ރާއްޖޭގައި ޝޫޓް ކުރި އަޖޭގެ ޝޯ މި މަހުގެ 22 ގައި

އަހުމަދު އަދްޝަން، މިހާރު

10 އޮކްޓޯބަރ 2021 - 06:43

މިދިޔަ މަހު ބޮލީވުޑްގެ އެކްޓަރު އަޖޭ ދޭވްގަނާ އެކު ރާއްޖޭގައި ޝޫޓްކުރި ޑިސްކަވަރީ ނެޓްވޯކްގެ "އިން ޓު ދަ ވައިލްޑް" ގެ ޝޯގެ އެޕިސޯޑް ޓީޒާއެއް ދައްކާލައި އެ ގެނެސްދޭ ތާރީހު ވެސް އިއުލާންކޮށްފި އެވެެ.

އެ އެޕިސޯޑް އެންމެ ފުރަތަމަ ޕްރީމިއާ ކުރާނީ ޑިސްކަވަރީ ޕްލަސް އިން މި މަހުގެ 22 ގަ އެވެ. އޭގެ ފަހުން މި މަހުގެ 25 ޑިސްކަވަރީ ޗެނެލް އިން ގެނެސްދޭނެ އެވެ.

އަޖޭއާ އެކު ރާއްޖޭން ގެނެސްދޭން ބިއާ ގްރިލްސްގެ "އިން ޓު ދަ ވައިލްޑް" ގެ ޓީޒާ އިން ޝޫޓްކުރި ސަރަހައްދުގެ މަތިން ނަގާފައިވާ ޑްރޯންގެ މަންޒަޒުރަކާއި އަޖޭ ލޯންޗެއްގެ ތެރޭގައި އުޅޭ ތަނާއި ކަނޑުއަޑީގެ މަންޒަރުތަކެއް ދައްކާލާފައިވެ އެވެ. މި އެޕިސޯޑްގައި ފެންނާނީ ކަނޑުވުމުން ސަލާމަތްވާން އަޖޭ މަސައްކަތްކުރާ ގޮތެވެ. މި ޝޫޓްކޮށްފައި ވަނީ ވ. އަތޮޅުގަ އެވެ.

This time, I am with the lion of #Bollywood @ajaydevgn . And super excited to get to take him on a deserted island mission 'Into The Wild'… how will he do? #ComingSoon @discoveryplusIN @DiscoveryIN #IntoTheWild #AjayDevgn pic.twitter.com/mzT5n40lOK
— Bear Grylls (@BearGrylls) October 8, 2021

އަޖޭގެ އިތުރުން ބެއާ ގްރިލްސްއާ އެކު ބޮލީވުޑްގެ ޒުވާން އެކްޓަރު ވިކީ ކޯޝަލް ވެސް "އިން ޓު ދަ ވައިލްޑް" އަށް ރާއްޖޭގައި ޝޫޓްކުރި އެވެ. އޭނާގެ އެޕިސޯޑާ ބެހޭ ވާހަކައެއް ޑިސްކަވަރީން އަދި ހާމައެއް ނުކުރެ އެވެ.