ފްލެޓަށް ލޯނު ލިބުނުކަމުގެ ލިއުން ހުށަހަޅަން އަންގައިފި

އަމީނީމަގުގައި ކުރިން ގާކޮށި އޮތް ބިމުގައި ހަދާފައިވާ މާލޭ ސްކްއާ ފްލެޓްތައް: މި ތަނުގެ ފްލެޓެއްގެ އަގަކީ ދެ މިލިއަން ރުފިޔާ -- ފޮޓޯ: ނިޝާން އަލީ /މިހާރު

މުހައްމަދު ޔާމީން، މިހާރު

03 ޑިސެމްބަރ 2016 - 14:50

26 comments

މާލޭގެ ގާކޮއްޓާއި އަރަބިއްޔާ ސްކޫލް ކުރިން ހުރި ބިމުގައި އިމާރާތްކުރި ފްލެޓްތައް ލިބުނު މީހުން ލޯނުގެ ކަންކަން ހަމަޖެއްސިކަމުގެ ލިއުން އަންނަ މަހު 26ގެ ކުރިން ހުށަހަޅަން ހައުސިން ޑިވިލޮޕްމެންޓް ކޯޕްރޭޝަން (އެޗްޑީސީ) އިން މިދިޔަ ބުރާސްފަތި ދުވަހު އަންގައިފި އެވެ.

އެޗްޑީސީން ފޮނުވި ސިޓީއެއްގައި ބުނެފައި ވަނީ ފްލެޓް ހަވާލުކުރާނީ ލޯނަށް ދައްކަން ޖެހޭ ޑައުން ޕޭމަންޓް ހަލާސްކުރުމަށް ފަހު، ތިން ފަރާތުގެ މެދުގައި ކުރާ އެއްބަސްވުމަކަށް ފަހު ކަމަށެވެ. އެ ތިން ފަރާތަކީ، އެޗުޑީސީ އާއި ލޯނު ދޭ ފަރާތް އަދި ފްލެޓްގެ ވެރިފަރާތެވެ.

މި ދެ އިމާރާތުން ދޭ ފްލެޓެއްގެ އަގު އުޅެނީ 2 މިލިއަން ރުފިޔާގަ އެވެ. ރާއްޖޭގެ ބޭންކްތަކާއި ގެދޮރަށް ލޯނު ދޫކުރާ އެހެން ފަރާތްތަކުން ޑައުން ޕޭމަންޓްގެ ގޮތުގައި 20 ޕަސެންޓް ނަގަ އެވެ. އެހެންކަމުން ދެ އިމާރާތުން ފްލެޓް ލިބުނު މީހުން ޑައުން ޕޭމަންޓްގެ ގޮތުގައި 400،000ރ ދައްކަން ޖެހެ އެވެ. މި ފްލެޓްތަކަށް ޑައުން ޕޭމަންޓް ދައްކާނެ އެހެން އުސޫލެއް ހަމަޖެއްސިކަމެއް އަދި ނޭނގެ އެވެ.

އެޗުޑީސީން ބުނީ ދެ މިލިއަން ރުފިޔާ އެއްކޮށް ދައްކަން ބޭނުން ނަމަ، އެކަން ވެސް ޖެނުއަރީ 26 ގެ ކުރިން ލިޔުމަކުން އެޗުޑީސީ އަށް އަންގަން ޖެހެ އެވެ. އަދި ފައިސާ ދެއްކުމުން، ފްލެޓްގެ އެއްބަސްވުން ހަދާނެ ކަމަށް ވެސް ސިޓީގައިވެ އެވެ.

ކުރިން އަރަބިއްޔާ ހުރި ބިމުގައި 90 ފްލެޓް އަދި ގާކޮށީގައި 190 ފްލެޓް ތަރައްގީކޮށްފައިވެ އެވެ. އޭގެ އަގަކަށް ސަރުކާރުން ވަނީ، އިންޑިއާގެ ޓާޓާ ކުންފުނީގެ ހިއްސާ އޮންނަ އެޕެކްސް ރިއަލިޓީ އަށް 277 މިލިއަން ރުފިޔާ އެއްފަހަރާ ދައްކައިފަ އެވެ.

އެޗުޑީސީން ބުނީ އެ ފްލެޓްތަކަށް ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކާއި ހައުސިން ޑިވޮލޮޕްމެންޓް ފައިނޭންސް ކޯޕަރޭޝަން (އެޗްޑީއެފްސީ) އިން ލޯނު ލިބޭނެ ގޮތް ހަމަޖައްސާފައިވާނެ ކަމަށެވެ.

