ގަލޮޅު ދަނޑަށް 2016 ވަނަ އަހަރު ގެއްލުން ލިބުނުއިރު ނަގާފައިވާ ފޮޓޯއެއް.-- ފޮޓޯ: މިހާރު
24 ޖުލައި 2018 - 16:01
18 comments
މިނިވަން ދުވަހުގެ ކުޅިވަރު ހަރަކާތްތަކަށް ފަރިތަކުރަމުންދަނިކޮށް ގަލޮޅު ދަނޑުގެ ވިނަގަނޑަށް ގެއްލުންވުމުގެ ސަބަބުން މިހާރު ކުރިއަށްދާ ދިރާގު ދިވެހި ޕްރިމިއާ ލީގުގެ މެޗުތައް ފަސްކުރަން ޖެހިއްޖެ އެެވެ.
އެފްއޭއެމުން ނެރުނު ބަޔާނެއްގައި ބުނެފައިވަނީ ލީގުގައި މި މަހު 29، 30 އަދި 31 ވަނަ ދުވަހު ކުޅެން ހަމަޖެހިފައިވާ މެޗުތައް ފަސްކުރަން ޖެހުނީ ޖުލައި 26 ހަރަކާތްކަށް ފަރިތަކުރަމުންދަނިކޮށް ގަލޮޅު ދަނޑުގެ ވިނަގަނޑަށް ގެއްލުންވެފައިވާތީ ކަމަށެވެ.
ވިނަގަނޑަށް ލިބުނު ގެއްލުމާ އެކު ޝެޑިއުލަށް ވެސް އެފްއޭއެމުން ވަނީ ބަދަލުތަކެއް ގެނެސްފަ އެވެ. އެ ގޮތުން 29، 30 އަދި 31 ވަނަ ދުވަހު ކުޅޭ މެޗުތައް ފަސްކޮށްފައި ވަނީ އަންނަ ސެޕްޓެމްބަރު މަހު 26 ވަނަ ދުވަހު ފަށާ ގޮތަށެވެ.
ޝެޑިއުލަށް ގެނައި މި ބަދަލާ އެކު ދެން ޓީމުތަކަށް މެޗެއް ކުޅެން ޖެހޭނީ އަންނަ ސެޕްޓެމްބަރު މަހު 4 އިން 15 އަށް އޮންނަ ސާފް ޗެމްޕިއަންޝިޕަށް ފަހު އެވެ. މީގެ ކުރިން އެފްއޭއެމުން ނެރުނު ޝެޑިއުލްގައިވާ ގޮތުން ސާފް ޗެމްޕިއަންޝިޕަށް ފަހު ލީގުގެ ކުޅުން ފަށަން ހަމަޖެހިފައި އޮތީ ސެޕްޓެމްބަރު 21 ގަ އެވެ. އެކަމަކު ރިޔާސީ އިންތިހާބުގެ ވޯޓުލުން ސެޕްޓެމްބަރު މަހު 23 ވަނަ ދުވަހު އޮތުމާ އެކު ދެން ދިވެހި ޕްރިމިއާ ލީގުގެ މެޗުތައް ފަށާނީ ސެޕްޓެމްބަރު މަހު 26 ވަނަ ދުވަހު އެވެ.
މީގެ ކުރިން ވެސް ދެ އަހަރަކު ޖުލައި 26 ގެ ހަރަކާތްތަކަށް ގަލޮޅު ދަނޑު ބޭނުންކުރި ގޮތުން ގަލޮޅު ދަނޑުގެ ވިނަގަނޑަށް ވަނީ ގެއްލުން ލިބިފަ އެވެ. އެއީ 2015 އާއި 2016 ވަނަ އަހަރު އެވެ.
މި ފަހަރުގެ ޖުލައި 26 ހަރަކާތްތަކަށް ގަލޮޅު ދަނޑުގައި ފަރިތަކުރަމުންދަނީ.-- ފޮޓޯ: މިހާރު
ވިނަގަނޑަށް ގެއްލުން ލިބިގެން ރާއްޖޭގެ ފުޓްބޯޅަ ކަލަންޑަރަށް ބޮޑު ބަދަލެއް ގެންނަން ޖެހުނީ 2015 ވަނަ އަަހަރު އެވެ. އެ ފަހަރު މިނިވަން 50 ހަރަކާތްތަކަށް ގަލޮޅު ދަނޑުގައި ހަރަކާތްތައް ހިންގަން އެޅި މެޓް ނުނަގައި ގިނަ ދުވަސްވުމުގެ ސަބަބުން ދަނޑުގެ ވިނަގަނޑު މަރުވި އެވެ. ބޭނުން ނުކުރެވޭ ވަރަށް ދަނޑުގެ ވިނަގަނޑު ހަލާކުވުމުން ދެން ޖެހުނީ ރާއްޖޭގެ އެންމެ ގިނަ ދުވަސްވީ އެއް މުބާރާތް ކަމަށްވާ އެފްއޭ ކަޕް ނުބާއްވައި، ޕްރެޒިޑެންޓްސް ކަޕް ހދ. ކުޅުދުއްފުއްޓާއި އައްޑޫ ސިޓީ އަށް ބަދަލުކުރާށެވެ. މީގެ އިތުރުން ވޯލްޑް ކަޕް ކޮލިފައިންގައި ޗައިނާއާ ދެކޮޅަށް މާލޭގައި ކުޅެން އޮތް މެޗު ވެސް ޖެހުނީ ޗައިނާގައި ކުޅޭށެވެ.
