ހިޔާ ފްލެޓަށް ބަދަލުވުމަށް ބަޔަކު އެތަނަށް އެއްޗެހި ވައްދާފައި-- ފޮޓޯ: ނިޝާން އަލީ/ މިހާރު
19 ސެޕްޓެމްބަރ 2021 - 12:02
18 comments
ހިޔާ ފްލެޓުތަކުގެ ބައެއް އެޕާޓްމަންޓުތަކަށް ފެން ވަންނަނީ ވައިގަދަވެ، ފްރޭމްގަނޑުގައި ހަރުލާ ފެން ބޭރުކުރަން ހަދާފައި ހުރި މެކޭނިޒަމް ފެއިލްވެގެން ކަމަށް އެޗްޑީސީން މިއަދު ބުނެފި އެވެ.
މިދިޔަ ބުދަ ދުވަހު މާލޭ ސަރަހައްދަށް ގަދަ ވަޔާއެކު ވެހުނު ބޯ ވާރޭގައި، ހިޔާ އެޕާޓްމަންޓުތަކުގައި ސްލައިޑް ކުރެވޭ ގޮތަށް ހުންނަ ކުޑަދޮރުތަކުގެ ތިރީ ބައިގައި ފެން ހަރުލައި، އެތަން ފުރި އެޕާޓްމަންޓުތަކުގެ ތެރެއަށް ވަނީ ވަރަށް ބޮޑަށް ފެން ވަދެފަ އެވެ.
ބައެއް ހިޔާ ފްލެޓުތަކުގައި މިހާރު މީހުން ދިރިއުޅެން ވެސް ފަށާފައި ވާއިރު، ވާރޭ ވެހި، ބެލްކަނީ ދޮރުގެ ތިރިން ވެސް އެޕާޓްމަންޓުގެ އެތެރެއަށް ފެން ވަންނަ ކަމަށް އެ ފަރާތްތަކުން ބުނެއެވެ. އަދި ވަޔާ އެކު ފްލެޓްތަކުގެ ހޯލްވޭ އަށް ވެސް ފެން ވަންނަ ކަމަށް ވެއެވެ.
އެޗްޑީސީގެ އޮފިޝަލަކު "މިހާރު" އަށް ވިދާޅުވީ، ވިއްސާރަ ވެއްޖެ ނަމަ، ފްރޭމްގަނޑުގައި ހަރުލާ ފެން ބޭރުކުރަން ފްރޭމްގައި ލޯވަޅުތަކެއް ކަނޑާފައި ހުންނަ ކަމަށެވެ. އެއީ އެޕާޓްމަންޓުތަކުގައި ފެން ހެދުނަ ނުދޭން ހަދާފައި ހުންނަ ނިޒާމެއް ކަމަށް އޭނާ ވިދާޅުވި އެވެ.
ނަމަވެސް އާދަޔާ ހިލާފަށް ވައި ގަދަވުމުގެ ސަބަބުން، ވައި ވަނުމުން ކުޑަދޮރުތަކުން ފެން ބޭރުވުމުގެ ބަދަލުގައި ފްރޭމްގައި ފެން ހެދުނީ ކަމަށް އޭނާ ވިދާޅުވި އެވެ.
"ފްރޭމަށް ފެން އެޅޭނީ، އެ އެޅޭ ފެން ބޭރުކުރަން ކުޑަދޮރުތަކުގެ ފްރޭމްގައި ހުންނާނެ ބޭރަށް ލޯވަޅުތަކެއް ކަނޑައިފަ. އެ ދުވަހު [ވިއްސާރަ ވީ ދުވަހު] އާދަޔާ ހިލާފަށް ވައިގަދަ ވީމަ އަސްލު އެ މެކޭނިޒަމް އެގޮތަށް ވޯކު ނުކުރީ. އެހެންވެ ފެން އެތަނުން ބޭރު ނުވީމަ ފެން ހެދުނީ،" އެޗްޑީސީގެ އޮފިޝަލް ވިދާޅުވި އެވެ.
ވިއްސާރަވެ އެޕާޓްމަންޓުތަކުގައި ފެން ބޮޑުވީ ވައިގެ އަސަރު އެންމެ ބޮޑަށް ކުރާގޮތަށް ހުރި ފްލެޓުތަކަށް އެކަންޏެވެ.
