އެމްޕީއެލްގެ އެމްޑީ ރިޝްވާން މަސްވެރިންނާ ރޭ ވާހަކަ ދައްކަވަނީ.---ފޮޓޯ: އެމްޕީއެލް
08 އޯގަސްޓް 2025 - 10:22
މާލޭގެ ނޯތު ހާބާރުގެ ބާކީ ސަރަހައްދު ބެލެހެއްޓުމާ ގުޅޭ ހުރިހާ ކަމެއް އެމްޕީއެލްގެ ދަށަށް ބަދަލުކޮށްފައިވާއިރު، މަސްވެރިންނަށް ހާއްސަ ބަނދަރުން ފެނާއި ކަރަންޓާއި ބޭނުންވާ އެ ނޫން ވެސް ހިދުމަތްތައް ފޯރުކޮށްދޭނެ ކަމަށް އެމްޕީއެލްގެ މެނޭޖިން ޑިރެކްޓަރު މުހައްމަދު ރިޝްވާން ރޭ ވިދާޅުވެއްޖެ އެވެ.
އެމްޕީއެލުން ބަނދަރު ސަރަހައްދަށް ގެންނަ ބަދަލުތަކުގެ މައުލޫމާތު މަސްވެރިންނާ ހިއްސާ ކުރުމަށް ބޭއްވި ބައްދަލުވުމުގައި އޭނާ ވިދާޅުވީ، އެންމެ ބޮޑު އިސްކަމެއް ދެއްވަނީ މަސްވެރިންގެ ހިޔާލާ އެއްގޮތަށް އެ ބަނދަރުގެ ކަންކަން ބަދަލު ކުރުމަށް ކަމަށެވެ. އެހެންވެ، އެމްޕީއެލްގެ މުވައްޒަފުން އެ ސަރަހައްދަށް ގޮސް މަސްވެރިންގެ ޝަކުވާތަކާއި ދިމާވާ ދަތިތަކުގެ ވާހަކަތަށް ކުރިއަށް އޮތް ދެތިން ހަފުތާ ތެރޭގައި އަޑުއަހައި، މަސްވެރިންގެ ހިޔާލު ނެގުމަށް ހަރަކާތްތެރިވާނެ ކަމަށް ވިދާޅުވި އެވެ.
ރިޝްވާން ވިދާޅުވިގޮތުގައި، މަސްވެރިންނަށް ހާއްސަ ބަނދަރުގައި ހުރި ދަތިތައް ދެނެގަތުމަށް ފަހު، ކޮންމެވެސް ލުއިތަކެއް ގެންނަން އެމްޕީއެލުން އިސްކަންދޭނެ އެވެ. އަންނަ ހަފުތާއިން ފެށިގެން އެ މަސައްކަތް ފަށާނެ ކަމަށް އޭނާ ވިދާޅުވި އެވެ.
ރިޝްވާން ވިދާޅުވީ، ބަނދަރު ނަހަމަ ގޮތުގައި ބޭނުން ކުރާ މީހުން ދަނެގަނެ، އެފަދަ ފަރާތްތައް ވެސް ބަނދަރުން ބޭރުކޮށް، މަސްވެރިންނަށް އެ ތަނުން ޖާގަ އިތުރު ކުރާނެ ކަމަށެވެ.
އެމްޕީއެލުން މަސްވެރިންނާ އެކު ރޭ ބޭއްވި ބައްދަލުވުމަށް ދިޔަ މީހުން.---ފޮޓޯ: އެމްޕީއެލް
"އަޅުގަނޑުމެން އެބަ މަސައްކަތް ކުރަން އޭ ޒޯނަށް ކަރަންޓާއި ފެން ލާފައި އޮތް ގޮތަށް ބަނދަރުގެ އިރުމަތި ފަރާތައް ވެސް ކަރަންޓާ ފެނާ ލައިދެން،" އޭނާ ވިދާޅުވި އެވެ.
ރިޝްވާނު ވިދާޅުވީ، އެ ސަރަހައްދުން ތެޔޮ ވެސް ފަސޭހައިން ލިބޭނެ ގޮތް ހަދައި، އައިސް ވެސް މަސްވެރިންނާށް ފަސޭހައިން ލިބޭނެ ގޮތްތައް ހޯދައިދޭނެ ކަަމަށެވެ.
"ކޮންމެވެސް ފަސޭހަތަކެއް ގެންނަން އަޅުގަނޑުމެން މަސައްކަތްތައް ކޮށްދޭނަން،" އޭނާ ވިދާޅުވި އެވެ.
އެމްޕީއެލްގެ އޮފީހުގައި ބޭއްވި ބައްދަލުވުމުގައި ތިރީހަކަށް މަސްވެރިން ބައިވެރިވި އެވެ. އެ މީހުން ވަނީ މަސްވެރިންގެ ބަނދަރުގެ އިންތިޒާމުތައް މިހާރު ރޭވިފައިވާ ގޮތުން ދިމާވާ ދަތިތައް އެމްޕީއެލްގެ އިސްވެރިންނާ ހިއްސާކޮށްފަ އެވެ.
