ބޮލީވުޑްގެ ޚަބަރުތައް ކުރުކޮށް

އަހުމަދު އަދްޝަން، މިހާރު

05 މާޗް 2020 - 07:20

ޔާޝްރާޖް ފިލްމްސް އިން މި އަހަރުގެ ޖޫން މަހު ގެނެސްދޭން ނިންމާފައިވާ ފިލްމު "ބަންޓީ އޯރް ބަބްލީ 2" ގެ އާބޫ ދާބީ ޝޫޓިން ޝެޑިއުލް ނިންމާލައިފި އެވެ.

މި ފިލްމަކީ މީގެ 15 އަހަރު ކުރިން ރާނީ މުކަރްޖީ އާއި އަބީޝެކް ބައްޗަނާ އެކު، ޑައިރެކްޓަރު ޝާދު އަލީ ގެނެސްދިން "ބަންޓީ އޯރް ބަބްލީ" ގެ ދެވަނަ ބައެވެ. ނަމަވެސް އާ ފިލްމުގައި ރާނީއާ އެކު ފެންނާނީ ތަފާތު ކާސްޓެކެވެ. އޭގެ ތެރޭގައި ސައިފް އަލީ ޚާނާއި ސިދާންތު ޗަތުރަވެދީގެ އިތުރުން އާ ބަތަލާ ޝަރްވާރީ ހިމެނެ އެވެ.

#BuntyAurBabli2 team con with finesse as they wrap the Abu Dhabi schedule! #SaifAliKhan #RaniMukerji @SiddhantChturvD #Sharvari #VarunVSharma @BuntyAurBabli2_ pic.twitter.com/6ud0AxcyDx
— Yash Raj Films (@yrf) March 3, 2020

"ބަންޓީ އޯރް ބަބްލީ 2" މި ފަހަރު ލިޔެ، ޑައިރެކްޓްކުރަނީ އަލަށް ޑައިރެކްޝަނަށް ނުކުތް ވަރުން ވީ ޝަރުމާ އެވެ. މި ފިލްމު ސިނަމާތަކަށް ގެންނަން ނިންމާފައި ވަނީ ޖޫން 26 ގަ އެވެ.

ތަނީޝާގެ އާ ފިލްމެއް

ބޮލީވުޑުން މިހާތަނަށް މާ ބޮޑު ކުރިއެރުމެއް ނުހޯދުނު ބަތަލާ ތަނީޝާ މުކަރްޖީގެ އާ ފިލްމެއް އަންނަ މަހު ސިނަމާތަކަށް ގެންނަން ނިންމައި، އޭގެ ޕޯސްޓަރު ދައްކާލައިފި އެވެ.

#TanishaaMukerji... First look poster of spy-thriller #CodeNameAbdul... Directed by Eshwar Gunturu... 24 April 2020 release. pic.twitter.com/dWMIPFQyyI
— taran adarsh (@taran_adarsh) March 3, 2020

ހުނަރުވެރި ބަތަލާ ކާޖޮލްގެ ކޮއްކޮ ތަނީޝާގެ އާ ފިލްމަކީ "ކޯޑް ނޭމް އަބްދުލް" އެވެ. އީޝްވަރު ގުންތުރޫ ޑައިރެކްޓްކޮށްފައިވާ މި ސްޕައި ތުރިލާ ސިނަމާތަކަށް ގެންނަން ނިންމާފައި ވަނީ އަންނަ މަހުގެ 24 ގަ އެވެ.

"ކޯޑް ނޭމް އަބްދުލް" ގައި ބެލުންތެރިންގެ މެދުގައި މަގުބޫލު ކާސްޓެއް ވެސް ނެތެވެ. މީގައި ތަނީޝާއާ އެކު ފެނިގެންދާނީ ޚަތޭރާ ހާކިމީ އާއި ސުމެންދު ވެންކަޅޭ އާއި އަޝޯކް ޗައުދަރީގެ އިތުރުން އައްކޫ ކުލްހާރީ އެވެ.

ތަނީޝާ އެންމެ ފަހުން ފެނިފައި ވަނީ 2016 ގެ "އައްނާ" އިންނެވެ.

އާސިމާއި ހިމާންޝީގެ ލަވައެއް

"ބިގް ބޮސް 13" އިން ވިދައިލި އާސިމް ރިއާޒާއި އެ ޝޯ އިން އޭނާ އަށް ލިބުނު ބައިވެރިޔާ ހިމާންޝީ ކްރާނާގެ ވީޑިއޯ ލަވައެއް ބެލުންތެރިންނަށް ގެނެސްދޭން ތައްޔާރުވާން ފަށައިފި އެވެ.

