އަމީތާބާއި ސޫރަޖްގެ ފިލްމަކީ "އޫޗާއީ"

އަހުމަދު އަދްޝަން، މިހާރު

26 ފެބުރުއަރީ 2021 - 08:25

އަމީތާބް ބައްޗަނާ އެކު ޑައިރެކްޓަރު ސޫރަޖް ބަރްޖަތިއާ މަސައްކަތްކުރަން ހަމަޖެހިފައިވާ ފިލްމުގެ ނަމަކީ "އޫޗާއީ" ކަމަށް ރިޕޯޓްތައް ބުނެފި އެވެ.

މިއީ ދުވަސްވީ ދެ އެކުވެރިއެއްގެ ވާހަކަ ކިޔައިދޭ އަސަރު ގަދަ ފެމިލީ ޑްރާމާއެކެވެ. އަމީތާބާ އެކު ފިލްމުގެ މުހިއްމު ރޯލަކަށް ބޮމަން އިރާނީ ވެސް ސޮއިކޮށްފައި ވަނިކޮށް، އޭގެ ކާސްޓަށް މިހާރު އަނޫޕަމް ކޭރް ވެސް އިތުރުވެފައިވާ ކަމަށް މީޑިއާތަކުން ބުންޏެވެ.

"އޫޗާއީ" އަކީ ސޫރަޖާ އެކު އަމީތާބާއި ބޮމަން މަސައްކަތްކުރާ ފުރަތަމަ ފިލްމު ކަމަށް ވިޔަސް އޭނާގެ ބައެއް ފިލްމުތަކުގައި އަނޫޕަމް ކުރިން ވެސް މަސައްކަތްކޮށްފައިވެ އެވެ. އެގޮތުން ސޫރަޖް އެންމެ ފަހުން ގެނެސްދިން 2015 ގެ "ޕްރޭމް ރަތަން ދަން ޕާޔޯ" އާއި 2006 ގެ "ވިވާ" އަދި 1994 ގެ "ހަމް އާޕް ކޭ ހޭ...ކޯން" ހިމެނެ އެވެ.

ރިޕޯޓްތައް ބުނާގޮތުން "އޫޗާއީ" ގެ ޝޫޓިން ކުރިން މި މަހު ފަށަން އޮތް ނަމަވެސް ފިލްމުގެ މަސައްކަތް މިހާރު ވަނީ މި އަހަރުގެ ސެޕްޓެމްބަރަށް ފަސްކޮށްފަ އެވެ. އަދި އަންނަ އަހަރު ބެލުންތެރިންނަށް ފިލްމު ގެނެސްދޭނެ އެވެ.

Amitabh aa eku Sooraj hadhaa film ge shooting faskoffi

The most trusted news source in the Maldives

Mihaaru

ސޫރަޖަކީ 1989 ގެ "މޭ ޕިޔާރު ކިޔާ" ގެނެސްދީގެން މަޝްހޫރުވި ޑައިރެކްޓަރެވެ. އޭނާ އަކީ ފެމިލީ ޑްރާމާ ޖޯންރާ އަށް ހިންދީ ސިނަމާގައި އެންމެ އަރާހުރި ޑައިރެކްޓަރެވެ.