ޗައިނާ ސަރުކާރުގެ އިސްވެރިންތަކެއް. އެގައުމުން އަންނަނީ ގިނަ ގައުމުތަކަކަށް ލޯނު ދެމުން
18 އޮކްޓޯބަރ 2021 - 09:15
79 comments
ދުނިޔޭގެ އެންމެ ގިނަ ގައުމުތަކުން ދަރާފައި ވަނީ ޗައިނާ އަށް ކަމަށް ވޯލްޑް ބޭންކުން ބުނެފި އެވެ.
އެ ބޭންކުން ދުނިޔޭގެ ދަރަނީގެ ހާލަތާ ގުޅޭ ގޮތުން ނެރުނު ރިޕޯޓެއްގައި ބުނީ، މިދިޔަ އަހަރު ނިމުނު އިރު އެންމެ ދަށް އާމްދަނީ ލިބޭ ގައުމުތަކާއި މެދުފަންތީގެ އާމްދަނީ ލިބޭ ގައުމުތަކުން 204 ބިލިއަން ޑޮލަރު ޗައިނާ އިން ދަރަނީގެ ގޮތުގައި ނަގާފައިވާ ކަމަށެވެ.
ގިނަ ގައުމުތަކުން ޗައިނާގެ ލޯނު ނަގަން ޖެހިފައި ވަނީ އުމްރާނީ ތަރައްގީގެ މަޝްރޫއުތަކަށެވެ.
ސައުތު އޭޝިއާ އަށް ބަލާއިރު ޗައިނާ އަށް އެންމެ ބޮޑަށް ދަރާފައި ވަނީ ރާއްޖެ އާއި ޕާކިސްތާނާއި ސްރީ ލަންކާ އެވެ. މި ސަރަހައްދުގެ ގައުމުތަކުގެ ތެރެއިން 2011 ވަނަ އަހަރާ ހަމައަށް ޗައިނާގެ ބޭންކުތަކުން ލޯނު ނެގި އަދަދު ހުރީ 4.7 ބިލިއަން ޑޮލަރުގަ އެވެ. ނަމަވެސް މިދިޔަ އަހަރު އެ އަދަދު ވަނީ 90 ޕަސެންޓަށް އުފުލިފަ އެވެ. ދެކުނު އޭޝިއާގެ ގައުމުތަކުން ޗައިނާ އަށް ދައްކަން ޖެހޭ ފައިސާގެ އަދަދު މި ވަގުތު ހުރީ 36 ބިލިއަން ޑޮލަރުގަ އެވެ.
އެފްރިކާގެ ގައުމުުތަކުގެ ތެރެއިން އެންމެ ބޮޑަށް ޗައިނާ އަށް ދަރާފައި ވަނީ އެންގޯލާ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ރާއްޖެ އިން އެންމެ ގިނަ ލޯނު ނަގާފައިވަނީ ޗައިނާގެ ބޭންކްތަކުންނެވެ. އެ އަދަދު 21 ބިލިއަން ރުފިޔާ އަށް އަރަ އެވެ.
ވޯލްޑް ބޭންކުން ބުނީ މިދިޔަ އަހަރު ނިމުނުއިރު ތަރައްގީ ވަމުން އަންނަ ގައުމުތަކުގެ ދަރަނި ވަނީ 860 ބިލިއަން ޑޮލަރަށް އަރައިފައި ކަމަށެވެ. މިދިޔަ އަހަރު ކޮވިޑާ ގުޅިގެން ވެސް ގައުމުތަކުގެ ދަރަނި ވަނީ 12 ޕަސެންޓަށް އިތުރުވެފަ އެވެ.
ވޯލްޑް ބޭންކްގެ ރައީސް ޑޭވިޑް މަލްޕާސް ވިދާޅުވިގޮތުގައި، ދަރަނި އަދާކޮށް، ދަރަނި މެނޭޖު ކުރަން ގައުމުތަކުން މިހާރަށް ވުރެ ހަރުދަނާ އުސޫލެއް ގެންގުޅެން ޖެހެ އެވެ.
"ދަރަނި އާދަޔާ ހިލާފަށް ބޮޑުވިޔަ ނުދިނުމަށް މުހިއްމު ފިޔަވަޅުތަކެއް އެޅުން މުހިއްމު،" އޭނާ ވިދާޅުވި އެވެ.
ވޯޯލްޑް ބޭންކުން ވެސް ވަނީ ކޮވިޑްގެ ހާލަތުން އަރައިގަތުމަށް އެކި ގައުމުތަކަށް 157 ބިލިއަން ޑޮލަރު ހޭދަކޮށްފަ އެވެ. އެ އިދާރާ އިން 100 އަށް ވުރެ ގިނަ ގައުމަށް މާލީ އެހީތެރިކަން ފޯރުކޮށްދީފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހުތާން
20 October 2021
ގޮއްޔޭ އިނާމު ލިބުނުތެ؟؟؟؟ ހިތްވަރުކޮށްލާ އަދި ދައުރު ނިމުމުގެ ކުރިން ލިބޭނެތޯއްޗެ!
ބުހުތާނެއްތީ
20 October 2021
ދުނިޔޭގެ އެންމެ ބިން ބޮޑު ލިސްޓުގައި ރާއްޖެ! ކިތައްވަނަބާ؟ މިވެސް ޒިންމާދާރު ޚަބަރު؟
ދޯދޯދޯ
20 October 2021
ކޮމެންޓްތަށް ކިޔާލީމަ އެނގިއްޖެ ޔާމީން ގަދަކަން، މިހާރު ހުރީ ބޮލެއްކަން ދިވެހިނަށް އެނގިއްޖެކަން. ލާހުރޭ ސޯލިހެއްކަން އެެއްމެނަށްވެސް އެނގޭކަން.
