"މައި ހުޅުމާލެ ވޮލީބޯލް ކޭމްޕް 2021" ގެ ނަމުގައި އެޗްޑީސީން ހުޅުމާލޭގައި ވޮލީބޯޅަ ކޭމްޕެއް ފަށައިފި އެވެ.
އުމުރުން 12-15 އަހަރާ ދެމެދުގެ ދެޖިންސުގެ ކުދިންނަށް ހާއްސަކޮށްފައިވާ މި ކޭމްޕުގައި ބައިވެރިކޮށްފައި ވަނީ 80 ކުދިންނެވެ.
އެޗްޑީސީން ބުނީ، ކޭމްޕުގެ މަގްސަދަކީ ވޮލީބޯޅައިގެ އަސާސީ ހުނަރު ދަސްކޮށްދިނުމާއި އެ ކުޅިވަރަށް ޝައުގުވެރިކަން އުފެއްދުން ކަމަށެވެ.
މިދިޔަ ބުރާސްފަތި ދުވަހުން ފެށިގެން ހަފުތާއަކަށް ކުރިއަށް ގެންދާ މުބާރާތް ނިންމުމުގެ ކުރިން، ކުދިންގެ މެދުގައި އެއް ދުވަހުގެ ވޮލީ މުބާރާތެއް ބާއްވާނެ ކަމަށް ވެސް އެޗްޑީސީން ބުންޏެވެ.
އެޗްޑީސީން ވަނީ މި އަހަރުގެ ޖެނުއަރީ މަހު ވޮލީ މުބާރާތެއް ވެސް ބާއްވައިފަ އެވެ. އެ ކުންފުނީގެ އިޖުތިމާއީ ހަރަކާތްތަކުގެ ތެރެއިން ކުރިއަށް ގެންދާ ވޮލީގެ ހަރަކާތްތަކުގައި އިސްކޮށް ހަރަކާތްތެރިވަނީ ގައުމީ ވޮލީ ޓީމުގެ ކޯޗު މުހައްމަދު ސާޖިދު (ކާއްޓޭ) އެވެ.