މި މަހުގެ 18 ވަނަ ދުވަހު އާންމުކުރާ މި ލަވަ އަކީ ބޮލީވުޑްގައި މިހާރު އެންމެ ވިދާ އަންހެން ލަވަކިޔުންތެރިންގެ ތެރޭގައި ހިމެނޭ ނޭހާ ކައްކަރް ކިޔާފައިވާ ލަވައެކެވެ. ދޭސީ މިއުޒިކް ފެކްޓްރީން ގެނެސްދޭ ލަވައިގައި އަންޝުލް ގަރްގް ވެސް ހިއްސާވެ އެވެ.

View this post on Instagram

A post shared by Himanshi Khurana 👑 (@iamhimanshikhurana) on Mar 2, 2020 at 4:44am PST

މި ވީޑިއޯ ލަވަވެގެން ދާނީ އާސިމާއި ހިމާންޝީގެ ޖޯޑު އެކީގައި ފެންނަ ފުރަތަމަ ލަވައަށެވެ.

އާސިމްގެ އެހެން ވީޑިއޯ ލަވައެއް ވެސް ރިލީޒްކުރަން މިހާރު އަންނަނީ ތައްޔާރުވަމުންނެވެ. އެއީ މި މަހު ފާހަގަކުރާ ހޮލީއާ ގުޅުވައިގެން، ބޮލީވުޑްގެ ބަތަލާ ޖެކްލިން ފެނަންޑޭޒާއި އާސިމް ބައިވެރިކޮށްގެން ހަދާ ލަވައެކެވެ.

ޝްރޫތީ ޕްލާސްޓިކް ސާޖަރީ ހެދި

ތުންފަތް ރީތިކުރަން ޕްލާސްޓިކް ސާޖަރީއެއް ހެދިކަން ބަތަލާ ޝްރޫތީ ހަސަން އެއްބަސްވެއްޖެ އެވެ.

މަޝްހޫރު އެކްޓަރު ކަމަލް ހަސަންގެ ދޮށި އަންހެން ދަރިފުޅު ޕްލާސްޓިކް ސާޖަރީއެއް ހެދި ވާހަކަ އަކީ ވަރަށް ގިނަ ދުވަސްތަކެއް ވަންދެން ތުންތުންމަތިން ދެކެވެމުން ދިޔަ ވާހަކަ އެވެ. ނަމަވެސް އެކަމާ ބެހޭ ގޮތުން މިހާތަނަށް ހިމޭނުން ހުރުމަށް ފަހު، ޝްރޫތީ ވަނީ އިންސްޓަރްގާމްގައި އާންމުކުރި ދިގު ޕޯސްޓެއްގައި ޕްލާސްޓިކް ސާޖަރީ ހެދި ވާހަކަ ހިއްސާކޮށްފަ އެވެ.

View this post on Instagram

So .... I decided to post this right after my previous post and I’ll tell you why. I’m not one driven by other people’s opinions of me but the constant commenting and she’s too fat now she’s too thin is so avoidable. These two pictures have been taken three days apart. I’m sure there are women out there who relate to what I’m going to say. Most often I’m at the mercy of my hormones mentally and physically and over the years I work hard to try and have a healthy relationship with it. It isn’t easy. The pain isn’t easy the physical changes aren’t easy but what’s become easier to me is to share my journey. No one famous or not is in a position to judge another person. Ever. That’s just not cool. I’m happy to say this is my life my face and yes I’ve had plastic surgery which I’m not ashamed to admit. Do I promote it ? No am I against it ? No - it’s just how I choose to live. The biggest favour we can do for ourselves and others is just be and learn to accept the changes and the movement of our bodies and minds. Spread love and be chill . I’m learning everyday to love me for me just a little more because the greatest love story of my life is with myself and I hope yours is too :)

A post shared by @ shrutzhaasan on Feb 27, 2020 at 4:02am PST

އޭނާ ބުނެފައިވާ ގޮތުގައި އެކަން ކުރަން މަޖުބޫރުވީ އޭނާގެ މޫނުމަތީގެ ސިފައާ ދޭތެރޭ ބައެއް ޑައިރެކްޓަރުން ހިތްހަނުޖެހިގެން އެ ވާހަކަ ދައްކާތީ އެވެ. މަދުމަދުން ބޮލީވުޑްގެ ފިލްމުތަކުން ފެންނަ ޝްރޫތީ އަކީ އިންޑިއާގެ ދެކުނު ފިލްމު އިންޑަސްޓްރީގެ މަޝްްހޫރު ބަތަލާއެކެވެ.

އޭނާ ބުނީ ޕްލާސްޓިކް ސާޖަރީއެއް ހެދި ވާހަކަ ހިއްސާކުރި ނަމަވެސް އެކަމަކީ އެއްވެސް މީހަކަށް ހިތްވަރުދޭ ކަމެއް ނޫނެވެ. ނަމަވެސް ބޮލީވުޑްގެ ބައެއް ބަތަލާއިންނަކީ ސިފަ ރީތިކުރަން ޕްލާސްޓިކް ސާޖަރީ ހަދާފައިވާ މީހުންނެވެ.