ކެޓްރީނާ ކެއިފްގެ ސުޕަހީރޯ ފިލްމަށް 200 ކްރޯޑް ރުޕީސްގެ ބަޖެޓެއް

އަހުމަދު އަދްޝަން، މިހާރު

19 ޖުލައި 2020 - 08:25

ކެޓްރީނާ ކެއިފާ އެކު، ޑައިރެކްޓަރު އަލީ އައްބާސް ޒަފަރު ހަދަން ނިންމާފައިވާ ސުޕަހީރޯ ފިލްމަކީ 200 ކްރޯޑް ރުޕީސްގެ ބަޖެޓަކުން ދެ ބަޔަކަށް ހަދާނެ ފިލްމެއް ކަމަށް ބޮލީވުޑް ހަންގާމާ އިން ބުނެފި އެވެ.

ކުރިން ވެސް އަޑުއަރާފައިވާ ގޮތުން މި ފިލްމަކީ ބޮލީވުޑްގައި މިހާތަނަށް ބަތަލާ އަކު ސެންޓްރަލް ކެރެކްޓާ ކުޅޭ ފިލްމަކަށް މިހާތަނަށް އެންމެ ބޮޑު ބަޖެޓަކުން ހަދާނެ ފިލްމެވެ. އެގޮތުން ކުރިން މީޑިއާތަކުން ބުނީ މި ފިލްމަކީ 90 ކްރޯޑް ރުޕީސް (12 މިލިއަން ޑޮލަރު) އިން ހަދާނެ ފިލްމެއް ކަމަށެވެ.

އަލީގެ ޓީމާ ވަރަށް ގާތް ބަޔަކާ ހަވާލާދީ ހަންގާމާ އިން ބުނި ގޮތުގައި މި ސުޕަހީރޯ ފިލްމު ދެ ބަޔަކަށް ހަދަން ނިންމާފައިވާ އިރު، ފުރަތަމަ ބަޔަށް ގާތްގަނޑަކަށް 80-85 ކްރޯޑް ރުޕީސް (10-11 މިލިއަން ޑޮލަރު) ހޭދަކުރާނެ އެވެ.

އެގޮތުން ދެ ބަޔަކަށް މުޅި ޕްރޮޖެކްޓް ފުރިހަމަކުރަން 200 ކްރޯޑް ރުޕީސް (27 މިލިއަން ޑޮލަރު) ހޭދަކުރަން ނިންމާފައިވާ ކަމަށާއި މި ފިލްމަކީ ނެޓްފްލިކްސްއާ ގުޅިގެން ގެނެސްދޭނެ އެއްޗެއް ކަމަށް ހަންގާމާ އިން ބުންޏެވެ. އޭގެ މާނަ އަކީ ފިލްމު ސިނަމާތަކުގައި ރިލީޒްކުރުމުގެ ބަދަލުގައި ބެލުންތެރިންނާ ހަމައަށް ގެނެސްދޭޭނީ ސީދާ ނެޓްފްލިކްސްގެ އޮރިޖިނަލްއެއްގެ ގޮތުގަ އެވެ.

Katrina ge superhero filmah 90 crore ge budget eh

The most trusted news source in the Maldives

Mihaaru

ހަންގާމާ ބުނިގޮތުގައި މި ފިލްމަކީ މިހާތަނަށް ހިންދީ ފިލްމަކުން ބަތަލާއަކު ނުފެންނަހާ ތަފާތުކޮށް އަދި ވަރަށް ތަފާތު އެކްޝަންތަކެއް ވެއސް ފެނިގެންދާނެ ފިލްމެކެވެ. ކުރިން ވެސް މީޑިއާތަކުން ވަނީ މި ފިލްމަށް ތައްޔާރުވުމުގެ ގޮތުން ކެޓްރީނާ ހަށިގަނޑު ވަރަށް ބޮޑަށް ފިޓްކޮށް، އެކްޝަންތައް ދަސްކުރުމުގެ ޓްރޭނިންތަކެއް ވެސް ހަދަން ފަށާފައިވާ ކަމަށް ބުނެފަ އެވެ.

އަލީ ބުނިގޮތުގައި ފިލްމުގެ ސްކްރީންޕްލޭ ވެސް މިހާރު ފައިނަލްކޮށްފައިވާ އިރު ދެން އޮތީ ޝޫޓިން ފެށުމެވެ. އެގޮތުން މީގައި އިންޓަނެޝަނަލް ޓެކްނީޝަންގެ ވަރުގަދަ ޓީމެއް މަސައްކަތްކުރާނެ ކަމަށް ވެސް ބުންޏެވެ. އެހެންވެ އަލީ ބެލުންތެރިންނަށް ގެނެސްދޭ ފުރަތަމަ ސުޕަހީރޯ ފިލްމު އަދި ހިންދީ ސިނަމާ އަށް ގެންނަ ފުރަތަމަ އަންހެން ސުޕަހީރޯ ފިލްމަކީ ވަރަށް ވެސް ވަރުގަދަ އެއްޗަކަށްވާނެ ކަމުގެ އުންމީދު ބޮޑެވެ.

Katrina ge superhero film 2 bayakah, rights Netflix ah

The most trusted news source in the Maldives

Mihaaru

ކެޓްރީނާ ވަނީ އަލީއާ އެކު މީގެ ކުރިން ވެސް ތިން ފިލްމެއްގައި މަސައްކަތްކޮށްފަ އެވެ. އެއީ މިދިޔަ އަހަރުގެ "ބާރަތު" އާއި 2017 ގެ "ޓައިގާ ޒިންދާ ހޭ" ގެ އިތުރުން 2011 ގެ "މޭރޭ ބްރަދާ ކީ ދުލްހަން" އެވެ.

ބޮލީވުޑް ކެޓްރީނާ ކައިފް ބޮލީވުޑް ފިލްމު

2 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަޒުމާ

19 July 2020

ސުޕަހީރޯ އަކީ ފިލްމުގެ ނަންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔާލިމިނިއާ

20 July 2020

ނޫން އެއީ އާދަޔާޚިލާފު ރަުހާނީ ނޫނީ އެނޫންވެސް އެފަދަ ބާރުތަކެއް ލިބިފައިވާ މީހުން. މިސާލަކަށް ސްޕައިޑަރ މޭން ސުޕަމޭން ކެޓް ވުމަން. ބަޔޮނިކް މޭން ބަޔޮނިކް ވަުމަން ފަދަ ކެރެކްޓާރތައް . ފިލްމަށް އަދި ނަމެއް ނުދޭތީހެން ހީވަނީ ނަން ނުޖަހާއޮތީ.