21 ނޮވެމްބަރ 2022 - 22:15
7 comments
ދޯހާ (ނޮވެމްބަރު 21) - ފީފާ ވޯލްޑް ކަޕްގައި މިރޭ، އިންގްލެންޑާ ދެކޮޅަށް އިރާން ކުޅުނު މެޗުގައި، އަމިއްލަ ގައުމުގެ ގައުމީ ސަލާމް ކިޔަން ވެސް އިރާންގެ ކުޅުންތެރިން ދެކޮޅު ހަދައިފި އެވެ.
މެޗުގެ ކުރިން ގައުމީ ސަލާމަށް ދެ ޓީމު ހުއްޓިގެން ތިބި އިރު، އިރާންގެ ގައުމީ ސަލާމް ކުޅެން ފެށުމުން އެ ޓީމުގެ ކުޅުންތެރިން ގައުމީ ސަލާމް ނުކިޔަ އެވެ.
ގައުމީ ސަލާމް ކިޔަން އިރާންގެ ކުޅުންތެރިން ދެކޮޅު ހެދީ، އިރާންގައި އަންހެނުންނަށް ބުރުގާ އެޅުން މަޖުބޫރުކޮށްފައި ވަނިކޮށް، ބުރުގާ ނާލައި އުޅުނު މީހަކަށް އާންމުންގެ ބަޔަކު ހަމަލާ ދީފައި ވަނިކޮށް އޭނާ މަރުވުމުންނެވެ. މަހްޝާ އަމީނީ ނަމަކަށް ކިޔާ މީހާ މަރުވީ ފުލުހުންގެ ބެލުމުގެ ދަށަށް ގެންދިޔަ ފަހުންނެވެ.
މަހްޝާ މަރުވުމުން އެތައް ބަޔަކު ވަނީ އިރާންގެ މަގުތަކަށް ނުކުމެ މުޒާހަރާ ކުރަން ފަށައިފަ އެވެ. މުޒާހަރާ ކުރާ ފަރާތްތަކުން ގޮވާލަމުން ދަނީ ބުރުގާ އެޅުން ގާނޫނުން މަޖުބޫރު ކޮށްފައި އޮތް އޮތުން ނިމުމަކަށް ގެނައުމަށެވެ. އެ މުޒާހަރާތަކުގައި 344 މީހުން މަރުވި އެވެ. އަދި 15280 މީހުން ހައްޔަރު ކުރި އެވެ. މުޒާހަރާތަކަށް ތާއީދު ކުރާކަން ހާމަ ކުރުމުގެ ގޮތުން އިރާންގެ ގައުމީ ޓީމުން ވަނީ ސެޕްޓެމްބަރު މަހު އެ ގައުމު ކުޅުނު ދެ މެޗެއްގައި ގައުމީ ޓީމުގެ ބެޖް ނިވާކޮށްގެން ކުޅެފަ އެވެ.
މުޒާހަރާތަކަށް ތާއިދު ކުރާކަން ކުޅުންތެރިން އޭރު ހާމަ ކުރި ނަމަވެސް އިރާންގެ ޓީމަށް ސޯޝަލް މީޑިއާގައި ފާޑުކިޔުން ވެސް ވަނީ އަމާޒުވިއެވެ. އެއީ މުބާރާތުގެ ކުރިން އިރާން ސަރުކާރުގެ އިސްވެރިންނާ އެކު ބޭއްވި ބައްދަލުވުމަށް ކުޅުންތެރިން ދިއުމުންނެވެ. އެކަމަކު ވޯލްޑް ކަޕް ފެށުމުގެ ކުރިން އިރާންގެ ކޯޗު ކާލޯސް ކުއިރޯޒް ބުނީ ވޯލްޑް ކަޕް ތެރޭގައި ވެސް ފީފާގެ ގަވާއިދުތަކާ އެއްގޮތަށް އިހުތިޖާޖު ކުރުމުގެ ހުއްދަ އޭނާގެ ކުޅުންތެރިންނަށް ދޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަމިއީ ބުޅަލެއް. ކަލެއައް ފެންނަގޮތް އެއީ ގޯހެއް.
