ކޮންގްރެސްގެ ކުޑަ ދޮރެއް ހަލާކުކޮށްލާ އިރު ސަލާމަތީ ފަރާތްތަކުން ފިސްތޯލަ އަމާޒުކޮށްގެން. --ފޮޓޯ:ގެޓީ އިމޭޖަސް
07 ޖެނުއަރީ 2021 - 09:43
28 comments
ވޮޝިންޓަން (ޖެނުއަރީ 7) - ޑިމޮކްރެޓިކް ޕާޓީގެ ކެންޑިޑޭޓް ޖޯ ބައިޑަން ކާމިޔާބު ކުރެއްވި އެމެރިކާގެ ރިޔާސީ އިންތިޚާބުގެ ނަތީޖާ ރަސްމީކޮށް ބަލައިގަތުމަށް ކޮންގްރެސްގެ ބައްދަލުވުން ބާއްވަމުން ދަނިކޮށް ރައީސް ޑޮނަލްޑް ޓްރަމްޕުގެ ސަޕޯޓަރުން ކޮންގްރެސް އިމާރާތަށް ވަދެ ހަމަނުޖެހުން ހިންގުމަކީ އެމެރިކާގެ ޑިމޮކްރެސީގެ ތާރީޚުގައި ކަޅު ދުވަހެއް ކަމަށް ސިޔާސީ ތަޖްރިބާކާރުން ސިފަކޮށްފަ އެވެ.
އެމެރިކާގެ މީޑިއާތަކުން ބުނި ގޮތުގައި ހަމަނުޖެހުމަށް ހިތްވަރު ދެއްވި ބޭފުޅަކީ ރައީސް ޑޮނަލްޑް ޓްރަމްޕެވެ. ވައިޓް ހައުސްގެ ދެކުނުން އޮންނަ އެލިޕްސް ޕާކުގައި ބޭއްވި އެއްވުމެއްގައި ޓްރަމްޕް ވަނީ އިންތިޚާބުގެ ބަލި ގަބޫލް ނުކުރައްވާނެ ކަމަށް ސަޕޯޓަރުންނަށް ތަކުރާރުކޮށް ދަންނަވައިފަ އެވެ. ޓްރަމްޕް ވަނީ ބައިޑަންގެ ކާމިޔާބީ ގަބޫލް ނުކުރުމަށް، ކޮންގްރެސްގެ ބައްދަލުވުމުގެ ރިޔާސަތު ބަލަހައްޓަވައި ނައިބް ރައީސް މައިކް ޕެންސަށް ވެސް ގޮވާލައްވައިފަ އެވެ.
ޓްރަމްޕުގެ ސަޕޯޓަރަކު ކޮންގްރެސް އިމާރާތުގެ ތެރެއަށް ފުންމާލަނީ. --ފޮޓޯ:ގެޓީ އިމޭޖަސް
ސަޕޯޓަރުން ކޮންގްރެސް އިމާރާތާ ދިމާލަށް ދާން ފެށުމުން ޓްރަމްޕް ވަނީ "އެ މީހުންނާ އެކު އެމަނިކުފާނު ވެސް ހުންނަވާނެ" ކަމަށް ވިދާޅުވެފަ އެވެ.
ޓްރަމްޕުގެ ސަޕޯޓަރުން ކޮންގްރެސް އިމާރާތަށް ވަދެގަތުމުން ސަލާމަތީ ފަރާތްތަކުން ވަނީ އެ މީހުން ނެރުމަށް ހަތަރު ގަޑިއިރުގެ އޮޕަރޭޝަނެއް ހިންގައިފަ އެވެ. ފުލުހުން ބުނީ ބަޑިޖެހުމުގެ ސަބަބުން އެކަކު މަރުވެފައިވާ ކަމަށެވެ. ކޮންގްރެސް އަށް ވަދެގަތް ޓްރަމްޕުގެ ސަޕޯޓަރަކު ހައުސްގެ ސްޕީކަރު ނެންސީ ޕެލޯސީގެ މޭޒަށް ފައި އެއްލައިގެން އިންދާ ވެސް ފޮޓޯތަކުން ފެނިފައިވެ އެވެ.
