ޓީމުން ބުނި ގޮތުގައި މިއީ ވަރަށް ބޮޑު ކުރިއެރުމެއް. އަދި މިއީ، 2015 އިން ފެށިގެން އެ މީހުން އެންމެ ބޮޑަށް ވަކާލާތުކުރަމުން އައި ކަންތައް ކަމަށް އެ ޖަމިއްޔާ އިން ބުނޭ.
މިނިމަމް ވޭޖެއް ކަނޑައެޅުމަށް އެދި ޓީމް އިން ކުރި އިހްތިޖާޖެއްގެ ތެރެއިން. މިނިމަމް ވޭޖް ބޯޑުން މިހާރު ވަނީ އެންމެ ކުޑަ އުޖޫރައާ މެދު ދެކޭ ގޮތް ސަރުކާރާ ހިއްސާކޮށްފައި--
06 އޮކްޓޯބަރ 2021 - 12:07
33 comments
ރިސޯޓް މުވައްޒަފުންނަށް މުސާރައިގެ ގޮތުގައި އެންމެ ކުޑަކޮށް ދެވޭނެ ވަރަކީ ގަޑިއަކަށް 42.79ރ. ކަމަށް ހަމަޖެއްސުމަކީ، ރިސޯޓްތަކާއި ޓޫރިޒަމް ދާއިރާގައި މަސައްކަތްކުރާ މުވައްޒަފުންނަށް ލިބުނު ވަރަށް ބޮޑު ހިތްހަމަޖެހުމެއް ކަމަށާއި އެ އަދަދު ބަލައިގަންނަ ކަމަށް ޓީމް އިން ބުނެފި އެވެ.
ޓޫރިޒަމް ދާއިރާގެ މުވައްޒަފުންގެ ހައްގުތައް ހިމާޔަތްކުރަން އުފައްދާފައިވާ ޓީމްގެ ސެކްރެޓަރީ ޖެނެރަލް މައުރޫފް ޒާކިރު (މާއްޓެ) ވިދާޅުވީ އެ ޖަމިއްޔާ އިން މީގެ އަހަރުތަކެއް ކުރިން ފެށިގެން ވެސް ވަކާލާތު ކުރަމުން އައީ މުވައްޒަފުންގެ މުސާރަ އަށް ހެޔޮ ބަދަލުތަކެއް ގެނައުމަށް ކަމަށެވެ.
މިނިމަމް ބޯޑުން ނިންމާފައިވާ ގޮތުން، ރިސޯޓްތައް ހިމެނެނީ އެންމެ ބޮޑެތި ވިޔަފާރިތަކުގެ ތެރޭގަ އެވެ. އިކޮނޮމިކް މިނިސްޓްރީން ކަނޑައަޅާފައިވާ ގޮތުން ރާއްޖޭގައި ބޮޑެތި ވިޔަފާރިތަކުގެ ގޮތުގައި ބަލަނީ 100 މުވައްޒަފުންނަށް ވުރެ އިތުރަށް ގެންގުޅޭ، 20 މިލިއަން ރުފިޔާ އަށް ވުރެ ބޮޑު އާމްދަނީއެއް ލިބޭ ކުންފުނިތަކެވެ. އެތަންތަނުން ކޮންމެ ގަޑިއަކަށް 42.79ރ. ދޭން ޖެހޭ އިރު، އެއީ 30 ދުވަހަށް ނުވަތަ މަހަކަށް 10،200ރ. އެވެ.
ޓީމް އިން މި އަދަދު ސިފަ ކުރަނީ، ރިސޯޓް މުވައްޒަފުންނަށް ލިބުނު ވަރަށް ބޮޑު ކުރިއެރުމެއްގެ ގޮތުގަ އެވެ.
މާއްޓެ ވިދާޅުވީ، މިނިމަމް ވޭޖް ބޯޑުން މި ނިންމި ނިންމުމާ އެކު ރިސޯޓު މުވައްޒަފުންގެ މުސާރައިން ބޮޑު ބަދަލެއް ފެންނާނެ ކަމަށެވެ. ސަބަބަކީ މިނިމަމް ވޭޖް ގިންތިކުރި އިރު ރިސޯޓްތައް ހިމެނޭނީ އެންމެ ބޮޑެތި ވިޔަފާރިތަކުގެ ގޮތުގައި ކަމަށް ވާތީ އެވެ.
ރިސޯޓުތަކުގައި އެންމެ ކުޑަ އުޖޫރަ ލިބޭ މުވައްޒަފުންނަކީ ގާޑެނާސް އާއި ޕަބްލިކް އޭރިއާ އެޓެންޑެންޓުންނެވެ. އެ މުވައްޒަފުންނަށް އާންމުކޮށް ލިބެނީ 200 އެއްހާ ޑޮލަރު (3،000ރ.) އެވެ.
