ލޯކަލް ކައުންސިލްތަކުގެ އިންތިހާބުގައި 900 މީހަކު ވާދަކުރަން ހުށަހަޅައިފި

އެމްޑީޕީގެ ޓީމަކާ އިލެކްޝަންސް ކޮމިޝަންގެ މެމްބަރުން ބައްދަލުކުރައްވަނީ: ލޯކަލް ކައުންސިލްތަކުގެ އިންތިހާބަށް ކުރުމަތިލުމުގެ ފުރުސަތު ހަމަވިއިރު، ހުށަހެޅި ފޯމުތައް އިލެކްޝަންސް އިން އަންނަނީ ޗެކް ކުރަމުން.---ފޮޓޯ: އެމްޑީޕީ

މުހައްމަދު ޔާމީން، މިހާރު

06 ޑިސެމްބަރ 2016 - 17:07

7 comments

ލޯކަލް ކައުންސިލްތަކުގެ އިންތިހާބަށް ކުރިމަތިލުމުގެ ފުރުސަތު މިދިޔަ ބުރާސްފަތިދުވަހު ހަމަވިއިރު، 900 އަށް ވުރެ ގިނަ މީހުން ފޯމް ހުށަހަޅާފައިވާ ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.

އީސީގެ މެމްބަރު އަހުމަދު އަކްރަމް ވިދާޅުވި ގޮތުގައި އެ ކޮމިޝަނަށް ލިބުނު ފޯމުތައް ޕްރޮސެސް ކުރުމުގެ މަސައްކަތް މިހާރު އަންނަނީ ކުރަމުންނެވެ. އަދި ސިޔާސީ ޕާޓީތަކުންނާއި އަމިއްލަ ގޮތުން އިންތިހާބުގައި ވާދަކުރާ ކެންޑިޑޭޓުން އެނގޭނީ ފޯމުތައް ޗެކްކޮށް ނިމުމުން ކަމަށް އޭނާ ވިދާޅުވި އެވެ.

ކުރިން ޖެނުއަރީ 14 ގައި ބާއްވަން ހަމަޖެއްސި ލޯކަލް ކައުންސިލް އިންތިޚާބު، ސިވިލް ކޯޓުން މިހާރު ވަނީ ދެ މަސް ދުވަހަށް ފަސްކޮށްފަ އެވެ. ސިވިލް ކޯޓުން އެގޮތަށް ހުކުމް ކުރިޔަސް، އިންތިހާބުގައި ވާދަކުރުމުގެ މުއްދަތު އިތުރު ކުރަން ނުވަތަ އަލުން ކުރިމަތިލާން ހުޅުވާލުމަށް އީސީން އަދި ނުނިންމަ އެވެ. ޕީޕީއެމަށް ތައްޔާރު ނުވެވިގެން ކަމަށް ބުނެ އިންތިހާބު ފަސްކުރުމަށް ކުރި އީސީ އިން ވަނީ ހައި ކޯޓަށް ހުށަހަޅައިފަ އެވެ. އެ ކޮމިޝަނުން ކުރިން ބުނެފައި ވަނީ އިސްތިއުނާފުގެ މައްސަލަ އަވަހަށް ކޯޓުން ނިންމައިދޭނެ ކަމަށް އުއްމީދު ކުރާ ކަމަށެވެ.

ލޯކަލް ކައުންސިލްތަކަށް މިފަހަރު އިންތިހާބު ކުރާނީ 653 ކައުންސިލަރުންނެވެ. އެއީ 179 ރަށު ކައުންސިލަކަށް 563 ރަށު ކައުންސިލަރުންނާއި 18 އަތޮޅު ކައުންސިލަކަށް 67 އަތޮޅު ކައުންސިލަރުން އަދި ތިން ސިޓީ ކައުންސިލަކަށް 23 ސިޓީ ކައުންސިލަރުންނެވެ. އިންތިހާބު މޮނީޓާ ކުރުމަށް ބޭރުގެ ގިނަ އޮބްޒާވަރުންތަކެއް ރާއްޖެ އަންނާނެ ކަމަށް އީސީ އިން ބުންޏެވެ. އޭގެ ތެރޭގައި އިންތިހާބުތަކާ ބެހޭ ދުނިޔޭގެ ޖަމިއްޔާ އާއި މި ސަރަހައްދުގެ އިންތިހާބާ ބެހޭ ޖަމިއްޔާތައް ވެސް ހިމެނެ އެވެ. އިންތިހާބުގައި ރާއްޖޭގެ އެކި ރަށްރަށުގައި 400 އަށް ވުރެ ގިނަ ވޯޓު ފޮށި ބަހައްޓާއިރު، މާލޭގައި 132 ވޯޓު ފޮށި ހުންނާނެ އެވެ. އިންތިހާބާ ގުޅޭ ހުރިހާ ކަމެއް އިލެކްޝަންސް ކޮމިޝަނުން ކުރިއަށް ގެންދަނީ ބާ ޖަމާލުއްދީންގެ އިމާރާތުގަ އެވެ.