ކޮންގްރެސްގެ މެންބަރުންނަށް ހިމާޔަތް ދެނީ. --ފޮޓޯ:ގެޓީ އިމޭޖަސް
އެމެރިކާގެ އިންތިޚާބީ ރައީސް ޖޯ ބައިޑަން ވަނީ ހަމަނުޖެހުން ވަރަށް ބޮޑަށް ކުށްވެރި ކުރައްވައިފަ އެވެ.
"އަޅުގަނޑުމެންގެ ޑިމޮކްރެސީ އަށް ހަމަލާދީފި،" އުފަން ޓައުން ޑެލަވެއާގައި ވާހަކަ ދައްކަވަމުން ބައިޑަން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެންފުޅު
07 January 2021
ތިކިޔާ ޓަރައްޕަށް އަދިވެސް ފަސްވަރަކަށް އަހަރު ވެރިިކަން ދޭންވީ އޭރަށް ހުންނާނީ ކޮންމެސް ވަރަކަށް ކެވިފަ ހުންނާނީ
ނަޖްވާ
07 January 2021
ޓުރަންޕަން އެހާ ގިނަ ބަޔަކު ވޯޓުދިންދިނުން ރަމްޒު ކޮށްދެނީ އެމެރިކާ އަދިވެސް ވަރަށް ރޭސިސްޓް ތަނެކޭ! ހަމަ ވަރަށް ގަޅި ބަޔެއް އުޅޭ ތަނެއް ކަމަށް ބެލެވެނީ!
އެލެކްސް އަހުމަދު
07 January 2021
އެމެރިކާއަށް ކަޅު ދުވަހެއް؟ އެތަށް އެތަށް މައުސޫމުން މެރުމުގައި އެމެރިކާގެ އަނދިރި ސަފުހާތަކޯ. ތިއީ ވަކި ތާހިރު ބައެއް ނޫން
ޑރ. ރާމީ ޙަސަން
07 January 2021
ރަޝިޔާ ގެ ވެރިކަން ކޮށްފައިވާ ސްޓާލިން ބުނެފައިވަނީ، "ވޯޓު ގެ ކަންތައް ކަނޑައެޅުމުގެ ބާރު އޮންނަނީ ވޯޓު ގުނާ މީހުންނަށެވެ. ވޯޓުލާ މީހުންނަކަށް އެއްވެސް ބާރެއްް ނޯވެއެވެ". އެމެރިކާގައި މިފަހަރު ކައްތައް މިވީ މި ގޮތަށެވެ. ހުރިހާ ނޫހަކާއި ޓީ.ވީ ސްޓޭޝަން ތަކަކަށް މިލިއަނުން މިލިއަނުން، ޗައިނާ އިން ފައިސާ އަޅާލިއެވެ. ބައިޑަން ގެ ޕާޓީ އަށް އެވަރަށް ޙަރަދު ކުރިއެވެ. ވޯޓު ގުނާ މީހުން ގަނެލިއެވެ. އެންމެ ފަހުވަގުތު ޓްރަންޕް ގެ ނައިބު ރައީސް، ޕެންސް ގަނެލިއެވެ.
ފުއްމަންކަނޑާ
08 January 2021
މީ ހާދަ މޮޅުމީހެކޭ ދޯ. ދުނިޔޭގައި ޓްރަމްޕާ އަންނިއާ ޔާމީނު މިހެންގޮސް ބޮޑުބައިގަނޑު ބަލިވާތަނުގައި ރައްޔިތުން ނޫނެކޭ ބުނާތަނުގައި ބުނަނީ ތިޔަޒާތުގެ އެއްޗެހި.
ފޮނިޓައްޕު ހަސަނު
07 January 2021
މުސްކުޅި ބަހެއް އޮވޭ ލޯއަނދިރި މީހެއްގެ އަތަށް ކަނޑިއެއް ދިނުމަކީ ވަރަށް ބޮޑު ގޯހެކޭ. ހަމަ އެފަދައިން ޓުރަމްޕަށް ވެރިކަން ދިނުން ވެސް މީ ހަމަ އެފަދަ ކަމެއް.