22 November 2022
ރަގަޅު. މިއީ ހުދުމުހުތާރު 15 ގަރުނު ކުރިއެއްނޫން. ލިތިއަމް ބޭސް މިހާރު ލިބޭނެ ސައިކޯޓިކް ޑިލޫޝަނަލް މީހުންނައް. މިހާރު ބަލިތަކައް ފަރުވާ ކުރެވޭ. މީހުންގެ އެވަރެޖް ދިރުން މިހާރު 70 އަހަރައް ވުރެ މަތިގައި ހުރީ. އަދި ތާރީހައް ބަލާފަ، މުޅި ދުނިޔޭގައިވެސް ހަގުރާމަ ތައް އެންމެ މަދު ދުވަސްވަރު މިއީ. މިހާރު ޑިމޮކްރަސީ ބޭނުމީ. އަދުލު އިންސާފް ބޭނުމީ. އުގެނިގެން ތިބި މީހުން ރަގަޅު ނިޔަތުގައި ގައުމު ހިންގަން ހަވާލު ވާންވީ! ސުލްހަ ގާއިމް ވޭތޯ ބަލަންވީ!
ހަސަނަނާ
22 November 2022
ކީއްކުރަން އީރާން ތަމްސީލުކުރަން އައީ، ޤައުމީ ސަލާމްނުކީމަ އީރަން ޓީމަކަށް ނުވަނީތަ؟
LaamuonlineDOTcom
22 November 2022
ގައުމުގެ އެތެރޭގައި ހިނގާ ތިޔަފަދަ ކަންކަމުގެ ތެރެއަށް ފުޓުބޯޅަޓީމަކުން ވަދެ ފާޑުކިޔާ ނުވަތަ އިހުތިޖާޖުކުރުމަކީ އެކަމުން އެއްވެސް ފައިދާއެއްކުރާނެ ކަމެއްނޫން، ގައުމީސަލާމް ކިޔަން ދެކޮޅުހެދީމާ މިހާރު ތިޔަ ދެކޮޅުހެދެނީ ސަރުކާރަކާ ނުވަތަ އެހެންބަޔަކާނޫން އަމިއްލަ ގައުމުގެ ގައުމީސަލާމް ނުކީމާ ވެއްޓެނީ ޓީމުގެ އަގު
ބޮލި މުލައް
22 November 2022
އެހެންވެގެން ޓީމް އެހާމޮޅީ
އެމްސް
22 November 2022
ރާއްޖެވެސް މިމަގަށް ބައްޓަންކުރަން ބޭނުން ބަޔަކު އުޅޭ! އެބަޔަކުވެސް ބޭނުން ވަނީ ނަމާދުކޮށް، ޤުރުއާން ކިޔަވާ، ދެންވެސް ދީނުގަވާ ފަރުޟުތަކަށް އަހުމިއްޔަތުންކަން ދިނުމަށްވުރެ ބޮޑަށް ވަކިގޮތަކަށް ހެނދުން އަޅުވާ، ވަކިގޮތަކަށް މީހާގެ ސިފަ ބެހެއްޓުން!
ާއެލް
22 November 2022
އެހެންވީމަ އިގިރޭސިން ލަނޑުޖެހި އަދަދު މަދު. ދެން ކޮންމެވެސް ގައުމީ ސަލާމެއް ކިޔާލިނަމަ އެވަގުތު އިގިރޭސިންގެ ނޫނީ އެމެރިކާގެ ނަމަވެސް ރަގަޅުވާނެ.
ލާމަސީލު
21 November 2022
ގައުމަށް ޣައްދާރުވެ މެޗް ވިއްކާލީ.