ހިޔާ ފްލެޓްތަކުގެ އަގު ކަނޑައެޅި ގޮތުގެ ރިޕޯޓް ސަރުކާރުން ދިރާސާ ކުރަނީ

ހުޅުމާލެ ދެވަނަ ފިޔަވަހީގައި އިމާރާތްކޮށްފައިވާ ފްލެޓުތައް.-- ފޮޓޯ: ނިޝާން އަލީ / މިހާރު

އިފްރާޒް އަލީ، މިހާރު

23 އޮކްޓޯބަރ 2021 - 12:44

ހިޔާ ފްލެޓްތަކުގެ އަގު ކަނޑެޅި ގޮތް ބެލުމަށް ފަހު އޮޑިޓާ ޖެނަރަލްގެ އޮފީހުން ރޭ ނެރުނު ރިޕޯޓް ސަރުކާރުން ދިރާސާ ކުރާނެ ކަމަށާއި އެ ރިޕޯޓާ ގުޅިގެން ފިޔަވަޅެއް އަޅަން ޖެހިއްޖެ ނަމަ އެކަން ވެސް ކުރާނެ ކަމަށް ރައީސް އޮފީހުން މިއަދު ބުނެފި އެވެ.

އޮޑިޓާ ޖެނަރަލްގެ ރިޕޯޓުގައި ބުނެފައިވާ ގޮތުގައި ހިޔާ މަޝްރޫއުގެ ފްލެޓްތަކަށް އެޗްޑީސީން އަގުތައް ކަނޑައަޅާފައި ވަނީ އެ ކުންފުނިން އެ މަަޝްރޫއަށް ނަގާފައިވާ ލޯނުތަކާއި އެއާ ގުޅުން ހުރި އެހެން ކަންތައްތަކަށް ރިއާޔަތް ކޮށްފައި ކަމަށާއި އެ އަށް ވުރެ އަގު ހެޔޮކޮށްފި ނަމަ، ކޮންމެ ޔުނިޓަކުން އެއް މިލިއަން ރުފިޔާގެ ގެއްލުން ވާނެ އެވެ.

އެކަމަކު ކުރީގެ ސަރުކާރުގެ ހައުސިން މިނިސްޓަރު އަދި މާލޭގެ މޭޔަރު ޑރ. މުހައްމަދު މުއިއްޒު ވަނީ ފްލެޓްތައް މަހަކު 5،548ރ. އަށް ދޫކުރެވޭނެ ކަމަށް ހިސާބު ހަދާފައިވާ މާލޭ ސިޓީ ކައުންސިލްގެ ރިޕޯޓެއް ނެރެފަ އެވެ. މި އަގަށް ދޫނުކުރެވޭނެ ކަަމަށް ސަރުކާރުން ބުނެ އެވެ.

އޮޑިޓާ ޖެނެރަލްގެ ރިޕޯޓާ ގުޅޭ ގޮތުން ރައީސް އޮފީހުގެ ތަރުޖަމާން މަބްރޫކް އަޒީޒް "މިހާރު" އަށް ވިދާޅުވީ ރިޕޯޓް ދިރާސާ ކުރުމުގެ މަސައްކަތް ވަރަށް އަވަހަށް ފައްޓަވާނެ ކަމަށާއި އެ މަސައްކަތުގެ ތެރެއިން ފިޔަވަޅު އަޅަން ޖެހޭ ކަންކަން ފާހަގަކުރެއްވިއްޖެ ނަމަ، އެކަންކަން ވެސް ކުރިއަށް ގެންދަވާނެ ކަމަށެވެ.

"ރޭގައި މި ރިޕޯޓް އައިރު އަޅުގަނޑުމެންނަށް ފާހަގަކުރެއްވިއްޖެ ކުރިން ހީކުރިވަރަކަށް ވުރެ ވެސް ބައެއް ކަންކަން ގޯސްކޮށް ހުރިކަން. އެހެންވީމަ މި ރިޕޯޓް ރަނގަޅަށް ދިރާސާކޮށްފައި އެޅޭނެ ފިޔަވަޅުތައް ބަލާނީ،" މަބްރޫކް ވިދާޅުވި އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން އިމާރާތްކުރި ހިޔާ ފްލެޓްތަކަށް މި ސަރުކާރުން އަގު ކަނޑައަޅާފައިވާ ގޮތް ބަލަން އެޗްޑީސީން އެދިގެން ކުރި އޮޑިޓަކަށް ފަހު އިއްޔެ އާއްމުކުރި ރިޕޯޓުގައިވާ ގޮތުން، 2018 ވަނަަ އަހަރު ކަނޑައަޅާފައިވާ ގޮތަށް ފްލެޓަކަށް މަހަކު 6،600ރ. ދައްކާ ގޮތަށް ހަމަޖައްސައިފި ނަމަ ކޮންމެ ޔުނިޓަކުން 1.2 މިލިއަން ރުފިޔާ އެ ކުންފުންޏަށް ގެއްލުންވާނެ އެވެ. މަހަކު އެ އަދަދަށް ފައިސާ ދައްކާ ގޮތަށް 25 އަހަރަށް ދޫކޮށްފި ނަމަ އެޗްޑީސީގެ ނެޓް ކޭޝްފްލޯގެ ގޮތުގައި ގާތްގަނޑަކަށް 9.2 ބިލިއަން ޑެފިސިޓް ވާނެ ކަމަށް ވެސް އޮޑިޓް ރިޕޯޓްގައިވެ އެވެ.

