ރާއްޖެއަށް ފަސް ވަނަ ފަހަަރަށް "ވޯލްޑް ލީޑިން ޑެސްޓިނޭޝަން އެވޯޑް"

ވޯލްޑް ލީޑިން ޑެސްޓިނޭޝަން އެވޯޑު އަނެއްކާ ވެސް ރާއްޖެއަށް ލިބިއްޖެ -- ފޮޓޯ: ޓޫރިޒަމް މިނިސްޓްރީ

ފާތިމަތު ޝަނާ މުހައްމަދު، މިހާރު

25 ނޮވެމްބަރ 2024 - 06:25

ޓޫރިޒަމް ދާއިރާގެ އެންމެ ޝަރަފުވެރި، ވޯލްޑް ޓްރެވަލް އެވޯޑްސްގެ "ވޯލްޑްސް ލީޑިން ޑެސްޓިނޭޝަން އެވޯޑް" ރާއްޖެއިން ފަސް ވަނަ ފަހަރަށް ހޯދައިފި އެވެ.

މިއީ ވިދި ވިދިގެން އެ އެވޯޑު ރާއްޖެއަށް ލިބުނު ފަސް ވަނަ ފަހަރެވެ. އެ އެވޯޑުގެ އިތުރުން ވޯލްޑްސް ލީޑިން ގްރީން ޑެސްޓިނޭޝަން އެވޯޑު ވެސް ރާއްޖެއަށް ވަނީ ލިބިފަ އެވެ.

ޕޯޗުގަލްގެ މެޑީރާގައި ބޭއްވި އެ ހަފްލާގައި އެވޯޑާ ހަވާލުވެ ވަޑައިގަތީ ޓޫރިޒަމް މިނިސްޓަރު އިބްރާހިމް ފައިސަލް އެވެ.

މިއަހަރު ކުރީ ކޮޅު ރާއްޖެއަށް ވަނީ ވޯލްޑް ޓްރެވަލް އެވޯޑްސްގެ އިންޑިއަން އޯޝަން ކެޓަގަރީން ވެސް މުހިންމު އެވޯޑުތަކެއް ލިބިފަ އެވެ. އަރަބިއަން ޓްރެވަލް މާކެޓް (އޭޓީއެމް) ގައި އޮތް އެ އެވޯޑު ހަފްލާގައި ރާއްޖެ އަށް ވަނީ އިންޑިއަން އޯޝަންސް ކެޓަގަރީގެ ލީޑިން ޑެސްޓިނޭޝަނާއި ލީޑިން ހަނީމޫން ޑެސްޓިނޭޝަނާއި ލީޑިން ގްރީން ޑެސްޓިނޭޝަނާއި ލީޑިން ޑައިވް ޑެސްޓިނޭޝަން އެވޯޑު ލިބިފަ އެވެ.

ފައިސަލް ވިދާޅުވީ، އެ ފަދަ ޝަރަފުވެރި އެވޯޑުތައް ރާއްޖެއަށް ލިބެނީ، ޓޫރިޒަމް ދާއިރާގެ ހުރިހާ އެންމެންގެ ބުރަ މަސައްކަތުން ކަމަށެވެ. އަދި އެފަދަ އެވޯޑުތަކާ އެކު ރާއްޖެ މަންޒިލެއްގެ ގޮތުގައި ޕްރޮމޯޓުކުރުމަށް އިތުރަށް ފަހިވާ ކަމަށް އޭނާ ވިދާޅުވި އެވެ.

ވޯލްޑް ޓްރެވަލް އެވޯޑްސް އަކީ 1993 ވަނަ އަހަރު ތައާރަފްކުރި، ދަތުރުފަތުރުގެ ދާއިރާގައި އެންމެ މަގުބޫލުކަން ހޯދައިފައިވާ އެވޯޑެވެ. ދުނިޔޭގެ ޓޫރިޒަމާއި ދަތުރުފަތުރުގެ ސިނާއަތުގައި އެންމެ ފާހަގަކޮށްލެވޭ ޝަރަފު ރަމްޒުކޮށްދޭ މި އެވޯޑްތަކުގެ ބޭނުމަކީ ދުނިޔޭގެ ފެންވަރުގައި ދަތުރުފަތުރާއި ޓޫރިޒަމްގެ ހުރިހާ ދާއިރާއަކުން ހޯދާފައިވާ ކާމިޔާބީތައް ފާހަގަކޮށް އަގުވަޒަން ކުރުމެވެ.

ޓޫރިޒަމް ޓޫރިޒަމް މިނިސްޓްރީ ވޯލްޑް ޓްރެވަލް އެވޯޑްސް

31 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަރާސީނު

25 November 2024

އެހެންވިޔަސް ހެޔޮ. ގައުމުގަ ލާރިއެއް ނެތް. ޑޮލަރު ކޮޅު ބޮޑުންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކުބެ

25 November 2024

މިހާރަކަށް އައިސް މިހުންނަ ކޮމެންޓުތައް ކިޔާލީމާ ހިތަށްއަރަނީ ރާއްޖޭގެ ޓޫރިޒަމް ހަމަ އެއްކޮށް ދައުލަތުގެ އެއްޗަކަށް ހަދައި މިކަމުގައި ޤުރުބާންވި އަމިއްލަ ފަރުދުން ބިކަކޮށްލަން ސަރުކާރުން އަވަސްވެގަންނަންވެއްޖޭ. ރައްޔިތުންނަށް ޑޮލަރު ނުލިބެނީ ރިސޯޓް ސައުދާގަރުންނާހެދިކަމަށްދެކޭ ރައްޔިތުން ދުވަހުން ދުވަހަށްދަނީ ގިނަވަމުން. ޓުރިޒަމް އިންޑަސްޓްރީއަކީ ހަމައެކަނި އަމިއްލަ ފަރާތްތަކުން ބިނާކޮށް ތަރައްގީކުރި ސިނާއަތެއްކަން ހަދާންނެތިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރުސައި

25 November 2024

ބޮޓުންތައް ކެކިއަރަނީ، ސުރުޚީވެސް ނުކިޔާ. ބަލަ ވިދިވިދިގެން 5 ވަނަ ފަހަރަށޭ. އަހަރަކު އެއްފަހަރު ކުރާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1818

25 November 2024

"ވޯލްޑް ލީޑިން ޑެސްޓިނޭޝަން އެވޯޑް" ލިބުނަސް ކްރެޑިޑްތައް ހުރީ “ކޮވިޑް” ޖެހިފައި، އަދި ކުދި ވިޔަފާރިވެރިންގެ ބިލްތަށް ހުރީ ވެސް ފިނޭންސް މިނިސްޓްރީ ތެރެއިން ކޮވިޑް ޖެހިފައި!