މިނިމަމް ވޭޖެއް ކަނޑައެޅުމަށް ގޮވާލާ ހިންގި ހަރަކާތެއްގެ ތެރެއިން. ރިސޯޓް މުވައްޒަފުންނަށް އެންމެ ކުޑަ އުޖޫރައަކަށް 8،900ރ.-
"މިއީ ވަރަށް ބޮޑު ކުރިއެރުމެއް. ދެހާސް ފަނަރައިން ފެށިގެން އަޅުގަނޑުމެން އެންމެ ބޮޑަށް ވަކާލާތު ކުރަމުން އައި ކަންތައް މިއީ. ރިސޯޓުގެ ހުރިހާ މުވައްޒަފުން ވެސް މިގެނައި ބަދަލާ މެދު ހިތްހަމަ ޖެހޭ،" އޭނާ ވިދާޅުވި އެވެ.
ޕްރައިވެޓް ސެކްޓާގެ އެންމެ ކުޑަ އުޖޫރަ ގިންތި ކޮށްފައިވަނީ މައިގަނޑު ތިން ބަޔަކަށެވެ. އެއީ ކުދި ވިޔަފާރިތަކާއި މެދުފަންތި، އަދި އެންމެ ބޮޑެތި ވިޔަފާރިތަކެވެ.
މިނިމަމް ވޭޖް ބޯޑުން ނިންމާފައިވާ ނިންމުން ތަންފީޒު ކުރަން ފަށާނީ އިކޮނޮމިކް މިނިސްޓަރު އެ ލަފާ އެޕްރޫވް ކުރެއްވުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސޮލް
08 October 2021
މިނިމަން ވޭޖް ޓާގެޓް ކޮށްފައެއޮތީ ކުދި ވިޔަފާރި އިނދެޖައްސަން.
ކުޗީ
06 October 2021
ޕާޓީ ފިކުރުގައި ބަޔަކު މިކަމާވެސް އެބަ ހަސަދަވެރިވޭ ... މިއީ ރަނގަޅު ފެށުމެއް ... މައްސަލައަކީ ގާނޫނުތަށް މިގައުމުގައި ތަންފީޒް ނުވުން. ބަޔެއް ރިސޯޓުތަކުގައި ދިވެހިންނަށް ލިބެނީ 5% ވަޒީފާ ... މިކަމެއްވެސް ނުބެލޭ .. ފިޔަވަޅެއްވެސް އަޅާނެ ބަޔަކު ނެތް.
ބޮޑުމީހާ
06 October 2021
ދެން ގިނަވާނީ ކޮންޓްރެކްޓް މުވައްޒަފުން. މިހާރުވެސް ވިލާ ރިސޯޓްގަ ބައެއް ޑިޕާރޓްމަންޓްތައް ކޮންޓްރެކްޓަށް ބަދަލުކޮށް ސާރވިސް ޗާރޖް ނުލިބޭގޮތަށް ހަދައިފި
ކޮރަލް
06 October 2021
ގާނޫނު ތައް ބައިވަރެވެ. ތަންފީޒު ނުވަނީ އެވެ. ދެން އެކަން ބަލަން ވެސް ކޮމިޓީ އެއް ހަދަން ވީ އެވެ.
ދަހި މަހުޖަނު
06 October 2021
އަދިވެސް އަދިވެސް ދިނީމަ ނޫނިއްޔާ ނުބުނާނަން ދޭނެ އެކޭ. ގާސިމާ ޝިޔާމަ ޗަންޕާމެން މިހާރު ތިބޭނި ކުޅޭނެ ކުޅިގަނޑެއް ހޯދައިގެން. ރިޔާ ނަގައިގެން ް
ހަސަނުު
06 October 2021
އަސްލު ދިވެހިންގެއެއް ނޫން މިނިމަމް ވޭޖް ބޮޑުކުރަންވީ.. ބަންގާޅީންގެ.. އެމީހުން 1500 ޑޮލަރަށް ޖައްސަންވީ. އޭރުންދޯ ދިވެހިންނަށް ވަޒީފާ ދޭން އިންސެންޓިވް ލިބޭނީ... މިހާރުވެސް ބޭރު މީހުން ގެންނަނީ އެމީހުން އަގޮހެޔޮވީމައި.
