30 ޑިސެމްބަރ 2017 - 00:23
8 comments
ޕެނަލްޓީ ޖަހައިގެން 8-7 އިން މާޒިޔާ ބަލިކޮށް ޔޫތު ޗެމްޕިއަންޝިޕް ފުޓްބޯޅަ މުބާރާތް ޖެހިޖެހިގެން ތިން ވަނަ ފަހަރަށް ކްލަބް އީގަލްސް މިއަދު ހަވީރު ކާމިޔާބުކޮށްފި އެވެ.
ދިވެހި ފުޓްބޯޅައިގެ ތެރެއަށް ޒުވާން ކުޅުންތެރިން ނެރުމުގައި ބޮޑު މަޝްހޫރުކަމެއް ހޯދާފައިވާ އީގަލްސް ވެފައިވަނީ، 21 އަހަރުން ދަށުގެ ކުޅުންތެރިންނަށް ހާއްސަކޮށްގެން އެފްއޭއެމުން 2011 ވަނަ އަހަރު ތައާރަފްކުރި މުބާރާތުގެ އެންމެ ކާމިޔާބު ޓީމަށެވެ.
މިއަދުގެ މެޗުގެ ފުރިހަމަ ވަގުތު ހަމަވިއިރު ދެ ޓީމު 1-1 އިން އެއްވަރުވެފައި އޮތުމުން އިތުރު ވަގުތު ނުކުޅެ ނަތީޖާ ނެރެން ޕެނަލްޓީ ޖެހީ އެވެ. މެޗުގައި ލީޑު ނެގީ މާޒިޔާ އިންނެވެ. އެ ޓީމަށް 43 ވަނަ މިނެޓުގައި މި ގޯލް ޖަހައިދިނީ އިބްރާހިމް އަތީގް ހަސަނެވެ. އީގަލްސް އަށް އެއްވަރުކޮށްދިނީ މެޗު ނިމެން ތިން މިނެޓަށް ވެފައިވަނިކޮށް އަހުމަދު ތޮލާލެވެ.
މުބާރާތުގެ އެންމެ މޮޅު ހަތަރު ކުޅުންތެރިންނަށް ހޮވުނީ މާޒިޔާގެ އަތީގާއި އަބްދުﷲ ޖުނައިދު އަދި އީގަލްސްގެ މުހައްމަދު ނާއިމާއި މުހައްމަދު އަޝްވާނެވެ. މުބާރާތުގެ އެންމެ މޮޅު ކޯޗަކަށް ހޮވުނީ އީގަލްސްގެ އަހުމަދު ޝާކިރު (ޝާކިއްޓެ) އެވެ. ފެއާޕްލޭ ޓީމަކަށް ހޮވުނީ ވެސް އީގަލްސް އެވެ.
އީގަލްސް އަކީ މި މުބާރާތަށް އެންމެ ބޮޑަށް ތައްޔާރުވި ޓީމެވެ. އެގޮތުން އީގަލްސް އިން ވަނީ ދާދި ފަހުން ނިމުނު އެފްއޭ ކަޕްގައި ޔޫތު ޓީމު ބައިވެރިކޮށްފަ އެވެ. އީގަލްސް ޓީމު އެ މުބާރާތުގެ ކުއާޓާ ފައިނަލުގައި ބަލިވީ ސީޒަނުގެ އެންމެ ކާމިޔާބު ޓީމު ނިއު ރޭޑިއަންޓް އަތުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަރީރު
31 December 2017
ކާމިޔާބު ވާނެ އެއްނު ސާންތީ އާއި ސާކިރު ވެގެން ގައުމީ އަންޑާ 19 ޓީމް އޮތްގޮތައް އީގަލްސް އައް. މިއަހަރު އަންޑާ 19 ގައުމީ ޓީމްގެ އެންމެ ރަގަޅު އެއްސޮރު އޮގީ ވެސް އެހެރީ އީގަލްސް އައް ގެންގޮއްސަ. އެސޮރު މިއޮއްހާ ދުވަހު ކުޅުނީ ބީޖީ އައް. އެސޮރު ނެރުނީ ސާޒްލީ އެކަމް ނަންވާނީ އީގަލްސް.
ތަކުރު
30 December 2017
ރާއްޖޭގެ 21 އަހަރުން ދަށުގެ ގައުމީޓީމް ލާގެން ވީވަރުމިފެނުނީ ދެންކިހިނެއް ބޭރުގެ މުބާރާތްތަކުން ރަގަޅުނަތީޖާއެން ނެރޭނީ ސާންތީބޭނުން ވާކުދިން ގައުމީޓީމަށް ނަގަނީ ދެންހުރީ އަސްލަމް މިހުރިހާދުވަހަކު ގެންގުޅުނު ކީޕަރުގެ ފެންވަރު ފެނިންޖެ ދުރުން އަތަށް ޖެހިބޯޅަވެސް ނިހިފުނު ދިނީ އިދިކޮޅު ޓީމަށް ރީތި ޑިގެށް ދިވެހި ފުޓްބޯޅަ ކުރިއަރުވައްބޭނުނިންޔާ ޖޫނިޔާ ޓީމްތަށް އެހެން ކޯޗްއިން ނަން ހަވާލުކުރަން ފެނޭ!
