ގްރޫޕް މާރާމާރީތަކުން ސަލާމަތްވުމަށް، މިހާރު 30 އަހަރުގެ އަހުމަދު ހާލިދު ބޭނުންކުރަން ފެށީ (އަސްލު ނަމެއް ނޫން) މަސްތުވާތަކެއްޗެވެ. އެ ހިޔާލު އޭނާއަށް ލިބުނީ ވެސް، މައްސަލައެއްގައި ޖަލަށްލި ބުރެއްގައި އެ ތަނުން ދިމާވި މީހެއްގެ ފަރާތުންނެވެ.
އޭނާ ބުނި ގޮތުގައި ފުރަތަމަ ދޮޅު އަހަރު ވަންދެން ހަކުރު ބޭނުންކުރީ ނިދާ ބޭހެއްގެ ގޮތުގަ އެވެ. ނަމަވެސް އޭގެ ސަބަބުން މީހާ ބަލިކަށިކޮށްލާކަން އެނގުނީ މާ ފަހުން ކަމަށް ވެސް ހާލިދު ބުންޏެވެ.
އެކަމަކު، އޭނާއަށް އެކަން ރޭލާލިއިރު ވަގުތު ފާއިތުވެއްޖެ އެވެ.
އެ ވަބާއިން އޭނާ އަށް ސަލާމަތްނުވެވި މިހާރު 15 އަހަރު ވަނީ އެވެ. އެކަމުން އަރައިގަނެ، ރަނގަޅުވާން ބޭނުންވިޔަސް އެފަދަ މާހައުލެއް ނެތް ކަމަށް އޭނާ ބުނެ އެވެ.
މި ވީޑިއޯގައި ހާލިދު ކިޔައިދެނީ މަސްތުވާތަކެތީގެ ތެރެއަށް ވަދެވުނު ގޮތާއި އެކަމުން ސަލާމަތްވާން އޭނާ އަށް އޮތް ދޮރުތައް ބަންދުވެފައި އޮތް ވާހަކަ އެވެ.