ލޯކަލް އިންތިހާބު ރަށު ކައުންސިލް އަތޮޅު ކައުންސިލް ސިޓީ ކައުންސިލް އިލެކްޝަންސް ކޮމިޝަން

7 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުލައިމާން ހާޖީ

07 December 2016

ޕީޕީއެމްގެ ޕީއޭ ގްރޫޕްގެ ކުދިން ކިހިނެތްތޯ ހައްދަވަނީ! އިންތިހާބުގައި ވާދަ ނުކުރަނީތޯ؟ ނޫނީ ސްޕްރީމްކޯޓުން ނެރޭ ހުކުމަކުން މަގާމު ހޯދަނީތޯއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ އަލީ

06 December 2016

ގާނޫނުއަސާސީ ގެ 231 ގެ ނ އަށް ހަވާލާދީ ގާނޫނުއަސާސީ ގެ 64 ވަނަމާއްދާއަށް ރިޢޔަތް ކޮށް ކުރިން އިންތިހާބު ބޭއްވުމަށް ކަނޑައަޅާފައިވާ ތާރީހުގާ އިންތިހާބު ބޭއްވުމަކަށް ގާނޫނީ ހުރަހެއް އޮތް ކަމަކަށް ގާނޫނުއަސާސީގެ 142 ބެލުމުން ނުފެނޭ ގާނޫނުއަސާސީގެ64 ބެލުމުން އެގޭ ގާނޫނާ ހިލާފު އަމުރަށް ތަބާވެގެން ނުވާނެކަން 231 ގެ ނ ބެލުމުން އެގޭ ގާނޫނުގާއުމުރު އޮތްގޮތް . 142 ބެލުމުން އެގޭ އަމުރު ގާނޫނާ ހިލާފުކަން. ވީމާ އީސީން ޖެހޭނީ 64 އަށްއަމަލު ކޮށް ކުރިން އިންތިހާބު ބާއްވަން ނިންމި ދުވަހު އިންތިހާބު ބާއްވަން ، އެހެން ނަހަދައިފިނަމަ އިލެކްސަނުން އެކުރެވެނީ ކުށެއް ނޫންބާ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަނަ

07 December 2016

ވަރަށް ފުރިހަމަ ތަފްޞީލީ ޚުލާސާއެއް ޝުކުރިއްޔާ ޢަދުއްﷲ ޢަލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެންޓަލިސްޓް

06 December 2016

900 ކެންޑިޑޭޓުން ވާދަކުރުމަކީ ރައްޔަތުންނަށް ވަރަށްވެސް އުފާވެރި ޙަބަރެއް ، އެއީ ވަރަށް ފައިސާތިޔާގެ ވާނެ ރައްޔަތުންގެ އަތްމަތީގައި ، ހުރިހާ ޕާޓީއަކުންވެސް ފައިސާބަހާނެ ،،، ރަށުގެ ވިޔަފާރިތަޢްވެސް ރަގަޅުވެގެންދާނެ ،، ގައުމުގެ އިކޮނޮމިކް އެކްޓިވިޓީގިނަވެގެންދާނެ ، ނަމަވެސް އޭގެ އަނދިރި ފަރާތަކީ ރަުފިޔާއަށް ވޯޓްވިއްކާމައްސަލަ ،،،،، ކޮރަޕްޝަންއާޢި ފަސާދައާއި ގުޅިގެން އޭގެފައިދާވެސް ބަޔަކަށް ކުރާނެ ،، ވަރަށްވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރިޔަމް އަޒުލީފާ

06 December 2016

އިންތިޚާބު ބާއްވަން ބޮޑެތި ޚަރަދު ނުކޮށް ސުޕްރީމް ކޯޓުން ކޮންމެވެސް ގޮތެއް ނިންމުން މާމުހިއްމު، އެނޫނަސް ރާއްޖޭގެ ރައްޔަތުންގެ އިތުރުން ބޭރުން ވޯޓު އޮބުޒާރވަރުންގެ ގޮތުގައި އަންނަމީހުންވެސް ވޯޓާއި މެދު އުއްމީދު ކެނޑި ފޫހިވާވަރައް 2 ފުލުހެއްގެ ފޮރިންސިކުން ވޯޓުކެންސަލްކުރާނެ.!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮބާ

06 December 2016

ލޯކަލް ކައުންސިލު އިންތިޚާބަށް ކުރިމަތި ލުމުގެ ފުރުސަތު ބަންދުކުރީ އެއީ ޕީޕީއެމްގެ އެންމެ ކެންޑިޑޭޓެއް ވެސް ކުރިމަތި ނުލާ ހުއްޓަ އެވެ. ކަން މިހެން ހުރުމުން ލޯކަލް ކައުންސިލު އިންތިޚާބަށް ކުރިމަތި ލުމުގެ ފުރުސަތު އަދި ދޭން ޖެހޭނެ މަމެން ޕިންކީން ނަށް. އަދި އިންތިޚާބަށް ކުރިމަތި ލުމުގެ ފުރުސަތު ހުޅުވާލަން ޖެހޭނެ ދެ މަސް ދުވަހަށް. އެއީ މީގައި އެންމެ ރަނގަޅު ގޮތަކީ.