ދިރާގުގެ އެލްޓީއީ ބްރޯޑްބޭންޑް ހިދުމަތް ތައާރަފްކުރުމަށް އެ ކުންފުނީގެ ހެޑް އޮފީހުގައި މިއަދު ބޭއްވި ރަސްމިއްޔާތެއްގައި މެނޭޖަރު މާކެޓިން ކޮމިއުނިކޭޝަންސް އެންޑް ޕީއާރު މުހައްމަދު މިރުޝާން އަދި ޕްރޮޑަކްޓް މެނޭޖަރު ޖަނާ އިބްރާހިމް ނޫސްވެރިންނަށް މައުލޫމާތު ދެއްވަނީ. ފޮޓޯ: ނިޝާން އަލީ /މިހާރު
ކޭބަލާ ނުލައި ރައުޓަރެއް މެދުވެރިކޮށް ހައި ސްޕީޑް އިންޓަނެޓްގެ ޚިދުމަތް ދިރާގުން ދޭން ފަށައިފި އެވެ.
އެ ކުންފުނިން މިއަދު ތައާރަފްކުރި އެލްޓީއީ ބްރޯޑްބޭންޑަކީ ވަރަށް ފަސޭހަކަމާއެކު އިންޓަނެޓް ބޭނުންކުރެވޭ ޚިދުމަތެކެވެ.
އެލްޓީއީ ބްރޯޑްބޭންޑްގެ ޚިދުމަތް ތައާރަފް ކުރުމަށް ދިރާގު ހެޑް އޮފީހުގައި ބޭއްވި ރަސްމިއްޔާތެއްގައި ވާހަކަ ދައްކަވަމުން އެ ކުންފުނީގެ މެނޭޖަ މާކެޓިން ކޮމިއުނިކޭޝަންސް އެންޑް ޕީއާރު މުހައްމަދު މިރުޝާން ހަސަން ވިދާޅުވީ، ފައިބާ ފިކްސްޑް ބްރޯޑް ބޭންޑްގެ ހިދުމަތް ހޯދުމަށް ހަފުތާއެއްހާ ދުވަސް ހޭދަވިޔަސް އެލްޓީއީ ރައުޓަރެއް ހޯދުމުން ވަގުތުން އިންޓަނެޓް ލިބޭނެ ކަމަށެވެ.
"މި ޚިދުމަތް ބޮޑަށް ފައްކާ ކޮށްފައި މިވަނީ ބޭނުންތަކަށް ގެންދެވޭނެ ޚިދުމަތެއްގެ ގޮތުގައި. އެއީ ގެ ބަދަލުވާން ޖެހުނު ނަމަވެސް މި ޚިދުމަތް ދަތިތަކަމަކާ ނުލައި ލިބޭނެ،" އޭނާ ވިދާޅުވި އެވެ.
މިރުޝާން ވިދާޅުވި ގޮތުގައި، އެ ޚިދުމަތް ތައާރަފްކުރީ ތަފާތު ހަތަރު ޕެކޭޖަކާ އެކު އެވެ.
ދިރާގުގެ އެލްޓީއީ ބްރޯޑްބޭންޑް ހިދުމަތާ ބެހޭ ގޮތުން އެ ކުންފުނީގެ މެނޭޖަރު މާކެޓިން ކޮމިއުނިކޭޝަންސް އެންޑް ޕީއާރު މުހައްމަދު މިރުޝާން ނޫސްވެރިންނަށް މައުލޫމާތުދެއްވަނީ. ފޮޓޯ: ނިޝާން އަލީ /މިހާރު
މިއަދުގެ ރަސްމިއްޔާތުގައި ދިރާގުގެ ޕްރޮޑަކްޓް މެނޭޖަރު ޖަނާ އިބްރާހިމް ވިދާޅުވީ، އެލްޓީއީ ބްރޯޑްބޭންޑާއެކު 499ރ. އިން ފެށިގެން 1،499ރ. އާ ދެމެދުގެ ޕެކޭޖްތަކެއް ހުންނާނެ ކަމަށެވެ. އަދި އެއިން ކޮންމެ ޕެކެޖެއް ވެސް ހަދާފައި ވަނީ އިތުރަށް ބިލް ބޮޑު ނުވާ ގޮތަށް ފެއާ ޔޫޒޭޖް އެލަވަންސާ އެކީ ކަމަށް ވެސް އޭނާ ވިދާޅުވި އެވެ.