ރިޕޯޓްގައިވާ ގޮތުން ސަރުކާރުން މިހާރު ކަނޑައަޅާފައިވާ އަގު ކަމަށްވާ 8،500ރ. އަށް ދޫކުރުމުން ވެސް ނެޓް ކޭޝްފްލޯގެ ގޮތުގައި 138.6 މިލިއަން ރުފިޔާ ޑެފިސިޓް ވާނެ އެވެ. އަދި މަހަކު 5،548ރ. އަށް ފްލެޓެއް ދޫކުރެވޭނެ ކަމަށް ބުނެ މާލޭ ސިޓީ ކައުންސިލުން ޖަހާފައިވާ ހިސާބު ވެސް ގެއްލުން ވާނެ ކަމަށް މި ރިޕޯޓުގައި ބުނެފައިވެ އެވެ.

މި އޮޑިޓް ރިޕޯޓު ނެރުމާ އެކު ސަރުކާރުގެ ބައެއް އިސްވެރިން ވަނީ ކުރީގެ ސަރުކާރުން ފްލެޓުތަކުގެ އަގު ކުޑަކޮށް އިއުލާން ކުރީ ރައްޔިތުންނަށް ވަރަށް ބޮޑަށް އޮޅުވާލައިގެން ކަމަށް ތުހުމަތުކޮށްފަ އެވެ.

Hiya flat ah HDC in kandaelhi agah vure kuda ageh nagaa nama bodu gellumeh vaane: Audit report

The most trusted news source in the Maldives

Mihaaru

ޔާމީންގެ ވެރިކަމުގައި ބޯހިޔާވަހިކަމަށް އިސްކަންދީގެން އިމާރާތްކުރި 7،000 ފްލެޓް ލިބުނު މީހުން ދަނީ، އެ ތަންތަނަށް މަހަކު ދައްކަން މިހާރުގެ ސަރުކާރުން ކަނޑައަޅާފައިވާ އަގު ކަމަށްވާ 8،500ރ. ބޮޑުވެގެން ކަންބޮޑުވުން ފާޅުކުރަމުންނެވެ.

ކުރީގެ ސަރުކާރުގެ ހައުސިން މިނިސްޓަރު އަދި މިހާރު މާލޭގެ މޭޔަރު ޑރ. މުހައްމަދު މުއިއްޒު ތަކުރާރުކޮށް ވިދާޅުވަމުން ގެންދަވަނީ 6،600ރ. މަހަކު ދައްކާ ގޮތަށް ފްލެޓް ދޫކުރެވޭނެ ކަމަށެވެ. އޭނާ އެހެން ވިދާޅުވަނީ ސިޓީ ކައުންސިލުން ހެދި ހިސާބުތަކަށް ބުރަވެ އެވެ.

ރައީސް އޮފީސް ހުޅުމާލެ އެޗްޑީސީ އޮޑިޓާ ޖެނެރަލް އޮފީސް އޮޑިޓް ރިޕޯޓް ހިޔާ ފްލެޓްތައް

34 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަޑިތަކުރު

24 October 2021

ރިޕޯޓްގެ އިތުރަށް ތިޔަ މަޝްރޫޢު ހިންގަން ފުރަތަމަވެސް ރާވާފައިއޮތީ ފިނިޝިންގގެ ބޮޑުބައި ނުނިންމާގޮތަށްތޯއާއި، އަގުހޯދާފައިހުރީވެސް ހަމަ އެގޮތަށްތޯ ވެސް ބަލަންޖެހެއެވެ. ކުރިން ނިންމިގޮތަށް އަގުހުށަހެޅުމަށްފަހު މަސައްކަތް ހަވާލުކުރިއިރު ބަދަލުގެނެސްފައިވާނަމަ އަގަށް އެކަށީގެންވާ ބަދަލެއް އައިތޯވެސް ބަލަންޖެހެއެވެ. ނޫނީވިއްޔާ އެކަމުގައި ބޮޑުވެގެންވާ ޚިޔާނާތެއް ހިންގާފައިއޮވެދާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