އެޗްޑީސީން ބުނީ އެ މައްސަލަ ވީހާ ވެސް އަވަހަކަށް ހައްލުކުރުމަށް އެ ކުންފުނީގެ ޓީމުން މިހާރު މަސައްކަތްކުރަމުން އަންނަ ކަމަށެވެ.
ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ސަރުކާރުގައި ހުޅުމާލޭގެ ދެވަނަ ފިޔަވަހީގައި ބިނާކުރި ފްލެޓުތަކާ ގިނަ ބަޔަކު ހަވާލުވެ އެ ތަންތަނުގެ ފިނިޝިންގެ މަސައްކަތް އެ ފަރާތްތަކުން ދަނީ ކުރަމުންނެވެ.
ރާއްޖޭގައި މިހާތަނަށް ހިންގި ބޯހިޔާވަހިކަމުގެ އެންމެ ބިޔަ މަޝްރޫއުގެ ދަށުން އިމާރާތް ކޮށްފައިވާ 25 ބުރީގެ 16 ޓަވަރުގައި 6،720 ފްލެޓު ހުންނަ އިރު، ފިނިޝިންގެ މަސައްކަތް އެއްކޮށް ނުނިންމައި ވެސް ބައެއް އާއިލާތައް މިހާރު ވަނީ އެތަނުގައި ދިރިއުޅެން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުތުފީ
21 September 2021
ތިޔައޮތީ ތިކަން ވަރަށް ބޮޑަށް ދިރާސާކުރެވިފަ. ވައިރޯޅިއެއް ނެތަސް، 25 ބުރޫގެ ޓަވަރުގެ ފާރުން ފާބައިގެން އަންނަ ފެން، ކުޑަދޮރުގަ އަޅާފަަ ހުންނަ ކުޑަލޯވަޅަކުން ފައިބައިގެން ނުދާނެ.
މަންޑޭލާ
19 September 2021
މިސަރުކާރުން ތި ތަނަށް ކޮތަރު ކޮށި ކީ ސަބަބެއް ނެތިނޫން. ތި މަޝްރޫއު ހިންގުމުގައި ކުރީ ސަރުކާރުގެ ވެރިން ނޭދެވޭ ވަރަށްބޮޑު ފައިދާއެއްވަނީ ނަގާފައި. 25 ޓަވަރުގައި 7000 ދެކޮޓަރީގެ ފްލެޓް ހަދާނީވެސް ގޯހެއް އޮތީމަ. 3 ކޮޓަރި 2ކޮޓަރި 1 ކޮޓަރި އަކަފޫޓެއް 800 ރުފިޔާ ގެ ރޭޓުން ހެދިނަމަ ނުބައިވަހެއް ނުދުވާނެ.
ފްލެޓް ނުލިބޭމީހެއް
19 September 2021
ކަމާބެހޭ ފަރަތްތަކުގެ ސަމާލުކަމަށް ދަންނަވަމެވެ. ނިކަމެތި ރައްޔިތުމީހާ ކޮންސްޓްރަކްޝަން ސައިޓެއްގާ ދިރިއުޅެން މަޖްބޫރު ނުކުރާށެވެ!!!!
ފަހުދު
19 September 2021
މަހީކުރީ ފްލެޓްތަކައް ފެންވަންނަނީ ވާރޭ ވެހުނީމަ ކަމައް
ނަސީމްބެ
19 September 2021
ޔާމިނުގެ ކޮތަރު ފުލެޓްގެ ހާލަކީ ތިޔައީ އަދި ވެސް އިތުރު އުނދަގުލާ ކުރިމަތިލަމުން ދާނެ ދުވަސް ވީވީހެން ބަލަން ތިބޭތި.
ބުރުނީ ޙުސޭނު
19 September 2021
ކޮންމެހާލެއްގަ ހުއްޓަސް ތަނެއްވިއްޔާ ބޭނުން. ބަލަން 1ދަރި ހުރެ ދެބުރުން ދެމަފިރިންނަށް ދެފްލެޓް ދިނަސް ދޫކޮށްލާކަށް ނުކެރެ، ހަމަ ކުއްޔަށް ދީފަ މާލޭގަ އުޅެންވަނީ. އަތުލަން ނުކެރޭތާ، ރިޕޯޓްކުރިޔަސް އަޅާވެސް ނުލާ.
