުރެވޭނީ "އައްޑޫމީހުނަށް އައްޑޫގައި 8000 އެނދު ތަރައްޤީކުރެވުނު ދުވަހަކުންކަމަށް" ސޯލިހްގެ ސަރުކާރުން ބުނާބުނުމަށް ތަބާވެގެންތިބޭކަށް ކައުންސިލަކަށް ނުޖެހޭނެ. # އެމްބެސެޑަރާއި ބައްދަލުކޮށް ބޮމްބޭ-ގޭން އަދި ޑެއްލީ-ގޭން ޑައިރެކްޓް ޝެޑިއުލް ފްލައިޓްގެއިތުރުން ގޭން-ކިގާލީ އާއި ގޭން-ޕާރތު އަށް ސަބްސިޑައިޒްކޮށްގެންވިޔަސް ވީކުލީ ޝެޑިއުލްދަތުރުތަކެއް IndiGo ގައި ހަމަޖެހޭތޯބަލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތަންވެރި ޕީޕީ ކުއްޖެއް.

13 September 2021

އަހަރުމެނަށް އިގޭ އަފީފު އަކީ ވެސް އިންޑިޔާ އެޖަންޓެއްކަން. އަދި މޯދީ ސަރުކާރު ހަންފެތުރުމުގެ ދަށުން މިއަހަރު ފަހުކޮޅު ތިޔަ ބުނާ ދަތުރުތައް އިންޑިގޯ އިން ގަމަށް އަދި ގަމުން އެހެން ޤައުމުތަކަށް ކުރުމަށް ނިންމާފައިވާކަން. އެހެންވެ އިންޑިޔާ އެމްބެސެޑަރު ގަމަކީ ޓްރާންސިޓް ހަބަކަށް ހަދާނެ ކަމަށް އިއުލާން ކޮށްފައިވަނީވެސް. ވަރަށް ދެރަ ޤައުމުގެ އެއްބައި ގެއްލޭތީ.