ރީޖަނަލް އެއާޕޯޓްސްގެ ހުރިހާ އޮޕަރޭޝަނެއް އެމްއޭސީއެެލް އަށް، ނުވަ ޑޮމެސްޓިކް އެއާޕޯޓެއް ހިންގާނެ

ފަރެސްމާތޮޑާ އެއާޕޯޓް: ރީޖަނަލް އެއާޕޯޓްސްގެ އެއާޕޯޓުތައް ހިންގުން އެމްއޭސީއެލްގެ ދަށަށް ވަނީ ބަދަލުކޮށްފައި. -- ފޮޓޯ | މިހާރު

މުހައްމަދު ނަސީމް، މިހާރު

02 ސެޕްޓެމްބަރ 2025 - 12:41

22 comments

ޑޮމެެސްޓިކް އެއާޕޯޓުތައް ކުރިން ހިންގަމުން އައި ރީޖަނަލް އެއާޕޯޓްސް ކޮމްޕެނީގެ ހުރިހާ އޮޕަރޭޝަންތަކެއް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ ދަށަށް ބަދަލުކޮށްފި އެވެ.

ދައުލަތުގެ ހަރަދު ކުޑަކުރުމުގެ ބޭނުމުގައި ރީޖަަނަލް އެއާޕޯޓްސްގެ ދަށަށް ބަދަލުކުރަން ސަރުކާރުން ނިންމާފައިވާކަން މީގެ އަހަރެއްހާ ދުވަސް ކުރިން ރައީސް ޑރ. މުހައްމަދު މުއިއްޒު އޮތީ ހާމަކުރައްވައިފަ އެވެ.

އެމްއޭސީއެލްގެ މެނޭޖިން ޑިރެކްޓަރު އިބްރާހީމް ޝަރީފު މުހައްމަދު "މިހާރު" އަށް މިއަދު ވިދާޅުވީ ރީޖަނަލް އެއާޕޯޓްސް އިން ހިންގަމުން އައި ނުވަ އެއާޕޯޓެއް ހިންގުމުގެ ހުރިހާ ކަމަކާ އެމްއޭސީއެލްއިން ހަވާލުވީ މީގެ ދެ ހަފުތާއެއްހާ ދުވަސް ކުރިން ކަމަށެވެ.

އޭނާ ވިދާޅުވި ގޮތުގައި ރީޖަނަލް އެއާޕޯޓްސް ކުންފުނީގެ ހުރިހާ މަސައްކަތަކާ އެމްއޭސީއެލް އިން ހަވާލުވި ނަމަވެސް އެ ކުންފުނި އުވައިލުމުގެ މަސައްކަތްތައް އަދި މުޅިން ނުނިމެ އެވެ.

"އަޅުގަނޑުމެން ޓޯޓަލް ޓޭކްއޯވާ ކުރިތާ ދެހަފުތާ ވަރު މިވީ،" ޝަރީފް ވިދާޅުވި އެވެ.

އޭނާ ވިދާޅުވި ގޮތުގައި ރީޖަނަކް އެއާޕޯޓްސް އިން ހިންގި އެއާޕޯޓްތަކާ އެމްއޭސީއެލް އިން ހަވާލުވި އިރު އެ އެއާޕޯޓްތަކުގެ ހާލަތު އޮތީ ވަަރަށް ދަށްކޮށެވެ. އެގޮތުން ބައެއް ތަންތަނުގެ ފަޔާ ފައިޓިން އިކްއިޕްމެންޓް ހުރީ އެ ހުރި ހާލަތުގައި ބަހައްޓައިގެން އެއާޕޯޓް ނުހިންގޭ ހިސާބުގައި ކަމަށް އެމްޑީ ވިދާޅުވި އެވެ.

އެމްއޭސީއެލްގެ އެމްޑީ ޝަރީފު "މިހާރު" އާ ކުރިން ވާހަކަ ދައްކަވަނީ.---ފޮޓޯ: ފަޔާޒު މޫސާ| މިހާރު

އެެހެންވެ، އެ އެއާޕޯޓްތަަކަށް ބޭނުންވާ އިކުއިޕްމެންޓް ގަތުމުގެ މަސައްކަތް އެމްއޭސީއެލް މިހާރު ވަނީ ފަށައިފަ އެވެ.