24 October 2021

3 އަހަރު ވާން ކައިރި ވާއިރު ފްލެޓް އެއް ނުހެދުނެވެ. ކުރީން ހެދި ފްލެޓް ތަކުގެ ޝަކުވާ އެއް ވެސް ނުނިމުނެވެ. އަދި އާ ފްލެޓް ތަކެއް ވެސް ނުހެދުނެވެ. އެކަމު2023 ވަނަ އަހަރު އާ ފްލެޓް ތަކަކަށް ބިންގާ އެޅުމަކީ ވ ގާތް ކަމެކެވެ. ރައްޔިތުންނަށް ކަމެއް ކޮށްދިނުމަށް ވުރެ ބޮޑަށް އެއްބަޔަކު އަނެއް ބައެއްގެ ކުއްދެއްކުމެވެ. ދެން ދެން ވޯޓައް މަސައްކަތް ކުރުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެބޯޅަ

24 October 2021

މިދެން ކިހާ ބޮޑުވެއްޖެ ކަމެއް. ޔާމީނަށް އެޅިފަ ތިޔަ ހުރީ ފްލެޓްތަކެއް. ތިކަމަކާ ހެދި މުޅި ގައުމު އެބަ ހަލާކުވޭ. ނަސީބެއް މި ދައުރަށް ނުހޮވުނުކަން. 25ބުރީގެ ހޮސްޕިޓަލެއް ފްލެޓެއް އަޅާދޭވަރުގެ ބައެއް ނޫން މިގައުމުގަ ތިބީކީ. ދެކޮޅަށް ޖަހާ ބޯޅައެއްހެން މިކަން އެބަ ގެންގުޅޭ. ރައްޔިތުންނާމެދަކު ނުވިސްނާ. ޔާމީން ފްލެޓްތައް އެޅިކަން ނުބައިކުރެވޭތޯ ބަލަނީ. ހަގީގަތަކީ ނުރުހުނަސް އެތަނުގެ މައްސަލަތައް ހައްލުކުރަންޖެހޭނީ ފަހުން ވެރިކަމާ ހަވާލުވި ބަޔަކުކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙައްދާދުރާސާ

24 October 2021

ސަރުކާރުން ތިހާ ދުރާސާކުރާހިއްވަންޏާ، ސިޔާސީ ބޭކާރު މަޤާމުތަކުން އިސްރާފުވާ ފައުސާގެ ދިރާސާއެެއް ކުރަންވީނު؟؟ ފުލެޓު ނުދީ ހޭދަވި 3 އަހަރު ރައްޔުތުންނަށްވި ގެއްލުންވެސް ދިރާސާކުރެވުން އެދެން. ކުރީ ސަރުކާރާ އޮންނަ ހަސަދަވެރިކަން ނިކަމެތި ރައްޔުތުންނަށްް ފޯރުވަން ނުޖެހޭ. ޙިޔާވެރިންނަށް ތިކުރާ ޖެއްސުން ހުއްޓާލާ. ޓިކަމުން މަބްރޫކަށް މިބޭނެ ފައިދާއެއް ނެތް. ޢަހަރުމެންގެ ނަފްރަތްމިހާރު ސަަރުކާރަށް ދަނީ އިތުރުވަމުން. 2023 ގަ ނަތީޖާ ދައްކާނަން އިންޝާﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސާ2023

24 October 2021

ޙިޔާ ފުލެޓުތައް ނުދީ ލަސްކުރި 3 އަހަރު މުއްދަތުގަ ރައްޔިތުންނަށް ލިބުނު ގެއްލުމުގެ އޮޑިޓެެއް ވެސް ހައްދަވަން މަބްރޫކް ވިދާޅުވާން ވީނޫންތޯ؟ އޯކޭ މަބްރޫކު އަމިިއްލަ އަށް ދިރާސާކޮއްލިޔަސް. ޜައްޔިތުންގެ އަސާސީ ހައްގެއް އަދާކުރަން ތިހާ ބޮޑާހާކާ ސަރުކާރެއްް އަދި ނުދެކެން. 2023 ތިޔަ ދިރާސާގެ ނަތީޖާ ދައްކާލާނަން އިންޝާﷲ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުންނައްއޮޅުވަލަނީ

