އުރީދޫގެ ހާއްސަ އާންމު ޖަލްސާ
15 މާޗް 2020 - 19:14
6 comments
މި މަހުގެ ބިލް ނުދެއްކިޔަސް އުރީދޫގެ ހިދުމަތްތައް ކަނޑާނުލާނެ ކަމަށް އެ ކުންފުނިން ބުނެފި އެވެ.
އުރީދޫން ބުނީ، މޯބައިލް، ފައިބާ، ވަޔާލެސް ބްރޯޑްބޭންޑް ބިލްތަކަށް ވެސް ފައިސާ ނުދެއްކިޔަސް ހިދުމަތް ކަނޑާނުލާނެ ކަމަށެވެ. މީގެ އިތުރުން އުރީދޫން ވަނީ ކަސްޓަމަރުންނަށް ފަސޭހަ ކުރުމުގެ ގޮތުން ސުޕަނެޓް ބްރޯޑްބޭންޑް ކަސްޓަމަރުންނަށް 25 ޕަސެންޓުގެ ބޯނަސް ޑޭޓާ ދޭން ވެސް ނިންމައިފަ އެވެ.
ސްކޫލު ކުދިންނަށް އޮންލައިންކޮށް ފަސޭހަ ކަމާ އެކު ކިޔެވޭނެ އިންތިޒާމުތައް ހަމަޖެއްސުމަށްޓަކައި އެޑިއުކޭޝަނަލް އިންޓިޓިއުޝަންތަކާ އެކު މަސައްކަތް ކުރަމުން އަންނަ ކަމަށް އުރީދޫން ބުނެ އެވެ. ކޮވިޑް-19 އާ ގުޅިގެން ސަރުކާރުން ވަނީ ސްކޫލުތަކުގެ ކިޔެވުމާއި ކޮލެޖް، ޔުނިވާސިޓީތަކުގެ ކިޔެވުން ވެސް ބަންދުކޮށްފަ އެވެ.
އުރީދޫން ވަނީ އެތަނުގެ މުވައްޒަފުންނަށް ގޭގައި ތިބެގެން މަސައްކަތް ކުރެވޭނެ އިންތިޒާމުތައް ވެސް ހަމަޖައްސާފަ އެވެ.
ކަސްޓަމަރުން ހިދުމަތްތައް ހޯދުމުގައި ވެސް އޮންލައިން ޕްލެޓްފޯމުތަކުގެ ބޭނުން ކުރުމަށް އުރީދޫން އެދެ އެވެ. އެގޮތުން އެމް-ފައިސާ ބޭނުންކޮށްގެން ކަރަންޓާއި ފެނާއި ކޭބަލް ޓީވީ އާއި ގޭހަށް ފައިސާ ދެއްކޭނެ އެވެ.
ކޮވިޑް-19 އާ ގުޅިގެން އާންމުންނަށް ފަސޭހަ ހިދުމަތްތަކެއް ފޯރުކޮށްދިނުމަށް ގިނަ ކުންފުނިތަކުން ވަނީ އެކި ފިޔަވަޅުތައް އަޅައިފަ އެވެ. ރާއްޖެއިން މި ބައްޔަށް މިހާރު 13 މީހުން ޕޮޒިޓިވްވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
15 March 2020
މިހުރިހާ ދުވަހު ގޮވީ މިރާއްޖެ ދުނިޔެއަށް ބަންދު ނުކުރެވޭނެޔޭ، އިގްތިސާދު ފުޑޭނެޔޭ. ..މިހެން ތިއްބާ މަޑުމަޑުން ބަލި ފެތުރި، ބައެއް ގައުމުތަކުން މީހުން އައުން ހުއްޓުވަން މަޖުބޫރުވަނީ. އެހެން ގައުމުތަކުންވެސް މުޅިގައުމު ބަންދުކޮށްފަ އެއޮތީ، ދެންވެސް ވަގުތު އޮއްވާ ބަންދު ކުރޭ! ހިތަށްއަރަނީ ގައުމު ބަންދުކުރާނީ ގައުމަށް އޮބި ނޯންނަވަރަށް ބަލި މީހުންތަކާއިއެކުތޯ ނޫނީ ވައިރަސް ނެތް ބަޔަކާއިއެކުތޯ! ފުރާނަ ހުރިއްޔާ ފަޅޯ ދަޑި ކައިގެންވެސް އުޅެވިދާނެ!
ޑަކުޓަރު
15 March 2020
އެންމެ %25 ތަ؟ ދިރާގުން 30% ދޭން އެ އޮތީ ނިންމާފަ. ޕްރިއޮރިޓީ ކާރޑް ވެސް ހޯދަން ޖެހެނީ ރޮއެ އާދޭސް ކޮށްގެން. އަހަރެން ނެތިން ދެން އުރީދޫގަ ހުންނާކަށް. ވަރަށް ސަލާމް.
އަޙްމަދު އަލީ
15 March 2020
ދެން ޖެހިގެން އަންނަ މަހު ދެ ބިލް އެއްކޮށް އައީމަ ވަރަށް ލުއިވެފަ އޮންނާނީ
ސަނައްޓޭ
15 March 2020
ކީތްވެތަ ބިލާއެއްޗެހި ނުދެއްކެންވީ އަދި. މިއުޅެނީކީ ހާލުގައި ޖެހި ގޮތް ހުސްވެގެންނެތް ނޫން ވިއްޔަ އިރާދަކުރެއްވީތީ. ދިވެހިން ހީވަނީ ކަމެއްް ވާއިރަށް ހުރިހާއެއްޗެއް ހިލޭކުރަން ގޮވާއިރު އެހެން ކަމެއްހެން. އެހެންވެގެންނޭ އަހަރުން ކިޔަނީ އިސްރާފު ނުކޮށް ފަހަށް ރައްކާކުރާށޭ. ނެތް ފެންވަރު ދެއްކެން ނޫޅޭށޭ. ކަމއެއް ދިމާވިމަ މިޖެހެނީ ތެޅިލަ ތެޅިލަ ހުންނަން
ސަމަދު
15 March 2020
މަވެސް އުރިދޫ!
ހާދާލު
15 March 2020
ޝުކުރިއްޔާ.....ބަޔަކަށް ތިވަރުގެ ބޮޑު ލުޔެއް ދެވޭނި.