"މި ޚިދުމަތް ޕޯސްޓްޕެއިޑްކޮށް އަދި ޕްރީޕެއިޑްކޮށް ވެސް ނެގޭނެ. މި ޚިދުމަތް ހޯދާ ޕޯސްޕެއިޑް ކަސްޓަމަރުންނަށް ވަރަށް ރަނގަޅު ޕްރޮމޯޝަނެއް ވަނީ ތައާރަފްކޮށްފައި. އެގޮތުން ކޮންޓްރެކްޓަކާ އެކީ ހިލޭ ރައުޓަރެއް ވެސް ލިބިވަޑައިގަންނަވާނެ،" ޖަނާ ވިދާޅުވި އެވެ.
އިތުރު ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުދުހޭ
13 December 2017
އިންޓަރނެޓާ ނުލައި އިންޓަރނެޓް ލިބޭނެ ދުވަހެއްގެ އިންތިޒާރުގައި ހުރިން!
ބާލައާދަނު
13 December 2017
އޫރިދޫ ފަސޭހަ ބްރޯޑްބޭން ބޭނުން ކުރާ މީހެއްގެ ހައިސިއްޔަތުން ބުނާނީ މި ޚިދުމަތަކީ ރާއްޖެތެރެޔަށް ވަރަށް ބޭނުންތެރި ޚިދުމަތެކޭ. އޫރިދޫގެ ސްޕީޑް ވަރަށް ހަބޭސް. އުއްމީދުކުރަން ދިރާގު ސްޕީޑް ވެސް ހަބޭސްވާނެ ކަމަށް. ދެފަރާތުން ވެސް އަގު އަދި ތިރިކޮއްލަ ދިނުން ވަރަށް އެދެން.
އަލީ_
13 December 2017
ވަޔަރުންވެސް ޚިދުމަތް ރަގަަޅަށް ނުދެވޭ ބައެއް. އަދި ވަޔަރލެސްކޮށް ކިހިނެއްވާނީ؟ ދުނިޔޭގެ ގިނަ ތަންތާ އަންލިމިޓެޑް ގެ މާނައާއި މި މީހުންގެ އަންލިމިޓެޑްގެ މާނައާވެސް ދިމާ ނުވޭ.
ދޮން އާމިރު
14 December 2017
ހަމަ ތެދެއްތީ...
÷ފައިލަމް ލަބީތު
13 December 2017
ޢަގު ހުންނާނެ އަތްނުފޯރާ ހިސާބުގައި. 1އެމްބީ ލިބޭނީ ރުފިޔާ ހާހަކަށް. މުޅި ސުނިޔޭގައި ނެޓު އެންމެ އަގުބޮޑު ގައުމުމީ. ޢަހަރުނިމޭއިރަށް އަނގަފުޅާކޮށްފައި ބުނާނެ 5 ބިލިޔަން ފައިދާވިއޭ ލަދު ކޮބައިިޓޯ އެވަރަށް ދިވެހިން ފެލލަން.
ޢަހުސު
13 December 2017
ޔެސް!!! ރާއްޖެއަށް ހައި ސްޕީޑަކީ ބަރަވެލި ދުވެލި. ޕެކޭޖް ވަނީ އެވަރު. 120 ރުފިޔާ ނެގިޔަސް ވާނުވާއެއް ނޭގި ހުސް. 120000 ނެގިޔަސް ސޭމް. ސްޕީޑްވެސް 1 ކޭބީ = 4 އެމްބީ
މަށަށް ކީއް
13 December 2017
އުރީދޫން ފަސޭހަ ބުރޯޑްބޭންޑް ހެދީމަ އެއްޗެއް ހަދާލީ ދޯ، ހާދަ ފަހަތުގައޭ އެކަމު ތިއުޅެނީ
ރަދީފް
13 December 2017
އަދި ވެސް އަގުބޮޑު އިނގޭ.ދިރާގް ޕްލީޒް އަގު ހެޔޮކުރާކަށް ނުވޭތަ؟؟؟ ކޮންމެ ކުއާޓާއެއްގަ އެވަރަށް ފައިދާ ލިބޭއިރު ތިއަގު ކުޑަކުރާނެކަމަށް އުއްމީދުކުރަން. (7777 ޔޫޒާއެއް) . ވ.ވ.ވެދުން
ޔާމިން
13 December 2017
ތި އެއްޗެއްލައިގެންވެސް ޖެހެނީ އެއްތާކު. 4ޖީ ޖެއްސީމަ ލިބެނީ 3ޖީ .ނަމުގަ ހައިސުޕީޑު ކަމުގަ ބަރަވެލި ސުޕީޑު
މޮޑަފްް
13 December 2017
ސުވާލަކީ ފިކްސްޑް ބްރޯޑްބޭންޑް މެދުވެރިކޮށްލިބޭ ދިރާގުޓީވީ ތީތިން ލިބޭނެބާއޭ. ނުލިބެންޏާ ބޭނުމެއްނޫން.