ތަންދޮރު އިނގިގެން އުޅެބަލަ
30 December 2017
ސީނިއާރ ޤައުމީ ޓީމުގައި ގިނައީ ނިއުގެ ކުޅުންތެރިން. އިނގޭތަ މިއަހަރު ބައި ކޮޅަށް ވަނީ ކިތައް ލަނޑުކަން. ޔޫތު ޓީމެއް އުފައްދަބަލަ ފުރަތަމަ އޭރުން ޔޫތް ޤައުމީ ޓީމަށް ވެސް ނިއުގެ ކުޅުންތެރިން ނަގާނެ ތޯޗެއް!
ަަުުުުުުުަައަައްޔް
31 December 2017
ރާއްޖޭގެ 21 އަހަރުން ދަށުގެ ގައުމީ ޓީމެއް އޮވޭބާ ؟ މާޒިއާ އަށް ތަށި ނުލިބުނީމަ ހަޖަމް ނުވީދޯ ؟ ގަައުމީ ޓީމް ގެ 17 ޕްލޭޔަރުން ލައިގެން އުޅުނު ޓީމް ތައްވެސް ދެކުނިން، ކިތައް ތަށި ލިބުނުބާ ؟ ކީއްވެބާ ލާރި ހުރި ބޮޑެތި ކުލަބް ތަކުން މި ޒުވާން ކުޅުންތެރިން ތައް ނުގެން ދަނީ ؟ ގައިމު ލާރި ދީފިއްޔާ ދާނެދޯ ؟ ކޮންމެ ބަޔަކު ލައިގެން ނަމަވެސް އެޔޮތީ ތަށި މިލްކް ކޮއްފައި..ސޮރީ
މުފާ
30 December 2017
މަރުހަބާ އީގަލްސް. ކޮބާތަ އެއްކަލަ ރަސްގެފާނު؟ ބައިވެރިވެސް ނުވޭ ދޯ! #ލަދް
ހުސޭނު
30 December 2017
ލަދް ގަންނަން ވީ މުފާ އެފްއޭއެމް ގެ ޓީމެއް ބައިވެރި ކޮށްގެން އީގަލްސްގެ ނަމުގައި. އެހެންޓީމްތައް އެހެންވެ ތިމުބާރާތް ބޯކޮޓްކުރީ އެކަމަކު އީގަލްސްއިން ޔޫވީ އަދި ތިނަދޫ ބައިވެރިކޮށް ތަށިމިލްކް ކުރަން މަސަތްކަތް ކުރީމަ މާޒިޔާއިން ނިކުތީ 2 ދުވަހުގެ ޕްރެކްޓިސްއާއެކީ. އަންޑަރ 21 ޓީމް ރާއްޖޭން ބޭރު ދެމުބާރުތުގަ ދަށް ނަތީޖާތައް ނެރުނީމާ ސާންތީއަށް ކެއްނުވެގެން އީގަލްސްގެ ނަމުގަ ނެރުނީ. މުބާރާތުގެ ވަނަތައް ވެސް ތިހިރީ ހަމަ އެކަހަލަ ގޮތަކަށް. އެންމެ ގިނަ ގޯލް ޖެހި ކުޅުންތެރިޔާ ނުހޮވާ. ގަދަ 4 ހޮވީ އެކަމަކު އާންމު އިސޫލަކީ ގަދަ5 ދޯ. ކީޕަރުވެސް 3 ތިންމެޗް ކުޅުނު ކުއްޖެއް. މުބާރާތް ބެލި އަދި އެނަލައިސް ކުރިމީހަކަށް ވިއްޔާ އެގޭ މުބާރާތުގެ އެންމެ މޮޅީ ކޮން ކީޕަރެއްކަން. ރާއްޖޭގަ ކީޕަރުންނަށް ޖެހޭ އެން ބޮޑުމައްސަލަ މިމުބާރާތުން ފެނިގެން ދިޔައީ އަގު ވަޒަން ނުކުރާކަން ވަކިބަޔަކު މުޅިއެތި ހިސޯރު ކޮށްފަ. # ލަދު އެފްއޭއެމް
ބްލޫޒް
30 December 2017
އަހަރުމެން ބަައިވެރި ނުވާތީ ތި ލިބުނީ. #ލަދް އެއް ނުގަނޭ، އަތޮޅު މުބާރާތްތަކާ ޒޯން މުބާރާތްތައްވެސް އެ ކުޅެނީނު، ރަސްގެފާނު ނުވާނެ ބައިވެރިއެއް އެކަހަލަ ބޭކާރު މުބާރާތްތަކަކު އޯކޭ!
ތަންދޮރު އިނގިގެން އުޅެބަލަ
30 December 2017
އީގަލްސް ބައިވެރި ކުރީ ޔޫތް ގައުމީ ޓީމޭ ބުނާ އިރު ރާއްޖޭގެ ޔޫތު ޓީމް ކުރި އަރުވަން އުޅޭ ބައެއްގެ ދޯ ކުޅުތެރިން ގައުމީ ޓީމުގައި ގިނަވާނީ. އީގަލްސް އަދި މާޒިއާ އެކަނި ވިސްނަނީ ދުރު މުސްތަޤްބަލަކަށް. ރާއްޖޭގެ ފުޓްބޯޅާގައި ރަންވަނަ އެންމެ ގިނައިން ހޯދާ ޓީމް ޖެހެނީ ވަގުތީ ޕްލޭންއެއްގައި ކުރިއަށް ދާން. ލަދުގަންނަޖެހެނީ އެހެންވެ.