ޓޭލާ ސްވިފްޓްގެ އާ އަލްބަމަކީ "ފޯކްލޯ"

އެމެރިކާގެ މަޝްހޫރު އަންހެން ލަވަކިޔުންތެރިޔާ ޓޭލާ ސްވިފްޓް "ފޯކްލޯ" ގެ ނަމުގައި އާ އަލްބަމް ހުކުރު ދުވަހު ނެރެފި އެވެ.

އާ އަލްބަމެއް ނެރެން އުޅޭކަމުގެ އިޝާރާތެއް ކުރިން ދިނުމަކާ ނުލައި ނެރުނު މި އަލްބަމްގައި 16 ލަވަ ހިމެނޭ އިރު، ޓޭލާ ބުނީ އާ އަލްބަމަކީ މި ލޮކްޑައުންގެ ތެރޭގައި ކުރި މަސައްކަތް ކަމަށެވެ. ރިޕަބްލިކް ރެކޯޑްސްގެ ތައްގަނޑުގައި ނެރުނު "ފޯކްލޯ" މިދިޔަ އަހަރު ގެނެސްދިން އަލްބަމް "ލަވާ" ރިލީޒްކުރިތާ އެންމެ 11 މަސް ދުވަހުގެ ތެރޭގައި ޓޭލާ އާންމުންނަށް ދޫކޮށްލި އަލްބަމެކެވެ. އަދި މިއީ 30 އަހަރުގެ ލަވަކިޔުންތެރިޔާގެ ކެރިއަރުގައި ދޭތެރެ އެންމެ އަވަސްކޮށް ނެރުނު އަލްބަމް ވެސް މެ އެވެ.

ޓޭލާ އެންމެ ފުރަތަމަ ނެރުނު އަލްބަމަކީ 2006 ގައި ނެރުނު "ޓޭލާ ސްވިފްޓް" އެވެ. އޭގެ ފަހުން 2008 ގައި "ފިއަލެސް" އާއި 2010 ގައި "ސްޕީކް ނައު"، 2012 ގައި "ރެޑް"، 2014 ގައި "1989" އަދި 2017 ގައި "ރެޕިއުޓޭޝަން" ގެނެސްދިނެވެ.

މިއުޒިކީ ދާއިރާ އިން އެތައް ކާމިޔާބީއެއް ހޯދާފައިވާ ޓޭލާ އަކީ މިހާތަނަށް 10 ގްރެމީ އެވޯޑް ހާސިލުކޮށްފައިވައިވެ އެވެ.