ސަނީ ލިއޯން ހަތަރު ވަނަ ފަހަރަށް ރާއްޖެ އަތުވެއްޖެ

ސަނީ ލިއޯން އާއިލާއާ އެކު ރާއްޖެ އައިސް، ވެލާނާ އިންޓަނޭޝަނަލް އެއާޕޯޓުގައި.-- ފޮޓޯ: ފިޓްފާޒިލް

27 އޮކްޓޯބަރ 2024 - 05:45

ބޮލީވުޑްގެ އެކްޓްރެސް ސަނީ ލިއޯން ޗުއްޓީ ހޭދަކުރަން އާއިލާއާ އެކު އިއްޔެ ރާއްޖެ އަތުވެއްޖެ އެވެ.

ސަނީ ވަނީ މީގެ ކުރިން ވެސް އެކި ފަހަރު މަތިން ރާއްޖެ އައިސްފަ އެވެ. މިއީ އޭނާ ރާއްޖެ އައި ހަތަރު ވަނަ ފަހަރެވެ.

ސަނީގެ އާއިލާ މިފަހަރު ޗުއްޓީ ހޭދަކުރަމުން އަންނަނީ ވ. އަތޮޅުގައި އޮންނަ ނޯއީ މޯލްޑިވްސް ކުނާވަށި ރިސޯޓުގަ އެވެ. ސަނީ ރާއްޖެ އައިސްފައި ވަނީ އޭނާގެ ފިރިމީހާ އާއި ތިން ކުދިންނާ އެކުގަ އެވެ.

View this post on Instagram

A post shared by Sunny Leone (@sunnyleone)

މި ދަތުރުގެ ފޮޓޯތަކާއި ވީޑިއޯތައް ސަނީ އަންނަނީ އޭނާގެ އިންސްޓަގްރާމްގައި ފޭނުންނާ ހިއްސާކުރަމުންނެވެ.

ވެލާނާ އިންޓަނޭޝަނަލް އެއާޕޯޓުން ސަނީއަށް މަރުހަބާ ކީ މީހުންގެ ތެރޭގައި މަޝްހޫރު ފިޓްނެސް އިންސްޓްރަކްޓަރު ފާޒިލް އިސްމާއިލް (ފިޓް ފާޒިލް) ހިމެނެ އެވެ. އޭނާ ވަނީ ސަނީއާ އެކުގައި ނަގާފައިވާ ބައެއް ފޮޓޯތައް އިންސްޓަގްރާމްގައި ހިއްސާކޮށްފަ އެވެ.

View this post on Instagram

A post shared by Fazil Ismail | FITFAZIL (@fitfazil)

ސަނީ ވަނީ އާއިލާ އެކުގައި ޗުއްޓީ ހޭދަކުރަން މިދިޔަ އަހަރާއި 2022 ވަނަ އަހަރު އަދި 2021 ވަނަ އަހަރު ވެސް ރާއްޖެ އައިސްފަ އެވެ. ކޮންމެ ފަހަރަކު ވެސް މި އާއިލާ ތިބެނީ ތަފާތު ރިސޯޓެއްގަ އެވެ.

ސަނީ އެންމެފަހުން މަސައްކަތްކުރީ މިދިޔަ އަހަރު ނުކުތް އަނޫރާގް ކަޝްޔަޕްގެ ތުރިލާ ފިލްމު "ކެނެޑީ"ގަ އެވެ.