17 އޮކްޓޯބަރ 2021 - 12:44
8 comments
އައްޑޫ އިކްއަޓޯރިއަލް ހޮސްޕިޓަލް (އޭއީއެޗް) ގެ ހާއްސަ ޑޮކްޓަރުންނަށް ދައްކަން އެޕޮއިންޓްމަންޓް ހަދާ އުސޫލަށް ބަދަލު ގެންނަން ނިންމައިފި އެވެ.
އެޕޮއިންޓްމަންޓް ހޯދަން އުނދަގޫވުމާއި ވެއިޓިން-ލިސްޓްގައި ކިއު ޖެހިގެން ގިނަ ދުވަސްތަކެއް ވަންދެން މަޑުކުރަން ޖެހޭތީ އާންމުންގެ ފަރާތުން ލިބެމުންދާ ޝަކުވާތަކާ ގުޅިގެން ހޮސްޕިޓަލުން އަލަށް ގެންނަން ނިންމި ބަދަލާ އެކު ވެއިޓް-ލިސްޓްކުރުން ހުއްޓައިލަން ވަނީ ނިންމައިފަ އެވެ.
އޭގެ ބަދަލުގައި މިހާރު ނިންމާފައި އޮތީ ކޮންމެ ހަފުތާއަކަށް ނުވަތަ ކުރިއަށް އޮތް ހަތް ދުވަހަށް އެޕޮއިންޓްމަންޓަށް ހުޅުވައިލުން ކަމަށް އޭއީއެޗުން ބުންޏެވެ. މި ގެނައި ބަދަލާއެކު، ދެން އެޕޮއިންޓްމަންޓް ހަދާ ދުވަސްތައް އިތުރު ކުރާނީ ކޮންމެ ހަފުތާއެއްގެ އަންގާރަ އާއި ހޮނިހިރު ދުވަހު ކަމަށް ވަނީ ކަނޑައަޅައިފަ އެވެ.
މާލެ ސަރަހައްދު ފިޔަވައި ރާއްޖޭގެ އަތޮޅެއްގައި ހުރި އެންމެ ބޮޑު ޓާޝަރީ ހޮސްޕިޓަލުން ބުނިގޮތުގައި، އެޕޮއިންޓްމަންޓް ހެދުމުގެ އާ އުސޫލަށް އަމަލުކުރަން ފަށާނީ އަންގާރަ ދުވަހުން ފެށިގެންނެވެ.
ކުރިން އައްޑޫން ނުލިބޭ ސިއްހީ އެތައް އާ ހިދުމަތްތަކަކާ އެކު 100 އެނދުގެ ހޮސްޕިޓަލެއްގެ ގޮތުގައި އޭއީއެޗުން ހިދުމަތް ދެމުން އަންނަނީ މިދިޔަ އަހަރުގެ ޖެނުއަރީ މަހުގެ 15 އިން ފެށިގެންނެވެ. މި ހޮސްޕިޓަލަކީ ކުރީގެ އިކްއަޓޯރިއަލް ކޮންވެންޝަން ސެންޓަރު (އީސީސީ) ހޮސްޕިޓަލަކަށް ބަދަލުކޮށްގެން ހިދުމަތް ދެމުން އަންނަ ތަނެކެވެ.
އޭއީއެޗަކީ މިހާރު ރާއްޖޭގެ އެކި ސަރަހައްދުތަކުން ސިއްހީ ފަރުވާ ހޯދަން މީހުން ދާ ތަނެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
17 October 2021
މިސަރުކާރުން ކަންތައްތައް ހައްލުކުރާތަން މިފެންނަނީ މުޅިން އެހެން ނިޒާމަކުން. ވެއިޓްލިސްޓް ދިގުވީމަ ވެއިޓްލިސްޓް އުވާލީމަ ދެން ނުހުންނެ ކިޔުއެއް. ދެން ބޯހިޔާވެހިކަން ބޭނުންވެ ނުލިބޭ މީހުންނަށް އަނެއްކާ ކިހިނެއްބާ ހަދާނީ!
މޫޗީ/މީދޫ
17 October 2021
ތި ސާލިހު ތިތަން ހިންގަން ހުރެގެން ތިތަންދާނީ އެއްދުވަހުން އަނެއްދުވަހަށް ދަށައް.
އޮނަރަބްލް އަފީފު ދީދީ
17 October 2021
އޭއީއެޗް ގެ ތިޔަ ނިންމުމަކީ "ރުކަށް މީދާއަރާތީ ރުއްކަޑާލުން" ފަދަ ތާކުން ތާކު ނުޖެހޭ ނިންމުމެއް. # ޑޮކްޓަރަށް ދައްކާންއެދޭ ބަލިމީހުން ގިނަކަމުން ބޮޑު ކިއޫއެއް ނުވަތަ ވެއިޓިންގ ލިސްޓެއް އޮވެ ޝަކުވާ ބޮޑުވާތީ "އެކަމުގެ ހައްލަކީ ވެއިޓިންގ ލިސްޓް އުވާލުން" ކަމަށް ނިންމި ނިންމުމަކީ ވަރަށް ތާކުން ތާކުނުޖެހޭ ގޮތެއް ފޮތެއްނެތް އިންސާނީއްޔަތާއި ޙިލާފު ލާއިންސާނީ ނިންމުމެއް. ޑޮކްޓަރުން ނެތް ހޮސްޕިޓަލެއް އައްޑޫގައި ހުރުމުގެ ބޭނުމަކީ ކޮބާ؟! ތިތަން ބަންދުކުރޭ.
