ކުޅުންތެރިންގެ ޕްރޮފައިލް: ތޯމަސް މުލާ

ނަން: ތޯމަސް މުލާ

އުފަން ތާރީހް: 13 ސެޕްޓެމްބަރު 1989 (31 އަހަރު)

ޤައުމު: ޖަރުމަން

ކްލަބް: ބަޔާން މިއުނިކް (ޖަރުމަން)

ކުޅޭ މަގާމް: ފޯވަޑް / އެޓޭކިން މިޑްފީލްޑަރ

ގައުމީ ޓީމަށް ކުޅެން ފެށީ: 2010 ވަނަ އަހަރު

ބަޔާން މިއުނިކްގެ ޔޫތު ސިސްޓަމުން ތަމްރީނުވެގެން، އެ ކްލަބުގެ ސީނިއާ ޓީމަށް ކުޅެން ފެށި ތޯމަސް މުލާ ޖަރުމަންގެ ގައުމީ ޓީމަށް ކުޅެން ފެށީ 2010 ވަނަ އަހަރު އެވެ. އެ އަހަރު، ދެކުނު އެފްރިކާގައި އޮތް ވޯލްޑް ކަޕްގައި މުލާ ވިދާލި އެވެ. އޭގެ ފަހުން ޖަރުމަން ވާދަކުރި ކޮންމެ މުބާރާތެއްގައި ވެސް، މުލާ އަކީ މުހިންމު ކުޅުންތެރިއެކެވެ. މި އަހަރުގެ ޔޫރޯ އަށް ކުރިމަތިލާއިރު، މުލާ އަކީ މިހާރު އޮތް ޖަރުމަންގެ ޓީމުގައި ހުރި އެންމެ ތަޖުރިބާކާރު ކުޅުންތެރިޔާ އެވެ.

ގޯލާ ރައްޓެހި ކުޅުންތެރިއެއްގެ ގޮތުގައި ފާހަގަވެފައިވާ މުލާ ވަނީ 2010 ވަނަ އަހަރުގެ ވޯލްޑް ކަޕްގައި ހަ މެޗުން ފަސް ލަނޑު ޖަހައިފަ އެވެ. އެ މުބާރާތުގެ އެންމެ ގިނަ ލަނޑު ޖެހި ކުޅުންތެރިޔާގެ މަގާމުގެ އިތުރުން، އެންމެ މޮޅު ޒުވާން ކުޅުންތެރިޔާގެ މަގާމު ވެސް އޭނާ ހޯދި އެވެ.

ބްރެޒިލްގައި 2014 ވަނަ އަހަރު އޮތް ވޯލްޑް ކަޕް ޖަރުމަން ކާމިޔާބުކުރިއިރު، އެ މުބާރާތުގައި ވެސް މުލާ ވަނީ މޮޅު ކުޅުމެއް ދައްކައިފަ އެވެ. އެ މުބާރާތުގައި ވެސް މުލާ ފަސް ލަނޑު ޖެހި އެވެ.

މިއީ ޖަރުމަންގެ ގައުމީ ޓީމާ އެކު މުލާ ޔޫރޯގައި ކުޅޭ ތިން ވަނަ ފަހަރެވެ. އެކަމަކު މިހާތަނަށް ކުޅުނު ޔޫރޯގެ ދެ މުބާރާތުތައި މުލާ އަށް ލަނޑެއް ނުޖެހުމަކީ، ހައިރާންވާންޖެހޭ ކަމެކެވެ. ޖަރުމަންގެ ގައުމީ ޓީމާ އެކު ވޯލްޑް ކަޕްގައި މުލާގެ ލަނޑު ޖެހުމުގެ ރެކޯޑް ރަނގަޅު ނަމަވެސް، ޔޫރޯގައި މިހާތަނަށް މުލާ އަށް އޮތީ ސުން ކަނޑުވާނުލެވި އެވެ.

މި އަހަރުގެ ޔޫރޯގައި ޖަރުމަންގެ ގައުމީ ޓީމަށް ގޯލުތަކެއް ކާމިޔާބުކޮށްދޭން މުލާ ހުރީ ފެންބޮވައިގަނެފަ އެވެ. ޓީމު ލީޑު ކުރުމުގައި މުހިންމު ދައުރެއް އަދާކުރަންޖެހުމާ އެކު، ޓީމު ތެރޭގައި އޭނާގެ ޒިންމާ ވެސް މިހާރު ބޮޑެވެ. އެހެންކަމުން، މި އަހަރުގެ ޔޫރޯގައި މުލާގެ ފަރާތުން ލަނޑުތަކެއް ފެނިގެންދާނެ ކަމަށް ޖަރުމަންގެ ސަޕޯޓަރުން އުންމީދުކުރާނެ އެެވެ.