"ޓައިމް" މެގަޒިންގެ ނަމުގެ ބަދަލުގައި "ވޯޓް"

އަހުމަދު އަދްޝަން، މިހާރު

26 އޮކްޓޯބަރ 2020 - 08:32

އެމެރިކާގެ މަޝްހޫރު ހަފުތާ މަޖައްލާ "ޓައިމް" ގެ އެންމެ ފަހުގެ އަދަދު އެ މަޖައްލާގެ ތާރީހުގައި ވެސް މިހާތަނަށް ނަމާ ނުލައި ގެނެސްދޭން ނިންމައި ކަވަރު ދައްކާލައިފި އެވެ.

އަންނަ މަހު ބާއްވާ ރިއާސީ އިންތިހާބާ ގުޅުވައިގެން ނެރޭ އަދަދުގެ ނަަމަކަށް އިނީ "ޓައިމް" ގެ ފޮންޓް އިންނަ ގޮތަށް "ވޯޓް" އެވެ. މިއީ 1923 ގައި އެ މަޖަލައްލާ ނެރެން ފެށި ފަހު ނަން ނުޖަހައި ނެރޭ ފުރަތަމަ އަދަދެވެ.

އެމެރިކާގެ ތާރީހުގައި ވެސް ފާހަގަކޮށްލެވޭ އިންތިހާބެއްގެ ގޮތުގައި އަންނަ މަހު ބާއްވާ އިންތިހާބު ފާހަގަކުރެވޭ އިރު އެކަމާ ގުޅުވައިގެން ނެރޭ "ޓައިމް" ގެ ކަވަރުގައި ޖަހާފައި އިނީ "ވޯޓް" ލިޔެފައި އިން ސްކާފެއް އަނގަމަތީގައި އަޅައިގެން އިންނަ އަންހެނެއްގެ ކުރެހުމެކެވެ. އަދި ކަވަރުގެ މައި ސުރުޚީ އަކީ "ޓައިމް ސްޕެޝަލް ރިޕޯޓް" އެވެ.

ކަވަރުގައި ހިމަނާފައިވާ ކުރެހުމަކީ 2008 ގެ ރިއާސީ އިންތިހާބުގައި އޭރު ވާދަކުރެއްވި ބަރަކް އޮބާމާގެ ކެމްޕޭނަށް "ހޯޕް" ގެ ނަމުގައި ޕޯސްޓަރެއް ހެދި ގްރެފިކް އާޓިސްޓް ޝެފާޑް ފައިރީގެ ކުރެހުމެކެވެ.

View this post on Instagram

"Few events will shape the world to come more than the result of the upcoming U.S. presidential election," writes Edward Felsenthal, the Editor-in-Chief and CEO of TIME. "To mark this historic moment, arguably as consequential a decision as any of us has ever made at the ballot box, we have for the first time in our nearly 100-year history replaced our logo on the cover of our U.S. edition with the imperative for all of us to exercise the right to vote. To help, we've provided readers with a guide on how to vote safely during this extraordinary year." The artwork on the cover is by Shepard Fairey, whose work includes two prior TIME covers. "Even though the subject in the portrait knows there are additional challenges to democracy during a pandemic," Fairey says of the image, the person is determined to use their "voice and power by voting." Read everything you need to know about voting at the link in bio. Illustration by Shepard Fairey (@obeygiant) for TIME

A post shared by TIME (@time) on Oct 22, 2020 at 5:21am PDT

އެމެރިކާގެ ރިއާސީ އިންތިހާބުގެ މި ފަހަރުގެ މައި ކެންޑިޑޭޓުންނަކީ ދެވަނަ ދައުރަކަށް ވާދަކުރައްވާ ޑޮނަލްޑް ޓްރަމްޕާއި ކުރީގެ ނައިބު ރައީ ޖޯ ބައިޑަން އެވެ. މަސްރަހު ދިރާސާކުރާ ފަރާތްތަކުން ބުނާގޮތުގައި އެމެރިކާގެ މި އަހަރުގެ އިންތިހާބު އެންމެ ހާއްސަވާ މައިގަނޑު ސަބަބަކީ އެ ގައުމުގެ ތާރީހުގައި ވެސް މިހާތަނަށް ވެރިކަމަށް ވަޑައިގެންނެވި އެންމެ ކަމުނުދާ ރައީސްގެ ގޮތުގައި ފާހަގަކުރާ ޓްރަމްޕަށް ދެވަނަ ދައުރެއް ނުދިނުމަށް ގިނަ ރައްޔިތުން ބޭނުންވުމެވެ.

އެމެރިކާގެ ތާރީހު ބަދަލުކުރަން ގިނަ ބަޔަކު ނުކުމެ ވޯޓް ދިނުމަށް، ނުފޫޒުގަދަ "ޓައިމް" އިން ވެސް ހިތްވަރު ދީފައިވާ އިރު، އެ މަޖައްލާގެ ކަވަރަށް މިހާތަނަށް ޓްރަމްޕް 20 ފަހަރެއްގެ މަތިން އަރާފައިވެ އެވެ. އެއީ އޭނާ ބޮޑެތި މައްސަލަތަކާ ގުޅޭ ގޮތުން ގެންގުޅުއްވާ ސިޔާސަތުތަކާ ދެކޮޅަށް ފާޑުކިޔުމުގެ ގޮތުންނެވެ.

"ޓައިމް" އެންމެ ފަހުގެ އަދަދު ވިއްކަން ފަށާނީ އަންނަ ހުކުރު ދުވަހު އެވެ. އެމެރިކާގެ ރިއާސީ އިންތިހާބު އޮންނާނީ އަންނަ މަހުގެ 3 ގަ އެވެ.