ފުޓްބޯޅައިގައި އަތޮޅުތަކުގެ ބައިވެރިވުން ބޮޑުކުރަނީ

އެސްޓީއޯ މިނިވަން ޗެމްޕިއަންޝިޕްގައި އޭދަފުށި ޓީމާއި ތިމަރަފުށި ޓީމު ކުޅެނީ:.-- ފޮޓޯ: ނިޝާން އަލީ/ މިހާރު

އައްޒާމް އަލިފުޅު، މިހާރު

12 ޑިސެމްބަރ 2016 - 15:43

އަންނަ އަހަރުގެ ފުޓްބޯޅަ ކަލަންޑަރު އަންނަ ހަފްތާގައި އިއުލާންކުރަން ނިންމާފައިވާއިރު އަތޮޅުތަކުގެ ބައިވެރިވުން ފުޓްބޯޅައިގައި ވަރަށް ބޮޑަށް އިތުރުވެގެންދާނެ ކަމަށް އެފްއޭއެމްގެ ރައީސް ބައްސާމް އަދީލް ޖަލީލް ވިދާޅުވެއްޖެ އެވެ.

އެފްއޭއެމްގެ ވިސްނުމަކީ ރާއްޖޭގެ އެންމެ މަތީ ފަންތީގެ ފުޓްބޯޅައިގައި ވެސް އަތޮޅުތަކުގެ ބައިވެރިވުން ކުރިއަށް ވުރެން އިތުރު ކުރުމެވެ. މި ގޮތުން ދިވެހި ޕްރިމިއާ ލީގުގައި ފުރަތަމަ ޑިވިޝަންގެ ހަތަރު ޓީމާއި އަތޮޅުތަކުގެ ހަތަރު ޓީމަށް ވާދަކުރެވޭ ގޮތަށް ފޯމެޓް ބަދަލުކުރުމަށް ދަނީ މަަސައްކަތް ކުރަމުންނެވެ.

އަތޮޅުތަކުން ޕްރިމިއާ ލީގަށް ހަތަރު ޓީމެއް ހޮވޭނީ މިނިވަން ޗެމްޕިއަންޝިޕުންނެވެ. އެ މުބާރާތުގެ ސެމީ ފައިނަލަށްދާ ހަތަރު ޓީމަށް ޕްރިމިއާ ލީގުން ޖާގަ ލިބޭނެ އެވެ.

ޕްރިމިއާ ލީގަށް ފުރަތަމަ ޑިވިޝަނުން އަންނަ ހަތަރު ޓީމު ކަނޑައަޅާނީ މިހާރު ފުރަތަމަ ޑިވިޝަންގައި ކުޅޭ އަށް ޓީމުގެ މެދުގައި ކުޅޭ މާލޭ ލީގުންނެވެ. އެ ލީގުގެ އަނެއް ހަތަރު ޓީމު ދާނީ ދިވެހި ލީގަށެވެ. އެ ހަތަރު ޓީމު ޖެހޭނީ ދެ ވަނަ ޑިވިޝަނުގެ ޗެމްޕިއަނާއި ރަނަރަޕާ އެކު ދިވެހި ލީގު ކުޅޭށެވެ. އެތަނުން ހަތަރު ޓީމަކަށް ޖެހިގެން އަންނަ އަހަރުގެ މާލޭ ލީގުން ޖާގަ ލިބޭނެ އެވެ.

ބައްސާމް "މިހާރަ"ށް ވިދާޅުވީ އަތޮޅުތަކުގެ ޓީމުތަކުގެ ބައިވެރިވުން ފުޓްބޯޅައިގައި އިތުރުކުރުމަށް އެކިގޮތްގޮތުން މަޝްވަރާކުރަމުން އަންނަ ކަމަށެވެ.

އެފްއޭއެމްގެ ރައީސް ކަމަށް އިންތިހާބުވި ބައްސާމް ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު

"ކަލަންޑަރު އެކުލަވާލާއިރު ވަރަށް ބޮޑެތި ބަދަލުތަކެއް ފުޓްބޯޅައިން ފެންނާނެ. އެއީ ވީހާވެސް ގިނަ ގޮތްގޮތަށް ބެލުމަށް ފަހު އަތޮޅުތަކުގެ ބައިވެރިވުން އިތުރު ކުރުމުގެ ވިސްނުން ހުރީ. އަންނަ ހަފްތާގައި ކަލަންޑަރު އެކުލަވާލާއިރު މި ބަދަލުތައް ގެނެވޭނެ ކަމުގެ އުއްމީދު ބޮޑު،" ބައްސާމް ވިދާޅުވި އެވެ.