އޭގެ އިތުރުން ގެދޮރު ގަތުމަށް ޕެންޝަން އޮފީހުން ހަމަޖައްސާފައިވާ އުސޫލުގެ ތެރެއިން ވެސް ފައިސާ ދެއްކުމުގެ ފުރުސަތު އޮތް ކަން އެޗުޑީސީގެ ސިޓީގައިވެ އެވެ. ޕެންޝަން ފަންޑުގައި ފައިސާ ހުރި ނަމަ، އެކަކަށް ވުރެ ގިނަ މީހުން ބައިވެރިވެގެން ވެސް، ގެދޮރަށް ހޭދަކުރުމުގެ މަގު ޕެންޝަން އޮފީހުން ތަނަވަސްކޮށްދެ އެވެ.

ބޯހިޔާވަހިކަން ފްލެޓް އެޗްޑީސީ ހައުސިން ޔުނިޓް ގާކޮށި ޓާޓާ ގްރޫޕް

26 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބޫ

04 December 2016

4ލައްކަ ދައްކާފައި އަދި ަމަހަކި 17800ރ ދެއކުްނ-އަތްފޯރާ ބޯހިޔާވަހިކަން-- މިއީ އަދު ސަރުކަރުން ގަބުލު ކުރާ ގޮތްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

04 December 2016

277މ ރުފިޔާ އަށް 290 ފްލެޓް(ފުލް ޕޭމަންޓް) އެހެން ވީމާ ފްލެޓަކަށް ތި ޖެހެނީ މިލިޔަނަކަށް ވުރެ މަދުން ނު. ދެން ކިހިނެއް އައި 2 މިލިޔަނެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

04 December 2016

ތި މިހާރު ތިވީ ކޮމަރސަލް ހައުސިންގ އަށް. ތި އުސޫލަކަށް ނުކިޔާނެ ސޯސަލް ހައުސިންގ އެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީބީ ދިވެހިން

04 December 2016

މާނައަކީ ސަރުކާރުން ފްލެޓް ގަނެފައިވަނީ 989،285.71ރ. އަށް (277 މިލިއަން / 280 ފްލެޓް). ފްލެޓެއް މި ވިއްވަކީ 2 މިލިއަން ރުފިޔާއަށް ކަމުން ފްލެޓަކުން 1،010،714.29ރ. ފައިދާ ސަރުކާރަށް. ސަރުކާރުގެ ޖުމްލަ ފައިދާ 283 މިލިއަން ރުފިޔާ. މިއަށްވެސް ކިޔަނީ ހެޔޮއަގުގައި ފޯރުކޮށްދޭ ބޯހިޔާވަހިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑަ

03 December 2016

ދެމިލިޔަން އަށް ދޭ މިފްލެޓް ތަކުގަ ތިން ކޮޓަރި ހުންނައިރު ކޮންމެ ކިޓަރިއެއްގަ ފާހާނާ ހުރޭތަ. ލީންޑްރީ ރޫމްއެއްހުރޭތަ. ބަދިގެ ކަބަޑުސެޓު ހުރޭތަ. މިތަންތަން ނުހުންނަންޏާ ދެމިލިއަންއަށް ވާރތްއެއްނޫން. ހާއްސަކޮން 4 ލައްކަ ޑައުންޕޭމަންޓް އަށް ދައްކާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާތުމަތު ގުލާނު

04 December 2016

މާލޭގެ ބިން ކޮޅުގެ އަގަކީ 2 މިލިއަން. އެޕާރޓްމެންޓް ދީފަ އޭނީ ހިލޭ! ރާއްޖެތެރޭ މިހާކަށް އަޅުގަނޑުވީމަ އެބަ އިނގޭ މިވާނުވާ. އެހެންކަމުން 5 މިލިއަނަށް ދިނަސް މާލޭގަ އުޅުން ގޮތެއްނެތް ގިނަރަށްރަށު މީހުންނަށް. ދިރިއުޅުން ދަރަނިވެރިކަމުގެ ތެރޭގައި. އުފަންވީވެސް ކުލިދައްކަން ތޯއްޗެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީއްކުރާނީ

03 December 2016

މި ފްލެޓްސް ތަކުގެ އަގު ބޮޑު ވާން މިޖެހުނީ އެއީ ރަންރީނދުލޭ މެންގެ ވެރިކަމުގައި އެމެން މިކަން ރޭވި ގޮތުންނެވެ. އެނޫން ނަމަ މިކަން މިހެން ނުވާނެއެވެ. ރަންރީނދުލޭ މެން ކުރި އެއް ކަމެއް ވެސް ނެތޭ ރަނގަޅަށް ގޮސް ފައި. ދެން ކީއްކުރާނީ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

♘ އަސްގެ

04 December 2016

ތިޔަ ކޮމެންޓު ތިއޮތީ މުއިއްޒުވެ ފިޔާ ތޮއްޓަށް ހިނި އަރާފައެވެ. ރަންރީނދޫ 3އަހަރުން ފްލެޓްތައްވެސް އެޅީ - ޔާމްބޭ އަތުކުރިން ބޮޅުއަޅާފައި 24ގަޑިއިރުން 100 ކޮޓަރީގެ ބޮޑު އިމާރާތެއްވެސް ކޮއްފިޔޯ... އުއްމީދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