ޑރ. ރާމީ ޙަސަން
07 January 2021
ޓްރަންޕް ދައްކަނީ ރަނގަޅު ވާހަކަ. (1) މެއިލްލް-އިން ނުވަތަ ޕޯސްޓުން އައި ވޯޓު ތަކުގެ ސޮއި ދިމާވޭތޯ ބައެއް ވޯޓު ތަކުން ނަމަވެސް ބަލާ ދިނުމަށް ޓްރަންޕް އެދުނު. ނަމަވެސް މިކަމެއް ނުކުރޭ. ވީމާ ޕޯސްޓުން އައި "ވަރަށް" ގިނަ ވޯޓުތައް މިއޮތީ އޮޅުވާލާފައި. ޕޯސްޓުން ވޯޓު ލުމަކީ ވަރަށް ނުރައްކާތެރި ކަމެއް. (2) ކޮރޯނާ ގެ ނަން ބޮލުގައި އަޅުވާފައި އޮބްޒާވަރުން ދުރުމި އަޅައިގެންވެސް ނުފެންނަ ދުރުމިނަށް ޖެއްސި. (3) ޓްރަންޕް ގެ ސަޕޯޓަރުން މުސްތަޤްބަލް ގައި އަދި މާ ނުރައްކާތެރިވާނެކަންކަށަވަރު.
އޭނަ މީނަ
07 January 2021
ލޮލް. ބަލަ މެއިލުން ވޯޓުލުމަކީ އެމެރިކާގެ ޤާނޫނު ހުއްދަކުރާކަމެއް. ކަލޭތިޔަކީ އެއްވެސް އެއްޗެއްގައި ހެއްކެތްނެތް.
ބާބާ
07 January 2021
ޓްރަމްޕަކީ ރާއްޖޭގައި ހުންނަންޖެހޭ މީހެއް.
ެއެއްކަލަރަށުމީހާ
07 January 2021
އެމެރިކާގެ ޔާމީނު ބަލވީމާ ދެން މިވަނީ ހަމަ މިހެން. މިގައުމުގެ ޓްރަމްޕް އޮތްގޮތައް ދައުރު ނިންމާފަ ޖަލުގައި ތަޙުތެއް ހަދާފަ އެތާނގައި ބޭންދީމައި އުފަލުން އިނދެދާނެ ތޯއްޗެ!
ރަށުގައޮވެބަލަ
07 January 2021
ރަށުގަ ތިހެން އޮންނާތީ މަންޒަރު ނުބައިކޮށް ފެންނަނީ. ޔާމީނު ބަލިވީމަ ނުއުޅޭ ގޮތަކަށް ޓްރަމްޕް އެއުޅެނީ. ކަލޭމެން ރަށުގަ ތިބީމަ ނުފެނުއްނު މިގައުމުގެ ގާނޫނު ހަދާ މަޖްލިހުގައި ގައުމުގެ ރައީސަކު ހިފަހައްޓައިގެން ނިކުތަނުދީ އިސްތިއުފާދޭން މަޖްބޫރުކުރުވައިގެން އަންނިގެ ސަޕޯޓަރުން އެތަނުގެ ބޭރުގައި އުޅުނު މަންޒަރެއްވެސް. އެންމެ ކުރިން ވަޒަން އަރަން ތައްޔާރަށް ހުރެކަމަށް ސަޕޯޓަރުންކައިރީ ވާހަކަ ދައްކާ ފޮނިކަނޑާފަ ދެން ނުފެނުނު އެދުވަހަކު.
2012
07 January 2021
ވެރިކަމުނ އިސްތިއުފާ ދެއްވާފާ މި ގައުމުގާ ވެސް ހުޅު ޖެހީ ހަމަ އިސްތިއުފާ ދިން ރައީސް އިސްވެ ހުރެ، މިހާރު އެމެރިކާއިނ ތި ފެންނަ ކަންތައްގަނދާ 2012 ގަ މިގައުމުން ފެނުން ކަންތައް ތަކާ ވަހި ތަފާތެއް ވޭބާ؟
Dhaadhey
07 January 2021
ޑިމޮކްރަސީން މޭވާ ފައްކާވެ ދޮންވަނީ. ޑިމޮކްރަސީގެ ބައްޕަގެ ފޮށާ މިއަދު މިއޮތީ ބޭލިފައި. ކަޅުގެ އިތުރަށް ލޭވެސް އޮހޮރުވާލީ. ސާބަސް ކުދިންނޭ. ތަމެންގެ ހުތުރުފަރާތް އަދި ކިރިޔާ ދުނިޔެއަށް މިފެނުނީ. ވަރަށް ދުވަސްވެއްޖެ ފިލައިތިބެ އެހެން މީހުންނަށް ޑިމޮކްރަސީގެ ޚަންޖަރުން ޙަމަލާދޭތާ!