އެމްޕީއެލް އިން ބުނެފައި ވަނީ ނޯތު ހާބާރުގެ ބާކީ ސަރަހައްދު ބެލެހެއްޓުމާ ގުޅޭ ހުރިހާ ކަމެއް އެމްޕީއެލްގެ ދަށަށް ބަދަލުކޮށްފައިވީ ނަމަވެސް، މަސްމާރުކޭޓް ސަރަހައްދުގައި ބަނދަރުކުރާ މަސްވެރިންގެ އުޅަނދުތަކުން ފީ ނުނަގާނެ ކަމަށެވެ.
ނޯތު ހާބަރަށް ކައިރިކުރާ އުޅަނދުތަކަށް އަބަދުވެސް ފީއެއް ނަގަ އެވެ. އެހެންވެ، މަސްމާރުކޭޓާ ހަމައަށް ނޯތު ހާބަރު ސަރަހައްދު ބޮޑުކުރުމާ އެކު، އެ ސަރަހައްދަށް ކައިރިކުރާ ހުރިހާ އުޅަނދަކަށް ވެސް [މަސްދޯނިފަހަރު ފިޔަވައި] އެ އުސޫލު ހިނގާނެ ކަމަށް އެމްޕީއެލުން ބުނެފައި ވެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސަރގު
09 August 2025
ތިމީހުންނަށް އެއްވެސް އެއްޗެއް ހިލޭދޭނެކަމެއްނެތް އަހަރެމެން އާދައިގެމީހާ މާރުކޭޓުން މަސްކިލޯއެއް ގަންނަނީ 35-30ރ އަށް، ތިމީހުންބުނާ އަގުގައި މަސްކިރާ، ތެލުން ސަބުސިޑީދީގެން ރައްޔިތުންނަށް ވާފައިދާއެއްނެތް
ކޮރަލް
08 August 2025
ރާއްޖޭޣެ ހުރިހާ ރަށަކުން މާލެ އަންނަ މީހުންނަށް އެމްޕީއެލް ބަނދަރުން އަގު ހެޔޮ ކޮށް ގަރުދިޔަ އާ ބަތާ ހެދިކާ އާ ސައި ލިބޭނެ ހޮޓަލެއް ބޭނުން ވެ އެވެ. ޝޮޓް މާ އަގު ބޮޑެވެ. ބަނދަރުގަ ރަނގަޅު ޓްރޮލީ އެއް ނެތެވެ. އެންމެ ބޮޑަށް ބޭނުން ވާ އެއް ކަމަކީ ސަރަހައްދުން އަގު ހެޔޮ ކޮށް ސައި ބޮވޭނެ ހޮޓަލެކެވެ.
ޖައްސާށޭ
08 August 2025
މާލޭގެ މާރުކޭޓް ސަރަހައްދު ގޮނޑު އަދި އެންމެ މުޑުދާރު ސަރަހައްދަކީ އެކަން ރަނގަޅު ކުރަން ފުރަތަމަވެސް ރާއްޖެތެރޭން މާލެ އަންނަ އުޅަނދު ތައް މާލެ އަށް ގާތް ނުކޮށް ތިލަފުއްޓަށް ގާތް ކުރާ ގޮތަށް ހަދާ ލޯކަލް މާރުކޭޓް ވިލިގިލި ފަޅު އެއް ކޮށް ހިއްކާ އެތަނަށް ބަދަލު ކޮށް 25 ބުރީގެ ގްރީން ހައުސް ޓެކްނޮލޮޖީ ބޭނުންކޮށްގެން އުފައްދާ ތަކެތި ލައިވް ކޮށް ވިއްކާ ގޮތަށް ހަދާ މާލޭ އުތުރު ފަރާތު ބަނދަރު ހާބަރ ބޭސިން ހިއްކާލާ އެތަނުގައި 150 ބުރީގެ ހޮޓަލެއް އަޅާށޭ
ބަލަ
08 August 2025
ރައީސް ޔާމިންވެރިކަމުގައި މިނިސްޓަރ މުއީޒް އެޅުއްވި ބޮޑުފާލަށް ރައީސް މުޢިޒް ވެރިކަމަށް ވަޑައިގެން އެފާލަށް މުގުރާލައި އާ ރީތި ފާލަމެއް އަޅުއްވައި ހުޅުވުމުގެ ރަސްމިއްޔާތުދައި ވިދާޅުވި މަސްމާރުކޭޓުން ނަސަންދުރާ ހަމަޔަށް ހިއްކައި މަގުފުޅަކުރާނަމޭ އޭރުން ފާލަން ހުންނާނީ އެއްގަމުގައި އެފާލަށް ހައިވަކަރު މިސްކިތް ބަދަލުވާހެން ބަދަލުވެ ބަދަލުވެތާ ހުންނާނީ ދޯ ؟