ނިއު ރޭޑިއަންޓްގެ ކުޅުންތެރިން 2013 ވަނަ އަހަރުގެ އެފްއޭ ކަޕް ކާމިޔާބު ކުރުމަށް ފަހު އުފާފާޅުކުރަނީ.-- ފޮޓޯ: މޯލްޑިވްސްސޮކާ
03 ޖުލައި 2016 - 16:32
2 comments
އެއް އަހަރުގެ މެދުކެނޑުމަކަށް ފަހު އެފްއޭ ކަޕް ފުޓްބޯޅަ މުބާރާތް މި އަހަރު ބާއްވަން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ނިންމައިފި އެވެ.
މުބާރާތް ފެށުމަށް ހަމަޖެހިފައިވަނީ އޮގަސްޓް މަހުގެ 2 ވަނަ ދުވަހު އެވެ. މުބާރާތުގައި ބައިވެރިވާން ބޭނުންވާ ޓީމުތަކުން މި މަހު 14 ވަނަ ދުވަހުގެ 15:00 ކުރިން މުބާރާތުގައި ބައިވެރިވާން އެދޭ ފޯމް ހުށަހެޅުމަށް އެފްއޭއެމުން ވަނީ އެދިފަ އެވެ.
އެފްއޭ ކަޕް މިދިޔަ އަހަރު ނުބޭއްވީ މިނިވަން 50 ހަރަކާތްތައް ކުރިއަށް ގެންދަނިކޮށް ރަސްމީ ފުޓްބޯޅަ ދަނޑުގެ ވިނަގަނޑު ހަލާކުވުމުން ފުޓްބޯޅަ ކަލަންޑަރަށް ބަދަލު ގެނައުމުގެ ގޮތުންނެވެ.
އެފްއޭ ކަޕް ފުޓްބޯޅަ މުބާރާތުގެ އެންމެ ފަހުގެ ޗެމްޕިއަނަކީ މާޒިޔާ ސްޕޯޓްސް އެންޑް ރެކްރިއޭޝަނެވެ. އެ ޓީމުން 2014 ވަނަ އަހަރުގެ މުބާރާތް ކާމިޔާބުކުރީ ފައިނަލުގައި، މުބާރާތުގެ އެންމެ ކާމިޔާބު ޓީމު ނިއު ރޭޑިއަންޓް ބަލިކުރުމަށް ފަހު އެވެ. ނިއު އިން ވަނީ 1988 ވަނަ އަހަރު ތައާރަފް ކުރި މި މުބާރާތް 11 ފަހަރު ހޯދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑާންސް ޑާންސް ސިންގަޕޯރ
04 July 2016
ކީއްކުރަން ބޭކާރު ފައިސާތަކެއް ޙަރަދު ކުރާކަށް،، މިހާރުވެސް ތިޔަކުޅިބަލަން ދާނޭ މީހަކުނުވޭ ، ދޮގެއްތަ ކޮމެންޓް ކުރާ ޑާންސް ޑާންސް ؟
ކެނެޑީ
03 July 2016
މިރާއްޖޭގަ ރަނގަޅުވާނީ ފުޓުބޯޅަ ކުޅުން ހުއްޓާލިއްޔާ. ފޫޓުބޯޅަ ކުރިއެރުވެނީކީ ނޫން ރަނގަޅު ޓީމުތައް އުފެދެނީކީ ނޫން ރަނގަޅު ފެޑެރޭޝަނެއް އޮތީކީ ނޫން. ތިއަށްވުރެ ރަނގަޅުވާނެ ގަލޮޅު ދަނޑު މެދުގަ 4 ސްކްރީން ބެހެެއްޓިއްޔާ ޔޫރޯ ވޯލްޑް ކަޕް ޗެމްޕިއަންސް ލީގް އަޅުވާފަ ހަމަގައިމުވެސް މާގިނަމީހުން ދަނޑަށް ވަންނާނެ