ޝަރީފު ވިދާޅުވީ، ފުވައްމުލަކު އެއާޕޯޓްގެ ފަޔަ ޓްރަކް ހަލާކުވެ، އެއާޕޯޓަށް ކުރަމުން އައި ދަތުރުތައް ހުއްޓުނީ ވެސް އިކްއިޕްމެންޓް ގަތުމުގެ މަސައްކަތް ކުރިއަށް ދަނިކޮށް ކަމަށެވެ.

"އެ ތަންތަނުގެ އެއްވެސް އެއްޗެއް މެއިންޓެއިން ކޮށްފައެއް ނެތް. ދެން އަޅުގަނޑުމެން އިމަޖެންސީކޮށް އެއްޗިހި ގަތުމުގެ ޕްރޮސެސް އެއް ފަށްޓައިފިން،" އޭނާ ވިދާޅުވި އެވެ.

ރީޖަނަލް އެއާޕޯޓްސް އިން ހިންގަމުން އައި ހުރިހާ އެއާޕޯޓެއްގެ ގްރައުންޑް އޮޕަރޭޝަންތައް މިހާތަނަށް ބަލަހައްޓަމުން އައީ އައިލެންޑް އޭވިއޭޝަނުންނެވެ.

"ނަމަވެސް މި ނުވަ އެއާޕޯޓުގެ ގްރައުންޑް އޮޕަރޭޝަނާ ވެސް މި ހަވާލުވީ އަޅުގަނޑުމެން އެމްއޭސީއެލް އިން. ރީޖަނަލް އެއާޕޯޓްސްގެ މުވައްޒަފުންގެ ކަންކަން ވެސް މިހާރު ވާނީ އެމްއޭސީއެލް އަށް ބަދަލުކޮށްފައި،" ޝަރީފު ވިދާޅުވި އެވެ.

ރީޖަނަލް އެއާޕޯޓްސް ކުންފުނި އެމްއޭސީއެލްއާ އެއްކޮށްލަން ސަރުކާރުން ނިންމީ މިދިޔަ އަހަރުގެ ސެޕްޓެމްބަރުމަހު އެވެ. ސަރުކާރުގެ އެހެން ބައެއް ކުންފުނިތައް އެއްކޮށްލަން ވެސް އޭރު ނިންމި އެވެ.

އެމްއޭސީއެލް ޑޮމެސްޓިކް އެއާޕޯޓުތައް އިބްރާހިމް ޝަރީފު (އެމްޑީ، އެމްއޭސީއެލް)

22 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެއްސޯ ހުތާ

03 September 2025

ކާޑެއްދޫ އެއާރޕޯރޓް އެއޮތީ އަދިވެސް ފަސްދޮޅަސް އަހަރު ފަހަތުގައި. ލަދުން ބޯހަލާކު!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯރަ ހަރީރާ

02 September 2025

ހޯރަފުށީ އެއާޕޯޓް ހުޅުވިއިރުވެސް ގެނެސް ހުރީ ބާމުދާ އަލަށް ގެނައި ފަޔަރު ޓުރަކުވެސް އޮތީ ބާދަބަރަށް ވުރެ ދެރަކޮށް. ޓާމިނަލްގަ ފުރާޅެއް ނެތްފަދަ. އިބޫ އާއި ސަލީމު ވަނީ ވަރަށްބޮޑަށް އިހުމާލުވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޅުޗި

02 September 2025

ކޮބާތޯ އެމްއޭސީއެލްގެ ދަށަށް ބަދަލުކުރި 9 އެއާޕޯޓަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

02 September 2025

ސިޔާސީ ބޭނުމަށް އެއަރޕޯޓް ހެދުން ހުއްޓާލާފައި ދެމެހެއްޓެނެވި ތަރައްގީގެ ޕްލޭން އެއްގެ ދަށުން މިކަން ކުރަން ނުވޭތޯ ؟ މިހާރުވެސް ބައެއް އެއަރ ޕޯޓްތަކަކީ މަހަކު 3 ދަތުރު ނުބޭއްވޭ އެއަރޕޯޓް ، މިފަދަ ބޮޑެތި އިސްރާފް ކޮއްގެން ދުވަހެއްގައިވެސް ގައުމު ތަރައްގީ އެއްނުކުރެވޭނެ ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

