މާލޭގެ މަގުމަތީގައި ވެހިކަލްތަކެއް ދަތުރުކުރަނީ: އަންނަ އާދީއްތަ ދުވަހުން ފެށިގެން ދުވާލު ގަޑީގައި މުދާ އުފުލުން ވަނީ މަނާކޮށްފައި.
22 މާޗް 2018 - 15:03
112 comments
މާލޭގެ މަގުތައް ތޮއްޖެހި ހިނގާބިނގާވެ އުޅެން ދަތިވަމުންދާތީ، ދުވާލުގެ ވަގުތުތަކުގައި މާލެ ތެރޭގައި އުޅަނދުފަހަރުގައި މުދާ އުފުލުން ޓްރާންސްޕޯޓް އޮތޯރިޓީން މަނާކޮށްފި އެވެ.
އެ އޮތޯރިޓީން މިއަދު ކުރި އިއުލާނުގައި ވަނީ ފިހާރަތަކާއި އާއްމު ތަންތަނަށް ލޮރީ އާއި ޕިކަޕް އަދި ވޭން ފަދަ އުޅަނދުތަކުގައި މުދާ އުފުލަން ވަކި ގަޑިތަކެއް އަންނަ އާދިއްތަ ދުވަހުން ފެށިގެން ކަނޑަޅައިފަ އެވެ. ފިހާރަތަކަށާއި ގުދަންތަކަށް ގެންދާ މުދަލާއި ލަކުޑި އާއި ދަގަނޑާއި ހިލަ އާއި ހިލަވެއްޔާއި ބިއްލޫރި އާއި ސިމެންތި އާއި އިމާރާތް ކުރުމަށް ބޭނުންކުރާ ގަލާއި ބޯ ފެނާއި އެހެނިހެން ބުއިންތަކާއި އެނޫން ވެސް އެފަދަ ތަކެތި ހިފައިގެން ދަތުރުކުރެވޭނީ ރޭގަނޑު 10:00 ން ހެނދުނު 6:00 އާ ދެމެދު ކަމަށް އެ އިއުލާނުގައިވެ އެވެ.
އެ އޮތޯރިޓީން ހަމަޖެއްސި އުސޫލުގައިވާ ގޮތުން، ޑެލިވަރީގެ ގޮތުގައި އުފުލާ ކައްކާ ގޭސް ހިފައިގެން ދަތުރު ކުރެވޭނީ ހެނދުނު 8:30 ން 11:00 އަށް އަދި ރޭގަނޑު 8:00 ން ހެނދުނު 6:00 އާ ދެމެދު އެވެ.
ޓްރާންސްޕޯޓް އޮތޯރިޓީގެ އިސް ބޭފުޅަކު ވިދާޅުވީ މިހާރު ހަމަޖައްސާފައިވާ ގަޑިތައް ފިޔަވައި އެހެން ގަޑިތަކުގައި ލޮރީ، ޕިކަޕް އަދި ވޭން ފަދަ އުޅަނދުތަކުގައި ގަނޑުކޮށް މުދާ ނުފުއްލޭނެ ކަމަށެވެ. އަދި ފެރީތަކަށް ވެސް ގަނޑުކޮށް މުދާ ގެންދަން ޖެހޭނީ އެ ގަޑިތަކުގައި ކަމަށް ވެސް އޭނާ ވިދާޅުވި އެވެ.
"މި އުސޫލަށް އަމަލުކުރަން ފެށި ނަމަވެސް ޕިކަޕެއްގައި ފޮށިގަނޑެއް ގެންދެވިދާނެ. އެކަމަކު ޑެލިވަރީކުރާ އުސޫލުން އެއް ތަނުން އަނެއް ތަނަށް ބަހަމުން މުދާ ނުއުފުއްލޭނެ،" އެ އޮފިޝަލް ވިދާޅުވި އެވެ.
ޓްރާންސްޕޯޓުން ބުނީ އެ ނޫން ގޮތަކަށް އަމަލުކުރާ ވިޔަފާރިތަކާއި ޑްރައިވަރުންނާ މެދު ފިޔަވަޅު އަޅާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީ
25 March 2018
މުޅި މާލެ މިއޮތީ ތޮއްޖެހިފައި، މާލެ ތަރައްގީ ކުރުމުގެ ބަދަލުގައި އަތޮުޅުތަކުގައިހުރި ބޮޑެތި ރައްތަށް ތަރައްގީކުރަން އެބަޖެހޭ. ދިވެހިރާއްޖެއަކީ ޖަޒީރާ ޤައުމެއް.
އިބްރާހީމް ޢަބްދުލްކަރީމް
25 March 2018
ދުވާލުގަޑީގައި މުދާއުފުލުން މަނާކުރުމަކުން މާލޭގައި މިއޮތް ޓްރެފިކްގެ މައްސައެއްޙައްލެއްނުވާނެ. ބައްލަވަންވީ އެންމެ މުހިއްމު އެއްޗަކީ މާލޭގައި މިއޮތް ކުޑަޖާގައަށް މާލޭގައި ދިރިއުޅޭ ކޮންމެ ބޮލަކަށް ކާރަކާއި ޕިކަޕަކާޢި ސައިކަލަކާޢި ވޭނެއް ހޯދައިގެން މިއަދު އުޅެންޖެހިފައިވާ ވޭނާއި، ،ދެން މާލޭގައި އިންސާނުން ހިގާބިގާވެ އުޅޭނީ ކޮންތާކުތޯ؟ އެކަން ކޮންޓްރޯލްކުރެވޭނީ ކިހިނަކުންތޯއެވެ.