03 December 2016

މިތަނައް ހޮވޭ އެކަކުވެސް ޔާމީނައް ވޯޓު ނުލާތި މީ އެމްޑީޕީ ސަރުކާރުން ރައްޔިތުންނައް ހެޔޮއަގުގަ ބޯހިޔާ ވަހިކަން ދިނުމައް ހެދި ތަންތަން ނަމަވެސް 2018 ގެ ޔާމިނު ކެންޕޭނައް ފައިސާ އެއްކުރުމައް ރައްޔިތުން ހަންބާލާތަން މިފެންނަނީ ޔާމިނު ސަރުކާރައް 3 އަހަރުވާން 5:30 ވެއްޖެ 2 އަހަރުން ކުޅުދުއްދުއްފުށި އެއާޕޯޓު ހަދަންބުނި ނަމަވެސް ނަސީދު ފެއްޓެވި ކަމެއްނޫނީ މިސަރުކާރައް ވެފަކާނުވޭ ވީމާ ލޯކަލްއިންތިހާބު ތެރެޔައް އަތްބޭނުމައް މިކަހަލަ ސަކަރާތްޖަހާނެ ސަމާލުވެ ތިބޭތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯންނާނެ

03 December 2016

ފްލެޓަށް ލޯން ލިބުނު ކަމުގެ ލިޔުން ހުށައަޅަން ހައުސިންގް މިނިސްޓްރީން އެންގިނަމަ ވެސް ތިޔާ ފްލެޓްސް ތައް ލިބުނު މީހުންގެ ތެރޭން އެކަކަށް ވެސް ތިޔާ ޑައުން ޕޭމަންޓް ދެއްކޭނެ ކަމަށް މަމެންގެ ސިކުނޑިއަށް ބުއްދީގެ ހަމަ ތަކުން ނުވިސްނެއެވެ. ކޮރަޕްޓް މުއްލާ އަކަށް ތިޔާ ފްލެޓެއް ލިބިއްޖެނަމަ ދެއްކި ދާނެއެެވެ. އެނޫން ނަމަ 4 ލައްކަ ރުފިޔާ ދެއްކޭނެ ގޮތެއް ނޯންނާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭޝަރަމް

03 December 2016

އިޖުތިމާޢީ ބޯހިޔާވަހިކަމަކަށް އެދުނީމާ ސަރުކާރު ލަގްޒަރީ ފުލެއްޓެކޭ ކިޔާފަ ކުރިން އެދުނުތަން ދީގެން ނުވާނެ! ސަރުކާރު ބަދަލުވެ އެތަން ހަދަން ހަވާލު ކުރިމީހުން އަތުން އަތުލައި އެހެން ބަޔަކާއި ހަވާލުކޮށް އެތައް ސަކަރާތެއް ޖެހީ ރައްޔިތުން ބޭނުންވެގެނެއް ނޫނެވެ. ޖީއެމްއާރު އެއްބަސްވުން އުވާލައިގެން ދައްކަން ޖެހުނު ފައިސާ އެމްއޭސީއެލްއިން ދައްކާނަމަ، އެގްރީމަންޓްއަށް ބަދަލުގެނެސްގެން ދައްކަންޖެހޭ ފައިސާވެސް އެކަމާޒިންމާވާ ފަރާތުން ދައްކަން ޖެހޭނެ! ރައްޔިތު މީހާއަށް ދޭންޖެހޭ އިޖުތިމާޢީ ބޯހިޔާވަހިކަމެއް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަކުނުދޭ

03 December 2016

ފްލެޓްސް ތަކަށް ލޯން ލިބުނު ކަމުގެ ލިޔުން ހުށައެޅުން އެންމެ ރަނގަޅެވެ. އެކަމަކު ތިޔާ ފްލެޓްްސް ތަކުގެ ޑައުން ޕޭމަންޓް އަށް 4 ލައްކަ ރުފިޔާ ދައްކަން ފްލެޓްސް ތައް ލިބޭ ފަރާތަށް ބޭންކުން އެންގުން އެއީ ދެން އެެއްވެސް ތާކުން ތާކު ޖެހޭނެ ކަމެއް ނޫނެވެ. ތިޔާ ފްލެޓްސް ތަކުގެ ޑައުން ޕޭމަންޓް ދައްކަން ޖެހޭނީ އެއީ ބޭންކް އިން އެހެން ސްކީމެއް އެކުލަވާލައިގެންނެވެ. މަމެން ގަބޫލުކުރާނީ ޑައުން ޕޭމަންޓް ގެ ގޮތުގައި 40 ހާސް ރުފިޔާ ދެއްކުމަށެވެ. އެއަށް ވުރެން ބޮޑު އަދަދެެއް މަމެންނަށް ގަބޫލެއް ނުކުރެވޭނެއެވެ.