ހިޔާ ފްލެޓްތަކުގައި 3000 އަށް ވުރެ ގިނަ ކެމެރާ ހަރުކުރަނީ

ހިޔާ މަޝްރޫއުގެ ދަށުން ހުޅުމާލޭ ދެވަނަ ފިޔަވަހީގައި ތަރައްގީކުރި ޓަވަރުތައް-- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

28 ސެޕްޓެމްބަރ 2021 - 11:11

ހުޅުމާލޭގެ ދެވަނަ ފިޔަވަހީގައި އިމާރާތް ކޮށްފައިވާ ހިޔާ ފްލެޓްތަކުގައި ކެމެރާ ހަރުކުރުމުގެ މަަސައްކަތް ކުރިއަށް ގެންދިއުމަށް ނިންމާފައިވާ ކަމަށް އެޗްޑީސީން ބުނެފި އެވެ.

އެ ކުންފުނިން ބުނީ، 25 ބުރީގެ 16 ޓަވަރުގައި ސީސީޓީވީ ކެމެރާ ހަރުކުރުމުގެ މަސައްކަތް ހަތަރު ބަޔަކަށް ބަހާލައިގެން ކުރިއަށް ގެންދަން ނިންމާފައިވާ ކަމަށެވެ. އެކަމުގެ މާބޮޑު ތަފްސީލެއް ހިއްސާނުކުރި ނަމަވެސް އެޗްޑީސީން ބުނީ، އޭގެ ތެރެއިން އެއް ޕްރޮޖެކްޓް މިހާރު އެވޯޑް ކޮށްފައިވާ ކަމަށެވެ. ބާކީ ތިން ޕްރޮޖެކްޓް މި ހަފުތާގެ ތެރޭގައި ބީލަމަށް ލާނެ ކަމަށް ވެސް ބުންޏެވެ.

އެޗްޑީސީން ނިންމާފައި އޮތީ 16 ޓަވަރުގައި 3،000 އެއްހާ ކެމެރާ ހަރުކުރުމަށެވެ. ކޮންމެ ބުރިއެއްގައި ހަރުކުރަނީ ހަތް ކެމެރާ ކަމަށް އެޗްޑީސީން ބުނެ އެވެ.

ފްލެޓްތަކުގައި ސީސީޓީވީ ކެމެރާ ހަރުކުރަން އެޗްޑީސީން ނިންމިއިރު މި ޕްރޮޖެކްޓް ނިމޭނެ ސީދާ ދުވަހެއް ނޭނގެ އެވެ.

ހިޔާ ފްލެޓްތައް ހިމެނޭ ސަރަހައްދު އަނދިކަމުން އެ ތަން ކުށްތަކުގެ ހާއްޔަކަށް ވެފައިވާ ކަމަށް މީހުން ބުނެ އެވެ.

ފްލެޓްތައް ހިމެނޭ ސަރަހައްދުގެ މަގުތައް އަންނަ ނޮވެމްބަރަށް ނިމޭނެ ކަމަށް ބެލެވުނަސް އެ ތަނުގައި މަގު ބައްތި ޖަހައި އަލިކުރެވޭނެ ދުވަހެއް ވެސް އަދި ނޭނގެ އެވެ. ފްލެޓްތަކުގެ ކޮރިޑޯތަކުގައި ހަރުކޮށްފައި ހުރީ ވޮއިސް ޑިޓެކްޓެޑް ލައިޓުކަމުން ގަދަ އަޑެއް އިވުމުން ނޫނީ އެ ލައިޓްތައް ނުދިއްލެ އެވެ. އެހެންވެ، އެ ތަނުން މީހުން ވައްކަން ކުރިޔަސް ނޭނގޭނެ ކަމަށް ބުނެ ފާޑުކިޔުން ވަނީ އަމާޒުވެފަ އެވެ.

އެޗްޑީސީން މިހާރު ނިންމާފައި އޮތީ ފްލެޓްތަކުގެ ލައިޓްތައް ބަދަލުކުރުމަށެވެ.