24 October 2021

2018 ވަނަަ އަހަރު ކަނޑައަޅާފައިވާ ގޮތަށް ފްލެޓަކަށް މަހަކު 6،600ރ. ދައްކާ ގޮތަށް ހަމަޖައްސައިފި ނަމަ ކޮންމެ ޔުނިޓަކުން 1.2 މިލިއަން ރުފިޔާ އެ ކުންފުންޏަށް ގެއްލުންވާނެ އެވެ. ތިޔަ އެޗްސީޑީ އައް ގެއްލުންވާއިރު އެޗްޑީސީ އައްހުޅުމާލެ ފޭސް 1 އަދި ފޭސް 2 ލިބުނީކިހިނެއްތޯ ތަހުގީގެއް ކޮއްލެވިދާނެތޯ ސަރުކާރުގެ (ރައްޔިތުންގެ) ފައިސާއިން ހިއްކި ބިންތަކެއް އެޗްޑީސީއޭކިޔަ ކުންފުންޏެއްގެ މިލްކިއްޔަތައް ވީކިހިނެއްތޯ ކާކުތޯ އެބިންތައްދިނީ ގެންލުންވާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހޭ

24 October 2021

އަހަރުމެންނަށް އެނގޭ. އެއީ ގާނޫނީ ގޮތުން އެޗްޑީސީގެ ބިންތައް. ވަރަށް ރަނގަޅަށް އެނގިހުރެ މިބުނީ. ހުރިހާ ގޯހެއް މިއުފެދެނީ ސިޔާސީ މަގުސަދުގައި ފާޑުފާޑުގެ ދޮގު އަޑުފަތުރާތީ. މުއިއްޒު ކަހަލަ މީސްމީހުން ނުބެހޭ ކަންކަމުގެ ތެރެއަށް ވަންނާތީ. އެއިރުންތާ ޖީބުފުރަން ބޭނުން މީހުނަށް ޖީބަށް އެއްޗެއް ލެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

24 October 2021

އެޗްޑީސީ ގަ އޮތް ކޮރަޕްޝަން ވެސް އެނގެ އެވެ. އެކަމު މީހަކު ވަތްކެއް ނުކުރެ އެވެ. ބޯޑު ގެ ކަޓްތަކުގެ ވާހަކަ ރަނަގަޅު ވާނީ ނުދެއްކިޔާ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮއި ހަލައިކު

24 October 2021

ތީގެން ސޯޓު ބޭލެނީ މި ސަރުކާރުގެ ނާގާބިލުކަން ހާމަވެގެން. ތިޔަ ހާވަނީ ރަނގަޅު ޗަކަސްވަޅެއް. ރައީސް ޔާމިނު ޖަހާ ހިސާބު މި ސަރުކަރަށް ދިމާކުރަން ނޭނގެނީ ޓެކްސްޓް ފޮތުން ހިސާބު ޖަހާ، ވިސްނުން ފުޅާކުރަން ނޭނގޭ ބަޔަކަށްވީމާ. ކޮންމެ ކަމެއްގަ މީހަކު ކޮމެންޓް ކުރީމާ ވަޒީރު ބޮލަށް ވިސްނޭންފަށަނީ. ދެން އެވިސްނުމެއްގެ ކްރެޑިޓްކަމުން މެޑަލްޖަހަމުން މޮޅު ޚަބަރު ޖަހަމުން ނޫސް ކޮންފަރެންސް ބާއްވަމުން އުޅޭނީ. އެއްޗެއް އިނގޭ މީހަކު ލަދުން ބޯހަލާކުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚެކެ

23 October 2021

ރަގަޅައް ބަލާ.. ތިކިޔާ އަގުގެ ތެރޭގަ މިތާގެ މަގުހެދުމައް ދާ ހަރަދުވެސް އޮންނާނީ ހިމަނާފަ.ފުލެޓްލިބުންމީހުން ދޯ އެބައިވެސް ދައްކަން ޖެހޭނީ.. ފްލެޓްއަގައް އެބައި ލީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާސީމަޤާމު

23 October 2021

ބޭކާރު ސިޔާސީ މަޤާމުތަކަށް ސަރުކާރުން ކުރާހޭދައިގެ ދިރާސާ އެއް ހަދާބަލަ. 2023 ވަރަށް ސަލާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސާކޮށްލާ

23 October 2021

މަބްރޫކް ބޭފުޅާ ބުނަންތޯ ކުރަން ރަނގަޅު ދިރާސާއެއް. ޙިޔާގެ ވެރިންނަށް ތިކުރާ ޖެއްސުމުގެ ސަބަބުން ކުރިޔަށް އޮތް އިންތިހާބުގަ ސަރުކާރަށް ގެއްލިގެންދާނީ ކިތައް ވޯޓުތޯ ދިރާސާއެއް ހައްދަވާފަ އަންގަވާލަދެއްވާބަލަ. ޢަޅުގަނޑާ އަޅުގަނޑުގެ އާއިލާ ގެ އެއްވެސް ވޯޓެއް ހަމަ ގައިމުވެސް ތިބޭފުޅުން ނުލިބޭނެ.