އެ ފަހަރު ދަނޑުގެ ވިނަގަނޑަށް ލިބުނު ގެއްލުމުގެ ސަބަބުން މާލީ ގޮތުން ބެލިޔަސް ފޫނުބެއްދޭ ވަރުގެ ގެއްލުމެއް އެފްއޭއެމްއާ ކުރިމަތިލާން ޖެހުނެވެ. ކްލަބްތަކަށް ވެސް މިލިއަނުން ގެއްލުން ލިބުނެވެ. އެ ފަހަރު އެހެން ދިމާވެފައި ވަނިކޮށް 2016 ވަނަ އަހަރު އަނެއްކާ ވެސް ދަނޑުގައި މެޓް އަޅައިގެން ހަރަކާތް ކުރިއަށް ގެންދަނިކޮށް ވިނަގަނޑަށް ގެއްލުން ލިބުނެވެ.
ގަލޮޅު ދަނޑު ބެލެހެއްޓުމުގެ ޒިންމާ އޮންނަނީ ކުޅިވަރާ ބެހޭ މިނިސްޓްރީ އަށެވެ. މީގެ ކުރިން ވެސް ގަލޮޅު ދަނޑުގައި އެކި ހަރަކާތްތަކެއް ވަނީ ކުރިއަށްގެންގޮސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
28 July 2018
2018 ނޮވެމްބަރ 11 ވަނަދުވަހު ޤާއިމްކުރެވޭރައްޔިތުންގެ ސަރުކާރާއިއެކު “ޤާނޫނޫ އަސާސީގައި ގަދައަމުރުން އަމުރުކޮށްފައިވާ ގޮތަށް ލާމަރުކަޒީ އުސޫލުން ދައުލަތް ހިންގާން ފެށުމާއި އެކު” ވެރިކަމުގެ ފުރަތަމަ އަހަރު ކުޅުދުއ ފުއްޓާއި ލާމް އަދި އައްޑޫގައި ބައިނަލްއަޤުވާމީ ފެންވަރުގެ ސްޓޭޑިއަމް ޤާއިމްކޮށް ފުރަތަމަ ފަރަހަށް ރާއްޖޭގައި ހޯމް އަވޭ އުސޫލުން ފުޓުބޯޅަ މުބާރާތްތައް ކުޅެންފައްޓާނެ. . . . . މާލެ އަކީ މުޅި ރާއްޖެއެއްނޫން. ދިވެހި ލީގާއި ދިވެހި ޕްރިމިއަރ ލީޤުގެ ނަމުގައި މުބާރާތްތައް ކުޅޭނަމަ މާލެއެކޭ އެއްގޮތަށް އެހެން އަތޮޅުތަކާއި ރަށްތަކުގެ ޓީމްތަކަށްވެސް ހަމަހަމައުސޫލުން މުބާރާތުގައި ބައިވެރިވެ ވާދަކުރުމުގެ ފުރުސަތުދޭންވާނެ. . . . . ދިވެހި ފުޓްބޯޅަ ދިވެހިކޮށްގެން ނޫނީ އިތުރަށް ކުރިއަރާނެ ކަމަށް ހީކޮށްގެން ނުވާނެ. . . . މާލޭ ސްޓޭޑިއަމްއަށް އޭަފުށި، ކުޅުދުއްފުއްޓާއި އައްޑޫ ތިނަދޫ، ފުވައްމުލައް ލާމް ގެ ޓީމްތައް އަންނަފަދައިން މާލޭޓީމްތައްވެސް އެތަންތަނަށް ދާނެޖެހޭ. ކުޅިވަރުގެ މަޤުސަދަކީވެސް އެއީ.