އަހައްމަދު.
19 September 2021
ކުއްޔަށްދީފަ މާލޭގަ އުޅެން ކަމަށް ބުނާއިރު ކަލޭމެން މާލޭގެ ކިތައްމީހުނަށް ތިޔަބުނާގޮތަށް ތަންތަން ލިބިފައި ނުބަތަ ދީފައި ހުރިކަން ކަލެއަށް އިގޭތަ ؟
މުކަރުޖީ
20 September 2021
ހުޅުމާލެ 152 ނަންބަރު ފްލެޓް ގެ ގްރައުންޑުގެ ދެ ފްލެޓުވެސް ހުރީ މާލެ ދެބެންނަށް ލިބިފަ، މިއީ މިސާލެއް މިކަހަލަ ކިތައް މީހުން. އެމީހުން އެންމެ ފުރަތަމަ އެތަނުން އެއް ފްލެޓް ދިނީ ކުއްޔަށް
ޑަބަލް އަމާނާތް
19 September 2021
ރައްޔިތުން ފްލެޓްތަކަށް ވަނުމަށް އެމީހުން އަމިއްލަ ޚަރަދުގައި ތަން ހަދަމުން ދާއިރު ސަރުކާރުން މަގުބައްތި ޖަހަން ފެށުމެއް ނެތް މަގުތަކުގައި ތާރު އެޅުމެއް ނެތް ކީއްވެތޭ އަމިއްލައަށް ޚަރަދުކޮށްގެން ހަދާތަނެއް ކުއްޔަށް ނުދެވެންވީ ދެވޭނެ
ކައްކާ
19 September 2021
ހ.ދ ކުރިނބީގަ ރައްޔިތުން ދިރިއުޅޭތާ 2،500 އަހަރުވަނީ އެކަމަކު އަދިވެސް ތާރުއަޅާކަށްނުފަށާ، މަގުބައްތިއެއްވެސް ނުޖެހޭ. ތިޔަ ހުޅުމާލެއަކީ އެހެން ޕުލެނެޓަކުން އަންނަ ބަޔަކު ވަޒަންވެރިވާ ތަނެއްތަ.
ބަގަނަތީ
19 September 2021
ކަލޭއުޅޭނެ ބޯހިޔާވަހިކަމެއް ނެތިގެން މަގުމަތީ ނިދާތީވެ ދިންތަނެއް ކުއްޔަށްދިނީމަ ދެން ކޮންތާކު ނިދަނީ
ލަރީފާ
19 September 2021
މަސައްކަތް ކުރާ ސަރުކާރެއްވިއްޖިޔާ ކަންކަން އަވަހަށް ހައްލުކުރާނެ. އެކަމަކު ފެއްނަނީ ކަންކަން ހައްލު ނުވެގެން އުޅޭ މަންޒަރު. ވެރިކަމުގައި ހުރިމީހާއަކީ މައުމޫނާއި ގާސިމް އަދި އިމްރާން ބުނާގޮތަށް ކަންކަން ކުރަންހުރި މީހެއް.
ބިކާރީ ފުލެޓްސް
19 September 2021
ޔެއާ ރައިޓް، ކީޕް ޔޮއާރ ޕުލޭފުލް ޓޯކްސް އެސައިޑް.
ހުޅުމާލޭ
19 September 2021
ކަލޭމެންގެ ސަރުކާރުގެ މެކޭނިޒަމް ފޭލްވެގެން އެތަން ކޮލިޓީ އިންޕެކްށަން ނުކޮށް އަދި ކަރަންޓް ވެސް ނުދީ ފްލެޓްތައް މީހުންނަށް ހަވާލުކުރީ.ފޯނެއް ވިޔަސް އަދި ވެހިކަލްއެއް ވިޔަސް ކުންފުނިތަކުން ވިއްކަން ޑިލްޕްލޭ ކުރަނީ އޭގައި ކޮލިޓީ އިންސްޕެކްށަން ހަދާފައި.އެކަމަލު ކަލޭމެން އެކަން ކުރީ ރައްޔިތުންގެ ބަޔަކު ލައްވާ ރޔާމީނަށް ބަވަން.