ލައިފްސްޓައިލް / ފޭސްބުކް

ފޭސްބުކުން ފޭޝަލް ރިކޮގްނިޝަން ސޮފްޓްވެއާ ބޭނުންކުރުން ހުއްޓާލަން ނިންމައިފި

ފޭސްބުކުން ވަނީ ފޭޝަލް ރިކޮގްނިޝަން ސޮފްޓްވެއާ ހުއްޓާލަން ނިންމާފައި.

އަހުމަދު އަދްޝަން، މިހާރު

04 ނޮވެމްބަރ 2021 - 06:51

1 comments

ފޭޝަލް ރިކޮގްނިޝަން ސޮފްޓްވެއާ ބޭނުންކުރުން ފޭސްބުކުން ހުއްޓާލަން ނިންމައިފި އެވެ.

މިދިޔަ ހަފުތާގައި މެޓަ އަށް ރިބްރޭންޑްކުރި ކުންފުނިން ހިންގާ ފޭސްބުކުން ބުނީ އެ ސޮފްޓްވެއާ ހުއްޓައިލަން ނިންމީ އެ ބޭނުން ކުރުމުގައި ރެގިއުލޭޓަރުން ސާފު އޮނިގަނޑެއް ހާމަކޮށްފައި ނެތުމުން ދިމާވާ މައްސަލަތަކާ ހެދި ކަމަށެވެ.

ފޭޝަލް ރިކޮގްނިޝަން ސޮފްޓްވެއާ އަކީ މިހާރު ވެސް ބޮޑު ބަހުސެއްގެ ތެރޭގައި އޮތް އަދި އޭގެ ރައްކާތެރިކަމާ ދޭތެރޭ އެތައް ބަޔަކު ސުވާލު ވެސް އުފައްދާ ޓެކްނޮލޮޖީއެކެވެ. އޭގެ ތެރޭގައި ކަސްޓަމަރުންގެ ޕްރައިވެސީ އާއި އޭގެ އެހީގައި ނަސްލީ ތަފާތުކުރުންތައް ގެންގުޅުމާއި ވަކި ކޮޅަކަށް ބުރަވުމާއި އަދި އޭގެ ސައްހަކަމާ ދޭތެރޭގައި ހުރި ކަންބޮޑުވުންތައް ހިމެނެ އެވެ.

Facebook was one of the first companies to deploy face recognition at scale. Today @meta is announcing that it is turning it off. #ResponsibleAI is often deciding when to use, or in this case, not to use, AI. https://t.co/bPiUCpIT8G
— Jerome Pesenti (@an_open_mind) November 2, 2021

ފޭސްބުކުން ފޭޝަލް ރިކޮގްނިޝަން ސޮފްޓްވެއާ ހުއްޓާލަން ނިންމާފައިވާތީ ދެން ފޮޓޯ އާއި ވީޑިއޯ ފަދަ އެއްޗެހި އަޕްލޯޑް ކުރުމުގައި އެއަކަށް ބަރޯސާއެއް ފޭސްބުކުން ނުވާނެ އެވެ.

This is one of the biggest shifts in facial recognition usage in the technology’s history. We will delete more than a billion people’s individual facial recognition templates.
— Jerome Pesenti (@an_open_mind) November 2, 2021

މިކަމާ ބެހޭ ގޮތުން ފޭސްބުކްގެ އާޓިިޝަލް އިންޓެލިޖެންސް (އޭއައި) ގެ ވައިސް ޕްރެޒިޑެންޓް ޖެރޯމް ޕްރެޒެންޓީ ވިދާޅުވީ އެ ކުންފުނީގައި ފޭޝަލް ރިކޮގްނިޝަން ޓެކްނޮލޮޖީގެ ދައުރު ކުޑަކުރުމަކީ އެއާ މެދު މިހާރު އުފެދިފައި އޮތް ނުތަނަވަސް ކަމަށް ފޭސްބުކްގެ ތެރެއިން ހޯދައިދެވޭ ލުޔަކަށް ވާނެ ކަމަށެވެ.

This is part of a company-wide move to limit the use of facial recognition tech in all our products. It wasn’t an easy decision, because there are a bunch of places where facial recognition has been extremely useful for people on Facebook.
— Jerome Pesenti (@an_open_mind) November 2, 2021

ފޭސްބުކުން ފޭޝަލް ރިކޮގްނިޝަން ޓެކްނޮލޮޖީއާ ފެއަށް ޖެހެން ނިންމި އިރު، އެމެޒޯން އާއި މައިކްރޮސޮފްޓުން ވެސް ވަނީ އެ ޓެކްނޮލޮޖީ ބޭނުންކުރާ އުފެއްދުންތަކުގެ ވިޔަފާރި ހުއްޓާލައިފަ އެވެ.