ޝުޖާޢު
24 March 2018
ކޮންމެ ކަމެއް ވެސް މިކުރެވެނީ ހަމައެކަނި ފުރަމާލެއަށް ވިސްނައިގެން. ދެން މިވީގޮތުން، ރަށްރަށަށް މުދާ ގެންދާ ބޯޓުފަހަރުގެ ފަޅުވެރިން ނުނިދާ ތިބެންވީ މުދާ ނޭރުވިގެން. މާތްﷲ ރޭގަނޑާ ދުވާޅު ތަފާތުކުރެއްވީ އިންސާނުންނަށް ޓަކައި. ﷲ ވަޙީކުރެއްވީ "އަދި ތިމަންރަސްކަލާނގެ ތިޔަބައިމީހުންގެ ނިދި، އަރާމެއް ކަމުގައި ލެއްވީމެވެ. (9) އަދި ފޭރާމެއް ކަމުގައި، ތިމަންރަސްކަލާނގެ ރޭގަނޑު ލެއްވީމެވެ." (ސޫރަތުން ނަބާ)
ެފަޅުވެރިން
24 March 2018
ފަޅުވެރިން ރޭގަނޑު މުދާ އަރުވާފަ ފަތިސްނަމާދު ކޮށްގެން ނިދާނީ...
Inthi
24 March 2018
ވަރަށް ރަގަޅު ނިންމުމެއް
ޢަހުމަދު
24 March 2018
ކިހާބޮޑު ނޮހޮރުއްޕާނެތީ ދަންވަރު ގަޑީގަ މަސައްކަތެ ނުކުރެވޭނެ ކޮންމެރެޔަކު...
ރަނގަޅު
23 March 2018
ރަނގަޅު ކަމެއް ތީ ކުރަން...
ހާދާލު
23 March 2018
އަދިވެސް 40 ބުރިއަށް 100 އިމާރާތާ އެއައް ވާވަރައް 100000 މީހުންގެ އާބާދީއެއް އިތުރުކޮށްލާ.......އޭރުން ތީތި ހައްލު ވާނެ
ޖަންބޯ
23 March 2018
ގޭސް ފޯރުކޮށްދޭ ގަޑި އިތުރު ކުރަންޖެހޭ ، ނަމަވެސް ގޭސް އުފުލާ އުޅަނދު ނުޖެހޭ ކޮންމެ ގެއެއްގެ ދޮރުމަށްޗަށް މަޑުކޮށްފަ ގޭސް ފުޅި ބާލާކަށް، މިކަމަށް އޮތް ހައްލަކީ ވެމް.ކޯ އިން ކުނި އުކާލާއިރު ގެންގުޅޭ އުސޫލު ގެންގުޅުން. ގޭސް އުޅަނދު މަޑުކުރަންވީ މިހާރު ވެމްކޯއިން ކުނި ލޮރީ ޕާރކް ކުރުމަށް ކަނޑައަޅާފައިވާ ސަރަހައްދު ތަކުގަ. އެތަންތަނުގަ ބާއްވައިގެން ގޭސް ފޯރުކޮށްދޭންވީ. އޭރުން ގޭސް ލޮރީ މާލޭގެ ހުރިހާ މަގުތަކެއްގައި ދުއްވާކަށް ނުޖެހޭނެ. ވެމް.ކޯ އިން މިދެންނެވި ޕާރކިން ސަރަހައްދު އާއްމުކޮށް ބޭނުންކުރަނީ ދުވާލު 3 ގެ ފަހުން. މިވެސް ރަނގަޅު ހައްލަކަށް ވެދާނެ ނޫންތޯ؟
ބޮޑުރިޔާ
23 March 2018
ރަސްފަންނުހަދަންވެގެން ބޮޑުތަކުރުފާނުމަގު ހަލާކުކޮށްލީ ސިފައިންގެ ކައިރިއަށްމީހުންމުޒާހަރާއަށް ދާތީ އިސްލާމީ މަރުކަޒު ގެ ދަޅަދައްކާފައި އެތާއޮތްދެމަގު ބައްދާލީ މިހެންކިޔާނެކަމެއްނެތް މުޅިމާމާލެ ހަލާކުކޮށްލާފަ މިހާރު މީ މީހުންކާންބޯންކުރާ މަސައްކަތަވެސްހުރަސްއަޅަނީ މިމީހުންނަށްހީވަނީ ކުރީގައި މަގުތަށް އެގޮތަށްޑިޒައިން ކޮށްފައި އެހުރީ އެއްވެސްވިސްނުމެއްނެތިއޭ މިމީހުންގަމާރުވީމާ އޭގެ ހިކުމަތްތަށް ނޭގޭތީ މުޅި މާލެ ހަރާބުވެގެންމިދަނީ
ގޭސްފުޅި
23 March 2018
ދެންވީ ހެނދުނު 11ގެ ފަހުން ގޭސް ފުޅި ހުސް ވެއްޖެ ނަަމަ މެންދުުރު ނުކައި ތިބެން.އުނދަގުލެއް އޮތިއްޔާ ކުރެވޭތޯ ބަލާތި.