މާޒިޔާ އަށް ސޮއިކުރުމަށް ފަހު އުމެއިރު ޖޯޒީ ދައްކާލަނީ.-- ފޮޓޯ: މާޒިޔާ
މިދިޔަ ސީޒަނުގައި ގްރީން ސްޓްރީޓްސް އަށް ކުޅުނު ގައުމީ ޓީމުގެ މިޑްފީލްޑަރު މުހައްމަދު އުމެއިރު މާޒިޔާ އަށް ސޮއިކޮށްފި އެވެ.
މިއީ އުމެއިރު މާޒިޔާ އަށް ބަދަލުވި ތިން ވަނަ ފަހަރެވެ. އޭނާ އެންމެ ފުރަތަމަ މާޒިޔާ އަށް ކުޅުނީ 2011 ވަނަ އަހަރު އެވެ. އޭގެ ފަހުން 2015 ވަނަ އަހަރު ޕީޕަލްސް ކަޕަށް ފަހު މާޒިޔާ އަށް ބަދަލުވެ، އެ ޓީމަށް ތިން ސީޒަނުގައި ކުޅެދިނުމަށް ފަހު އެ ޓީމާ ވަކިވީ އެވެ. އުމެއިރު ވަނީ މާޒިޔާގެ ކެޕްޓަން ބޭންޑް އަޅައިގެން ވެސް ގިނަ މެޗުތަކެއްގައި ކުޅެފަ އެވެ. އުމެއިރު މާޒިޔާ އަށް މި ފަހަރު ސޮއިކުރީ ތިން އަހަރުގެ އެއްބަސްވުމެއްގެ ދަށުންނެވެ.
މާޒިޔާ އިން އުމެއިރުގެ ސޮއި ހޯދި އެންމެ ބޮޑު ސަބަބަކީ އޭއެފްސީ ކަޕެވެ. މި ފަހަރުގެ އޭއެފްސީ ކަޕްގެ އިތުރުން މާޒިޔާ އިން ވަނީ މިދިޔަ ސީޒަނުގެ ޗެމްޕިއަންގެ ހައިސިއްޔަތުން އަންނަ ސީޒަނުގެ އޭއެފްސީ ކަޕުން ވެސް ފުރުސަތު ހޯދައިފަ އެވެ. އުމެއިރަކީ އޭއެފްސީ ކަޕްގައި ތަޖުރިބާ ބޮޑު ކުޅުންތެރިއެކެވެ. އޭނާ ވަނީ 2013 ވަނަ އަހަރު އޭއެފްސީ ކަޕްގެ ކުއާޓާ ފައިނަލުގައި ވާދަކުރި ނިއު ރޭޑިއަންޓް ޓީމުގައި މޮޅު ކުޅުމެއް ދައްކައިފަ އެވެ. އަދި މާޒިޔާ އިން މިހާތަނަށް އޭއެފްސީ ކަޕްގައި އެންމެ ރަނގަޅު ނަތީޖާ ނެރުނު 2017 ވަނަ އަހަރުގެ މުބާރާތުގައި އުމެއިރު ވަނީ އެ ޓީމުގެ މެދުތެރޭގައި މޮޅު ކުޅުމެއް ދެއްކި އެވެ.
އުމެއިރު ވަނީ މާޒިޔާއާ އެކު 2011 ވަނަ އަހަރުގެ އެފްއޭ ކަޕާއި 2015 ވަނަ އަހަރުގެ ޕްރެޒިޑެންޓްސް ކަޕާއި 2016 ވަނަ އަހަރުގެ ދިރާގު ދިވެހި ޕްރިމިއާ ލީގުގެ އިތުރުން 2017 ވަނަ އަހަރުގެ އެސްޓީއޯ މާލޭ ލީގުގެ ޗެމްޕިއަންކަން ހޯދައިފަ އެވެ.
2017 ވަނަ އަހަރު މާޒިޔާގެ މެޗެއްގެ ތެރެއިން އުމެއިރު ބޯޅަ ހިފައިގެން. -- ފޮޓޯ: މިހާރު ފައިލް ފޮޓޯ
ވިކްޓަރީ ސްޕޯޓްސް ކްލަބުން ޑިފެންޑަރެއްގެ ގޮތުގައި 2006 ވަނަ އަހަރު ކެރިއަރު ފެށި އުމެއިރު ވަނީ މާޒިޔާ އާއި ވީބީ ސްޕޯޓްސް ކްލަބް އަދި ނިއު އަށް ވެސް ކުޅެ ގިނަ ކާމިޔާބީތަކެއް ހޯދައިފަ އެވެ. ފަހުން އޭނާ ފެނިފައިވަނީ މިޑްފީލްޑަރެއް ނުވަތަ ފޯވާޑެއްގެ ގޮތުގަ އެވެ. އޭނާ ގްރީން ސްޓްރީޓްސް އަށް ބަދަލުވީ މިދިޔަ ސީޒަނަށެވެ. އެ ޓީމުން އެންމެ ފަހުން ކުޅުނު މެޗުތަކުގައި ޓީމުގެ ކެޕްޓަން ބޭންޑް އަޅައިގެން ކުޅުނީ އުމެއިރު އެވެ.
