އެމްޑީޕީގެ އިންތިހާބުގައި ޕީޕީއެމާއި ޕީއެންސީ މެމްބަރުން ވޯޓުލީ ކަމުގެ ތުހުމަތު!

އެމްޑީޕީގެ ގައުމީ މަޖިލީހުގެ އިންތިހާބުގައި މީހަކު ވޯޓުލަނީ: އިދިކޮޅުން ވަނީ އެމްޑީޕީގެ އިންތިހާބުގައި ވޯޓު އޮޅުވާލާފައިވާ ކަމަށް ތުހުމަތުކޮށްފައި. -- ފޮޓޯ: މިހާރު

ފަޒީނާ އަހުމަދު، މިހާރު

26 ސެޕްޓެމްބަރ 2021 - 15:04

22 comments

އެމްޑީޕީގެ ދާއިރާތަކުގެ އިންތިހާބުގައި "އެ ގަހު ކޭލެއް، މި ގަހު ކޭލެއް" ނޭނގުނު ކަމަށާއި އިދިކޮޅު ޕީޕީއެމާއި ޕީއެންސީގެ މެމްބަރުން ވެސް ވޯޓުލީ ކަމަށް، ޕީއެންސީގެ ނައިބު ރައީސް އަދި މަޑުއްވަރީ ދާއިރާގެ މެމްބަރު އާދަމް ޝަރީފު މިއަދު ތުހުމަތު ކުރައްވައިފި އެވެ.

އޭނާ ކުރެއްވި ޓުވީޓެއްގައި ވިދާޅުވީ، އެމްޑީޕީގެ ވޯޓާސް ލިސްޓުގައި ޕީޕީއެމާއި ޕީއެންސީގެ ބައެއް ސަޕޯޓަރުންގެ ނަން އޮތް ކަމަށެވެ. އެ މީހުން ގޮސް އިންތިހާބުގައި ވޯޓުލީ ކަމަށް އާދަމް ޝަރީފު ވިދާޅުވި އެވެ.

އޭނާ ވިދާޅުވި ގޮތުގައި މިއީ އިންތިހާބުގައި ވޯޓުލާން ނުކުތް ޖުމުލަ އަދަދު ދެނެގަންނަން އުނދަގޫ ކަމެކެވެ.

"ޕާޓީތަކުގެ އެތެރޭގޭ އިންތިހާބުތައް މި ނޫން ގޮތެއް ހޯދަން ޖެހޭ،" އާދަމް ޝަރީފު ވިދާޅުވި އެވެ.

MDP iyyege voters list gai PPMPNC ge baeh supporterunge nan othumaaeku eygetherein baeh supporters voteli. "Egahu keyleh, migahu keyleh neyngunu". Mihenvumun MDP ge aslu voters turnout dhenegannan dhathivaane. Party thakuge ethereyge inthihaabuthakah minoon gotheh hoadhanjehey.
— Adam Shareef Umar (@Adamshareefz) September 26, 2021

އިދިކޮޅު ކޯލިޝަންގެ މެމްބަރުންގެ އިތުރުން، ދުވަހަކު ވެސް އެމްޑީޕީ އަށް ސޮއިނުކުރާ މީހުން ވެސް މި އިންތިހާބުގައި ވޯޓުލާފައިވާ ކަމަށް ތުހުމަތު ކުރެ އެވެ.

އެމްޑީޕީން އާއްމުކޮށްފައިވާ ހިސާބުތަކުން ދައްކާ ގޮތުގައި މި އިންތިހާބުގައި ވޯޓުލުމުގެ ހައްގު 93،000 އަށް ވުރެ ގިނަ މެންބަރުންނަށް ލިބިފައިވެ އެވެ. އެކަމަކު، އިލެކްޝަންސް ކޮމިޝަންގައި އޮންނަ އެމްޑީޕީގެ ދަފްތަރުގައިވާ ގޮތުން ނަމަ އެ ޕާޓީގެ މެމްބަރުންގެ އަދަދަކީ 53،000 އެވެ.

