ބިގް ބޮސް 14: "ކަނެކްޝަން" ގެ ގޮތުގައި އިތުރު ބައިވެރިންތަކެއް ގެއަށް

ރިއަލިޓީ ޝޯ "ބިގް ބޮސް" ގެ 14 އަހަރުގެ ތާރީހުގައި ވެސް އެންމެ މަގުބޫލުކަން ކުޑަ އެއް ސީޒަނުގެ ގޮތުގައި ފާހަގަކުރެވުނު، ކަލާޒް އިިން މިހާރު ގެނެސްދޭ 14 ވަނަ ސީޒަން ނިންމާލަން ދެ ހަފުތާއެއް ވެފައި ވަނިކޮށް އަނެއްކާ ވެސް އިތުރު ބައިވެރިންތަކެއް ގެއަށް ވައްދައިފި އެވެ.

ޝޯގައި މިހާރު ދެމިތިބި ބައިވެރިންގެ "ކަނެކްޝަން" އިންގެ ގޮތުގައި ފުރުސަތު ދީފައި ވަނީ ޝޯގައި ވާދަކުރާ އަލީ ގޯނީގެ ލޯބިވެރިޔާ އަދި މި ފަހަރުގެ ސީޒަންގެ އޮރިޖިނަލް ބައިވެރިންގެ ތެރެއިން ކަޓައިގެން ދިޔަ ޖޭސްމިން ބާސިނާއި ރާހުލް ވައިދިއާގެ "ކަނެކްޝަންގެ" ގެ ގޮތުގައި ފުރުސަތު ދިން ލަވަކިޔުންތެރިޔާ ތޯޝީ ސަބްރީ އާއި ނިކީ ތަމްބޯލީގެ "ކަނެކްޝަން" ގެ ގޮތުގައި ސިޒަން 14 ގެ އޮރިޖިނަލް ބައިވެރިންގެ ތެރެއިން ކަޓައިގެން ދިޔަ ޖާން ކުމާރު ސާނޫ އާއި ރުބީނާ ދިލައިކާއި ފިރިމީހާ އަބިނާވް ޝުކްލާގެ "ކަނެކްޝަން" ގެ ގޮތުގައި ރުބީނާގެ ކޮއްކޮ ޖޯތިއާ ދިލައިކާއި ރާކީ ސާވަންތުގެ "ކަނެކްޝަން" ގެ ގޮތުގައި ވިދޫ ދާރާ ސިންގް އަދި މިހާރު އިޖާޒްގެ "ޕްރޮކްސީ" ގެ ގޮތުގައި ވާދަކުރާ ޑެވޮލީނާ ބަޓަޗަރްޖީގެ "ކަނެކްޝަން" ގެ ގޮތުގައި "ބިގް ބޮސް ސީޒަން" 13 ގައި ވާދަކުރި ޕާރަސް ޗާބްޅާ އެވެ.

ބައިވެރިންތަކެއް ގެއަށް ވެއްދި އިރު އަރްޝީ ޚާން ވަނީ އާދީއްތަ ދުވަހުގެ ރޭ ޝޯ އިން ކަޓައިފަ އެވެ. އޭނާ އާއި ރާކީ އަކީ "ބިގް ބޮސް 14" އިން ޗެލެންޖާޒްގެ ގޮތުގައި މި ފަހަރު ފުރުސަތު ލިބުނު ހަ ބައިވެރިންގެ ތެރޭގައި ހިމެނޭ ބައިވެރިންނެވެ.

މިދިޔަ އަހަރުގެ އޮކްޓޯބަރު 3 ގައި މި ފަހަރުގެ ސީޒަން ފެށި ފަހުން ގަދަހިފުމުގައި އެއް ވާނެއްގައި ވާދަކުރަނީ ރުބީނާގެ ދެމަފިރިންނެވެ. ނިކީ އާއި ރާހުލް އަކީ އޮރިޖިނަލް ބައިވެރިންގެ ތެރެއިން ދެވަނަ ފުރުސަތެއް ލިބުނު ބައިވެރިންނެވެ. އަލީ އަކީ ވައިލްޑް ކާޑްގެ ދަށުން ފުރުސަތު ލިބުނު ބައިވެރިއެކެވެ.

އަލަށް ގެއަށް ވެއްދި ބައިވެރިންނަކީ ޝޯގައި މިހާރު ވާދަކުރާ ބައިވެރިން "ހަމަ މަގަަށް" އަޅުވައިދޭން ދުވަސްކޮޅެއް ވަންދެން ގޭގައި ތިބޭނެ ބައެކެވެ. އެ މީހުންނާ އެކު ޝޯގެ ފުރަތަމަ އެޕިސޯޑް ހޯމަ ދުވަހުގެ ރޭ ގެނެސްދޭނެ އެވެ.

ސަލްމާން ޚާން ހޯސްޓްކުރާ "ބިގް ބޮސް 14" ގެ މި ފަހަރު އެންމެ އާންމު ކަމަކީ އެކި ފަހަރުމަތިން އެކިއެކި ބައިވެރިން ގެއަށް ވައްދާފައި ނެރުމުގެ ކުޅިގަނޑެވެ. އަދި މިކަންވެފައި މި ފަހަރު ޝޯ ބަލާ މީހުން ވަރަށް ފޫހިކުރުވާ ކަހަލަ ކަމަކަށެވެ.