އަހުމަދުއަލޯ
19 October 2021
އިންޑިޔާ ދަަރަނީ މާބޮޑު. ޖީއެމްރާރޭ ފަޅޮލޭ އަނެއްކާ ކިޔަންފަށައިފި.
މުޙުއްމާ
18 October 2021
ކީއްވެގެންބާ އިންޑިއާ އިން ނަގާފައިވާ ދަރަނީގެ ވާހަކަ ނުދައްކަނީ. އެހެންތާ ވާނީ ވަރލްޑް ބެންކަކީވެސް އެމެރިކާ ބުނާގޮތަށް ހިންގާތަނެއް ވިއްޔާ. އަދި އިންޑިއާގެ ދަރަނީގެ ވާހަކަ ދައްކައިފިއްޔާ އައްނި ރުޅިއައްނާނެ.
ކަނބިލި
18 October 2021
ރާއްޖެއާއި ޗައިނާ ޖައްސަން މިފަތުރާ ޕްރޮޕަގެންޑާއަކީ އެމެރިކާ އަޑީގައި އޮވެގެން ކުރުވާކަމެއް. ވޯލްޑްބޭންކުގެ ދަރަނީގެ ދަންތުރާގައި ޖެހިގެން ކިތައް ގައުމު ހަލާކުވެއްޖެ. ބަލާބަލަ ލުބުނާން ތޫނިސް ފަދަ ގައުމުުތައް. ދަރަނި ނުދެއްކުނީމާ ދަރަނި ދައްކަން ނޫނީ އަލުން ދަރިނި ދޭން ވޯލްޑްބޭކުން ޝަރުތުކުރާނީ ސަރުކާރު މުވައްޒަފުން މަދުކުރުމަށާއި އަސާސީ މުދަލުގެ އަގު ބޮޑުކުރަން. ޗައިނާއިން ދަރަނި ދެނީ އަދާކުރެވޭނެ ފޯމިިޔުލާއަކާއެކު. ތިޔަ އުޅެނީ ހަޖަމް ނުވެގެން
ނަނަނަ
18 October 2021
މި ރިޕޯޓުން ނޭނގުނު އެންމެ ބޮޑަށް ދަރާފަ އޮތީ ރާއްކެ ކަމެއް!
ރަދީފްއޮފިޝިއަލް
19 October 2021
''ޗައިނާ އަށް އެންމެ ބޮޑަށް ދަރާފައިވާ ގައުމުތަކުގެ ލިސްޓުގައި ރާއްޖެ!'' ސްކޫލްގަ ދިވެހި ގަޑީގަ ނިދިކަން އެބަ ހާމަވޭ.
ނަނަނަ
19 October 2021
ޝުކުރިއްޔާ. ކުރިން ޝައްކެއްގެ މަތީގަ ހުރީ. މިހާރު ޔަގީންވެއްޖެ ލިސްޓުގަ އެންމެ ކުރީގަ އޮތީ ރާއްޖެ ނޫންކަން. ރާއްޖޭގެ ނަން ހަމައެކަނި އެ ލިސްޓުގަ އޮތީކަން.
ދެރީމާ ކީއް!
18 October 2021
އެމެރިކާއަކީ ޓްރިލިއަނުން ޓްރިލިއަނަށް ދަރާފައިވާ ގައުމެއް. އެވަރުން ނުވެގެން މެދުއިރުމަތީގެ ގައުމުތަކުން ވައްކަންކުރާވެސް ގައުމެއް. އެމެރިކާގެ ވައްކަންތަކާއި ކޮށްފައިވާ ލާއިންސާނީ އަމަލުތަކަށް ޖޫރިމަނާކޮށްފިނަމަ ދުނިޔޭގެ ހުރިހާ ގައުމެއްގެ ބަޖެޓް އެއްކޮށްގެންވެސް ނުދެއްކޭނެ. މީގެއިން ސާފުކޮށްދޭ ކަމަކީ ދަރަނިވެރިވެފައިވާ ގައުމުތައް ދަރަނި އަދާ ނުކުރިޔަސް ހެވޭ. އަމިއްލައަށް ފުދިގަތީމާ އެނިމުނިއްޔޭ.
މުޑަހަންޖާ
18 October 2021
މިހިރަ ކަންމަތީ ދުއްކާނުގަ ފޮތުގަ ޖަހާފަ މިހިސާބުމީހުން އެއްޗެހި ނަގަނީ. ސޭޓު ނުދޭންވެސް އުޅޭ، އެކަމަކު ނުދީފިއްޔާ އެއްބަޔަކު ތިބޭނީ ނުކައި، އާދޭސްކޮށްގަތީމަ ދެނީ. ދެން އޭގަ ގޯހީ ފިހާރަތޯ ހިސާބުގަނޑުމީހުންތޯ ބަލަންޖެހޭނީ.
މުންޑުބުރި
18 October 2021
ކުދި ގައުމުތަކަށް ވޯލްޑް ބޭންކާއި އައިއެމްއެފް އިން ދުއްޕާންކޮށް ގަނަތަޅުވަނިކޮށް އެހެން ބަޔަކު އައިސް އެގައުމުތައް ހިންދެމިލިޔަދޭތަން ފެނުނީމާ ކެތްނުވެގެން ދެއިރު ދެދަޅައަށް ރިޕޯޓް ލިޔަނީ. މިހާރު ތިގަންނަ ގަނޑު ނުދަންނަ ކުޑަކުއްޖަކުވެސް މި އުޑުދަށުގައި ނޫޅޭނެ.