އިންތިހާބުގައި އެކި ދާއިރާތަކަށް 733 ކެންޑިޑޭޓުން ވާދަކުރި އެވެ. މީގެ ތެރެއިން ހޮވަން ޖެހުނީ 455 ކެންޑިޑޭޓުންނެވެ. ވާދަކުރާނެ އިތުރު މީހަކު ނެތުމުން ވޯޓަކާ ނުލައި 165 މީހުން ވަނީ ހޮވިފަ އެވެ.

ވޯޓުލީ އެޕްރީލް 24އާ ހަމައަށް އެމްޑީޕީގެ ލިސްޓަށް

މިކަމާ ގުޅިގެން އެމްޑީޕީގެ ޗެއާޕާސަން ހަސަން ލަތީފް ވިދާޅުވީ ނިމުނު އިންތިހާބުގައި ވޯޓުލީ އެމްޑީޕީގެ ވޯޓާސް ލިސްޓަށް ކަމަށެވެ. އެއީ އިލެކްޝަންސް ކޮމިޝަންގައި އޮންނަ އެމްޑީޕީގެ ދަފްތަރެއް ނޫނެވެ.

މިދިޔަ އެޕްރީލް 24އާ ހަމައަށް އެ ޕާޓީގެ މެމްބަރެއްގެ ގޮތުގައި ލިސްޓުގައި ހިމަނާފައިވާ ނަމަ ވޯޓުލުމުގެ ފުރުސަތު ދިނުމަކީ ޕާޓީގެ ނެޝަނަލް އެގްޒެކެޓިވް ކޮމިޓީ (އެންއީސީ)ން ފާސްކޮށްފައި އޮތް ކަމެއް ކަން ފާހަގަކުރެއްވި އެވެ.

ވޯޓާސް ލިސްޓު ހެދީ، ހަސަން ވިދާޅުވި ގޮތުގައި، އެންއީސީގެ ފާސްކުރުމާ އެއްގޮތަށް މެމްބަޝިޕް ކޮމިޓީންނެވެ. އެކަމުގައި ޗެއާޕާސަނަށް އިތުރު ގޮތެއް ނިންމެން ނޯންނަ ކަން ވެސް ފާހަގަކުރެއްވި އެވެ.

އެމްޑީޕީގެ ޗެއާޕާސަން ހަސަން ލަތީފް: އޭނާ ވިދާޅުވީ ޕީޕީއެމް މީހުން ފާހަގަވެގެން އިންތިހާބުގެ ކުރިން އެ ޕާޓީއާ ވާހަކަ ދައްކައި ނަން އުނިކޮށްފައިވާނެ ކަމަށް. -- ފޮޓޯ/މިހާރު

އެ ލިސްޓުގައި ޕީޕީއެމްގެ ބައެއް މެމްބަރުންގެ ނަން ހުރި ކަން އިންތިހާބުގެ ކުރިން ފާހަގަވެެގެން ޕީޕީއެމާއި އިލެކްޝަންސަށް ގުޅައިގެން ވެސް ވޯޓު ނުލެވޭ ގޮތް ހެދި ކަމަށް ވިދާޅުވި އެވެ.

"އާދަމް ޝަރީފަށް ގުޅައިގެން، އާދަމް ޝަރީފް މެދުވެރިކޮށް ވެސް ސާފުކޮށްފައި ހުންނާނެ ޕީޕީއެމް ޕީއެންސީތޯ. ވޯޓާސް ލިސްޓުން އުނިކޮށްފައި ވެސް ހުންނާނެ،" ހަސަން ވިދާޅުވި އެވެ.

އޭނާ ވިދާޅުވި ގޮތުގައި ތުހުމަތުކުރާހާ ބޮޑު އޮޅުވާލުންތަކެއް އިންތިހާބުގައި ނުހިނގަ އެވެ. އިންތިހާބު ކުރިއަށް ދިޔައީ ރޭވި އިންތިޒާމުވެ ތަރުތީބުން ކަމަށް ވިދާޅުވި އެވެ.