02 September 2025

ފަންސާހަކަށް އަހަރުތެރޭ 25 ބިލިޔަނެއްހާ ޑޮލަރު ޙަރަދުކޮށްފައިވާ ކ.މާލޭ އެއަރޕޯޓްގެ ދަށަށް ރާއްޖޭގެ ހުރިހާ ޑޮމެސްޓިކް އެއަރޕޯޓް ތައް ގެނައުމުގެ ބޭނުމަކީ މާލޭސަރުކާރު ސިޔާސަތު ކަޑައަޅާ ތަންފީޒު ކުރާންތިބި އެރަށު ބިންވެރިން މީގެ ކުރިންވެސް ކަންކުރިގޮތަށް ޑޮމެސްޓިކް އެއަރޕޯޓް އަޕްޤުރޭޑް ކުރާ ނަމުގައި ނަގާ ލޯނާއި، މިތަންތަން ދައްކާފައި ހޯދާ މާލީ އެހީތައް ބޭނުން ކޮށްގެން މާލޭ އެއަރޕޯޓް ޒީނަތް ތެރި ކުރުން. އެހެންނޫންނަމަ ތިކަން ތިހެން ކުރާކަށް ނުޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމާ ދީދީ

02 September 2025

ދެން ބާރައް އަތްޖަހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

02 September 2025

ތިން ވަނަ ގޮތަކީ މިދެންނެވި ގޮތަށް ޑޮމެސްޓިކް އެއަރޕޯޓް ތަރައްޤީ ކުރާ ނަމުގައި ނަގާ ލޯނާއި، ލިބޭ އެހީ މާލޭ އެއަރޕޯޓަށް ބޭނުން ކޮށް އަދި ބޭރުގެ ފަރާތަކުން އިކްއިޕްމަންޓް ލިބުނު ކަމަށ ވިޔަސް އެތަކެތިވެސް އެމީހުންގެ ރަށު އެއަރޕޯޓަށް ބޭނުން ކޮށްފައި "ކުނި އުކާލާ ގޮނޑެއްގެ ގޮތުގައި" ކ.މާލޭ އެްަރޕޯޓުން އުކާލަންޖެހޭ ބާދަގަނޑު ރީޖަނަލް އެއަރޕޯޓްތަކަށް ފޮނުވުން. މިއީ މިކަން ހިގާނެގޮތް. ކިއުންތެރިންނާއި ނޫސްްވެރިން ބައްލަވަން ތިއްބަވާ މިނޫން ގޮތެއް ވޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެން ދީދީ

02 September 2025

އިބޫ ނޫންގޮތެއް ފެނިޖެދޯ.....ދެން ލަލަލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

02 September 2025

އެއިރޯ ބްރިޖް ބަހައްޓައިގެން ކ.މާލޭ އެއަރޕޯޓް ހަދާފައި އޮތްއިރު އެންމެފަހުން އިންޑިޔާއިން ހިލޭހަދިޔާކުރި 27 ބަހުގެތެރެއިން އެންމެ ބަހެއްވެސް ހަނިމާދޫ ނުވަތަ ގޭން އެއަރޕޯޓަށް ނޫންނަމަ ރީޖަނަލް އެއްވެސް އެއަރޕޯޓަކަށްވެސް ނުފޮނުވާ ހުރިހާ ބަސްތަކެއް ނެގީ ކ.މާލޭ އެއަރޕޯޓަށާއި އެރަށު ޑިފެންސް ފޯހަށް. ސްރީލަންކަން އޮންނަދުވަހަކީ ވިއްސާރަދުވަހެއްނަމަ އަހަރުމެން އައްޑޫމީހުން ބޯޓަށް އަރަންޖެހެނީ ތެމިގެން. މިހިރީ މާލޭސަރުކާރުގެ ތަފާތުކުރުން ހުރިވަރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަބީދު

02 September 2025

އަފީފު ދީދީ އިބޫ ނޫންގޮތެއް ހޯދައިގެން ނު ތިޔަހުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްތާ

02 September 2025

އަސްތާ .. ދައުލަތަށް އެންމެ ފަައިދާވާކުންފުނީގެ ދުވަސްތިދިޔައީ.. ގެއްލުންވާ ވައިބަލްނޫން ސިޔާސީ މުއައްޒަފުންގިނަ ރީޖަނަލް އެއާރޕޯޓުތަކުގެ ގެއްލުން ފަސްއަޅަ ފޮރުވާލަން އެމްއޭސީއެލް އަށް ލުމުން ދެން ފެންނާނީ އެމްއޭސީއެލް ބަނގުރޫޓުވާތަން. ވަރައްސަލާން