ސެކިއުރިޓީ ފްލެޓް އެޗްޑީސީ ހުޅުމާލޭ ދެ ވަނަ ފިޔަވަހި ހިޔާ ފްލެޓްތައް ހުޅުމާލެ

8 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިނބޫ

29 September 2021

ކުރީ ސަރުކާރުން ތިކަންވެސް އޮތީ ނުކޮށް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަވަސް

28 September 2021

ތަންކޮޅެއް އަވަހެއް ނޫންތަ ކެމެރާ ހަރުކުރަން އަދި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢެޗްޑީސީފެއިލް

28 September 2021

ދެން މިއޮންހާ ދުވަހު އެޗްޑީސީން ކުރީ ކޮންކަމެއްތޯ؟ ކުންފުނީގެ މެނޭޖްމަންޓުގެ ނާޤާބިލްކަމުން އެތައްހާސް ބަޔަކާށް ކިހާބޮޑު އުނދަގުލެއް!. ތަނުުގެ މަގުތައް ހަދަންޖެހޭކަން މެނޭޖްމަންޓާކަށް ނޭގޭ؟؟ ސެެކިއުރިޓީ ކެމެރާ ހަރުކުރަންވެސް މި އުޅެނީ ބަޔަކު ހަޅޭއްލަވާގަތީމާ؟؟ ޝަކުވާ ނުކުރަނީސް ކަންތައްތައް ކުރަން ނޭނގެނީ މެނޭޖްކުރުމުގެ ތަޖުރިބާ ނެތީމާ ނޫނީ ރައްޔިތުންންނަށް ޖެއްސުންކުރަން؟!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްލަކި އަހުމަދު

28 September 2021

ބެލެވޭގޮތުގައި ހިޔާ ފްލެޓު ތަކުގައި ސީސީޓީވީ ހަރުކުރުމުގެ މަސައްކަތަށް މަދުވެގެން 21 މިލިއަން އާއި 25 މިލިއަން ރުފިޔާ ހަރަދު ކުރަން ޖެހޭނެ ކަމަށް ލަފާ ކުރެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

28 September 2021

އެތާ ކަރަންޓް ވައިރުކޮށްހެދިއިރު ތިޔަކަން ކުރިނަމަ ލައްކަ ފަސޭހަވީސްދޯ؟ ޕްލޭނެއް ނެތި ކަންކަން ކުރާއިރު އެޗްޑީސީގެ އިސް މަގާމުތަކުގައި ތިބި މީހުން އަދިވެސް ހަމަ އެތިބީ އެމަގާމުތަކުގައި. ވެރިކަން ބަދަލުވީމާ ބަދަލުވަނީ ރާގު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތެދެއްހަމަ

28 September 2021

ޥަރަށް ނާޤާބިލް މެނޭޖްމަންޓެއް. ޢެެއްވެސް ވަރަކށް ދުރާލާ ޕްލޭންކޮށްްގެން މަސައްކުރާތަނެއް ނުފެނޭ. ބަޔަކު ޝަކުވާ ނުކުރަނީސް ކީއްވެބާ ކަމެއް ނުކުރަނީ؟ މަގުތައް ނަހަދައޭ ހުރީ ބުނީމާ އެޗްޑީސީއަށް ރެޔަކާލީ މަގުތައް އެއީ ހަދަންޖެހޭ އެއްޗެއްކަން. ޓަވަރުތަކުގައި ކެމެރާއެއް ނެތޭ ބުޏީމާ އިނގުނީ ކެމެރާވެސް ހަރުކުރަން ޖެހޭނެކަން؟؟ ޅިފްޓްތައް ބޭނުން ކުރަން ފެށުމުގެ ކުރރިން އޭތި މޮޝިން ކުރަންޖެޙޭކަންވެސް ނޭނގެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަސަންތީ

28 September 2021

ކެމެރާ ހަރުކޮށްގެން ކުށްކުރާމީހުން ނުހުއްޓުވޭނެ. އެކަންކުރެވޭނީ އިންޑިޔާއިން ނުވަތަ ނެޕާލްއިން 300 ފުލުހުން ގެނަސްގެން. މިދިވެހި ފުލުހުންނަށް ތިކަމެއްނުވާނެ. ހަރަދުވެސް ކުޑަވާނެ. ދިވެހިން ކަންނެތީ.