ހަސަން ވިދާޅުވީ މިހާ ގިނަ ކެންޑިޑޭޓުންނާ އެކު މުޅި ރާއްޖޭގައި އިންތިޒާމުވެގެން އިންތިހާބުތަކެއް ނުބާއްވާ ކަމަށެވެ. އިއްޔެގެ އިންތިހާބުގައި ވެސް އެމްޑީޕީން ދެއްކީ ރީތި ނަމޫނާއެއް ކަން ފާހަގަކުރެއްވި އެވެ.

އެމްޑީޕީ ސިޔާސީ ޕާޓީ އިދިކޮޅު ފަރާތްތައް އެމްޑީޕީގެ ޗެއާޕާސަން ހަސަން ލަތީފް އާދަމް ޝަރީފް (ލޯކަލް ގަވަމަންޓް މިނިސްޓަރު)

22 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަޒް

27 September 2021

ޕީޕީއެމް މެމްބަރުންގެ ލިސްޓުގައި އެމްޑީޕީ މީހުން ތިބީމާ ތި ހީކުރަނީ އެއީ ޕީޕީއެމް މީހުންކަމަށް ދޯ.. ތި ޕާޓީތަކުން ނޭންގޭ އެގަހު ކޭލެއް މިގަހު ކޭލެއް.. ތީ ހުސް ސިޔާސީ ރަންޑިން.. އަލީ ވަހީދުވެސް ބޫންލާފައި ޑީއާރުޕީން އެމްޑީޕީއަށް 16 މިލިއަނަށް ބަދަލުވީ.. އަނެއްކާ އެމްޑީޕީގއި ހުރެފައި ރޭޕުކޮއްގެން މައްސަލަ ބަލަން ފެށީމާ ބޫންލާފައި ގޮސް ޔާމީނު ޕާޓީއަށް. ހުސް އެކަހަލަ ޗޮސްކޮއި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

27 September 2021

ލިސްޓެއްގަ ނަން އޮތަސް ވޯޓުލާންދާންވީ ކީއްކުރަން. ޕާޓީގެ މެމްބަރެއްނޫންކަމަށްވާނަމަ ނުދާނެ ވޯޓްލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައި

26 September 2021

އެއްވެސް ޕާޓީއެއްގައި ނޫޅޭ މީހުންވެސް ތިލިސްޓްގައި ހުރި. އަހަރެންގެ އަންހެނުންނަކީ ރާއްޖެތެރޭގެ ރަށެއްގައި ރަޖިސްޓަރީ އޮންނަ މީހެއް. އެމްޑީޕީ މާލޭ ލިސްޓުގައި އޭނަ އޮވެގެން ޝިފާގެ ކެމްޕެއިން އޮފީހުން އިރުއިރުކޮޅަކާ ގުޅި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލެއްބެ

26 September 2021

ޝިފާ މެސެޖްކުރަނީ ކޮންމެހެން ޕާރޓީ މީހުން ބަލައިގެނެއް ނޫނޭ. ޑައިރެކްޓްރީގެ ހުރިހާ ނަމްބަރަކަށް ވެސް ފޮނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލީވޯޓް

26 September 2021

ލީ ޔަގީނުންވެސް ލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

26 September 2021

ހަމަގައިމުވެސް ފުރަހަނި ސުއައިބް ވޯޓްލި!! އޭނާޔާ ދޭތެރޭ އެމްޑީޕީއިން ފިޔަވަޅުއަޅާ އޭނާ ޕާޓީން ވަކިކޮއްފައިވަނީ! އޭނާ ވޯޓްލަމުން ނަގާފައިވާ ވީޑިއޯ އެހެރީ ސޯސަލް މީޑިޔާގައި! މިއަށް ހަސަން ލަތީފު ޖަވާބެއްދީބަލަ! ދޮގުކޮއްފައި! ތީ މިހާރު ފީކުދާން ޕާޓީ! ނުކެރޭނެ ޖުމްލަ ވޯޓްލީމީހުން ހާމަކުރާކަށް! އޭރުން ކަކުލާހަމަޔަށް ސޯޓް ބޭލޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޭންއެއް

26 September 2021

ފުލެޓުގައި އެއްޗެހި ކުނިވެ ފުޅަ އަޅާފައި ޕާޓީ އެތެރޭގެ އިންތިހާބެއް ނުބޭއްވުނު ތާކުން ތާކު ޖެހޭ ގޮތަކަށް މިއީ އެމްޑީޕީގެ ހިންގުން ތެރިކަމުގެ ފެންވަރު މި ވަރުން ދަންޏާ މަގުމައްޗައް ފާހާނަ ކުރާ ދުވަސް ނޫން ކަމެއް ނޭގެ ކުރިއަށް އޮތީ ޔާމީނު ސަރުކާރުގައި މައްސަލަތަކެއް ހުއްޓަސް ކޮލިޓީ މޭންއެއް ޔާމީނަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރެން 12

26 September 2021

މަށަކީވެސް ފުލެޓްގައި އުޅޭމީހެއް. ކުންޏަށް ރަޖިސްޓުރީ ނުކުރާތާކުން ކުނިނަގާކަށް ނުޖެހޭ. މީހުންގެ ނާތަހުޒީބުކަމުން މަގުމަށްޗަށް ކުޅިއަޅާނަމަ އެ ކަމެއް ކުރާމީހުނާމެދު ގާނޫނީ ފިޔަވަޅު އަޅަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

26 September 2021

ތި އެމްޑީޕީ ޕީޕީއެމް މީހަކު ހޮވުނަސް ރައްޔިތުންނަށް އޮތީ ކޯއްޗެއް! އިބޫ އަންނި ފެކްޝަނު މީހާ ހޮވީމަ ދިވެހިންނަށް އޮތީ ކޯއްޗެއް! 65 މެމްބަރުންވެސް ދިން، ސަރުކާރު ދިން، އެކަމަކުވެސް ރައްޔިތުމީހާ ސަލާންޖަހަން ނުޖެހޭ ކަމެެއް އެބައޮތްތަ. ކިތަންމެ އިނތިހާބެެއް ބޭއްވިޔަސް ސިޔާސީ މީހާޖަހާ ސަކަރާތަކަށް ރައްޔިތުން ނަށަން ވެއްޖެއްޔާ ސަލާންޖެހުން ނުހުއްޓުވޭނެ. ތިމާ ޕާޓީ މީހާ ގޯސްކަމެއް ކުރީމަ ހުދުސާފު މީހަކަށްވެސް ހަދަނީ ރައްޔިތުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިލް ކުލިންޓަން

26 September 2021

ފިކުރުތައް މިހިރަހުރެގެން ތަޣައްޔަރުވަނީ؟ ސިޔާސީ އެންމެން އިސްތިއުފާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީޒަން ޖެކްޝަން

26 September 2021

އާދަމް ޝަރީފު ތިއުޅެނީ ގޭސްގަނޑެއް އަނބުރާން. ބަލަ ކަލޭމެންނާ އެމްޑީޕީއާ ކޮންބެހޭކަމެއް. ނުބޭހޭ ހަމަ އެއްކަމެއްވެސް ދުނިޔެމަތީގާ ނެތިއްޔޭ މިމީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަތްބެ

26 September 2021

އާދަނު ތިބުނީ އާދަނުމެން ޕާރޓީގެ މީހުން ހަޔާތްކުޑަކަމުން އެހެން ޕާރޓީތަކުގެ އިންތިޚާބުގަ ގޮސް ވޯޓްލިޔޭތަ؟ އެހެނެއް ނުވާނެ އަހަންނަށް ހީވަނީ ތިބުނާ ބަޔަކު ވޯޓްލާން ދާނީ އެމީހުންނަށް އާދަނުމެން ޕާރޓީ ކަމުނުދާތީ އެމްޑީޕީއަށް ވަދެފަތިބީމަހެން. އެހެންނޫނީ އެޕާރޓީގެ ލިސްޓްގަ ނަން އޮތަސް ވޯޓްލާކަށްނުދާނެ. ކޮސްނުގޮވާ.