ޜޫހު ވަނީ ތިނަދޫގައޭ
06 October 2021
ތި ބަދަލުގެ ސަބަބުނއ ބެލީމުތައް ދިވެހިންނަށް ވަނީ ފައިދާ ތޯ ނުވަތަ ގެއްލުންތޯ؟ ޜިސޯޓުތަކުގެ އާދައިގެ އެފަދަ ވަޒީފާތަކުގަެި އުޅެނީ ބޭރު މީހުން. ޢެހެންކަމުން، ދިވެހިންނަށް އަސްލު ތިކަމުގައި ފައިދާ ވޭ ތޯ ނުވަތަ ނޫންތޯ ބަލަންޖެހޭ. ބޭރު މީހުންނަށް މީގެ ފައިދާ އެކަނި ކުރުމުން ޑޮލަރު ބޭރުވާ ވަރު އިތުރުވ
މިނިމަމް
06 October 2021
ރަގަޅު. ކޮންމެ މީހަކަށް މިނިމަމް ވޭޖެއް ހަދާތި. އެބަވޭ ތިކަންތައް. އަހުމަދު ކިޔާ މީހުންނަށް 10 ހާސް އިބުރާހިމުއަށް 15 ހާސް. މިހެންގޮސް ހަމަކޮށްލާތި.
ޒިކް
06 October 2021
ހަމަ ހޭގަ ހުރެބަލަ، މިނިމަމް ވޭޖަކީ އެކި ދާއިރާތަކަށް ވަކިން ކަނޑައެޅޭނެ އެއްޗެއް.. ކަންމަތީ ކުޑަ ފިހާރައެއް ކަލޭ ހިންގަބަލަ ސޭލްސަް ބޯއީއަށަ 10 ހާސް ދޭން ލާޒިމުވީމަ ކަލެއަށް ވިޔަފާރިކުރެވޭތޯ ބަލަން.. އަނގައެއް އޮތީމަ ވާނެ ތޮރުފިގަންނަން ވާނުވާ ނޭނގުނަސް
އޮނަރަބްލް އަފީފު ދީދީ އިސްތިއުފާ
06 October 2021
ކަލޭތީކާކު! ނުޖެހޭނެ ރިސޯޓުގެ މުވައްޒަފުންގެ މުސާރަ އިތުރުކުރާކަށް. އިތުރުކުރަންވީ ރިސޯޓުތަކުން ނަގާ ޓެކްސް. ރިސޯޓުގެ ކުޑަ ބޮޑު މިނަށާއި ބިދޭސީން ގެންގުޅޭ އިރު ބޮލަކަށްވެސް ޓެކްސް އިތުރުވާ ގޮތް ހަދަންވީ. ބިދޭސީންނަށް ދިވެހީންނާއި ހިލާފަށް މިލެބޭ ލިވިންގ އެލަވަންސް އާއި ފޫޑް އެލަވަންސް އާއި ހޮލިޑޭ އެލަވަންސް ކަޑާ ދިވެހީންނާއި އެއްސެލެރީއެއް ބިދޭސީންނަށް ދޭންވީ. ބިދޭސީންގެ ހަރަދު އޯނަރުްނ ކުރާނަމަ އޭތިވެސް ސެލެރީން އުނިކުރަންވީ.
ާއުނިމާ
06 October 2021
ރޭގަނޑާއި ދުވާލު ފިލާވަޅުތައް ތައްޔާރުކޮށް ކުލާހަކަށް ގޮސް 35 ކުދިނަށް ކިޔަވައި ދިނުމަށްވުރެ ރިޒޯޓު މުވައްޒަފުން ކުރާ މަސައްކަތް ބުރަވާނެ އެއްވެސް ގޮތެއްނެތް
މާނިއު
06 October 2021
ތި ދައްކަނީ ގޮނޱި ތަކުގަ ތިބެގެން ކުރާ މަސައްކަތެއްގެ ވާހަކަ. ރިސޯޓަކަށް ގޮސް 8+ ގަޱިއިރު މަސައްކަތް ކޮއްލީމަ އިގޭނީ މީ ކިހާވަރެއްގެ ވޭން ހުރި ކަމެއްކަން. މަށަކީވެސް ވަގުތީ ޓީޗަރަކަށް އުޅެފަ މިހާރު ރިސޯޓެއްގަ މަސައްކަތް ކުރާމީހެއް. 10 މަސް ވަންދެން 12+ ގަޱިރު މި މަސައްކަތް މި ކުރަނީ. އެކަމު މުސާރަ އަކީ 4000. މީ އިންސާފު ތޯ؟؟
1828
06 October 2021
ފިލާވަޅުތައް އޮންނަނީ ތައްޔާރުކޮށްފައި.