ވިޔަފާރި / ޓްރެޝަރީ ބިލް

ޓީބިލް ވިއްކި އަދަދު 28 ބިލިއަން ރުފިޔާއަށް އަރައިފި

އެމްއެމްއޭ އިދާރާ. ޓީބިިލް ވިއްކި ވަރު 28 ބިލިއަން ރުފިޔާއަށް އަރައިފި--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

14 އޮކްޓޯބަރ 2021 - 15:13

3 comments

މި އަހަރުގެ މިހާތަނަށް ޓީބިލް ވިއްކި އަދަދު 28 ބިލިއަން ރުފިޔާ އަށް އަރައިފި އެވެ.

ފިނޭންސް މިނިސްޓްރީން އާންމުކޮށްފައިވާ ތަފާސް ހިސާބުތަކުން އެނގޭ ގޮތުން މިދިޔަ އާދިއްތަ ދުވަހާ ހަމައަށް ވިއްކި ޓީބިލާއި ބޮންޑާއި ސުކޫކުގެ އަދަދު 56 ބިލިއަން ރުފިޔާއަށް އަރަ އެވެ. މީގެ ތެރެއިން ރާއްޖޭގައި ހިންގާފައިވާ މުއާމަލާތްތަކުގެ އަދަދު 46 ބިލިއަން ރުފިޔާ އަރަ އެވެ.

އިސްލާމިކް އިންސްޓްރޫމަންޓް އިޝޫކޮށްފައިވާ އަދަދު 700 މިލިއަން ރުފިޔާއަށް އަރަ އެވެ.

މަރުކަޒީ ބޭންކް، އެމްއެމްއޭ އިން ހަތަރު ވައްތަރެއްގެ ޓީބިލު އަންނަނީ ވިއްކަމުންނެވެ. އެއީ 28 ދުވަހާއި 98 ދުވަހާއި 182 ދުވަހުގެ އިތުރުން 364 ދުވަހުގެ ތެރޭގައި ފައިސާ އަނބުރާ ދައްކަންޖެހޭ ޓީބިލެވެ. އަނބުރާ ދައްކަންޖެހޭ މުއްދަތު އިތުރުވާ މިންވަރަކަށް އިންޓަރެސްޓް ރޭޓް ދާނީ ބޮޑުވަމުންނެވެ.

ފިނޭންސް މިނިސްޓްރީން އާންމުކޮށްފައިވާ ތަފާސް ހިސާބުތަކުން އެނގޭ ގޮތުން، އެއް މަހުގެ މުއްދަތަށް ދޫކުރި ޓީބިލްގެ އަދަދު 632 މިލިއަން ރުފިޔާ އަށް އެރި އެވެ. ތިން މަހުގެ މުއްދަތަށް ވިއްކި ޓީބިލްގެ އަދަދު 240 މިލިއަން ރުފިޔާ އަށް އަރަ އެވެ. މީގެ އިތުރުން ހަ މަހަށް ދޫކޮށްފައިވާ ޓީބިލްގެ އަދަދު 205 މިލިއަން ރުފިޔާއަށް އަރަ އެވެ. އަދި އެއް އަހަރަށް ދޫކުރި ޓީބިލްގެ އަދަދު 900 މިލިއަން ރުފިޔާ ލިބޭނެ އެވެ.

އެމްއެމްއޭ މެދުވެރިކޮށް ސަރުކާރުން ޓީބިލް ވިއްކުމަށް ހަފްތާއަކު އެއް ފަހަރު ހުޅުވާލަ އެވެ. ސަރުކާރުގެ ކޭޝް ފްލޯ ހަމަޖެއްސުމަށް އެމްއެމްއޭ މެދުވެރިކޮށް ސަރުކާރުން ޓީބިލް އާންމު ގޮތެއްގައި ވިއްކަނީ ޕެންޝަން ފަންޑާއި ބައެއް ބޭންކްތަކާއި ސަރުކާރު ހިއްސާވާ ބައެއް ކުންފުނިތަކާއި އަމިއްލަ ކުންފުނިތަކަށެވެ. މީގެ ތެރޭގައި މަޝްހޫރު ޗަމްޕާ ބްރަދާސްގެ ހިއްސާ އޮންނަ ކޮމާޝަލް ބޭންކް އޮފް މޯލްޑިވްސް އާއި ޔުނިވާސަލްގެ ހިއްސާ އޮންނަ ކުންފުނިތަކުން ވެސް ސަރުކާރުން ވިއްކާ ޓީބިލަށް އިންވެސްޓް ކުރެ އެވެ.

ފިނޭންސް މިނިސްޓްރީ މާލީ ބަޔާން ޓްރެޝަރީ ބިލް

3 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮރަލް

14 October 2021

ސަރުކާރުން ހަރަދު ކުޑަ ކުރަން މަސައްކަތް ނުކުރުމުގެ ނަތީޖާ އެވެ. ޓީ ބިލް އަކީ ވެސް އިންވެސްޓް ކުރާ މީހާ އާ އެކަމުގަ ބައިވެރިވާ ސިޔާސީމީހުން ގުޅިގެން ފައިދާ ވާ ވިޔަފާރި އެކެވެ. މިލިއަނުން ފައިދާ ވެ އެވެ. އިންޓްރެސްޓް ބަހާލަނީ އެވެ.