މާދަމާ ފަށާ ގޯލްޑް ކަޕްގެ ފުރަތަމަ މެޗުގައި ފުވައްމުލަކާއި ކުޑަހުވަދޫ ބައްދަލުކުރާ ގޮތަށް ހަމަޖެހިއްޖެ އެވެ.
ގައުމީ ފުޓްބޯޅަ ދަނޑުގައި ކުޅެން ހަމަޖެހިފައިވާ މުބާރާތް ފަށާނީ މާދަމާ ރޭގަ އެވެ. ފުވައްމުލަކާއި ކުޑަހުވަދޫ ހިމެނެނީ ގުރޫޕް އޭ ގަ އެވެ. އެ ގުރޫޕްގައި ފަސް ޓީމު އެބައޮތެވެ. އެ ގުރޫޕްގައި ދެން ހިމެނެނީ ގދ. ފަރެސްމާތޮޑާ އާއި ދ. މީދޫ އަދި ހއ. ދިއްދޫ އެވެ.
ފުވައްމުލަކު ނުކުންނަނީ ގައުމީ ޓީމުގެ ކުރީގެ ޑިފެންޑަރު ސޮބާހް މުހައްމަދު އިބްރާހިމް (ސޮބާ) ގެ ކޯޗު ކަމުގެ ދަށުންނެވެ. އަތޮޅުފުޓްބޯޅައިގައި ކުޑަހުވަދޫ އަކީ ގަދަ ބާރެކެވެ. އެ ރަށުން ވަނީ 2017 ގެ މިނިވަން ޗެމްޕިއަންޝިޕް ކާމިޔާބުކޮށްފަ އެވެ.
މުބާރާތުގައި 17 ޓީމު ވާދަ ކުރެ އެވެ. އަންނަ މަހު 25 ވަނަ ދުވަހުގެ ނިޔަލަށް ކުރިއަށްދާ މުބާރާތަކީ ފުޓްބޯޅައިގެ ފޯރި އަލުން ގެނައުމުގެ މަގްސަދުގައި ނައިންޓީ ޕްލަސްއިން އިންތިޒާމު ކުރާ މުބާރަތެކެވެ.
ރަށްތަކާއި ސިޓީތަކަށް ހާއްސަ ކުރި މުބާރާތަކީ ކުރިން ބޭއްވި މިނިވަން ޗެމްޕިއަންޝިޕަށް ރަށްތަކަށް ހާއްސަކޮށް ރާއްޖޭގައި ބާއްވާ އެންމެ ބޮޑު ފުޓްބޯޅަ މުބާރާތެވެ.
ނައިންޓީ ޕްލަސްއިން ބުނި ގޮތުގައި ގޯލްޑް ކަޕަކީ ޓީވީން ވަގުތުން ދައްކާ، ރާއްޖޭގައި ބާއްވާ އެންމެ ބޮޑު ލޯކަލް މުބާރާތެވެ.
ބުރާސްފަތި ދުވަހު ހަވީރު ބައްދަލުކުރާ މެޗުގައި ވާދަކުރާނީ ފަރެސްމާތޮޑާ އާއި ދ. މީދޫ އެވެ.