ޖޮބޭ
25 July 2018
މިކަހަލަ ކޮސް ކަންތަށް ކުރާއިރު އެނގޭނެނުން މިހެން ވާނެކަން. ކުރީފަހަރު ގަދަ ހޫނުގައި ވިނަގަނޑުމަތީގައި ޕްލާސްޓިކް މެޓް އެޅީ . ވިނަގަނޑު މަރުވީ މިފަހަރު ބޯވާރެއާ ފެން ހެދިފައި އޮއްވާ ސްކައުޓް ބޫޓަށް އަރައިގެން މާޗް ކުރީ. މިހިރީ ތަސައްރަފު ފުދިފައި ތިބިބަޔަކު ކުރާ ޒާތުގެ ކަމެއް ނޫނެވެ.
ހިރޮއީ
25 July 2018
ދެން ސާފްޗެމްޕިއަންޝިޕް ފެށުނީމަ އުޅޭނެ ވަރަށް ގައުމީޓީމުދެކެ ލޯބިވާކަމަށްހެދިގެން، މިސަރުކާރުން ކުޅިވަރަށް އަހައްމިއްޔަތުދެމޭ، އަނެކައްޗެކޭ ކިޔާފަ.
ބާބާ
25 July 2018
މިސަރުކާރުން ގައުމީ ކުޅިވަރަށްދޭ އަހުމިއްޔަތުކަން ވަރަށް ރީއްޗަށް ފެނިއްޖެ، ސުކުރިއްޔާ ފުޓްބޯޅަ ދަނޑު ބަލަހައްޓަމުންދާ ސްޕޯޓްސް މިނިސްޓަރީ.
މ9ޑް
25 July 2018
ގަސްތުގަ ކުރާކަންކަން. މީގެކުރިންވެސް ދަނޑް ހަލާކުވީމަ މިފަހަރު ނޭގުނި މިނޫން ގޮތެއް ހޯދާކަަށަ
އާރީ
25 July 2018
ޓީމް ތަކަށް ހުރިހާ ގެއްލުމެއް. ބަންސާމް ހެވިފަ ކެންފޭނުފަ
މަންސޫރު
24 July 2018
މިއީ އަސްލު ތަރައްގީ.
ޔާމިން
24 July 2018
މިނިވަންދުވަސް ފާހަގަ ކުރާނީ މިނިވަން ރައްޔިތުން އުޅޭ ގައުމުތަކުގަ.މިގައުމުގަ ފޮޑިއެއް ޖަހަންވިޔަސް ގަލޮޅު ދަނޑު ނޫނީ ނެތީތަ؟
ބަރާޑޭ
25 July 2018
ބޮޑެތި ބިންތައް ހިއްކާފަވެސް ބޭނުންކުރަންމިޖެހެނީ 70ގެ އަހަރުތަކުގައި ފައުންޑޭޝަން އަޅާފަހުރި ގަލޮޅުދަނޑު. އެޔޮއް އިންޑަސްޓްރިއަލް ވިލެޖޭކިޔާތަން ބޭނުންކުރިނަމަ ކިހާބޮޑު ބޮލުގަރިހުމަކުން ސަލާމަތްވީސްދޯ. ގައިމު މަށެއް ނޫޅެން މިނިވަންދުވަހޭމކިޔާ ދުވަހުގެ އެއްވެސް ހަރަކާތެއް ބަލާހިތަކުން.
ގަ ލޮޅުން
24 July 2018
ފުޓުބޯޅަ ފޯރި ސަރަހައްދުގެ ރަންމެޑެއްޔާއި އެކު ގެއްލި ހިނގައްޖެ. މާލޭގަ ތި ދަނޑެއް އޮތުމުގެ ބޭނުމެއްވެސް ނެތް. ފުލެޓްއަޅާދީ ތިތާ. ފުޓުބޯޅައެއްމެ ފޯރި ހުރި ރަށެއްގަ ރަސްމީދަނޑު އަޅާދީ.
މޮރީނިއޯ
24 July 2018
ހެޔޮނުވާނެ، ބައްސާމު އާއި އެފްއޭއެމްގެ ވެރިން ދިވެހިރާއްޖޭގެ ފުޓްބޯޅައިގެ މުސްތަގްބަލަށްޓަކައި މިހާރުން މިހާރަށް އިސްތިއުފާދޭން ވެއްޖެއެއްނު. "މީގެ ކުރިން ވެސް ދެ އަހަރަކު ޖުލައި 26 ގެ ހަރަކާތްތަކަށް ގަލޮޅު ދަނޑު ބޭނުންކުރި ގޮތުން ގަލޮޅު ދަނޑުގެ ވިނަގަނޑަށް ވަނީ ގެއްލުން ލިބިފަ އެވެ. އެއީ 2015 އާއި 2016 ވަނަ އަހަރު އެވެ"....... ދެންވެސް ހަމަ ކިޔަންވީ ޓުވާޑްސް ފިއުޗާ!