މައެއްގެ އުދާސް: "ޑްރަގް އެޑިކްޓެއް ގެންގުޅުމަކީ މާ ބޮޑު ވޭނެއް"

26 ޖޫން 2022 - 09:13

ހަލީމާ އަހުމަދުގެ (އަސްލު ނަމެއް ނޫން) އުމުރު އެ ހުސްވަނީ ހިތްދަތިކަމާއި ވޭނާއި ކެކުޅުމުގަ އެވެ. ދުނިޔޭގައި ތިބި ހައެއްކަ ކުދިންގެ ތެރެއިން ތިން ވަނަ އަށް އެންމެ ބޮޑު ފިރިހެން ދަރިފުޅު ވަނީ މަސްތުވާތަކެއްޗަށް ގޮސް ހުސްވެފަ އެވެ. އޭގެ ސަބަބުން އޭނާއާ އާއިލާގައި ދެން ތިބި މީހުންނާ އެއްވެސް ގުޅުމެއް ނެތެވެ.

އެކަމަކު ދަރިފުޅު ރަނގަޅު މަގަށް ގެނައުމަށް، މައެއްގެ ހައިސިއްޔަތުން ހަލީމާ ހުރިހާ ބުރައެއް އުފުލައިފި އެވެ. އެ ވަބާއިން އޭނާ ސަލާމަތްކުރަން ކައިރި ގައުމުތަކަށް ފޮނުވައިގެން ވެސް ފަރުވާ ދީފި އެވެ. އެކަމަކު، 14 އަހަރުގައި މަސްތުވާތަކެތި ބޭނުންކުރަން ފަށައި އުމުރުން 40 އަހަރުވީއިރު ވެސް އެކަމުން އޭނާ އަކަށް އަރައެއް ނުގަނެވުނެވެ.

އެއާއެކު، ރަނގަޅަށް ނުކެވި، ނުނިދި ހަލީމާގެ ދިރިއުޅުން ވަށާލާފައި ވަނީ އަނދިރިކަމެވެ. އޭނާ ބުނާގޮތުން، ހިތާމަ ނޫން އެއްޗެއް އެ ދިރިއުޅުމަށް މިހާރު ބޭނުންވެ އެވެ.

އެއީ، ޑްރަގަށް ދެވޭނެ ފަރުވާއެކެވެ. އޭނާ އިންޒާރު ކުރަނީ އެ ފަރުވާ ދެވޭނެ ދުވަހަކަށެވެ. ފަރުވާ އަށް އޭނާގެ ދަރިފުޅު ގެންދެވޭނެ ދުވަހެކެވެ. އެކަމަކު ރާއްޖޭގައި މިހާރު ފަރުވާގެ ނިޒާމު އޮތް ގޮތުން ހަލީމާގެ އޮތީ ހުސް ޝަކުވާ އެވެ.

މިއީ، ހަލީމާގެ ވާހަކަ އެވެ.