ކޯޗު މުހައްމަދު ނިޒާމް (ނިޒާމްބެ)ގެ ކޯޗުކަމުގައި ކުރިއަށް އޮތް ސީޒަނަށް މާޒިޔާ ނުކުންނައިރު އެ ޓީމު އަންނަނީ އޮކްޓޫބަރު 23 އިން ނޮވެމްބަރު ހަތަރަކަށް މާލޭގައި ކުރިއަށްދާ އޭއެފްސީ ކަޕްގެ ދެކުނު އޭޝިއާގެ ގްރޫޕް ސްޓޭޖުގެ މެޗުތަކަށް ޓީމު ވަރުގަދަ ކުރުމުގެ މަސައްކަތް ކުރަމުންނެވެ. އެގޮތުން މިދިޔަ ސީޒަނުގައި މާޒިޔާ އިން ފެނުނު ގިނަ ކުޅުންތެރިންތަކެއް ކުރިއަށް އޮތް ސީޒަނުގައި ވެސް އެ ޓީމުން ފެންނާނެ އެވެ. މާޒިޔާ އިން ވަނީ ގްރީން ސްޓްރީޓްސް އަށް އެންމެ ފަހުން ކުޅުނު އަސްހަދު އަލީ (އަޑުބަރޭ) ގެންނަން ވެސް ވާހަކަ ދައްކައިފަ އެވެ.
އޭއެފްސީ ކަޕްގައި މާޒިޔާއާ އެކު ދެކުނު އޭޝިއާގެ ގްރޫޕްގައި ރާއްޖޭގެ ޓީސީ ސްޕޯޓްސް ކްލަބް ވެސް ވާދަކުރެ އެވެ. ދެން މި ގްރޫޕްގައި އޮތީ އިންޑިއާގެ ޗެންނާއީ ސިޓީ އަދި ބަންގްލަދޭޝްގެ ޗެމްޕިއަން ބަޝުންދުރާ ކިންގްސް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނައީމްބެ
19 August 2020
އުމޭރަކީ ގަލޮޅު މަދަރުސާގައި 9 އަދި 10 ގެ ކްލާސް މޭޓްއެއް. ޢޭރު ވަރަށް ރައްޓެހި. މިހާރު ދަންނަކަމަށްވެސް ނުހަދަނީޔޭ
މޮޓްސްޖޭ
19 August 2020
2008-2014 ވަނަ އަހަރު އެފްއޭއެމުން ޔޫތު ޑިވެލޮޕްމަންޓް ހުއްޓާލާ، އިންޓަ ސްކޫލް ފުޓުބޯޅަ މުބާރާތް ނުކުޅެ ދޫކުރިހިސާބުން އަދިވެސް އަރައިނުގަނެވިގެން މިއުޅެނީ. މިކަމުގެ ޒިންމާ އޭރުގެ ރައީސުން އަލީ އާޒިމާއި އިލްހާމް އަހުމަދު ނަގަންޖެހޭ. އެދުވަސްވަރު ޒުވާންކުޅުންތެރިން ހޯދުމަށް ކްލަބްތަކަށް އުދަގޫވެ، އަބަދު އެއްކުޅުންތެރިންތަކެއް ގޮވައިގެން އުޅެން މަޖުބޫރުވި. މީގެ 5 ވަރަކަށް އަހަރުފަހުން ރަނގަޅު ކުދިންކޮޅެއް އަލުން ތައާރަފުވާނެކަމަށް އުއްމީދުކުރަން.
އާރީ
19 August 2020
އާކުޅުންތެރިން ތަކެއް ނޫފެދޭ. އަބަދު އެއްބަޔަކު މި އެބުރެނި އެއްޓީމުން އެނެއްޓީމަށް.
ޒޯޒޯ
19 August 2020
ފުޓްބޯޅަ ގެ އިތުރުން ބާސްކެޓް ގެ ވެސް ތިބީ ވަކި ހިއްޕަލާފަ ވަކި ބައެކައް މޮޅުހޯދަ ދޭން ވެގެން ، ވަކިން ސުޕުން އައް
ބަލަ
19 August 2020
ރާއްޖެ ފުޓުބޯޅަ މަތިން މުޅިން ފޫހިވެއްޖެ ނިއު. ވިކްޓަރީ ދުއްވާލީމާ. މަވާ ސަލާމް
ނިމްބެ
19 August 2020
މަވެސް ފޫހިވެއްޖެ ނުވެސް ބަލާނަން ރާއްޖޭގެ ފުޓްބޯޅަ އަށް އަލްވަދާއު ކިޔާއިފިން
މާޔަން25
19 August 2020
ބާދަގަނޑު ގެންދަނީ ދޯ! ތިހަމަ ނިޒާމްބެ އިތުރަށް ޕްރެޝަރަށްދިއުން ފަދަ ކަމެއް. ރާއްޖޭގެ ގައުމީ ޓީމުގެ އެންމެންހެން ތިބެ މާޒިޔާދެވަނަ ބުރަށް ދާނެބާ. އުމޭރަކީ މިހާރު އޭއެފްސީކަޕް ކުޅެންގެންދާވަރުގެ މީހެއްނޫން. ކުޅެވެނީ 45މިނިޓް. އުމުރު 35. މިވަރުގެ ނިންމުމެއް މާޒިޔާއިންނިންމީމަ އެގެނީ އެކުލަބުގެ ވިސްނުންދޯޙަޅިކަން.
މޯޑް
19 August 2020
ނިއުރޭޑިޔަންޓްގެ ހަބަރެއް ދީބަލަ. ހާދަ މިސްވެޔޭ
ބާރު
19 August 2020
ރާއްޖޭ ފުޓުބޯޅައަށް ރާއްޖޭމީހުން އަލްވަދާއުކީތާ މިހާރު ދެއަހަރުވަނީ. މިކަމަށް ނިމުމެއް އަންނާނީ ވަކިހިއްޕާލާފާވާ ފަރާތްތަކުގެ ވަކިތައް ނެއްޓޭ ދުވަހަކުން. އެދުވަހަކުން މަވެސް ރާއްޖޭ ފުޓުބޯޅަބަލަން ދަނޑަށް ދާނަން.