އަތޮޅުތަކަށް ނިސްބަތްވާ ޓީމުތައް އެންމެ ފަހުން ފުރަތަމަ ޑިވިޝަންގައި ވާދަކުރީ ކުރިން އޮތް މާލޭ ލީގުގަ އެވެ. އޭރު ފުރުސަތު ދިނީ އަތޮޅުތަކުގެ ދެ ޓީމަށާއި ފުރަތަމަ ޑިވިޝަންގެ ހަ ޓީމަށެވެ. އެހެންވެ އެފްއޭއެމްގެ މިހާރު ހުރި ވިސްނުމާ އެއްގޮތަށް ބަދަލު ގެނެސްފި ނަމަ އަތޮޅުތަކުގެ ޓީމުތަކުގެ ބައިވެރިވުން ރާއްޖޭގެ މަތީ ފަންތީގެ ފުޓްބޯޅައިގައި ކުރިއަށް ވުރެން ބޮޑުވާނެ އެވެ.

އެފްއޭއެމްގެ އިންތިހާބު ކާމިޔާބު ކުރެއްވުމަށް ފަހު ބައްސާމް ވަނީ އަތޮޅުތަކުގެ ފުޓްބޯޅަ އަށް ހާއްސަ ސަމާލުކަމެއް ދެއްވާނެ ކަމަަށް ވިދާޅުވެފަ އެވެ. މިގޮތުން އަތޮޅުތަކުގެ ފުޓްބޯޅައިގެ ތަރައްގީ އަށް އަހަރަކު 15 މިލިއަން ރުފިޔާ ހަރަދުކުރާނެ ކަމަށް ވަނީ ވިދާޅުވެފަ އެވެ. އަދި ފީފާއާ ގުޅިގެން ރާއްޖެ ތެރޭގެ ފުޓްބޯޅައިގެ ތަރައްގީ އަށް ގިނަ ޕްރޮގްރާމްތަކެއް ހިންގާނެ ކަމަށް ވެސް ބައްސާމް ވަނީ މީގެ ކުރިން ވިދާޅުވެފަ އެވެ.

އެފްއޭއެމް ބައްސާމް

9 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެފްއޭ

13 December 2016

ޕްރީމިއަރ ލީގްގައި 8ޓިމައް ވުރެން އިތުރު ކުރުމަކީ މުހިންމުކަމެއް. ޕްރީމިއަރ ލީގްގައި 12 ޓިމް އޮވެފައި ފަސްޓްޑިވިޝަން އޮވެފައި ދެން ސެކެންޑް ޑިވިޝަން އޮންނަރޭވިނަމަ ހާދަ ރަގަޅުވީހޭ. އަދި ފަސްޓް ޑިވިޝަން ގައިވެސް 12 ޓީމް އޮންނަން ފެނޭ ދެން ސެކެންޑް ޑިވިޝަން ބާއްވާނީ ،. 3 ޑިވިޝަން ނުބާއްވާ. އަދި ޕޮމިސްކަޕް ސްޓައިލަށް ޕްރީމިއަރ ލީގް ގެ ގަދަ 4ޓީމް އަދި ދައުވަތު ދީގެން ،އަދި މެލޭސިޔާ، ،އުޒަބަކިސްތާން ވިއެޓްނާމް ހޮންކޮންގް ކަހަލަ 4 ތަނަކުން ޓީމްތަށް ގެނެސް ގެން މުބާރާތެއް އިންތިޒާމު ކޮއްގެން ކޮންމެ އަހަރަކު ބާއްވައިފިނަމަ ފޯރިގަދަކުރެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެސްޓް

14 December 2016

ޕޮމިސްކަޕް ނުބާއްވާ ޕްރިމިޔަރ ލީގުގެ ގަދަ ހަތަރު ޓީމު ނުވަތަ ގަދަ 2 ޓީމަށް އިންޑިޔަން ސުޕަލީގުގައި ބައިވެރިވުމުގެ ފުރުސަތު ބައްސާމަށް ހޯދާ ދެވިއްޖީއާ ތިއީ ދެން މިރާއްޖޭގައި މިހާތަނަށް އައި އެންމެ ކުޅަދާނަ އެފް އޭ ރައީސްކަމަށް އަހަރެމެން ގަބޫލުކުރާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަމިޔޮކާކަ

13 December 2016

ތިކަހަލަ ކިތައްމެ ވާހަކައެއް މީގެކުރިންވެސް ތިޔައިދާރާގެ ތެރެއިން އަޑުއިވިފައިވަނީ އާޚިރުގަ ވަނީ ޖަމަލު ފޮޑިއައް އަޑު ވަރައްގަދަވާނެ އެއަކު އެއްވެސް އަސަރެއް ނުހުންނާނެ މިފަހަރުވެސް ބަލަން ތިބެމާހިގާ އެއްމެ ފަހުވަގުތު ބޯވަދިލަމަސް ހަދާހެން ދެފައިދަޑިއައް ދުއްވާލައިފަ ނުފިލައިފިއްޔާ ސަހަރޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެހިފުޓްބޯލަ

13 December 2016

ސާބަސް! އަދި ކިރިޔާ މުޅި ރާއްޖެއަށް މިކަން ކޮށްދޭނެ ބަޔަކު މި އައީ އެފް. އޭ. އެމް އަށް. މީ މިދިޔަ 20 އަހަރު ތެރޭ އަތޮޅު ތެރެއަށް ލިބުނު އެންމެ އުފާވެރި ހަބަރު. ރާއްޖެތެރޭގެ މީހެއްގެ ހައިސިއްޔަތުން، ބައްސާމް އާއި ޓީމު ތިޔަ މަސައްކަތަށް އައްސަރިބަހާއި ސާބަސް ދެން. ބައްސާމް އަކީ މާލޭ ބޭފުޅު އާއިލާ އެއް ކަމަކު ތިޔަ ހުރީ އަހަރެމެން ރަށްފުށު މީހުންނަށް އޮތް އިހްތިރާމް އާއި ލޯބި. ތިޔަ ގޮތުގައި ދެމިހުންނަވާތި، މީ ދިވެހި ފުޓްބޯޅަ އިރާދަކުރެއްވިއްޔާ ކޮޅަށް ޖަހާނެ ޒުވާން ބޭފުޅެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިތޮށި

12 December 2016

އަދި ހޯމް އެންޑް އަވޭ އުސޫލުން ކުޅެވޭނަމަ ސަޅި ވާނެ. އެކަމަކު އަދި އެކަހަލަ ފޯމެޓެއް ހަދަން ދުވަސް ނަގާނެ. އަތޮޅުތަކުގެ ދަނޑުތައް ރަނގަޅު ކުރަންޖެހޭނެ. މީގެ އިތުރުން މާލޭ ކްލަބަކާ މާލޭ ކްލަބަކާ ކުޅޭ އިރު ޖެހޭނީ 2 މެޗުވެސް ގަލޮޅުދަނޑުގަ ކުޅެން. އެހްންވީމާ ހޯމް އެޑްވާންޓޭޖެއް އެނެއްހެން ނޯންނާނެ. އެކަމަކު މިރާއްޖޭގައި ކުޅެވޭނީ މިކަހަލަ ގޮތަކަށް. އެއީ އެއްވެސް ކްލަބެއްގެ އަމިއްލަ ސްޓޭޑިޔަމެއް ނޯންނާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްޓި

12 December 2016

މޯލްޑިވްސް ޕޮލިސްއާއި އެމް.އެން.ޑީ.އެފަށް ފުރަތަމަ ޑިވިޝަންގައި ކުޅެވޭގޮތްވެސް ހަދަން ހެޖޭ، އޭރުން އަދި ސަޅިވާނީ..!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮޕް

12 December 2016

އެހެންވީމަ އަންނަ އަހަރުގެ ލީގުގައި ތިމަރަފުށި، ކުޑަހުވަދޫ ފޭދޫ އަދި އޭދަފުއްޓަށް ފުރުސަތު ލިބޭނެކަމަށް އުއްމީދު ކުރަން. ތިއީ އަތޮޅު ފުޓްބޯޅައަށް ލިބޭ ބޮޑު ކުރި އެރުމެއް. ތޭންކް ޔޫ އެފް.އޭ.އެމް