ރަދީފްއޮފިޝިއަލް
17 October 2021
ތިކަން ވެސް ތިގޮތަށް ކުރެވިއްޖެނަމަ ރަނގަޅު.މާލެ ފިޔަވައި އެންމެ ކުރި އަރާފައިވާކަމަށް ބުނާ މި ހޮސްޕިޓަލުގަ ނެތް ނާރުގެ ބަލިތަކާއި ބެހޭ ޑޮކްޓަރެއް.ޑޮކިއުމެންޓްތަކުގަ ''އައްޑޫ ސިޓީ'' މިހެން ޖަހާލެވުނީމަ ސިޓީއަކަށްވޭތަ؟ މާލެ ނަގާފަ ދެން އެންމެ ބޮޑު އާބާދީއެއް އަތޮޅުަގ ނާރުގެ ބަލިތަކުގެ ޑޮކްޓަރެއް ނެތުން އެއީ ރައްޔަތުންނަށް ލިބޭ ނިކަމެތިކަމެއް.މިކަަމަށް އަވަސް ހައްލެއް ގެނެސްދިނުން އެދެން.ވ.ވެދުން
އޮނަރަބްލް އަފީފު ދީދީ
17 October 2021
އެންމެ ޒަމާނީ މެޑިކަލް އިކްއިޕްމަންޓްސް އާއިއެކު ކޮންމެ ބައްޔަކަށް ސްޕަރސްޕެޝަލިސްޓުންގެ ޓީމެއް 24 ގަނޑިއިރު ޑިއުޓީގައި ތިއްބަވާ Kokilaben Dhirubhai Ambani Hospital and Medical Research Institute ނުވަތަ ގަންގާ ރާމް ހޮސްޕިޓަލް ނޫންނަމަ Artemis Hospital ފަދަ ހޮސްޕިޓަލެއްގެ އެހީތެރިކަން ހޯއްދަވަން ޑރ ސޯލިޙް ބޭނުންފުޅުނަމަ ކީއްވެގެންތޯ އެހުށަހެޅުން އިންޑިޔާ އެމްބަސީއާއި ޙިއްސާ ނުކުރަންވީ؟ ނުޖެހޭ ބަޔަކު ތިކަން ރަނގަޅު ކޮށްދޭނެކަމަށް ތިހެން ތިބޭކަށް.
އިންތިޒާމް ނަސީރު
17 October 2021
ދީދީ ގެ ޙިޔާލު ވަރަށް ރަނގަޅު. އިންޑިޔާ އަކީ އެތައް ހާސް ޑޮކްޓަރުން ތިބި ޤައުމެއް. އަދި އިންޑިޔާގައި މިލިޓަރީ ޑޮކްޓަރުންވެސް ހާހުން ގުނާލެވޭނެ. އޭގެ ތެރޭގައި ސްޕެޝަލިސްޓުންވެސް ވަރަށް ގިނަ. އައްޑޫސިޓީގެ މޭޔަރު އެދިވަޑައިގެންފިނަމަ އިންޑިޔާ ތިކަން ކޮށްދޭނެ.
އޮނަރަބްލް އަފީފު ދީދީ
17 October 2021
އިކްއިޓޯރިއަލް ހޮސްޕިޓަލަށް ދިމާވެފައިވާ ޑޮކްޓަރުންގެ މައްސަލައަށް ހައްލުހޯދޭނީ މޭޔަރު އަދި ޑރ ސޯލިޙް ހިމެނިވަޑައިގަންނަވާ ވަފުދެއް އިންޑިޔާ ހައިކޮމިޝަނަރ އާއި ބައްދަލުކޮށްގެން. # ބޮމްބޭގެ King Edward Memorial Hospital ، ޗަންދިގަރ ޕީޖީއެމްއީއާރ، ވެއްލޫރ CMC ، ދިއްލީގެ އެއިމްސް، މުމްބާއީގެ ޓާޓާ މެމޯރިއަލް ހޮސްޕިޓަލްގެ އެހީތެރިކަންހޯދައިގެން. މިދެންނެވި ހޮސްޕިޓަލްތަކަކީ އިންޑިޔާސަރުކާރު ހޮސްޕިޓަލްތައްކަމަށްވާތީ ޑޮކްޓަރުން ފޮނުވުމަކީ ފަސޭހަކަމެއް.
ސޮދުރީ.
17 October 2021
ބަރާބަރު ވާހަކައެއް. މޭޔަރު އެދިއްޖެނަމަ ޔަގީނުންވެސް އިންޑިޔާ ތިކަން ކޮށްދޭނެ. އައްޑޫސިޓީގެ މީހުން ހިތްހަމަޖެހޭނެ ކޮންމެކަމެއް ކޮށްދިނުމަށް އިންޑިޔާ ބޭނުންވާނެ. ތިއީ ވަރަށް ފަސޭހައިން އެމީހުނަށް ހައްލުކޮށްދެވިދާނެ އަދި އައްޑޫ މީހުނަށް ވަރަށް މުހިންމު ކަމެއް.